Connect with us

تازه خبرونه

د قطر په دوحه کې د افغانانو خپلمنځي ناسته وځنډېده

Avatar

خپور شوی

 په

(Last Updated On: وری ۲۹, ۱۳۹۸)

ټاکل شوې وه، چې د پنچشنبې پر ورځ( د وري ۲۹) د افغانستان د حکومت، ګوندونو او سیاسي بهیرونو د دوه پنځوس ښځو په ګډون دوه سوه پنځوس کسیز پلاوي له کابل څخه قطر سفر وکړي.

ویل کیږي، چې په دوحه کې د جمعې او شنبې پر ورځو د طالبانو او افغان پلاوي خبرې له ستونزو سره مخ شوې؛ ځکه، چې د سرچینو په خبره دولت او طالبان د مرکچي پلاوي د ترکیب پر سر وران شول او طالبان حاضر ندي، چې په قطر کې له ټول دوه سوه پنځوس کسیز افغان پلاوي سره وګوري

یو شمېر سرچینو آریانا نیوز ته په ډاګه کړې، چې د پلاوي په جوړښت کې د ستونزو پر لامل دغه  سفر تر ناڅرګند وخته ځنډیدلی؛

ځکه، چې دولت او طالبان د مرکچي پلاوي د نوملړ پر ترکیب  وران شوي او طالبانو د افغان پلاوي له ټولو غړیو سره خبرې نکوي.

یوه غربي دیپلومات رویترز خبري آژانس ته ویلي، د دوحې ناستې تر سره کیدو لپاره پر نوې نېټې کار روان دی او افغان دولت د دې ناستې تر سره کیدو لپاره چاره نلري او باید د پلاوي په ترکیب کې بدلون راولي.

په افغانستان کې د ناتو ملکي سفیر  نیکولاس کي ویلي، چې د دوحې مذاکرات د سولې خبرې ندي؛ دا نورو  پړاوونو ته یوه مقدماتي ناسته ده. ګډون کوونکي د حکومت لخواګډون کوي، که د فرد په توګه هم وګڼل شي، بیا هم یوه ښه موضوع ده، چې هغوی له طالبانو سره خبرې کوي. دا رسمي خبرې ندي. دا یوه ناسته ده، چې د خبرو اترو ښکېل لوري یو او بل درک کړي.

له طالبانو سره د خبرې کوونکي پلاوي غړی رنګین دادفر سپنتا وایي: که منل شوي وي، چې خبرې همدا پلاوی تر سره کړي؛ نو  غواړم ووایم، چې له تګ مخکې له ماتې سره مخ دی.

داسې ښکاري، چې د کابل پلاوی دوه ټوټې شوی؛ یو شمېر څېرې د قطر په ناسته کې له ګډون ډډه کوي او  له طالبانو سره ناستې ته هم زړه نه ښه کوي.

له طالبانو سره خبرې کوونکي پلاوي غړې شاه‌گل رضایي وایي، چې د دغې ناستې وړاندوینه ستونزمنه ده؛ خو د خلکو تمې هم باید له واقعیتونو سره مطابقت ولري. لاسته راوړنې او ستر بدلونونه په یو-دوه ناستو کې هم د منلو نده.

طالبانو ته نږدې سرچینو د قطر ناستې ته د طالبانو د ۲۵ کسیز پلاوي د نوملړ له وروستي کیدو خبر ورکړی؛ خو  د څرګندونو له مخې په ولسمشرۍ ماڼۍ کې د پلاوي د ترکیب د بدلون په اړه خبرې روانې دي.

د طالبانو په دې نوملړ کې د عباس ستانکزي، سلام حنفي، امیرخان متقي، عبداللطیف منصور، مطیع الحق خالص، عبدالمنان عمري، سیدرسول حلیم، شهاب الدین دلاور، دین محمد، عبدالرحمن مدني، ملا زاهد احمدزي، سهیل شاهین، محمد فضل مظلوم، خیرالله خیرخواه، محمد نبي عمري، عبدالحق واثق، ملا نورالله نوري، صیاالحق مدني، عبدالاحد جهانگیروال، امار یاسر، مزارګل صالح، محمد نعیم وردک، ملا داوود عابد، محی الدین سادات او  رسول الحق عزیز نومونه راغلي دي.

تېره ورځ طالبانو د حکومت هغه ۲۵۰ کسیزه نوملړ د خندا وړ وګاڼه، چې د حکومت پر استازیتوب اعلان شوی و.

ویل کیږي، چې د قطر ناسته د اندونو د نږدې کولو لپاره ده؛ نه د حکومت او طالبانو د سولې لپاره.

د پلاوي په خبره د طالبانو او حکومت خپلمنځي ناسته به ډېر ژر په سمرکند  کې تر سره شي.

خبریال: باعث حیات

تازه خبرونه

د افغانستان فوټبال ملي لوبډلې د لوبو وخت ښکاره شو

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د ۲۰۲۲ کال د قطر نړیوال جام په لومړنیو سیالیو او د ۲۰۲۳ کال د چین آسیایي جام په فوتبال سیالیو کې، چې د افغانستان  د ملي لوبدلې د لوبو وخت ځنډول شوی و؛ اوس ښکاره او مشخص شو.

د آسیا فوټبال کنفدراسیون د څرګندونو له مخې؛ ټاکل شوې، چې د افغانستان فوټبال ملي لوبډله به د روان کال د تلې پر ۱۷ له بنګله دیش او پر ۳۳ له عمان سره ولوبیږي.

پتېیل شوې وه، چې د افغانستان فوټبال ملي لوبډله به د روان کال د وري په میاشت کې دا دوه ملي سیالۍ تر سره کړي؛ خو د کورونا ویروس د خپریدو له وېرې ځنډول شوې وې.

له دې سره همهاله د افغانستان فوټبال فدراسیون ملي لوبدلې د امیر محمد له وردانګلو خبرورکړی دی.

د افغانستان فوټبال فدراسیون په ډاګه کړې، چې په روسیې لومړي لیګ کې د لجیون ډینامو لوبډلې ۲۴  کلن منډه وهونکی امیر محمد به د نړیوال جام سیالیو او آسیا جام سیالیو کې د راتلونکیو دوه لوبو لپاره د افغانستان له ملي لوبډلې سره مل شي.

د یادونې ده، چې امیر محمد تېر کال د افغانستان فوټبال ملي لوبډلې رابللی و؛ خو د روسیې په لومړي لیګ کې د ټاکل شويو مقرراتو له مخې؛ هغه لوبغاړي، چې د روسیې تابعیت لري د بل هېواد لپاره د لوبې کولو اجازه نلري، ونشو کولی، چې د افغانستان فوټبال ملي لوبډلې جامې واغوندي.

په دې توګه، امیر محمد اوس پرېکړه کړې، چې د روسیې لیګ پریږدي او د افغانستان لپاره د لوبې ویاړ تر لاسه کړي.

Continue Reading

تازه خبرونه

په بدخشان کې د سړک غاړې ماین چاودنې ۱۱ سیمه ییز پولیس وژلی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د بدخشان ولایت امنیتي چارواکو ویلي، چې د سړک غاړې د ماین چاودنې په پایله کې ۱۱ سیمه ییزو پولیسو ساه ورکړې ده.

د دې ولایت د پولیسو ویاند ثنا الله روحاني ویلي، چې دا پېښه تېره شپه ۱۱ بجې د دې ولایت د خان ولسوالۍ د درخوان په اړوند سیمه کې رامنخته شوې ده.

د نوموړي د څرګندونو له مخې په دې پېښه کې د سیمه  ییزو پولیسو قومندان مزاري له خپلو ۱۰ ساتونکیو سره وژل شوی دی.

روحاني دا هم ویلي، چې د قومندان مزاري موټر هغه مهال له دې چاودنې سره مخ شو، چې غوښتل یې د امنیتي ځواکونو له یوې پوستې سره مرسته وکړي.

د بدخشان د پولیسو ویاند زیاته کړې، چې په درخوان ولسوالۍ کې د طالبانو او سیمه ییزو پولیسو له نښتې خاش ولسوالۍ ته د طالبانو نومول شوی ولسوال حمید الله له خپلو دوه ساتونکیو سره وژل شوی دی.

طالبانو تر دې دمه په دې اړه څه ندي ویلي.

ویل کیږی، چې بدخشان د هېواد یو له ناامنو ولایتونو څخه دی، چې په یو شمېر ولسوالیو کې یې طالبان داعش او القاعده پراخې هڅې تر سره کوي.

Continue Reading

تازه خبرونه

د افغانستان د سولې بهیر د چتکولو لپاره سیمې ته خلیلزاد سفر پیل کړی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

 امریکا ویلي، چې د افغانستان د سولې لپاره د امریکا ځانګړي استازي زلمي خلیلزاد د سیمې هېوادونو ته خپل کاري سفر پیل کړی دی.

د امریکا بهرنیو چارو وزارت په ډاګه کړې، چې خلیلزاد تېره ورځ دوحې، اسلام آباد او کابل ته روان شوی دی.

یاد وزارت دا هم څرګنده کړې، چې د خلیلزاد له دې سفره موخه په افغانستان کې د ښکېلو لوریو تر منخ د سولې راوستلو لپاره پر خپلمنځي خبرو هوکړه ده.

د دغو څرګندونو له مخې به خلیلزاد په کابل کې د امریکا او طالبانو د سولې راوستو د هوکړې او د واشنګټن او کابل د اعلامیې او دغه راز د اورکم او طالب بندیانو د خوشې کولو په اړه له ټولو لوریو سره خبرې اترې ولري.

دا په داسې حال کې ده، چې امریکایي ځواکونو د پنجشنبې پر ورځ د طالبانو پر سنګرونو دوه هوایي بریدونه کړي دي.

په افغانستان کې د امریکایي ځواکونو ویاند ساني لګیت په خپل یوه ټویټ کې څرګنده کړې، چې د اختر له اوربند وروسته امریکایي ځواکونو له افغان ځواکونو څخه د ملاتړ په موخه د طالبانو پر سنګرونو هوایې بریدونه کړي دي.

د نوموړي د څرګندونو له مخې؛ د امریکا هوایي ځواک په فراه کې پر ۲۵ جنګیالیو هوایي برید کړی او دغه راز په کندوز ولایت کې هغه وسلوال طالبان بمبارد شویو، چې پر افغان خواکونو یې د برید هڅه کوله.

Continue Reading

Trending