Connect with us

تازه خبرونه

د طالب بندیانو خوشې کول د سولې او امنیت په ګټه ندي – امنیت شورا

Ariana News

خپور شوی

 په

(Last Updated On: December 8, 2020)

د افغانستان د ملي امنیت شورا نن (سې شنبه د لیندۍ ۱۸) څرګنده کړې، چې د تلپاتې سولې او اوربند هوکړې ته له رسیدو مخکې د طالب بندیانو خوشې کول به د امنیتي وضعیت په ښه کولو کې مرسته ونکړي.

د ملي امنیت شورا ویاند رحمت الله اندړ ټینګار کړی، چې له ۵۰۰۰ څخه د ډېرو طالب بندیانو خوشې کولو د تاوتریخوالي په کمولو کې بې اغېزې ول او پر حکومت یې نیوکې زیاتې کړې.

رحمت الله انډر په دې اړه زیاته کړې: د طالب بندیانو خوشې کول او نه خوشې کول د سولې پر بهیر ځانګړې اغېز نلري.

د مشرانو جرګې مشر ویلي، چې د طالب بندیانو خلاصون د تاوتریخوالي د کمي نه، بلکې د زیاتوالي سبب شوي؛ ځکه ځینې خلاص شوي بندیان د جګړو په ډګرونو کې لیدل شوي دي.

د مشرانو جرګې فضل هادي مسلمیار وایي: د طالب بندیانو له خوشې کېدو وروسته په خواشینۍ تاوتریخوالی ډېر شوی؛ خلک ګواښل کیږي، قرباني شوي او که طالبان سوله غواړي باید زغم هم ولري.          

له بلې خوا ، د مشرانو جرګې اداري پلاوی له حکومت غواړي، چې له رښتیني اوربند او د سولې د هوکړې له لاسلیک مخکې باید یو بندي هم خوشې نکړي.

د مشرانو جرګې لومړی مرستیال محمد علم ایزدیار وایي: د طالب بندیانو د خوشې کولو تجربه باید تکرار نشي. داځل باید د اوربند په پلمه د هوکړې له لاسلیک مخکې طالب بندیان خوشې نشي؛ ځکه اوربند ماتېدی هم شي.                   

د مشرانو جرګې منشي فیصل سمیع وایي: زمونږ غوښتنه له ولسمشره داده، چې دا ځل د امریکا پر غوښتنو ونه غولیږي؛ تر هغې، چې رښتینی اوربند شوې او جګړه ونه دروي، خپلې وسلې تسلیم نکړي یو طالب زنداني هم باید پرېنښودل شي.

په پارلمان کې وکیلان ټینګار کوي، چې له طالبانو سره د امریکا پټې معاملې خلکو ته د منلو وړ ندي او هره هوکړه، چې د خلکو تمه او غوښتنه په کې نه وي؛ په افغانستان کې به د تاوتریخوالي د دوام معنا ولري.

تازه خبرونه

د باجوه او غني له ناستې وروسته، پاکستان تلپاتې سولې ته هیله من شو

Ariana News

خپور شوی

په

توسط

(Last Updated On: May 11, 2021)

د راپورونو له مخې؛ د پاکستان د بهرنیو چارو وزیر نن ( سې شنبه د غویی ۲۱) څرګنده کړې، چې له ولسمشر غني سره د پاکستان د پوځ د لوی درستیز جنرال قمر جاوید باجوه له ناستې وروسته په افغانستان کې د تلپاتې سولې لپاره هیلې ډېرې شوې دي.

د پاکستان د بهرنیو چارو وزیر شاه محمود قریشي یوې خبري غونډې ته ویلي، چې جنرال باجوه له لوړپوړیو افغان چارواکو سره د سولې پر بهیر خبرې کړې دي.

قریشي دا هم ویلي: له دې غونډې وروسته په افغانستان کې د تلپاتې سولې لپاره هیلې ډېرې شوي. مونږ د سولې او ثبات لپاره د افغانستان له خلکو سره یو.

د پاکستان د بهرنیو چارو وزیر قریشي ویلي، چې د بهرنیو ځواکونو له وتلو وروسته به افغان ځواکونه د امنیت چمتو کولو مسوولیت ولري.

هغه پدې اړه ویلي، پاکستان د یو سوکاله افغانستان د لیدو هیله لري.

قریشي زیاته کړې، چې خبرې د طالبانو او افغان حکومت ترمنځ د حل یوازنۍ لار ده.

د شاه محمود قریشي د څرګندونو له مخې: په افغانستان کې سوله د طالبانو او افغان حکومت په ګټه ده.

د پاکستان د بهرنیو چارو وزیر په ډاګه کړې، چې سوله نه یوازې په افغانستان کې، بلکې د پاکستان او د سیمې د نورو هېوادونو په ګټه هم ده.

په هر حال د افغانستان د سولې په بهیر کې د پاکستان رول روڼ ښودل شوی دی.

تیره اوونۍ یو شمېر سرچینو رویټرز ته منلې؛ پاکستان هڅې کوي، چې د استانبول په ناسته کې د ګډون لپاره وسلوال طالبان وهڅوي.

Continue Reading

تازه خبرونه

امریکا طالبانو ته مشروعیت ورکړی – امرالله صالح

Ariana News

خپور شوی

په

توسط

(Last Updated On: May 11, 2021)

د ولسمشر لومړي مرستیال امرالله صالح تېره ورځ (دوشنبه د غویی ۲۰) یوې خبري سرچینې ته څرګنده کړې، چې امریکا طالبانو ته مشروعیت ورکړی او اوس باید په افغانستان کې ښکېله پاتې شي.

نوموړي له سي بي ایس رسنۍ سره په مرکه کې څرګنده کړې، چې هغه هره ورځ وېره او ګواښونه تر کتنې لاندې نیسي، چې څنګه یې پر کورنیو سرچینو له مینځه یوسو.

هغه په دې اړه په داګه کړې: هغه ورځې، چې مونږ یې پر پانګو او سرچینو پوره حساب کاوه؛ تېرې شوي دي. مونږ امریکا ته ویلی نشو، چې دا پای ته مه رسوئ. زه ډاډه یم، چې دوی وېرې او خطرونو ته پاملرنه کړې ده. که تاسې غواړئ، چې ورته ترې یادونه وکړم؛ نو هغه دا، چې طالبان ترهګر دي.

امرالله صالح وايي، چې امریکا طالبانو ته مشروعیت ورکړی.

هغه په دې اړه زیاته کړې: پرته له شکه امریکا هغو ته مشروعیت ورکړی دی؛ د دوحې دفتر امریکا جوړ کړی، له زندان څخه د ملا برادر خوشې کول د امریکا نوښت و. د دوی تګ راتګ د امریکا پر مرسته تر سره کیږي. بې له شکه د دوحې تړون د امریکا او طالبانو ترمنځ لاسلیک شوی. دوی باید ځواب ویونکي وي.

نوموړي زیاته کړې: امریکا یو نړیوال ځواک دی؛ خو که انکار کوي بیا هم یو ځواک دی. دوی په ټوله نړۍ کې نفوذ لري. مونږ د دوی نفوذ ته درناوی لرو. د یو اړتیا لرونکي هېواد په توګه مونږ له امریکا غواړو، چې په سیاسي، اقتصادي او ستراتیژیکو چارو کې ښکېله پاتې شي.

دغه راز د ولسمشر لومړی مرستیال په ډاګه کړې، چې په افغانستان کې د امریکا پانګوونې ډېر بدلونونه راوستي دي.

Continue Reading

تازه خبرونه

د سولې خبرې باید ژر تر ژره بیا پیل شي – خلیلزاد

Ariana News

خپور شوی

په

توسط

(Last Updated On: May 11, 2021)

د افغانستان لپاره د امریکا ځانګړي استازي زلمي خلیلزاد آلماني دیر شپیګل ورځپاڼې ته ویلي، چې په افغانستان کې د تاوتریخوالي کچه خورا لوړه ده او د سولې خبرې باید ژر تر ژره پیل شي.

هغه د تاوتریخوالي د لوړې کچې په اړه ویلي؛ دواړه خواوې باید د ګډ ټکي د موندلو لپاره رښتینې هڅې ترسره کړي. که د سولې هوکړه نه وي؛ نو بل غوراوی د طالبانو بریا نده . دا یوه اوږده جګړه ده.

خلیلزاد دا خبرداری هم ورکړی، چې په افغانستان کې پوځي حل ناشونی دی.

هغه ویلي: که د جمهوريت غوښتونکيو ډلې سره بېلې شي او هره ډله بېله لار غوره کړي؛ دا یو خطرناک امکان دی، نو طالبان به په ځانګړي توګه افراطیان د پوځي حل غوراوي ته وهڅوي.

خلیلزاد وايي؛ په افغانستان کې پر پوځي حل ټینګار به د ۱۹۹۰ لسیزې د تراژیدۍ تکراروي او نیابتي جګړو ته به زمینه برابره کړي.

هغه څرګنده کړې: طالبانو او نورو افغان ډلې  مشرانو هغه مهال هیر کړی ندی. دوی خپلې وېروونکې تېروتنې په پام کې لري. دوی سره راټول شوي ندي او هر یو یې خپلې ګټې تعقیبوي، چې د جګړې او د افغانستان د ورانۍ لامل شوي. مونږ له افغانانو تمه لرو، چې دا تېروتنې تکرار نکړي.

خلیلزاد په ډاګه کړې؛ د استانبول د غونډې ځنډول د طالبانو لپاره یوه آزموینه ده، چې آیا دوی غواړي په سوله ییزه توګه جګړه پای ته ورسوي او که نه.

دی وایي: ترکانو،  قطري مشرانو او ملګرو ملتونو هوکړه کړې، چې د طالبانو او افغان حکومت ترمنځ د سولې خبرو د چټکولو لپاره یوه غونډه جوړه کړي. طالبانو تر دې دمه د دې ناستې پر نېټه  فکر ندی کړی. دوی وايي، چې تر دې دمه یې په دې ناسته کې د ګډون اجازه ترلاسه کړې نده. دوی د بندیانو خوشې کول او له تور نوملړه یې د مشرانو نومونه لرې کول غوښتي.

خليلزاد وايي، جګړه بیه پرې کول غواړي او دواړه خواوې هره ورځ ځاني زیانونه ویني.

د امریکا ځانګړي استازي ويلي، چې طالبان یو فرصت لري او هغه د دوی راتلونکی اغېزمن کړي.

نوموړي زیاته کړې؛ د دوی راتلونکی له نړیوال مشروعیت، مرستو، تور نوملړ او دبندیانو خوشې کولو کې دی؛ خو دا کار له خبرو او پر سیاسي حل هوکړې ته اړتیا لري.

خلیل زاد وايي: جګړه بدیل دی که څه هم تلپاتې لاسته راوړنې هم ولري. دوی غور کوي، چې په آسانۍ یې نشي ګټلی. د دوی اوسني بریدونه به دوی له قانوني ملګرتيا بې برخې  او ډډې ته کړي. دغه راز به د مشرعو همکارانو په توګه ونه منل شي، بندیان به یې خوشې نشي او پهتور نوملړ کې به پاتې وي. د نړیوالې ټولنې دوامداره مخالفت به له پوځي لارې واک ته د رسېدو مخه ونیسي.

د امریکا ځانګړي استازي زیاته کړې؛ اوس د دې وخت رارسیدلی، چې طالبان پرېکړه وکړي، چې پر کومه لاره ولاړ شي.

هغه وایي: مونږ له خپلو متحدینو سره دواړو لارو ته چمتووالی نیسو. دا پیغام طالبانو ته ورکړ شوی دی.

خلیلزاد وايي، چې طالبان په افغانستان کې سیاسي حل ته چمتووالی نیسي.

خلیلزاد ويلي؛ که طالبان جګړه غوره کړي، نو امریکا به له افغان ځواکونو سره ودریږي.

هغه خبرداری ورکوي، چې پر خلکو د غوښتنو تپل به جګړه نوره هم  اوږده کړي.

خلیلزاد ډاډ ورکوي، چې امریکا او نړیواله ټولنه به افغانستان یوازې نه پریږدي.

هغه ویلي: کله، چې له افغانستان څخه د امریکایي ځواکونو وتل بشپړ شي؛ نو ورسره به زمونږ د همکاریو نوی څپرکی هم پرانستل شي. دا هېواد به د افغان ځواکونو، بشري مرستو او پرمختیايي مرستو په ګډون د امریکا د مرستو مخکښ ترلاسه کوونکی وي.

خلیلزاد وايي: پاکستان په افغانستان کې مشروع ګټې لري او افغانان باید دې ګټو ته درناوی ولري.

هغه زیاته کړې؛ د دواړو هېوادونو مشروع ګټې  دا دي، چې د افغانستان خاوره باید د پاکستان پر ضد ونه کارول شي او د پاکستان خاوره باید د افغانستان پروړاندې ونه کارول شي.

خلیلزاد زیاته کړې، چې هغه له بریټانیا سره پر افغانستان او پاکستان کار کوي، چې دواړه هېوادونه وکولی شي پر ګډ امنیت کار وکړي او یوې هوکړې ته ورسیږي.

هغه دغو همکاریو ته په نغوته کې ویلي؛ پاکستان پړ دی، ځکه ډېر طالبان هلته ژوند کوي.

د امریکا دغه ځانګړی استازي ویلي، د افغانستان راتلونکی له طالبانو او نورو افغان مشرانو سره نښلول شوی دی.

هغه وایي: افغان مشرانو ورته ویلي، چې له تېرو پوهیدلي دي؛ خو دا به وخت په ډاګه کړي، چې آیا دوی خپل هېواد او خلکو ته لومړیتوب ورکوي که د نورو پلانونو پلي کولو ته.

دا په داسې حال کې ده، چې خلیلزاد په یو لړ ټویټونو کې د کوچني اختر په ویاړ د طالبانو او حکومت د درې ورځني اوربنده د هرکلي ترڅنګ ویلي؛ سیاسي جوړجاړی او دایمي اوربند د افغانانو حق دی او له همدې کبله مونږ د سیاسي جوړجاړي لپاره د افغانانو ترمنځ د خبرو د ګړندي کیدو او د روانې جګړې د پای ته رسولو غوښتنه کوو.

Continue Reading

Trending

آریانا نیوز: ټول حقونه خوندي دي