Connect with us

تازه خبرونه

د سولې خبرې باید ژر تر ژره بیا پیل شي – خلیلزاد

خپور شوی

 په

(Last Updated On: غویی ۲۱, ۱۴۰۰)

د افغانستان لپاره د امریکا ځانګړي استازي زلمي خلیلزاد آلماني دیر شپیګل ورځپاڼې ته ویلي، چې په افغانستان کې د تاوتریخوالي کچه خورا لوړه ده او د سولې خبرې باید ژر تر ژره پیل شي.

هغه د تاوتریخوالي د لوړې کچې په اړه ویلي؛ دواړه خواوې باید د ګډ ټکي د موندلو لپاره رښتینې هڅې ترسره کړي. که د سولې هوکړه نه وي؛ نو بل غوراوی د طالبانو بریا نده . دا یوه اوږده جګړه ده.

خلیلزاد دا خبرداری هم ورکړی، چې په افغانستان کې پوځي حل ناشونی دی.

هغه ویلي: که د جمهوريت غوښتونکيو ډلې سره بېلې شي او هره ډله بېله لار غوره کړي؛ دا یو خطرناک امکان دی، نو طالبان به په ځانګړي توګه افراطیان د پوځي حل غوراوي ته وهڅوي.

خلیلزاد وايي؛ په افغانستان کې پر پوځي حل ټینګار به د ۱۹۹۰ لسیزې د تراژیدۍ تکراروي او نیابتي جګړو ته به زمینه برابره کړي.

هغه څرګنده کړې: طالبانو او نورو افغان ډلې  مشرانو هغه مهال هیر کړی ندی. دوی خپلې وېروونکې تېروتنې په پام کې لري. دوی سره راټول شوي ندي او هر یو یې خپلې ګټې تعقیبوي، چې د جګړې او د افغانستان د ورانۍ لامل شوي. مونږ له افغانانو تمه لرو، چې دا تېروتنې تکرار نکړي.

خلیلزاد په ډاګه کړې؛ د استانبول د غونډې ځنډول د طالبانو لپاره یوه آزموینه ده، چې آیا دوی غواړي په سوله ییزه توګه جګړه پای ته ورسوي او که نه.

دی وایي: ترکانو،  قطري مشرانو او ملګرو ملتونو هوکړه کړې، چې د طالبانو او افغان حکومت ترمنځ د سولې خبرو د چټکولو لپاره یوه غونډه جوړه کړي. طالبانو تر دې دمه د دې ناستې پر نېټه  فکر ندی کړی. دوی وايي، چې تر دې دمه یې په دې ناسته کې د ګډون اجازه ترلاسه کړې نده. دوی د بندیانو خوشې کول او له تور نوملړه یې د مشرانو نومونه لرې کول غوښتي.

خليلزاد وايي، جګړه بیه پرې کول غواړي او دواړه خواوې هره ورځ ځاني زیانونه ویني.

د امریکا ځانګړي استازي ويلي، چې طالبان یو فرصت لري او هغه د دوی راتلونکی اغېزمن کړي.

نوموړي زیاته کړې؛ د دوی راتلونکی له نړیوال مشروعیت، مرستو، تور نوملړ او دبندیانو خوشې کولو کې دی؛ خو دا کار له خبرو او پر سیاسي حل هوکړې ته اړتیا لري.

خلیل زاد وايي: جګړه بدیل دی که څه هم تلپاتې لاسته راوړنې هم ولري. دوی غور کوي، چې په آسانۍ یې نشي ګټلی. د دوی اوسني بریدونه به دوی له قانوني ملګرتيا بې برخې  او ډډې ته کړي. دغه راز به د مشرعو همکارانو په توګه ونه منل شي، بندیان به یې خوشې نشي او پهتور نوملړ کې به پاتې وي. د نړیوالې ټولنې دوامداره مخالفت به له پوځي لارې واک ته د رسېدو مخه ونیسي.

د امریکا ځانګړي استازي زیاته کړې؛ اوس د دې وخت رارسیدلی، چې طالبان پرېکړه وکړي، چې پر کومه لاره ولاړ شي.

هغه وایي: مونږ له خپلو متحدینو سره دواړو لارو ته چمتووالی نیسو. دا پیغام طالبانو ته ورکړ شوی دی.

خلیلزاد وايي، چې طالبان په افغانستان کې سیاسي حل ته چمتووالی نیسي.

خلیلزاد ويلي؛ که طالبان جګړه غوره کړي، نو امریکا به له افغان ځواکونو سره ودریږي.

هغه خبرداری ورکوي، چې پر خلکو د غوښتنو تپل به جګړه نوره هم  اوږده کړي.

خلیلزاد ډاډ ورکوي، چې امریکا او نړیواله ټولنه به افغانستان یوازې نه پریږدي.

هغه ویلي: کله، چې له افغانستان څخه د امریکایي ځواکونو وتل بشپړ شي؛ نو ورسره به زمونږ د همکاریو نوی څپرکی هم پرانستل شي. دا هېواد به د افغان ځواکونو، بشري مرستو او پرمختیايي مرستو په ګډون د امریکا د مرستو مخکښ ترلاسه کوونکی وي.

خلیلزاد وايي: پاکستان په افغانستان کې مشروع ګټې لري او افغانان باید دې ګټو ته درناوی ولري.

هغه زیاته کړې؛ د دواړو هېوادونو مشروع ګټې  دا دي، چې د افغانستان خاوره باید د پاکستان پر ضد ونه کارول شي او د پاکستان خاوره باید د افغانستان پروړاندې ونه کارول شي.

خلیلزاد زیاته کړې، چې هغه له بریټانیا سره پر افغانستان او پاکستان کار کوي، چې دواړه هېوادونه وکولی شي پر ګډ امنیت کار وکړي او یوې هوکړې ته ورسیږي.

هغه دغو همکاریو ته په نغوته کې ویلي؛ پاکستان پړ دی، ځکه ډېر طالبان هلته ژوند کوي.

د امریکا دغه ځانګړی استازي ویلي، د افغانستان راتلونکی له طالبانو او نورو افغان مشرانو سره نښلول شوی دی.

هغه وایي: افغان مشرانو ورته ویلي، چې له تېرو پوهیدلي دي؛ خو دا به وخت په ډاګه کړي، چې آیا دوی خپل هېواد او خلکو ته لومړیتوب ورکوي که د نورو پلانونو پلي کولو ته.

دا په داسې حال کې ده، چې خلیلزاد په یو لړ ټویټونو کې د کوچني اختر په ویاړ د طالبانو او حکومت د درې ورځني اوربنده د هرکلي ترڅنګ ویلي؛ سیاسي جوړجاړی او دایمي اوربند د افغانانو حق دی او له همدې کبله مونږ د سیاسي جوړجاړي لپاره د افغانانو ترمنځ د خبرو د ګړندي کیدو او د روانې جګړې د پای ته رسولو غوښتنه کوو.

تازه خبرونه

د هند په کوربتوب د ترهګرۍ په اړه د شانګهای ټولنې غونډه جوړه شوه

خپور شوی

په

توسط

(Last Updated On: غویی ۲۶, ۱۴۰۱)

په هند کې د افغانستان په اړه د شانګهای همکارۍ ټولنې د غړیو هېوادونو سرمشریزه نه یوازې پر سیاسي، اقتصادي او بشري وضعیت را څرخي، بلکې پر ترهګرۍ او نورو سیمه ییزو مسلو هم بحث کوي.

په دې غونډه کې د لومړي ځل لپاره د پاکستان یوه درې کسیز پلاوي هم ګډون کړی؛ د روسیې، چین، ازبکستان، تاجکستان، قزاقستان، قرغزستان، ترکمنستان او ایران لوړ پوړي چارواکې یې نور ګډونوال دي.

د دې څلور ورځنۍ غونډې ګډونوال به د سیمه ییز جوړښت په چوکاټ کې د ترهګرۍ پر ضد اقداماتو او د افغانستان پر امنیتي وضعیت خبرې وکړي.

د پراخ او ټولګډونه حکومت جوړېدل او د ښځو د حقونو ترڅنګ د بشري ناورین او د افغانستان په ثبات، سوکالۍ، پرمختګ او امنیت کې د سیمې د هېوادونو ونډه نور هغه موضوعات دي، چې د دې غونډې غړي به پرې بحث او خبرې وکړي.

د اسلامي امارت ویاند بلال کریمي ويلي؛ له هرې هغې غونډې هرکلی کیږي، چې د افغانستان په ګټه وي.

د تېر کال په نومبر میاشت کې هم نوي ډیلي د افغانستان په اړه د سیمه ییز امنیت د خبرو اترو کوربه و، چې د ایران، قزاقستان، قرغزستان، روسیې، تاجکستان، ترکمنستان او ازبکستان د ملي امنیت سلاکاران یې ګډونوال ول.

Continue Reading

تازه خبرونه

د نجونو پاتې ښوونځي به ډېر ژر له نوي میکانیزم سره پرانیستل شي

خپور شوی

په

توسط

(Last Updated On: غویی ۲۶, ۱۴۰۱)

د اسلامي امارت ویاند ډاډ څرګند کړی، چې د نجونو پاتې ښوونځي به هم ډېر ژر له یوه نوي میکانیزم سره پیل شي.

د اسلامي امارت ویاند ذبیح الله مجاهد د نجونو د منځنیو ښوونځیو او عالي لیسو د درسونو د پیل زېری وړاندې کړ او ټینګار کوي، چې د نجونو ښوونځي به ډېر ژر د یوه نوي میکانیزم پر مرسته بېرته پرانیستل شي.

د پوهنې وزارت پخوانيو چارواکو ويلي، اسلامي امارت عملاً د ښوونځیو د تړلو پر وړاندې د خلکو زغم ویني او نړیواله ټولنه هم د نجونو د ښوونځیو پر بیا پرانستلو ټینګار کوي؛ ځکه، نو دا ستونزه باید ژر تر ژره حل شي.

د پوهنې وزارت پخواني مرستیال صدیق پتمن ویلي؛ طالبان( اسلامي امارت ) بریالی کیږي، چې په یوه ورځ کې ښځو ته د حجاب طرحه وړاندې کړي؛ خو په ۹ میاشتو کې نشي کولی د ښوونځیو د پرانستلو طرحه وړاندې کړي. خلک او نړیواله ټولنه دا موضوع هیرولی نشي.  

د کابل اوسیدونکی سراج الدین ویلي، چې اسلامي امارت د هغو میلیونونو نجونو د تمې شېبې اوږدې کړي، چې ښوونځیو ته له تګه بې برخې شوې دي.

کارپوهان پدې باور دي، چې د نجونو د ښوونځیو پرانیستل کولی شي له اسلامي امارت سره د نړۍ د تعامل لاره اواره کړي.

Continue Reading

تازه خبرونه

ازبکستان به د افغانستان په اړه د نړیوال کنفرانس کوربه وي

خپور شوی

په

توسط

(Last Updated On: غویی ۲۶, ۱۴۰۱)

د ازبکستان د بهرنیو چارو لنډمهالي وزیر ولادیمیر نوروف څرګنده کړې، چې تاشکند به د روان زېږدیز کال د جولای په پای کې د افغانستان په اړه د یوې لوړې کچې نړیوال کنفرانس کوربه وي.

ولادیمیر نوروف زیاته کړې، چې دا نړیوال کنفرانس به د سیمې د امنیت، سیاسي ثبات او ټولنیز-اقتصادي پرمختګ راوڅرخیږي.

نوموړي ویلي؛ له بده مرغه مونږ د دې هېواد( افغانستان) وضعیت ته د نړیوالې ټولنې د پام کمښت وینو؛ وضعیت ستونزمن دی، اقتصادي بحران او ستونزمن بشري وضعیت د سیمې امنیت او ثبات اوس هم ننګوي.

تاشکند ټایمز راپور ورکړی، چې نوروف احساس کړی، چې نړیواله ټولنه باید د افغانستان د اوسني او راتلونکي مسوولیت په غاړه واخلي او په دغه هېواد کې د ستونزو د حل لپاره مرستې روانې وساتي.

د دغه راز نړیوال کنفرانس په اړه تر دې دمه اسلامي امارت څه ندي ویلي؛ خو د اسلامي امارت ویاند ذبیح الله مجاهد تېره ورځ ټویت کړی، چې د افغانانو کورني مسایل پر افغانانو پورې اړه لري او که څوک د افغانستان له سیاسي جوړښت سره تړلیو مسایلو په اړه ملاحظه لري؛ باید له افغانستان سره ګډه همکاري او د سوداګریزو اړیکو د پراخولو لپاره هڅې وکړي.

Continue Reading

Trending

Copyright © 2022 Ariana News. All rights reserved!