Connect with us

نړۍ

د عراق په شمال کې د اسلامي دولت اورپکو ۸۰ کردي ایزدیان وژلي

خپور شوی

 په

(Last Updated On: زمری ۲۵, ۱۳۹۳)

19026_658

د عراق کردي چارواکي وايي، د عراق د شمال په یو کلي کې د اسلامي دولت اورپکو ۸۰ کردي ایزدیان وژلي دي.

یو لوړ پوړي کردي چارواکي ویلي، چې په عراق کې د اسلامي دولت اورپکي تېره ورځ غرمه مهال یاد کلي ته ورننوتي او د ایزدیانو پر عاموژنه یې لاس پورې کړی دی.

د دغه کردي چارواکي په وینا؛ اورپکو دغو خلکو ته ویلي، چې یا به اسلام مني او یا به وژل کیږي.

دغه راز یو ایزدي قانونپوه او یو بل لوړپوړي کردي چارواکي په ډاگه کړې، چې د اسلامي دولت اورپکو له دې کلي یو شمېر ښځې هم له ځان سره وړي دي.

له پېښې ژوندي پاتې شوي کسان وایي، چې دغه عاموژنه د یو ساعت په ترڅ کې تر سره شوې ده.

د عراق په شمال کې د اسلامي دولت د اورپکو خوزښتونو، چې له کردستان سره گډه پوله لري د عراق دولت ډېر اندېښمن کړی دی.

د عراق د بشري حقوقو وزیر ویلي، چې د دغه هېواد په شمال کې د اسلامي دولت اورپکو څه نا څه ۵۰۰ ایزدیان وژلي دي.

دغو خوزښتونو زرگونه ایزدیان او مسیحیان له سیمې تېښتې ته اړ کړل او د دې لامل هم شول، چې امریکا خپل پوځي ماموریت، چې په ۲۰۱۱م کې یې پای ته رسولی و، یو ځل بیا پخپلو هوایي بریدونو پیل کړي.

Continue Reading
Advertisement

نړۍ

د امریکا په یوه ښوونځي کې یوه وسلوال ۱۱ کسانو ته مرګ و ژوبله اړولې

خپور شوی

په

توسط

(Last Updated On: ليندۍ ۱۰, ۱۴۰۰)

د امریکا د میشیګان ایالت په یوه ښوونځي کې یوه ۱۵ کلن هلک خپل درې ټولګيوال وژلي او اته نور یې ټپیان کړي دي.

دغه تنکی خوان زدکوونکی، چې د پولیسو لخوا نیول شوی؛ د خپل پلار پر تومانچې یې ډزې کړي، چې څو ورځې مخکې بېرل شوې ده.

پولیس وايي، چې د دغه نه بښونکې کړنې انګېزه تر څېړنو لاندې ده.

د پولیسو د څرګندونې له مخې؛ له ډزو څو دقیقې وروسته بریدګر هلک نیول شوی او پلټنې ترې روانې دي، خو تورن تر اوسه پولیسو ته څه ندي ویلي.

چارواکو ویلي؛ په پېښه کې درې زدکوونکي؛ یو ۱۶ کلن هلک او دوه ۱۴ او ۱۷ کلنې نجونې وژل شوي دي.

دغه راز په ډزو کې اووه زدکوونکي، چې د دوه هغو روغتیایي حالت د اندېښنې وړ او یو ښوونکی هم  لږ څه پر ډزو ټپي شوی دی.

Continue Reading

نړۍ

پر اټومي تړون د ایران او نړۍ خبرې بیا پیل شوې

خپور شوی

په

توسط

(Last Updated On: ليندۍ ۹, ۱۴۰۰)

د ایران دولتي رسنۍ راپور ورکړی، چې په ویانا کې د ایران او نړۍ ترمنځ د ۲۰۱۵ زېږدیږ کال پر اټمي تړون خبرې بیا پیل شوې.

د اروپايي اتحادیې یوه ویاند پرون (دوشنبه د لیندۍ ۸) ټویټ وکړ، چې د ویانا پر وخت د ماسپښین درې بجې د ایران د اټمي هوکړې خبرې بیا پیل شوې.

د امریکا او ایران ترمنځ پرونۍ خبرې غیر مستقیمې خبرې ګڼل شوي؛ ځکه، چې ایراني استازیو له امریکايي پلاوي سره مخامخ خبرې رد کړې وې.

له دې مخکې د نړۍ اړوند ځواکونو له ایران غوښتي وه، چې د بندیزونو د نرمولو په صورت کې دې د یورانیمو غني کول محدود کړي؛ خو دا خبرې د دغه هېواد و ولسمشر په توګه د رییسي د ټاکنې له کبله پېنځه میاشتو ودرېدې.

د امریکا پخوانی ولسمشر ډونالډ ټرمپ په ۲۰۱۸ زېږدیز کال کې د ایران له اټومي هوکړې ووت او پر دغه هېواد یې بیا بندیزونه ولګول.

Continue Reading

نړۍ

د آسترالیا په یوه هوټل کې قرنطین خونې ته د اور اچولو پر تور یوه میرمن ونیول شوه

خپور شوی

په

توسط

(Last Updated On: ليندۍ ۸, ۱۴۰۰)

د آسترالیا پولیسو د دې هېواد د کایرنز د ساحلي ښار په یوه هوټل کې د قرنطین خونې د اور اچولو پر تور یوه ۳۱ کلنه ښځه تورنه کړې ده.

په اور لګېدنه کې چا ته زیان ندی رسېدلی؛ خو له اورلګېدنې وروسته له ۱۰۰ ډېر کسان له هوټل ایستل شوي دي.

ځایي مسوولینو خبریالانو ته ویلي:  دغه ۳۱ کلنه میرمن له تېرو څو ورځو راپدیخوا په قرنطین کې ساتل شوې وه او مونږ پر هغې میرمنې شکمن و او څارله م؛ خو هغه بریالۍ شوه، چې په خپله کوټه کې اوربل کړي.

د مسوولینو د څرګندونو له مخې، د پېښې پر مهال لدې سره دوه ماشومان هم ول، چې دمګړۍ د پولیسو تر څارنې لاندې دي.

د آسترالیا روغتیایي چارواکو تېره ورځ ویلي وه؛ د سویلي آفریقا یو شمېر، چې نوي دې هېواد ته راغلي وه؛ دوه یې د کرونا ویروس پر اومیکرون بڼې اخته وپېژندل شوي وه، چې په هوټل کې قرنطین شوي.

د یادونې ده، چې اومیکرون لومړی په سویلي آفریقا کې پېژندل شوي او ویل کیږي، چې څارنه او کنټرول یې ستونزمن دی او د امریکا په ګډون یو شمېر اروپایي هېوادونو ته هم خپور شوی دی.

Continue Reading

Trending

آریانا نیوز: ټول حقونه خوندي دي