Connect with us

نړۍ

د روسیې په یوه پوهنتون کې پر ډزو اته کسان وژل شوي

خپور شوی

 په

(Last Updated On: وږی ۲۹, ۱۴۰۰)

روسي چارواکيو ويلي، چې نن سهار (دوشنبه د وږي ۲۹ د سپټمبر ۲۰) د روسیې د پرم ښار په یوه پوهنتون کې پر ډزو اته کسان وژل شوي او یو شمېر نور ټپیان دي.

د راپورونو له مخې، بریدګر د امنیتي ځواکونو لخوا نیول شوی دی.

تاس خبري آژانس د یوې سرچینې د څرګندونو له مخې څرګنده کړې، چې یوه ناپېژانده کس د پوهنتون ودانۍ ته له ننوتلو وروسته ډزې پیل کړې.

دغه راز رین ټلوېزیون د پېښې ویډیوي انځورونه خپاره کړي، چې ښيي خلک د دوه یم پوړ له کړکیو د پوهنتون انګړ ته رادانګي.

د پېښې علت او انګېزه تر اوسه نده روښانه شوې.

روسي چارواکو ویلي، چې د برید کوونکي په اړه څېړنې روانې دي.

رویټرز راپور ورکړی، چې بریدګر ۱۸ کلن دی او د دې پوهنتون زدکړیال هم دی.

د روسي رسنیو د راپورونو له مخې، برید کونکي له دې مخکې په ټولنیزو رسنیو کې خپل انځورونه له وسلې سره خپاره کړي دي.

له دې مخکې هم د روسیې په پوهنتونونو او ښوونځیو کې ډزې شوي، چې ډېری یې د اړوند بنسټونو زدکوونکي وه، چې وروستۍ پېښه یې د روان کال د غویی پر ۲۱ د روسیې د کازان ښار په یوه ښوونځي کې پر ډزې د اووه زدکوونکيو او یوه ښوونکي وژل کېدل دي.

نړۍ

په پاکستان کې د فرانسوي کارتونونو د بیا خپرولو پرسر له نښتې مرګ و ژوبله رامنځته شوې

خپور شوی

په

توسط

(Last Updated On: لړم ۶, ۱۴۰۰)

د رویټرز د څرګندونو له مخې د پنجاب د پولیسو مشر راو سردار علي خان پرون ویلي، چې د اسلامپالو له تاوتریخوالي څخه په ډک لاریون کې څلور پولیس افسران وژل شوي او لږ تر لږه ۲۶۳ نور ټپیان دي.

رویټرز د چارواکو د څرګندونو له مخې څرګنده کړې؛ د لاهور ختیځ ښار ته نږدې د یوې اسلامپالې وسلوالې ډلې فعالانو د سپکو فرانسوي کارټونونو د بیا خپراوي پر ضد په یوه مظاهره کې له امنیتي ځواکونو سره نښته کړې ده.

د پنجاب د پولیسو ویاند د چارشنبې پر ورځ ویلي، نښته د لاهور ښار د شیخوپورې په یوه لویه لار کې د پولیسو او تحریک لبیک د اسلامپالو په یوه لاریون کې هغه مهال رامنځته شوه، چې دې ډلې د پلازمېنې اسلام آباد پر لور پر لاریون غزولو ټینګار کاوه.

پولیسو ویلي، چې د تحریک لبیک فعالینو پر تومانچه او اټووماټیکو وسلو په ګډون پر امنیتي ځواکونو ډزې کړې دي.

د پنجاب پولیسو مشر جنرل راو سردار علي خان ویلي؛ څلور افسران وژل شوي او لږ تر لږه ۲۶۳ نور ټپیان دي.

د تحریک لبیک ویاند ویلي، چې په نښته کې د دې ډلې یو شمېر فعالانو ته هم مرګ و ژوبله اوښتې ده.

د تحریک لبیک په زرګونه فعالانو د جمعې له ورځې راپدیخوا د پاکستان تر ټولو لویه لار تړلې او د فرانسې د طنزیه مجلې لخوا د پیغمبر محمد صلی الله علیه وسلم د انځورونو د لړۍ د خپریدو له کبله د خپل مشر سعد رضوي د خوشې کیدو او د فرانسې د سفیر د شړلو غوښتنه کوي.

د رویټرز د څرګندونو له مخې؛ له څو ورځو له تاوتریخوالی وروسته، چې د تېرې اوونۍ په نښته کې درې پولیس افسران ووژل شول.

کورنیو چارو وزارت د تروریزم ضد قوانینو لاندې د امنیت ټینګښت په موخه رنجرز نومي نیمه پوځي ځواک د ګمارلو امر وکړ، د ۶۰ ورځو لپاره به خپله دنده ترسره کوي.

د کورنیو چارو وزیر شیخ رشید احمد خبریالانو ته ویلي، ما دوی ته دا اختیار ورکړی، چې د پنجاب په هر ځای ته لاړ شي او له تحریک لبیک هم غواړي، چې: مهرباني وکړئ شاته ولاړ شئ.

د رویټرز د څرګندونو له مخې؛ دا له ۲۰۱۷ زېږدیز کال راپدیخوا په ټول پاکستان کې د دې ډلې درېیم لوي لاریو او اعتراض دی، چې د اړوند فرانسوي کاریکاټورونو په اړه، چې مسلمانان یې د اسلام سپکاوی ګڼي ترسره کیږي.

فرانسوي مجلې شارلي ابډو په لومړي ځل دغه کارتونونه پر ۲۰۰۶ زېږدیز کال خپاره کړل او بیا تېر کال په ۲۰۱۵ زېږدیز کال کې د دوی پر دفتر د اسلامپالو وسلوالو د خونړي برید د محاکمه کولو پر ویاړ خپاره شول.

د پاکستان د اطلاعاتو وزیر فواد چوهدري ویلي، حکومت به پلازمېنې اسلام آباد ته د اسلامپالو د ننوتو د مخنیوي لپاره له زور څخه کار واخلي.

هغه خبریالانو ته ویلي: مونږ پرلویه لار د دوی د مخنیوي لپاره کانټینرونه ځای پر ځای کړي او تر دې دمه مو زغم ښودلی؛ خو حکومتي واک ننګول نور نشي زغملای.

Continue Reading

تازه خبرونه

پاکستان نیوزیلاند ته پر ۵ ویکټو ماتې ورکړه

خپور شوی

په

توسط

(Last Updated On: لړم ۵, ۱۴۰۰)

د کرکټ شل آوریز جام په سوپر ۱۲ پړاو کې پاکستان لوبډلې خپل سیال نیوزیلاند ته د ۵ ویکټو ماتې ورکړه.

په دې لوبه کې د پاکستان توپ اچوونکیو سیال لوبډله ډېرو منډو جوړولو ته پرینښوده او ویکټې یې خپلې کړې.

نیوزیلاند په دغو شل آورونو کې د ۷ لوبغاړیو پر سوزېدو ۱۳۴ منډې جوړې کړې.

په پای کې پاکستان لوبډله ټکل شوې موخې ته ورسېده او نیوزیلاند ته یې د ۵ ویکټو پر توپیر ماتې ورکړه.

له دې لوبدلې هندوستان ته د لس ویکټو پر توپیر ستره ماته ورکړې وه.

Continue Reading

مهم خبرونه

افغانستان په نړیوال جام کې سکاټلینډ ته پر ۱۳۰ منډو ماته ورکړه

خپور شوی

په

توسط

(Last Updated On: لړم ۳, ۱۴۰۰)

افغانستان نن شپه د کرکټ نړیوال جام د ۲۰ آوریزو لوبو په لومړۍ سیالۍ کې سکاټلینډ ته پر ۱۳۰ منډو ماته ورکړه.

په دې لوبه کې د افغانستان د کرکټ ملي لوبډلې ۴ لوبغاړي له لاسه ورکړل؛ خو بریالي شول، چې خپلې سیالې لولبډلې ته د ۱۹۱ منډو هدف وټاکه.

په دې لوبه کې حضرت الله ځاځي ۴۴، رحمان الله ګوربز ۴۶ او نجیب الله ځدراڼ ۵۹ مندې جوړې کړې.

د سکاټلنډ لوبډلې تر ۶۰ منډو پورې خپل ټول لوبغاړي له لاسه ورکړل.

د ا.ا.ا ویاند ذبیح الله مجاهد په خپل ټویټ کې د نړیوال جام په روانو شل آوریزو سیالیو کې د افغان لوبډلې بریا ستایلې او د دې بریا مبارکي یې ټولو هېوادوالو ته وړاندې کړې او زیاتوي؛ د ملي لوبډلې اتلولي ستایو او په راتلونکې ورته د نورو بریاوو هیله هم کوو.

Continue Reading

Trending

آریانا نیوز: ټول حقونه خوندي دي