Connect with us

تازه خبرونه

د طالبانو د قطر پلاوي د سولې په اړه د پاکستان له بهرنیو چارو وزیر سره خبرې کړي

Ariana News

خپور شوی

 په

Reuters
(Last Updated On: August 26, 2020)

د طالبانو د سیاسي دفتر یوه پلاوي د پاکستان د بهرنیو چارو له وزیر شاه محمود قریشي سره تېره ورځ د افغانستان د سولې د بهیر په اړه خبرې کړې دي.

د پاکستان د بهرنیو چارو وزارت په ډاګه کړې، چې دواړو لوریو د سولې بهیر په اړه خبرې کړې دي.

د یاد وزارت د څرګندونو له مخې؛ د پاکستان بهرنیو چارو وزیر قریشي طالبانو ته ویلي، چې په افغانستان کې روانه جګړه پوځي حل نلري او یوازې سیاسي حل د دې هېواد اوږدمهالې جګړې ته د پای ټکی کیښودلی شي.

د پاکستان د بهرنیو چارو وزارت په خبرپاڼه کې راغلي: د بهرنیو چارو وزیر په افغانستان کې د ټولو خواوو لپاره د سولې بهیر یو تاریخي فرصت یاد کړی، چې د خبرو اترو له لارې پراخه سیاسي ګامونه پورته کړي.

قریشي د یوه سوله ییز، باثباته، متحد، دیموکراتیک او سوکاله افغانستان لپاره د پاکستان ژمنې یو ځل بیا تکرار کړې او د دوحې د هوکړې د پلي کیدو پر اړتیا یې ټینګار څرګند کړی دی.

قریشي د سولې تخریبونکو ته خبرداری ورکړ، چې سوله د  افغانستان او سیمې اړتیا ده او څوک یې مخه نیولی نشي.

قریشي د سولې پر خبرو سربېه د دوه اړخیزې ملګرتیا، تاریخ او جغرافیې پربنسټ د پاکستان – افغانستان د اړیکو پر اهمیت ټینګار څرګندکړ او وایي، چې پاکستان د افغانستان له خلکو سره پیوستون ته ژمن دی.

هغه له ​​نړیوالې ټولنې هم وغوښتل، چې د افغانستان په بیارغونه او اقتصادي وده کې خپل هڅې چټکې  کړي.

دغه راز د پاکستان د بهرنیو چارو وزیر ویلي، چې باید خپل هېواد ته د ستنیدونکیو افغان کډوالو لپاره هم د کار زمینه برابره کړي.

پاکستان دا ډاډ هم ورکړی، چې ملا برادر په افغانستان کې د سولې، امنیت او پرمختګ له هڅو ملاتړ کوي.

د طالب پلاوي مشري په قطر کې د طالبانو د سیاسي دفتر ملا عبدالغني برادر کوي، چې د پاکستان د بهرنیو چارو وزارت په بلنه ورغلي او تمه ده، چې د افغانستان د سولې د خبرو اترو پر موضوعاتو خبرې وکړي.

ملابرادر شاوخوا اته کاله په پاکستان کې بندي و او بیا پر ۲۰۱۸ کال په افغانستان او سیمه کې د سولې د رامنځته کولو لپاره د امریکا په غوښتنه آزاد شو.

دا دوه یم ځل دی، چې د طالبانو سیاسي پلاوی د ملا برادر په مشرۍ پاکستان ته سفر کوي؛ لومړنی سفر یې د تېر کال په اکتوبر کې تر سره کړی او لومړی یې له پاکستاني چارواکو سره لیدلي دي.

قریشي له رسنیو سره په خبرو کې په ډاګه کړه، چې د تېر اکتوبر سفر د دې لامال شو، چې طالبان د روان کال په فبروري میاشته کې له امریکا سره په افغانستان کې د سولې رامنځته کولو تړون لاسلیک کړي.

هغه دا هم ویلي، چې طالبان یو ځل بیا په دې هیله راوبلل شول، چې د افغانستان د خبرو اترو د پیل کیدو په لاره کې رامنځته شوي خنډونه لرې کیدلی شي.

د یکشنبې په ورځ، د طالبانو د سیاسي دفتر ویاند او غړي سهیل شاهین په یو لړ تویتونو کې په ډاګه کړه، چې: دا پلاوی به له پاکستاني چارواکو سره د افغانستان د سولې په پروسه کې د وروستي پرمختګونو، د دواړو ګاونډ حکومتونو تر منځ د خلکو د تګ راتګ او سوداګرۍ آسانتیاوو، په پاکستان کې د افغان مهاجرینو او نورو اړوند موضوعاتو په اړه خبرې وکړي.

هغه دا هم ویلي: د سیاسي دفتر پلاوي به په نږدې راتلونکي کې نورو هېوادونو ته هم ډېر سفرونه ولري.

د طالب پلاوي دا سفر یوازې څو ورځې وروسته له هغه تر سره شو، چې پاکستان د ملګرو ملتونو د امنیت شورا د پرېکړه لیک له مخې دا کار د ځانګړیو مالي مرستو FATF له خړ نوملړه د وتلو او پرې د بندیزونو ماتولو لپاره کړی دی.

د پاکستانيو رسنیو د راپورونو له مخې؛ حکومت د ترهګرو اړوند بانکي حسابونه او جایدادونه هم ضبط کړي دي او په دې تحریم او بندیز کې پرې نړیوال سفرونه هم بند شوي دي.

دغه راز پاکستان پر هغو ۸۸ کسانو بندیزونه لګولي، چې د ملګرو ملتونو لخوا یې هم په تور نوملړ کې نومونه راغلي دي.

دا اعلامیه د FATF له مهمې غونډې مخکې؛ ځکه خپره شوې، چې د پیسو مینځلو او ترهګرۍ په تمویل کې د پاکستان پرمختګ وارزول شي.

پاکستان له ډېر وخت راپدیخوا د طالب مشرانو په مرسته او ملاتړ تورن دی؛ خو اسلام آباد تل دغه تورونه رد کړي دي.

د یادونې ده، چې پاکستان د ۲۰۱۸ کال له جون راپدیخوا د FATF په خړ نوملړ کې راغلی او ۷ میاشتې مخکې هم وروستی ګواښ ورته شوی دی.

 

تازه خبرونه

نړیوالې ټولنې د افغانستان خلک له سولې بې برخې کړي – اشرف غني

Ariana News

خپور شوی

په

توسط

(Last Updated On: February 27, 2021)

ولسمشر اشرف غني د سرتېري ملي ورځ په نمانځغونډه کې د سرتېرو د ستاینې تر څنګ ویلي، چې د افغانستان خلک سوله غواړي؛ خو څلوېښت کاله کیږي، چې نړیوالې ټولنې د افغانستان خلک ترې بې برخې کړي دي.

ولسمشر اشرف غني  وایي: ۴۰ کاله کیږي، چې نړیوالې ټولنې یو ستر ملت؛ له ژوندیو خلکو، روښانه تاریخ او تمدن سره د سولې له بنسټیز حقه بې برخې ساتلی دی. دا د منلو نده؛ مونږ له درناوي ډکه داسې سوله غواړو، چې د خلکو او امنیتي ځواکونو د ارادې له مخې رامنځته شي. دا سوله راروانه ده. ولې په دې خاوره کې وینې بهیږي؟ آیا زمونږ وینه سره نده؟!            

ولسمشر غني زیاتوي، چې د افغان امنیتي او دفاعي ځواکونو تجهیز یې د کار لومړیتوب دی او په خبره یې له امنیتي ځواکونو پرته به دولت شتون ونلري.

د ولسمشر په خبره طالبان د اسلام په نوم د واک غوښتنه کوي.

هغه زیاتوي: د افغانستان خلکو دولت او ولسمشر غوره کړی او راتلونکی ولسمشر هم د افغانستان خلک ټاکي، چې بیا د خلکو پر اراده بدلیږي او د وخت پر پای یې هم خلک پوهیږي. 

دغه راز د ملي دفاع وزارت چارسمبالي( سرپرست) ویلي، چې افغان ځواکونه له ستونزو څخه ډک کال تېروي.

د ملي دفاع وزارت چارسمبالي شاه محمود میاخېل وایي، چې روان کال د طالبانو د بندیانو د آزادولو او افغان ځواکونو ته د مسوولیتونو د سپارلو پر دلیل امنیتي ځواکونو ته ستونزمن کال و.

هغه وایي: آوازې دي، چې خلک وایي؛ پسرلی به څنګه شي. مونږ ستونزې زغملي، ډېر پسرلي راغلي او تېر شوي دي؛ خلک او امنیتي ځواکونه مو له بحرانه وتلي دي. مونږ ولسمشر او خلکو ته ډاډ ورکوو، چې اندېښنه دې نکوي.   

د یوه وژل شوي امنیتي مامور مور حمیده، چې زوی یې د خپل بدن غړي له وسلوالو مخالفانو سره په جګړه کې له لاسه ورکړي  وایي، چې زه خپله د هېواد لپاره سرښندنې ته چمتو یم. که فزیکي ځواک مې درلود له هېواده به مې خان خار کړی و.

د ملي اردو افسر  شاه زمان وایي: په هېواد ژغورنه کې مې پښه له لاسه ورکړې او په لاسونو کې مې هم سیخونه تېر شوي دي؛ خو زه مایوسه نه یم، بلکې ویاړم . که ۵۰ سلنه ځواک ولرم، بیا به هم سنګر ته ورودانګم.       

ولسمشر غني ژمنه کوي، چې په ۱۴۰۰ لمریز هجري کال کې به د وژل شویو سرتېرو کورنیو ته د استوګنې د زرګونه کورونو د جوړولو بهیر پیل شي.

Continue Reading

تازه خبرونه

مارشال دوستم له ۲۰ میاشتني ځنډ وروسته کابل ته راستون شو

Ariana News

خپور شوی

په

توسط

(Last Updated On: February 27, 2021)

د افغانستان د ولسمشر پخوانی مرستیال مارشال عبدالرشید دوستم نن شنبه( د کب ۹ ) له څه نا څه ۲۰ میاشتو وروسته بیا کابل ته راستون شو.

د حامد کرزي په نړیوال هوایي ډګر کې له نوموړي د ملي پخلاینې عالي شورا مشر عبدالله عبدالله، د ولسمشر امنیتي او سیاسي سلاکار محمد محقق او نورو ښاغلیو تود هرکلی وکړ.

کابل ته له رارسیدو سره سم نوموړي په یوه ګډه خبري ناسته کې یو ځل بیا د نظام پر ملاتړ ټینګار وکړ او طالبانو ته یې خبرداری ورکړ، چې که د سولې خبرې بې پایلې پاتې شي؛ دا ډله به له منځه یوسي.

د افغانستان د ملي جنبش ګوند مشر مارشال عبدالرشید دوستم وسلوالو طالبانو ته په نغوته کې ویلي؛ که پر پوستو بریدونه کوئ، که پر قول اردو ګانو او که دوستم وژنئ د مورشیدې مو شه؛ خو له ګناه خلکو سره څه کار لرئ، دا یو ناځوانه کار دی او هیڅ مسلمان هم دا کار نکوي. که ما وهئ ووهئ او که ولسمشر او امنیت شورا اجازه راکړي؛ زه مو وهم.             

دغه راز دوستم د سولې په بهیر کې د سیاسي اجماع پر اړتیا ټینګار وکړڅرګندوي، چې: زه د بېلابېلو دریځونو او مختلفو هېوادونو ته د سفرونو مخالف يم؛ ځکه مونږ له تېرو بدې تجربې لرو. مونږ سوله غواړو؛ خو مونږ د یوه دولت په توګه باید له لاسه وتلې ولسوالۍ، کلي اونانډې بېرته ونیسو؛ مونږ کومه وسلواله ډله نه یو. پاملرنه په کار ده او که نه جغرافیه به له لاسه ورکړو.

مارشال عبدالرشید دوستم زیاته کړې: مونږ په یوه حساس تاریخي موقعیت کې یو او سیتسي اجماع مو اړینه ده. ولسمشر باید سیاسیون راټول او دا موخه تر لاسه کړي؛ ډېره لږ بې پروایي به مو تاریخ ته ملامته کړي.

مارشال دوستم وایي: د هېواد امنیتي او دفاعي ځواکونو ته د سرتېري د ملي ورځ  مو مبارکه وړاندې کړه او وایي؛ زړورو سرتېرو خپل مورال او روحیه لوړه وساتئ. تاسې دښمن مات کړی. یوه ورځ زه هم تاسې ته ورته یو سرتېری وم او اوس دا دی مارشال یم.

که څه هم د دوحې له بیا پیل شویو خبرو د ګوتو پر شمېر ورځې تېریږي؛ د ملي پخلاینې عالي شورا مشر عبدالله عبدالله د دغې ناستې ګډونوالو ته وویل، چې په دې وروستیو ورځو کې اړیکې ډېرې شوي، د خبرو بل پړاو هم روان دی؛ خو خپلو غوښتنو ته رسېدلي نه یو، ځکه تاوتریخوالي او چاودنو ډېروالی پیدا کړی دی.    

د ولسمشر ستر سیاسي او امنیتي سلاسلاکار او د وحدت اسلامي ګوند مشر محمد محقق هم روانې خبرې پیچلې بولي او څرګندوي: د دوحې خبرو د وضعیت د پېچلي کیدو پر لامل سمه پایله نده ورکړې، د امریکا نوې ادارې هم د هوکړې په اړه د بیاکتنې خبرې کوي، چې دا هر څه بې اغېزې ندي.

مارشال دوستم په وروستیو ولسمشریزو ټاکنو کې د عبدالله عبدالله ملاتړی و او له ولسمشر سره د سیاسي هوکړې له مخې نوموړي ته د مارشالي رتبه هم ورکړشوه. د دغې سیاسي هوکړې له مخې، مارشال دوستم باید د امنیت شورا د ناستو غړیتوب ولري او ورته د ولسمشر د مرستیال په څېر دفتر ورکړشي.

Continue Reading

تازه خبرونه

طالبان دې له تاوتریخوالي او نویو غوښتنو ډډه وکړي ـ لاوروف

Ariana News

خپور شوی

په

توسط

(Last Updated On: February 27, 2021)

د روسیې د بهرنیو چارو وزیر سرګي لاوروف د افغانستان د بهرنیو چارو له وزیر محمد حنیف اتمر سره په یوه خبري ناسته کې له طالبانو غوښتي، چې تاوتریخوالی راکم او له نویو غوښتنو راپورته کولو ډډه وکړي.

لاوروف ویلي؛ روسیه چمتو ده، چې له امریک، چین، پاکستان، هندوستان، ایران او د مرکزي آسیا له هېوادونو سره ګډ کار وکړي، چې افغانستان ته سوله راشي.

نوموړي زیاته کړې؛ مونږ د امریکا، چین، پاکستان، هند، ایران او د مرکزي آسیا هېوادونو په ګډون له ښکېلو اړخونو سره اړیکې روانې ساتو. دا اړیکې به د خپلمنځي خبرو له بهیر سه مرسته وکړي.

نوموړي زیاته کړې، چې همدا د حل یوازنۍ لار ده.

د روسیې بهرنیو چارو وزیر دغه راز د دوحې تړون پر پلي کیدو ټینګار وکړ او څرګندوي، چې دغه تړون د ملګرو ملتونو د پرېکړه لیک له مخې تصویب شوی دی.

لاوروف په ډاګه کړې: طالبانو ته زمونږ پیغام پټ ندی. مونږ اړتیا لرو، چې طالبان د شخړې له زیاتېدو څخه ډډه وکړي، د مستقیمو خپلمنځی خبرو اترو درناوی وکړي او له نوو غوښتنو راپورته کولو ډډه وکړي.

هغه زیاته کړې: د طالبانو په ګډون ټولې خواوې باید د ملګرو ملتونو د امنیت شورا پرېکړې ته درناوی وکړي.

د یادونې ده، چې د افغانستان د بهرنیو چارو وزیر اتمر تېره چارشنبه د روسیې پر بلنه مسکو ته د یوه لوړ پوړي دولتي پلاوي په مشرۍ د دې هېواد له چارواکو سره د افغانستان د سولې د بهیر په اړه خبرې کړې دي.

Continue Reading

Trending

آریانا نیوز: ټول حقونه خوندي دي