Connect with us

تازه خبرونه

د روغتیایی مرکزونو د کموالي له امله دوی نه شي کولای ټول معتادین تداوي کړي

Avatar

خپور شوی

 په

(Last Updated On: غبرګولى ۲۰, ۱۳۹۴)

vlcsnap-2015-06-10-17h43m09s51

د نشه يی توکو په وړاندې د مبارزې وزیره ناامني، کډوالي او بې کاري د نشه یی توکو د کاروبار د پراختیا او د روږدو کسانو د زیاتوالي عمده عوامل بولي.

نوموړی وایی، په هېواد کې د روغتیایی مرکزونو د کموالي له امله دوی نه شي کولای ټول معتادین تداوي کړي.

د نشه یی توکو په وړاندې د مبارزې وزیر دغه څرګندونې د ولسي جرګې په استجوابیه غونډه کې بیان کړې.

کله چې وزیر د وکیلانو پوښتنې ځوابولې، زیاتره وکیلان له تالاره وتلي وو او د ګوتو په شمېر کسان پاتې وو.

نن (د جوزا ۲۰ مه) د نشه یی توکو په وړاندې د مبارزې وزیر او د کورنیو چارو وزارت د نشه یی توکو پر وړاندې د مبارزې معین د ولسي جرګې له خوا استجواب شويو وو.

د ولسي جرګې غړو په دواړو بنسټونو نیوکه وکړه چې د نشه یی توکو د مخنیوي لپاره یې پام وړ کار نه دی کړی.

نسیمه نیازۍ – ولسي جرګه هلمند:

خپله معینت د نشه یی توکو د زیاتوالي لامل شوی، ټول مسولین د کمپاینونو پر مهال ولایتونو ته سفر کوي تر څو پیسې تر لاسه کړي.

ندیر احمد حنفي ولسي جرګه- هرات:

هیچ نښه نه لیدل کیږی چې د مخدره توکو د کموالی لپاره لازم کړني شوي وي. په هغه سیمو کې چي طالب نشته هم نشه یی توکی شته.

د ولسي جرګې دغې استجوابیه غونډې ته د کورنیو چارو وزارت د نشه یی توکو په وړاندې د مبارزې معین نه و ورغلی، وکیلان دې کړنې سخت غصه کړي وو او کله چې د نشه یی توکو په وړاندې د مبارزې وزیره غږیده، زیاتره وکیلان له غونډې ووتل.

د روغتیایی مرکزونو کموالی هغه ستونزه بلل کیږي چې د ټولو معتادینو درملنه یې ناشونې کړې ده.

د نشه یی توکو په وړاندې د مبارې وزیره سلامت عظیمي

۱۰۸ روغتیا یی مرکزونه لرو چې د ټول دری نیم سوه میلون کسانو د درملنی توان نلرو.”

د نشه یی توکو په وړاندې د مبارزې د وزیرې خبرې د ولسي جرګې د غړو د قناعت وړ ونه ګرځېدې.

د ولسي جرګې رییس وایی، وزارت باید له اړوندو بنسټونو سره په همغږي کې یوه جامع پالیسي جوړه او د شته ستونزو د حل لپاره هڅه وکړي.

خبریال: عبدالعزیز کریمی

Continue Reading
Advertisement

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Avatar

خپور شوی

په

توسط

(Last Updated On: غبرګولى ۵, ۱۳۹۹)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

تازه خبرونه

آسټرالیا په نړۍ کې د انټرنیت تر ټولو چټک سرعت رامنځته کړ

Avatar

خپور شوی

په

توسط

(Last Updated On: غبرګولى ۵, ۱۳۹۹)

د موناش، سوینبرن او آر ام آی ټي پوهنتونونو څیړونکو د آپټیکل (نوري) چپ څخه د نړۍ ترټولو چټک او ګړندی انټرنیټي سرعت، چې په ثانیه کې د ۴۴ اعشاریه ۲ تیرابیت ظرفیت لري، رامنځته کړی دی.

یوه شننه چې د نیچر کمیونیکشنز په مجله کې خپره شوې ښیې چې په آسټرالیا کې د موناش، سوینبرن او آر ام آی ټي پوهنتونونو د څیړونکو یوې ډلې د انټرنیټ ترټولو چټک سرعت ایجاد او په بریالیتوب سره ازموینه هم کړې.

دا څیړنه ښیې چې د دې اختراع په کارولو سره، د معلوماتي ټیکنالوژۍ پدې سرعت سره، مونږ کولی شو په ثانیو کې ۱۰۰۰ لوړ کیفیته فلمونه ډاونلوډ کړو.

څیړونکو د انټرنیټ دا لوړه وړتیا د ۸۰ لیزرونو پر ځای چې دمخه د مخابراتي سیګنالونو لیږدولو لپاره کاریدل، یو د مایکرو کام یا نوري چپ په کارولو سره، لاسته راوړې ده.

د یادو موندنو له مخې، په دې ټکنالوژې سره به نه یوازې د آسټرالیا د مخابراتو ظرفیت ګړندی شي، بلکه په ټوله نړۍ کې به دغه ټیکنالوژي وکارول شي.

د دې موندنو پراساس، دغه ټیکنالوژي به په میلبورن، آسټرالیا او په نړۍ کې ترټولو لوړ انټرنیټ سرعت وي چې ملیاردونو پیرودوني به ترې خوند واخلي.

دا لومړی ځل دی چې یو مایکرو کام په داسې تجربه کې کارول شوی، او دا د نوري چپ څخه رامینځته شوي عنصر، د خورا ډیر معلوماتو ظرفیت لري.

ډاکټر بل کورکوران، چي د یادو څیړونکو له جملې څخه یو دې، داسی وایي: “موږ اوس په دې پوهیږو چې څنګه د انټرنیټ کارولو بې ساري شمیر له امله، په دوه یا دریو کلونو کې د انټرنیټ بیخبنا لا زیاته ګړندې کړو.”

Continue Reading

تازه خبرونه

طالبان د حکومت لخوا د ۲زرو بندیانو د خوشې کولو اعلان یو ښه ګام بولي

Avatar

خپور شوی

په

توسط

(Last Updated On: غبرګولى ۵, ۱۳۹۹)

طالبانو د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې د ۵ زرو بندیانو خوشې کول اړین ټکې دې.

د طالبانو د سیاسي دفتر ویاند سهیل شاهین د ټویټر له لارې د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې افغانانو د خپلمنځي خبرو د پیل لپاره د ۵ زرو بندیانو خوشې کول د دوحې په هوکړه منل شوې دي.

هغه لیکي: “د دوحې په توافقنامه کې د ۵ زرو بندیانو د خلاصون غوښتنه د دې لپاره وه چې د اعتماد مناسبه فضا رامنځته شي، باید دغه پروسه تکمیل شی څو د بین الافغاني مذاکراتو د پيل په مخکې خنډونه لیري شي.”

همداراز هغه زایته کړې چې طالبان “هم په خپله خوا کې د بندیانو خلاصون ته متعهد دی.”

دا په داسی حال کې ده چې تیره ورځ، د اختر له لمانځه وروسته، ولسمشر غني د طالبانو د درې ورځني اوربند اعلان په څواب کې وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

له بلی خوا، متحده ایالاتو هم د افغانستان د ولسمشر محمد اشرف غني لخوا د دې اعلان ستاینه کړې ده.

ولسمشر په خپل ټویټر کې لیکلي چې هغه د امریکې د بهرنیو چارو د وزیر مایک پامپیو څخه په دې مناسبت تلیفون اړیکه ترلاسه کړې او وایي: “هغه د افغان حکومت څخه د ۲زرو طالب بندیانو د خوشې کولو دغه زړوره پرېکړه وستایله. هغه تاکید وکړ چې متحده ایالات به د اوږد مهاله اوربند / د تاوتریخوالي کمول او د مستقیمو خبرو اترو د پیل لپاره ټینګار وکړي.”

د یادونې وړ ده چې حکومت د متحده ایالاتو او طالبانو ترمینځ افغانستان ته د سولې راوستلو د تړون له لاسلیک وروسته، ۱۵۰۰  طالب بندیان خوشې کړل. همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي. خو ښایي چې د امریکي استازي زلمي خلیلزاد تازه هڅې زرغونې شوي او دغه لړې بیا پیل کیږي.

Continue Reading

Trending