Connect with us

تازه خبرونه

د سروبي ولسوالۍ سیلاب ځپلیو ته د بیات بنیاد مرستې ووېشل شوې

Ariana News

خپور شوی

 په

(Last Updated On: September 28, 2020)

د بیات بنیاد مرستې د کابل ولایت د سروبي ولسوالۍ پر سیلاب ځپلیو او د جګړې پر بې ځایه شویو ووېشل شوې.

بیات بنیاد د وروستیو سیلابونو له زیانمنو شویو سره د مرستو په لړ کې له پروان او میدان وردګ وروسته د کابل سروبي ولسوالۍ ته هم مرستې ورسولې.

په دې مرستو کې اوړه، غوړي، وریځې او مکروني شامل دي.

د بیات بنیاد مرستیال حاجي اسماعیل ویلي، دا ډول مرستې به د نورو ولایتونو اړمنو کورنیو ته هم ووېشل شي.

د دې بنسټ د مسوولینو د څرګندونو له مخې؛ په دې مرستو کې وریځې، غوړي، مکروني او اوړه شامل دي.

د سروبي ولسوال شاه محمود ابراهیم خېل اړمنو کورنیو ته د دې مرستو پر وېش خوښي وښوده او له نورو خیریه بنسټونو یې هم غوښتنه وکړه، چې زیانمنو شویو کورنیو سره مرستې وکړي.

سروبي د کابل ناامنه ولسوالۍ ده، چې په وروستۍ میاشت کې دغلته سیلابونو او بې رحمې جګړو ډېرې کورنۍ زیانمنې کړي دي.

 د کابل د سروبي ولسوالۍ اوسېدونکې خسته ګل، چې دا مرستې تر لاسه کړي، له بیات بنیاد مننه کوي او غواړي، چې نور بنسټونه هم ور سره  مرستې وکړي.

له څه باندې یوې نیمې لسیزې راپدیخوا بیات بنیاد د هېواد په ګوټ – ګوټ کې پر اړو او زیانمنو کورنیو مرستې وېشي او د طبیعي آفتونو د زیانمنو شویو لاس نیوی یې ستر ماموریت دی.

 

تازه خبرونه

Taliban delegation in Iran for ‘talks’

Ariana News

خپور شوی

په

توسط

(Last Updated On: January 26, 2021)

The Taliban’s head of its political office, Mullah Baradar Akhand and an accompanying delegation arrived in Iran on Monday for talks with Iranian officials.

The Taliban’s spokesman Mohammad Naeem said they would discuss relations between the two countries; the issue of Afghan refugees in Iran; and the current political and security situation in Afghanistan.

Iran’s foreign ministry also confirmed the trip and said in a statement that a Taliban political delegation had arrived in Tehran.

Iran’s foreign ministry spokesman Saeed Khatibzadeh said the trip was a pre-arranged visit.

“This delegation arrived in Tehran this morning based on arrangements already made and upon the invitation of the Foreign Ministry of the Islamic Republic of Iran, and was welcomed by foreign ministry officials,” he said.

“During their stay in Tehran, the Taliban’s political delegation will have meetings with Iranian officials, including the respected foreign minister and Iran’s special envoy for Afghanistan, and discuss the peace trend in Afghanistan as well as relevant issues and topics,” he said.

Continue Reading

تازه خبرونه

طالبان او القاعده نږدې اړیکې لري – امریکا

Ariana News

خپور شوی

په

توسط

(Last Updated On: January 26, 2021)

د امریکا خزانې وزارت په یوه نوي راپور کې څرګنده کړې، چې په افغانستان کې د طالبانو تر ملاتړ لاندې القاعده مخ پر ځواکمنېدو ده.

د یاد وزارت د څرګندونو له مخې؛  که څه هم طالبانو له امریکا سره په هوکړه کې ژمنه کړې، چې له  القاعدې سره اړیکې پرې کوي؛ خو دوی دواړه اوس هم نږدې اړیکې لري.

په دې راپور کې راغلي؛ القاعده په ۲۰۲۰ کال کې د طالبانو تر ملاتړ لاندې پیاوړې شوې ده. دوی د طالبانو تر څارنې لاندې سیمو کې خپلې هڅې روانې ساتلې دي.القاعده تر دې دمه د هغو ډلو او اشخاصو پر مرستو تکیه کړې، چې باور لري د دوی پیسې باید د بشري اهدافو لپاره وکارول شي.

راپور په ډاګه کړې، چې طالبان د خپلو سلاکارانو له لارې له القاعدې سره په اړیکه کې دي او ترې مشورې، لارښوونې او مالي ملاتړ تر لاسه کوي.

راپور زیاته کړې: د حقاني شبکې لوړپوړیو څېرو د القاعدې پر مالي ملاتړ او همکارۍ د یوې ګډې قطعې پر جوړولو بحث او خبرې کړې دي.

د امریکا خزانې وزارت په ډاګه کړې، چې د القاعدې افرادو او تحریک طالبان پاکستان غواړي، چې په سرحدي سیمو کې د خوندي پټنځایونو پر جوړولو لپاره کار کوي.

یاد وزارت ویلي؛ القاعده له خپل مشرتابه څخه د دوی د هندي برخې لپاره پیسې تر لاسi ه کوي. د ۲۰۲۰ کال په می میاشت کې طالبانو او القاعده پیاوړې اړیکې درلودې او تودې اړیکې او لیده کاته یې لرل.

د خزانې وزارت راپور دا هم ویلي، چې دا عش جنګیالي په افغانستان کې پر مالیې راټولولو، شوکو او نورو مالي سرچینو ډېره تکیه کوي.

د راپورونو له مخې؛  په ننګرهار کې پر ۲۰۱۹ کال طالبانو او افغان حکومت د داعش پر پټنځایونو بریدونه وکړل او څرګنده شوه، چې دغه ډله له طبیعي سرچینو مالي امکانات تر لاسه کوي.

طالبانو او افغان حکومت تر دې دمه پدې اړه څه ندي ویلي.

له دې مخکې د امریکا ملي امنیت شورا خپل افغان سیال حمدالله محب ته ویلي وه، چې امریکا له طالبانو سره پر لاسلیک شوې هوکړې له سره غور کوي.

Continue Reading

تازه خبرونه

د ۱۸ ډوله غوښې له تړون سره مخالفت مې د ګوښه کېدو لامل دی – ارغندیوال

Ariana News

خپور شوی

په

توسط

(Last Updated On: January 26, 2021)

د مالیې پخواني وزیر عبدالهادي ارغندیوال ويلي، چې د ارګ خانګړې کړۍ له هغې وروسته له دندې ګوښه کړ، چې د چارو ادارې د اتلس ډوله غوښې او په لوړه بیه د تېلو له تړنونو سره مې مخالفت څرګند کړ.

ولسمشر غني د شنبې پر ورځ د یوه حکم له مخې عبدالهادي ارغندیوال د مالیې وزارت له دندې ګوښه کړ. ولسمشرۍ ماڼۍ ویلي وه، چې ارغندیوال د عوایدو په راټولو کې بې پروايي کړې او د ولسمشر له سپارښتنو یې سرغړونه کړې ده.

عبدالهادي ارغندیوال د دوشنبې پر ورځ خبري رسنیو ته په ډاګه کړه، چې د ارګ ځانګړې کړۍ د مالیې وزارت په چارو کې لاسوهنه کوله او د همدې کړۍ لخوا له دندې ګوښه شوی دی.

د مالیې وزارت پخوانی وزیر عبدالهادي ارغندیوال وایي: له هغې وروسته له دندې ګوښه کړ شو، چې له ده څخه د تدارکاتو ملي کمیسیون د غړیتوب غوښتنه وشوه؛ خو ده ونه منله او د چارو ادراې لپاره د اتلس ډوله غوښې او په لوړه بیه د تېلو له تړنونو سره یې مخالفت وکړ.

ارغندیوال وايي، چې د مالیې په وزارت کې یې له فساد سره جدي مبارزه کړې او د ده د هڅو برکت و، چې د ژنیو په نړیواله غونډه کې نړیوالو له افغانستان سره د میلیارډونو ډالرو مرستې اعلان وکړ.

عبدالهادي ارغندیوال په تېرو ولسمشریزو ټاکنو کې د اشرف غني په مشرۍ د دولت جوړوونکې ټاکنیزې ډلې ملاتړی و او له همدې کبله مالیې وزارت ته وروپېژندل شو او له ولسي جرګې یې هم د باور رایه تر لاسه کړې وه.

Continue Reading

Trending

Copyright © 2021 Ariana News. All rights reserved!