Connect with us

تازه خبرونه

د غني او رحمان تر منځ د همکاریو دوه اړخیز تړونونه لاسلیک شول

خپور شوی

 په

(Last Updated On: وری ۱۰, ۱۴۰۰)

د تاجکستان د ولسمشرۍ د رسنیو دفتر په ډاګه کړې، چې افغانستان او تاجکستان د دوشنبې پر ورځ د دې هېواد په پلازمېنه (دوشنبه) کې د ولسمشر غني د دوه ورځني سفر پر مهال د همکاریو دوه اړخیز تړونونه لاسلیک کړل.

د سرچینې د څرګندونو له مخې؛ یاد تړون د افغانستان ولسمشر محمد اشرف غنی او د تاجکستان ولسمشر امام علی رحمان ترمنځ د یو لړ مراسمو په ترڅ کې لاسلیک شو.

تمه ده، چې د لږ تر لږه ۵۰ هېوادونو د بهرنیو چارو وزیران او استازي به په دې کنفرانس کې ګډون وکړي، چې په افغانستان کې د سولې او پرمختګ لپاره د سیمه ییزې اجماع د پیاوړتیا پر لارو به بحث وشي.

د رحمان د رسنیو دفتر څرګنده کړې، چې لاندې سندونه د دواړو مشرانو ترمنځ لاسلیک شوي:

د افغانستان او تاجکستان تر منځ د هڅ، لارې تر سرلیک لاندې سیاسي، امنیتي، سوداګریز، ترانزیټي، هوکړې لاسلیک او د انرژيۍ او فرهنګي همکاریو ټینګار رامنځته شو.

د تاجکستان او د افغانستان د کورنیو چارو وزارتونو تر منځ د همکاریو د پلي کېدو  ډاډ څرګند شو.

دواړو هېوادونو د تروریزم، نړیوال جرم، د مخدره توکو قاچاق او نورو جرمونو پر وړاندې د مبارزې هوکړه او ټینګار وکړ.

دغه راز د تاجکستان او افغانستا د علومو اکاډمۍ تر څارنې لاندې د ژبې او اصطلاحاتو د کمېټې ترمنځ هوکړه ليک لاسليک شو، چې په دې اړه به همکاري کیږي.

د تاجکستان او افغانستان ترمنځ  د محاسبې او پلټنې په برخو کې د همکارۍ هوکړه رامنځته شوه.

د تاجکستان او افغانستان د صنایعو او کانونو خونو تر منځ د سوداګرۍ شورا د جوړولو هوکړه رامنځته شوه.

د همکاریو د نويو تړونونو د لاسلیک له مراسمو وروسته دواړو ولسمشرانو په یوه مطبوعاتي کنفرانس کې وینا وکړه او د دوی د ناستې پایلې یې وستایلې.

تازه خبرونه

په قطر کې له چینایي چارواکو سره د اسلامي امارت د مشرانو لېدنې روانې دي

خپور شوی

په

توسط

(Last Updated On: لړم ۴, ۱۴۰۰)

ټاکل شوې، چې د طالبانو د بهرنیو چارو سرپرست وزیر امیر خان متقي د قطر په پلازمېنه دوحه کې د چین د بهرنیو چارو له وزیر وانګ يي سره پر دوه اړخیزو مسایلو خبرې وکړي.

د اسلامي امارت ویاند ذبیح الله مجاهد په یوه ټویټ کې څرګنده کړې، چې نن سې شنبه به د قطر هېواد په دوحه کې پر ځایي وخت اته نیمې بجې د افغانستان اسلامي امارت د بهرنيو چارو وزیر محترم مولوي اميرخان متقي په مشرۍ يو پلاوی د چين د بهرنيو چارو وزیر سره په یوه مهمه غونډه کې ګډون وکړي.

د نوموړي د څرګندونو له مخې؛ په دغه غونډه کې به د افغانستان او چين ترمنځ پر مهمو سياسي، ټولنیزو او نورو موضوعاتو بحث وشي.

دغه راز ویل کیږي، چې د چین د بهرنیو چارو وزیر وانګ يي تېره ورځ د قطر په پلازمېنه دوحه کې د اسلامي امارت د اقتصادي چارو له مرستیال ملا عبدالغني برادر پر مشرۍ له یوه پلاوي سره لیدلي دي.

د ذبیح الله مجاهد د څرګندونو له مخې، په دې کتنه کې پر اقتصادي او سیاسي وضعیت او د دواړو هېوادونو ترمنځ د سوداګریزو اړیکو پر پیاوړتیا تمرکز شوی دی.

د یادونې ده، چې په کابل کې د ایران سفیر آریانانیوز ته ویلي؛ د روانې اوونۍ د چارشنبې په ناسته کې به د اسلامي امارت د استازي له حضور پرته د ایران، پاکستان، ازبکستان، تاجکستان، ترکمنستان، روسیې او چین د بهرنیو چارو وزیرانو یوه ګډه ناسته د افغانستان د اقتصادي او امنیتي ستونزو او ټولمنلي حکومت په اړه جوړه شي.

Continue Reading

تازه خبرونه

امریکا له ا.ا.ا سره جګړه وبایلله؛ نو بیا یې خبرو ته مخه کړه ـ خلیلزاد

خپور شوی

په

توسط

(Last Updated On: لړم ۴, ۱۴۰۰)

د افغانستان د سولې لپاره د امریکا پخواني استازي زلمي خلیلزاد ويلي؛ امریکا د جګړې په ډګر کې د طالبانو پر وړاندې جګړه وبایلله؛ خو  د بدیل په توګه یې د سولې خبرې غوره کړې.

خلیلزاد وايي؛ امریکا غوښتل، چې د سولې د خبرو پایله بل ډول وي. نه هغه څه، چې د اګست پر ۱۵رامنځته شول.

خلیلزاد له سي بي اس سره په مرکه کې څرګنده کړې، چې که اشرف غني د ائتلافي حکومت د جوړولو لپاره سیاسي هوکړې ته غاړه ایښې وی؛ منځلاريو طالبانو (اسلامي امارت) به په حکومت کې مهم رول لوباوه.

 د خلیلزاد په وینا، امریکا په خپل ماموریت کې د القاعدې د ځپلو په برخه کې بریالۍ شوې، خو د ډیموکراسۍ او ډیموکراټیکو ارزښتونو په ټینګولو کې پاتې راغلې ده.

د زلمي خلیلزاد د څرګندونو له مخې؛ که یو ټولمنلی حکومت جوړ نشي او بشري حقونو ته درناوی نه وي، د افغانستان د بهرنیو اسعارو زیرمې به کنګل او اقتصاد به له سقوط سره مخ شي.

خلیلزاد زیاتوي؛ دا به د اقتصادي بحران لامل شي او په پای کې به په افغانستان کې نوې کورنۍ جګړه پیل شي.

دغه پخواني امریکايي ډیپلوماټ دا هم ويلي؛ پوښتنه دا ده، چې ( پخوانی) ولسمشر غني ولې وتښتېد؟! که غوښتل یې د سولې لپاره له واکه لرې شي؛ نو تصور وکړئ، چې که هغه دا کار یو کال یا شپږ میاشتې مخکې وړاندیز کړی وی؛ نو دواړو لوریو ته د منلو وړ کس به د حکومت په واک کې و، خو هغه داسې ونکړل.

د هغه په ​​وينا؛ د امريکا شل کلن حضور په افغانستان کې د ټولنيز بدلون لامل شو؛ د اوسني حکومت( د افغانستان اسلامي امارت) ساتل نه یوازې د سیمې او نړۍ پر ګټه دی، بلکې ملي یووالی هم پرې رامنځته کېدی شي.

Continue Reading

تازه خبرونه

د ایران سفارت د افغانستان په تړاو د تهران د جوړیدونکې ناستې اجنډا په ډاګه کړه

خپور شوی

په

توسط

(Last Updated On: لړم ۳, ۱۴۰۰)

په کابل کې د ایران سفیر آریانانیوز ته ویلي، چې د روانې اوونۍ د چارشنبې په ناسته کې به د ایران، پاکستان، ازبکستان، تاجکستان، ترکمنستان او چین د بهرنیو چارو وزیران د افغانستان د اقتصادي او امنیتي ستونزو او ټولمنلي حکومت په اړه خبرې وکړي.

په کابل کې د ایران سفیر بهادر امینیان  له آریانا نیوز سره په مرکه کې ندي ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

نوموړي زیاته کړې، چې د یادې ناستې ګډونوال به د افغانستان خلکوته د بشري مرستو د استولو او همداراز د اوږدمهاله او پراختیايي پروژو په اړه هم خبرې وکړي.

هغه وایي: تر یوه حده باید د افغانستان د خلکو لپاره د ژوندانه ښه شرایط برابر شي؛ نه یوازې د افغانستان له خلکو سره مرستې اړینې دي، بلکې اوږدمهاله او پراختیايي پروژې همه یو له هغو مسایلو دي، چې کولی شي د افغانستان د خلکو لپاره ښه شرایط برابر او په دې توګه خپله خپلواکي او آزادي وساتي.

نوموړي زیاته کړې؛ د تهران په ناسته کې د پاکستان، ازبکستان، تاجکستان او ترکمنستان د بهرنیو چارو وزیران ګډون کوي او د چین د بهرنیو چارو وزیر به په مجازي توګه په یاده ناسته کې ونډه ولري؛ خو تر اوسه په دغه ناسته کې د روسیې ګډون تائید شوی ندی.

ایران ندي ویلي، چې آیا اسلامي امارت یې هم یادې ناستې ته بللی کنه؛ خو د افغانستان اسلامي امارت ويلي، چې په یاده ناسته کې ګډون نکوي.

امینیان حرګندوي؛ په تېرو څو لسیزو کې د دغه هېواد حاکمانو د خپلواکۍ، عزت او امنیت په تړاو خپل لازم مسوولیتونه ندي پوره کړي. هیله من یم، چې د افغانستان اوسني چارواکي دغه مسوولیت درک او د خپلو خلکو ستونزې حل کړي.

که څه هم د پخواني حکومت چارواکو به تل پر ایران د افغانستان په کورنیو چارو کې د لاسوهنې تور پورې کاوه؛ خو اوس په کابل کې د ایران سفیر د پخواني حکومت پر چارواکو نیوکه کوي او له اسلامي امارته غواړي، چې د افغانستان د خلکو ستونزې حل او خپل مسوولیت په سمه توګه تر سره کړي.

Continue Reading

Trending

آریانا نیوز: ټول حقونه خوندي دي