Connect with us

تازه خبرونه

د طالبانو پر ضد د ولسمشر غني د جګړې اعلان او بېلابېل غبرګونونه

خپور شوی

 په

(Last Updated On: غویی ۲۴, ۱۳۹۹)

ولسمشر اشرف غني د کابل پر روغتون، په ننګرهار کې د جنازې پر مراسمو بریدونو او د تاوتریخوالي نورو پېښو ته په نغوته او اشاره کې ویلي؛ طالبانو او داعش ډلې په دې بریدونو کې د ښځو او ماشومانو په ګډون بېګناه افغانان او امنیتي کسان وژلي دي.

افغان ولسمشر محمد اشرف غني په یوه ویډيویي وینا کې افغان وسلوالو ځواکونو ته په کابل، ننګرهار او لغمان کې له خونړیو بریدونو وروسته امر کړی، چې له دفاعي حالته راووځي او د “دښمن” پر ضد خپل پوځي عملیات یو ځل بیا پیل کړي.

ولسمشر غني څرګنده کړې، طالبانو د سولې او اوربند په تړاو د افغان حکومت او خلکو د غوښتنو برعکس خپل بریدونه او تاوتریخوالی ډېر کړی دی.

ملګرو ملتونو د کابل او ننګرهار بریدونه غندلي او څرګندوي، چې د دغو پېښو عاملان باید محاکمه شي.

د بشري حقونو د څار ډلې پر روغتون برید جنګي جنایت بللی دی.

په کابل کې د امریکا سفارت شارژدافیر راس ویلسن ویلي؛ زه دا وحشیانه برید او تروریستان غندم، چې بې دفاع او کړیدلی ولس په نښه کوي.

په افغانستان کې د ناټو ملکي استازي نیکولاس کي هم د دغو بریدونو له کبله خواشیني‌‌ ښودلې او وایي؛ د کابل او ننګرهار بریدونه، چې بې ګناه خلک په کې ووژل شول، په کلکه غندم.

په کابل او ننګرهار کې له خونړیو بریدونو وروسته طالبانو د ولسمشر غني د پوځی عملیاتو د چټکولو په اړه په ډاګه کړې، چې د داعیشي ملیشو لخوا د کابل ښار په دشت برچي او د ننګرهار په ښیوه ولسوالۍ کې پر ملکي خلکو برید مونږ په کلکه غندو؛ ځکه، چې عام خلک په کې زیانمن شوي؛ خو دا باید هیره نکړو، چې داعش د طالبانو د پرېکنده عملیاتو په پایله کې اوس نه ښکاره سنګر لري او نه هم ښکاره هڅې.

طالبانو پر حکومت تورلګولی، چې دا ډول بریدونه په کابل او نورو ښارونو کې له استخباراتي میلمستونو پلې کیږي، چې موخه یې د ملت ځپنه او د ناکامو پالیسیو پلي کیدو ته زمینه برابرول دي.

په خبرپاڼه کې راغلي؛ نور د جګړې تر چتر لاندې د واکمنۍ د غزولو وخت تېر شوی دی.

د افغانستان د سولې امریکایي استازي هم څرګنده کړې، چې په افغانستان کې د ميندو او ماشومانو پر ضد نني تاوتريخوالي او دغه راز د جنازې په مراسمو کې بريد؛ ځوروونکې او کړغیړنې کړنې دي.

 

نوموړي د داسې یوه ګډ دښمن پر ضد د جګړې ښکېلې خواوې هڅولي، چې له تاوتریخوالي لاس واخلي؛ دا ډول جنایتونه تر سره نکړي او د کرونا ویروس د محدودولو لپاره سره نږدې شي.

خلیلزاد څرګندوي؛ د طالبانو او افغان حکومت همکاري اړينه ده. پدې کې پاتي راتلل به افغانستان د ترهګرۍ، پرلپسې بې ثباتۍ او اقتصادي ناخوالو په وړاندې له زیانونو سره مخ کړي.

د نوموړي په اند، اوس د سولې پر لوري د پرمخ تللو وخت دی.

تحلیل؛ آریانانیوز

تمه کېده، چې له طالبانو سره د امریکا د سولې له تړون وروسته په افغانستان کې د تاوتریخوالي کچه راټیټه شي؛ خو اوس هم ځانمرګي او وسلوال بریدونه روان دي.

دا په داسې حال کې ده، چې په تازه پېښو کې په ننګرهار کې ځانمرګي ۳۰ کسان وژلي او ۷۰ نور ټپیان دي او کابل کې د ولادي‌ نسايي پر یو روغتون په وسلوال برید کې لږ تر لږه ۱۴ کسان وژل شوي او شاوخوا ۱۵ نور ټپیان دي.

تازه خبرونه

د بهرنیو چارو وزارت د چارسمبالي پر مشرۍ یو پلاوی ناروې ته سفر کوي

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت څرګنده کړې؛ ټاکل شوې، چې د بهرنیو چارو د چارسمبالي وزیر مولوي امیرخان متقي پر مشرۍ یو پلاوی سبا (شنبه د سلواغې ۲) ناروې ته ولاړ شي.

د بهرنیو چارو وزارت ویاند عبدالقهار بلخي په خپل ټویټ کې دا سفر تائید کړی؛ خو نور جزئیات یې ندي ورکړي.

رویټرز د ناروې د بهرنیو چارو وزارت د څرګندونو له مخې ویلي، چې ټاکل شوې د ناروې پلازمېنه اوسلو د دوه ورځو په دننه کې د افغانستان په اړه د اسلامي امارت د استازیو په ګډون د یوې غونډې کوربتوب وکړي.

د ناروې حکومتي سرچینو ویلي، چې په دې غونډه کې به د اسلامي امارت پر پلاوي سربېره د افغانستان د مدني ټولنې په ګډون د بېلابېلو برخو استازي هم ګډون وکړي.

د ناروې د بهرنیو چارو وزارت لخوا په خپره شوې خبرپاڼه کې راغلي، چې د اسلامي امارت استازي به د ناروې له چارواکو او د نړیوالې ټولنې په ځانګړې توګه د دغه هېواد د متحدینو له استازیو سره هم وویني.

سرچینې زیاته کړې؛ د اسلامي امارت استازي به د ښځو د حقونو له فعالانو، خبریالانو او هغو اشخاصو سره هم وویني، چې په افغانستان کې د بشري حقونو د خوندیتوب لپاره بېلابېلې دندې ترسره کوي.

دغه راز ویل شوي، چې دا غونډې طالبانو ته د مشروعیت یا رسمیت پېژندنې معنا نلري، بلکې هېواد یې له اسلامي امارت سره د بشري حقونو د وضعیت او په ټولنه کې د ښځو د ونډې د ښه کولو او د افغانانو د ملاتړ لپاره د بشردوستانه هڅو د پیاوړتیا په لټه کې دی.

د ناروې د بهرنیو چارو وزیرې انیکین هویټفیلډ ویلي: مونږ اجازه نه ورکوو، چې سیاسي وضعیت د یو ستونزمن بشري ناورین لامل شي.

دا په داسې حال کې ده، چې د ناروې یوه پلاوي څه وخت مخکې کابل ته سفر کړی و او د اسلامي امارات له چارواکو سره یې د بشري حقونو د وضعیت او بشري ناورین په اړه خبرې کړې وې.

Continue Reading

تازه خبرونه

په کابل کې د اروپايي ټولنې استازولۍ رسماً کار پیل کړ – اسلامي امارت

خپور شوی

په

توسط

(Last Updated On: سلواغه ۱, ۱۴۰۰)

د اسلامي امارت د بهرنیو چارو وزارت ویاند عبدالقهار بلخي ویلي؛ اروپايي ټولنې د مرغومي پر دېرشمه په کابل کې رسماً  خپل سفارت د دایمي حضور په موخه پرانیست او خپلې هڅې یې پیل کړې.

د بهرنیو چارو وزارت ویاند عبدالقهار بلخي ټویټ کړی، چې له څو پرلپسې ناستو وروسته اروپايي ټولنې په کابل کې د دایمي حضور لپاره خپل سفارت پرانست او په رسمي ډول یې کار پیل کړ.

د عبدالقهار بلخي د څرګندونو له مخې؛ يادې ټولنې پر پخوانیو ٢٢٠ ميليون يورو سربېره د بشري مرستو  ٢٦٨ ميليون نورې هغه هم اعلان کړې.

عبدالقهار بلخي وايي، چې د دې ځانګړې مرستې یوه برخه د ښوونکیو معاشونه دي، چې د اسلامي امارت لخوا یې تود هرکلی وشو.

د اسلامي امارت د حکومت لومړي وزیر ملا محمد حسن اخوند د هېواد په اقتصادي غونډه کې پر اسلامي هېوادونو غږ کړی، چې د اسلامي امارت په رسمیت پېژندلو کې مخکښ شي.

ملا محمد حسن اخوند د چارشنبې پر ورځ (د مرغوي ۲۹) په کابل کې د افغانستان اقتصادي غونډه ته څرګنده کړې، چې د نوي حکومت د نه پېژندلو له کبله افغانستان له بېلابېلو اقتصادي ننګونو سره مخ شوی دی.

Continue Reading

تازه خبرونه

بیات بنیاد د میدان وردګ ولایت سلګونه اړمنو کورنیو ته ژمنۍ مرستې ورسولې

خپور شوی

په

توسط

(Last Updated On: مرغومی ۳۰, ۱۴۰۰)

 د بیات بنیاد مسوولینو ويلي؛ دغه بنسټ د میدان وردګ ولایت سلګونه اړمنو کورنیو ته اوړه، وريجې او غوړي ووېشل.

د بیات بنیاد مرستیال حاجي محمد اسماعیل خان د ژمنیو مرستو په لړ کې د میدان وردګ ولایت مستحقو کورنیو ته د مرستو د وېشلو پرمهال ویلي؛ دغه ژمنۍ مرستې، چې اوړه، غوړي او وريجې په کې دي له سروې وروسته پر مستحقو او اړمنو کورنيو ووېشل شوې.

نوموړي ویلي؛ مونږ هڅه کوو، چې د هېواد پاتې لږ شمې ولایتونو ته هم خپلې ژمنۍ مرستې ورسوو.

د ميدان وردګ ولایت يو شمېر اوسېدونکي وايي، چې په اوسنيو شرايطو کې له اقتصادي ستونزو سره مخ دي او د بيات بنیاد مرستې يې په اوسنیو شرایطو کې اغېزناکې وبللي.

له دغو مرستو برخمن شوي کسان له نورو مرستندويه ادارو هم غواړي، چې په دې ستونزمنو حالاتو کې له اړمنو کسانو سره مرسته وکړي.

دغه مرستې په داسې حال کې اړو کسانو ته رسیږي، چې په دې سوړ ژمي کې د بېکارۍ او د خوراکي توکو د بیو د لوړېدو له کبله خلک له ګڼو ستونزو سره مخ دي.

د یادونې ده، چې بیات بنیاد له تېرو څه نا څه شل کلونو راپدیخوا هر ژمی د هېواد د بېلابېلو ولایتونو اړمنو او بې ځایه شویو کورنیو ته خپلې ژمنۍ مرستې د لاسنیوي لپاره رسوي.  

Continue Reading

Trending

Copyright © 2022 Ariana News. All rights reserved!