Connect with us

تازه خبرونه

د غزني د اندړ ولسوالۍ په اړوند سیمه کې موتر بم برید مرګ و ژوبله اړولې

خپور شوی

 په

(Last Updated On: ليندۍ ۱۹, ۱۳۹۹)

د غزنی ولایت سیمه ییزو چارواکو ویلي؛ تېره شپه وسلوالو طالبانو د دې ولایت د اندړ ولسوالۍ په اړوند سیمه کې موتربم چاودنه کړې.

د غزني والي ویاند وحیدالله جمعه زاده زیاته کړې، چې طالبانو تېره شپه د اندړ ولسوالۍ په اړوند سیمه کې د هاموي ټانک پر مټ چاودنه کړې؛ درې سرتېري یې وژلي او دوه نور ټپیان دي.

هغه زیاته کړې، چې په اړوند سیمه کې امنیتی ځواکونو یو مازدا موتربم هم کشف کړی دی.

د غزنی والي ویاند زیاته کړې، چې سیمې ته مرستندوی ځواکونه رسیدلي او وضعیت اوس ښه دی.

ملي دفاع وزارت څرګنده کړې، چې تېره شپه طالبانو د غزنی ولایت په اندړ ولسوالۍ کې د افغان ځواکونو پر یو مرکز برید کړی، چې دوه عسکر یې وژلي او درې نور یې ټپیان کړي دي.

د ملي دفاع وزارت د څرګندونو له مخې؛ د طالبانو او افغان ځواکونو تر منځ نښتې د چارشنبې تر سهاره روانې وې.

په خبرپاڼه کې راغلي: د طالبانو برید شنډ شوی او دې ډلې ته درنده مرګ و ژوبله اوښتې ده.

د دغه وزارت د څرګندونو له مخې: یو ځانمرګي بریدګر، چې غوښتل یې خپل د چاودیدونکیو توکو ډک موتر د ملي اردو یو مرکز ته نږدې وچوي؛ موخې ته له رسیدو مخکې ووژل شو.

طالبانو تر دې دمه په دې اړه رسنیو ته څه ندي ویلي.

تازه خبرونه

خصوصي سکتور به د هېواد په اقتصادي وده کې کارنده ونډه ولري

خپور شوی

په

توسط

(Last Updated On: تله ۲, ۱۴۰۰)

اسلامي امارت د صنعت او سوداګرۍ وزارت ته نوی چارسمبالی له سوداګرو غوره کړی دی.

نن پنجشنبه د تلې پر لومړۍ په یو لړ مراسمو کې د صنعت او سوداګرۍ وزارت نوی چارسمبالی معرفي شو.

د بهرنیو چاروزارت مسوولین وايي؛ ژر به د سیمې له هېوادونو سره د افغانستان اقتصادي اړیکي تنظیم او له دې سره به په سیمه ییزه کچه د اقتصادي فعالیتونو مثبته اغېزه رامنځته شي.

د افغانستان د بهرنیو چارو وزارت چارسمبالي امیرخان متقي ویلي: مونږ د خصوصي سکتور د اقتصادي فعالیتونو د ښه تر سره کولو لپاره د صنعت او سوداګرۍ وزیر له خصوصي سکتوره غوره کړ. هیله ده، چي خصوصي سکتور هم د هېواد په اقتصادي وده کې کارنده ونډه ولري.

د صنعت او سوداګرۍ وزارت چارسمبالی ويلي؛ هڅه به وکړي، چې د هېواد د اقتصادي بسیاینې لپاره په سیمه ییزه او نړیواله کچه اقتصادي اړیکې پراخې کړي.

د صنعت او سوداګرۍ وزارت چارسمبالی نورالدین عزیز وایي: زمونږ هڅه دا ده، چې افغانستان بسیا او اقتصادي ستونزې یې اوارې شي؛ له سیمي او ګاونډ هېوادونو سره په ځانګړي توګه له امریکا، انګلستان، متحده عربي اماراتو او یو شمېر نورو هېوادونو سره دوه اړخیزو اړیکي وپالل شي.

خصوصي سکتور د هېواد د اقتصادي پراختیا لپاره د خپل نظام او ولس ترڅنګ دریدو ته چمتووالی ښودلی او ژمنه کوي، چې په هېواد کې به د پانګونې بهیر او د اقتصادي فعالیتونو د پراختیا په اړه باوري ګامونه واخلي.

د خصوصي سکتور د خونو فډراسیون مرستیال خانجان الکوزی وایي: د اقتصادي پراختیا لپاره امنیت خورامهم دی او له فساد سره مبارزې هم تر ډېره دا ستونزه حل کړې او مونږ به خپل فعالیتونه نور هم پراخه کړو.

د صنایعو او کانونو خونې مشر شېرباز کمین زاده ویلي: تر هغې، چې مونږ په هېواد کې د صنعت او کورني تولید د پراختیا لپاره هڅې ګړندۍ نکړو؛ ښايي اقتصادي پراختیا رامنځته نشي. له اسلامي امارت هم غواړو، چې د کورنيو تولیداتو د پراختیا لپاره هڅې تر سره کړي.

د افغانستان د اسلامي امارت مسوولینو د خصوصي سکتور غړیو ته ډاډ ورکړی، چې د کورنيو پانګوالو د امنیت، خوندیتوب او دوی ته د اقتصادي فعالیتونو لپاره ډاډمنه زمینه برابره کړي.

Continue Reading

تازه خبرونه

افغانستان د درملو له کمښت سره مخ دی

خپور شوی

په

توسط

(Last Updated On: تله ۱, ۱۴۰۰)

رویټرز راپور ورکوي چې افغانستان او د هیواد د تګ راتګ د ګډوډۍ له امله د درملو له کمښت سره مخ دی.

د روغتیا نړیوال سازان ویلي، چې په افغانستان  کې روغتیایي سیستم دړې وړې کېدونکی دی او انساني ناورین به ښایي ژر را منځته شي.

دا ټولنه وایي، چې که په دې برخه کې پام ونشي؛ افغانستان به له انساني ناورین سره ژر مخ شی.

د روغتیا نړیوال سازمان مشر کابل ته په سفر کې څرګنده کړې، چې د ناپېیلتیا د اصولو او د ملګرو ملتونو خپلواکۍ ته په کتو به د میلیونونو افغانانو د ژغورنې لپاره خپلې هڅې روانې وساتي.

د روغتیا نړیوال سازمان وایي، چې د افغانستان روغتیایي سکتور پر بانکونو د بندیزونو د لګېدو له کبله د دړې وړې کېدو له ګواښ سره مخ دی او د یو انساني ناورین شونتیا یې را منځته کړې ده.

د روغتیا نړیوالې ټولنې مشر ټډروس آډهانوم ویلي: د مالي مرستندویانو د ملاتړ کمی په افغانستان کې د روغتیایي پروژو پر وړاندې لویه ستونزه ده. زرګونه روغتیایي مرکزونه بودجه نلري او دا مهال طبي تجهیزاتو ته اړتیا ده او کارکوونکیو ته یې معاش ندی ورکړ شوی، ځینې مرکزونه بند شوي او دا مهال اوولس سلنه روغتیایي مرکزونه فعاله دي.

د کابل بازارونو کې د درملو عمده پلورونکي وایي، چې د پولو تړل کېدو له کبله څلویښت سلنه درمل کم شوي او ناروغانو ته نه رسیږي.

درمل پلورونکی زاهد الله وایي، چې له یوې میاشتې را پدیخوا یې درمل ندي وارد کړي او لامل یې د پولو تړل کېدا ده.

درمل پلورونکی مسیح وایي: ځمکنۍ او هوایي پولې د درملو د واردولو لپاره تړل شوي دي؛ مونږ د درملو له کمښت سره مخ یوو؛ د زړه، فشار او سرطاني ناروغیو درمل نلرو او اوس نه راځي.

د روغتیایي نظام د پاشل کېدو خبرداری په داسې حال کې ورکول کیږي، چې د روغتیا نړیوال سازمان مشر د یوه پلاوي په مشرۍ کابل ته راغلی و.

Continue Reading

تازه خبرونه

پر افغانستان لګول شوي اقتصادي بندیزونه دې پای ته ورسیږي – چین

خپور شوی

په

توسط

(Last Updated On: تله ۱, ۱۴۰۰)

د چین دولتي سلاکار او د بهرنیو چارو وزیر وانګ یي څرګنده کړې، چې پر افغانستان لګول شوي یو اړخیز بندیزونه یا  بېلابېل محدودیتونه باید ژر تر ژره لرې شي.

د چین د بهرنیو چارو وزارت څرګنده کړې، چې وانګ د چارشنبې پر ورځ د افغانستان په اړه د جي ـ۲۰ هېوادونو د بهرنیو چارو وزیرانو په ویډیوي ناسته کې پر افغانستان د لګول شويو اقتصادي بندیزونو د لرې کولوغوښتنه کړې ده.

نوموړي ویلي: د افغانستان د اسعارو او پیسو زیرمه د دې هېواد ملي شتمنۍ ده، چې د همدغه خلک باید باید ورته لاسرسی ولري او باید پر افغانستان او افغانانو د سیاسي فشار د رامنځته کولو لپاره ونکارول شي.

دا په داسې حال کې ده، چې د افغانستان اسلامي امارت یوه ویاند ویلي؛ د چین، روسیې او پاکستان استازیو کابل ته په یوځایي سفر کې له چارواکو سره لیدلي؛ د حکومت پر رسمیت پېژندل او د افغانستان اقتصادي بحران مخنیوی یې د بحث او خبرو سرټکي وه.

Continue Reading

Trending

آریانا نیوز: ټول حقونه خوندي دي