Connect with us

تازه خبرونه

د سولې بهیر دې له بهرنۍ پروژې راووځي – حامد کرزی

خپور شوی

 په

(Last Updated On: غبرګولى ۱۰, ۱۴۰۰)

پخواني ولسمشر حامد کرزی له حکومت او طالبانو غوښتي، چې د سولې بهیر باید له بهرنۍ پروژې راووځي او ملي بڼه دې خپله کړي.

نوموړي په کابل کې د سولې همغږۍ کنفرانس ته د وینا پر مهال ویلي، چې سوله باید پر ملي بهیر واوړي. هغه له طالبانو غوښتي، چې بامیان د سولې خبرو اترو لپاره غوره کړي.

هغه د ” کابل د سولې همغږي” نومي کنفرانس ته، چې د ملت ګوند لخوا جوړ شوی ویلي، چې د سولې خبرې؛ ځکه بې پایلې ښکاري، چې د بهرنۍ پروژې بڼه یې خپله کړې او یا ترې پروژوي ګټه اخیستل کیږي.

حامد کرزي پر حکومت او طالبانو غږ کړی، چې د سولې خبرې دې له دې وضعیته راوباسي او دا پر ملي بهیر دې بدل شي، چې ژر تر ژره پای ته ورسول شي.

هغه دا هم ویلي، چې د افغانستان خلک له یو بل سره د دښمن په توګه مخامخ شوي؛ ځکه، نو د سولې خبرې باید ژر تر ژره پای ته ورسیږي.

هغه وایي: راځئ، چې سوله یو ملي  کړو. خپله او د خپلې خاورې یې کړو. خدای دې وکړي، چې  طالبان او زمونږ حکومت ووايي؛ راځئ چې بامیانو ته ولاړ شو. مونږ ښه هوټلونه لرو او هم ښه هوا او نه هوا بدلونې ته اړتیا شته.

هغه د نورو ولایتونو یادونه هم وکړه او ویې ویل، چې دا ولایتونه د خبرو اترو ځای کیدی شي.

حامد کرزي زیاته کړې؛ که د سولې بهیر له یوې بهرنۍ پروژې څخه یو ملي بهیر ته راواړول شي، نو خبرې اترې به مو ډېر ژر پای ته ورسیږي.

د نوموړي د څرګندونو له مخې؛ په افغانستان کې د سولې له خوندي کولو وروسته کولی شو له ګاونډ هېوادونو او نړۍ سره په ملي اراده او خپلواکه خبرې وکړو.

پخواني ولسمشر حامد کرزي د دوه یم نړیوال جنګ د سولې خبرو تجربو ته نغوته وکړه او وایي، چې د لویې کچې جنګونه د ژورو خبرو اترو په لنډه موده کې پای ته رسیدلی او د افغانستان د سولې خبرې باید د یوې میاشتې یا لږ ورځو په اوږدو کې ترسره شي.

د ملي امنیت پخوانی سلاکار رنګین دادفر سپنتا په ګډون نورو چارواکو هم په دې ناسته کې برخه اخیستې وه او ټولو د سولې بهیر د ملي کیدو پر اړتیا ټینګار کړی دی.

تازه خبرونه

ملا عبدالغني برادر د طالبانو خپلمنځي اختلافونه رد کړل

خپور شوی

په

توسط

(Last Updated On: وږی ۲۵, ۱۴۰۰)

 د اسلامي امارت د لومړي وزیر مرستیال ملا عبدالغني برادر په یوه ویډیوي پیغام کې د مشرانو تر منځ د اختلافونو په تړاو خپاره شوي راپورونه د مخالفانو تبلیغ بولي او په دې اړه یې ویلي، چې شفقت او ترحم مو ترمنځ یو اصل پاتې دی.

دغه راز ټایم مجلې د اسلامي امارت د لومړي وزیر مرستیال ملا عبدالغني برادر د ۲۰۲۱ کال یوه اغېزناکه څېره اعلان کړې ده.

د اسلامې امارت د حکومت جوړېدو پر سر د مشرتابه د اختلافونو په تړاو د راپورونو له خپرېدو وروسته اوس د لومړي وزیر لومړي مرستیال ملا عبدالغني برادر، چې دمګړۍ په کندهار کې دی؛ په یوه تازه ویډیویي پیغام کې دا د مشرانو تر منځ د اختلافاتو راپورونه په کلکه رد کړل.

د لومړي وزیر لومړی مرستیال ملا عبدالغني برادر ویلي: الحمدلله روغ رمټ یم. د رسنیو هغه راپور، چې د اختلافاتو په اړه خپور شوی حقیقت نلري. مونږ په خپل منځ کې له شفقت او ترحمه برخمن یو. ان په یوه کورنۍ کې به هم دغه راز شفقت او ترحم نه وي.

د اسلامي امارت دې چارواکي د قطر د بهرنیو چارو له وزیر سره په ناسته کې د خپل نه حضور په اړه ویلي، چې مخکې ترې خبر نه و.

ملا عبدالغني برادر زیاته کړې: د قطر د بهرنیو چارو د وزیر له سفره مخکنۍ خبرتیا نه وه که نه خپل سفر یې له شیخ عبدالرحمن آل ثاني سره د لیدنې لپاره ځنداوه.

دغه راز د اسلامي امارت یوه بل لوړپوړي غړي انس حقاني ویلي، چې د طالبانو د مشرتابه تر منځ د اختلافونو په اړه د مخالفانو تبلیغات د منلو وړ ندي.

انس حقاني ویلي، چې (مخالفان) هڅه کوي د خلکو اذهان مغشوش کړي؛ اندېښنه مکوئ او مونږ پر واک و ځواک د جنګ خلک نه یوو.         

دغه راز ټایم مجلې د اسلامي امارت د لومړي وزیر لومړی مرستیال ملا عبدالغني برادر د ۲۰۲۱ کال یو اغېزناک کس یاد کړی دی او اسلامي امارت هم ملا برادر خپل متفکر مغز بولي، چې په تېرو دوه کلونو کې یې له امریکایانو سره د سولې خبرې رهبري کړې.

ویل کیږي، چې ملا عبدالغني معتدل او د نرم خوی لرونکی شخصیت لري او په افغانستان کې د ټولمنلي حکومت د جوړېدو سر لاری هم منل شوی دی.

Continue Reading

تازه خبرونه

د ایران او افغانستان ترمنځ مسافروړونکې الوتنې بیا پیل شوې

خپور شوی

په

توسط

(Last Updated On: وږی ۲۵, ۱۴۰۰)

سرچینو ويلي، چې په افغانستان کې د پخواني افغان حکومت له سقوط او د اسلامي امارت له واکمنېدو وروسته کابل هوایي ډګر ته د ایران لومړۍ مسافر وړونکې الوتکه رسېدلې ده.

د دغو سرچینو د څرګندونو له مخې، د چارشنبې پر سهار(د وږي ۲۴) د کابل هوایي ډګر ته د ماهان هوایي شرکت ایرانۍ الوتکه ورسېده.

دغه راز زیاته شوې؛ دا لومړی ځل دی د اشرف غني د حکومت له سقوط وروسته یوه هوایي الوتکه له ایران څخه کابل ته رادننه کیږي او بریالۍ ناسته تر سره کوي.

سرچینو په ډاګه کړې؛ په دې الوتنه کې ۱۹ مسافر کابل ته لیږدول شوي او دا مسافر وړونکې الوتکه بېرته مشهد ته راستنه شوې ده.

دا په داسې حال کې ده، چې تېره اوونۍ د پاکستان نړیوال هوایي شرکت (پي آی ای) هم  کابل ته د الوتنو د بیا پیل اعلان کړی و.

Continue Reading

تازه خبرونه

د قومي تعصب او امریکایي ډیموکراسۍ د ساتنې پر پلمه هیڅوک د درېدو حق نلري – قطرت

خپور شوی

په

توسط

(Last Updated On: وږی ۲۵, ۱۴۰۰)

د اسلامي امارت لوی درستیز د چارشنبې پر ورځ / د وږي ۲۴ /  یوې ولسي ناستې ته ویلي؛ هیچا ته اجازه نشته، چې د ډیموکراسۍ، قومي تعصب او تېرو شل کلنو لاسته راوړنو د ملاتړ پر پلمه د اسلامي امارت پر ضد ودریږي او که هرڅوک داسې کوم ګام پورته کړي؛ وبه ځپل شي.

د هېواد لوی درستیز قاري فصیح الدین فطرت څرګنده کړې؛ افغانستان به په راتلوونکي کې داسې یو پیاوړی او منظم پوځ ولري، چې په خپلواکه توګه د هېواد له خاورې دفاع وکړي.

قاري فصیح الدین فطرت وایي، چې د پوځ پر جوړښت خبرې او مشورې روانې دي.

دی ټینګار کوي؛ د پوځ منسوبین باید داسې وروزل شي؛ چې وکړای شي له افغانستان دفاع وکړي.

نوموړي زیاته کړې: هغه کسان، چې د امنیت د ګډوډولو او کورنۍ جګړې د پیل په هڅه کې دي؛ وبه ځپل شي.

د ناستې برخوالو هم د افغانستان د خلکو پر یووالي ټینګار کړی دی.

د اسلامي امارت غړي قاري جمال الدین ویلي؛ خلک باید متحد شي او له نظامه ملاتړ وکړي، چې هېواد ودان کړو.

په بدخشان کې د اسلامي امارت مفتي عبدالقدیر غفوري ویلي؛ له اسلامي امارت څخه مو هیله داده، چې بریالیتوب لپاره د نفاق او بدبینئ مخه ونیسي.

د یادونې ده، چې افغانستان څه باندې درې نیم سوه زره وسلوال ځواکونه درلودل، چې د طالبانو لخوا د واک له نیول سره دړې وړې شول. اوس روښانه نده، چې آیا په نوي جوړېدونکي پوځ کې به له دوی کار واخیستل شي او که نه؟!

Continue Reading

Trending

آریانا نیوز: ټول حقونه خوندي دي