Connect with us

تازه خبرونه

د خپلمنځي خبرو پلاوي د خبرو پر اصولو هوکړې ته رسیدل رد کړل

خپور شوی

 په

(Last Updated On: تله ۱۵, ۱۳۹۹)

نن له غرمې وروسته داسې یو راپور خپور شو، چې ګویا د طالبانو او حکومت د خپلمنځي خبرو دواړه پلاوي د خبرو اترو پر اصولو هوکړه کړې؛ خو وروسته بیا دد پلاوو د غړیو لخوا رد شو.

رویترز په دوحه کې د درې رسمي سرچینو د څرګندونو له مخې په ډاګه کړې وه، چې د افغانانو د خپلمنخي خبرو حکومتي او طالب پلاوي د خبرو اترو د اصولو په اړه هوکړې ته رسیدلي دي.

دغو سرچینو رویترز ته څرګنده کړې، چې پلاوو د امریکا په مرسته د خبرو اترو د پرمخ بیولو لپاره پر ۱۹ مادو هوکړه کړې ده.

د حکومت د خبرو اترو پلاوي تویت کړی، چې د سولې خبرو اترو د وروستي پړاو په اړه د رویترز خپوره شوی راپور رښتینی ندی.

د طالبانو د قطر د سیاسي دفتر ویاند نعیم وردګ هم تویت کړی، چې د خپلمنځي خبرو پلاوي د طرزالعمل په اړه هوکړې ته ندي رسیدلي او په رسنیو کې په دې اړه خپور شوی راپور حقیقت نلري.

د طالب او حکومتي پلاوي تر منځ خپلمنځي خبرې درې اوونۍ مخکې په دوحه کې پیل شوې دي.

د خبرو د پرمختګ په اړه خبر په داسې حال کې خپریږي، چې ولسمشر اشرف غني قطر ته په دوه ورځني رسمي سفر تلی او تر دې دمه یې له حکومتي پلاوي او د افغانستان د سولې لپاره د امریکا د ځانګړي استازي زلمي خلیلزاد په مشرۍ له امریکایي پلاوي سره لیدلي دي.

تازه خبرونه

د ا.ا.ا پلاوی د افغانستان په اړه د خبرو لپاره مسکو ته رسېدلی

خپور شوی

په

توسط

(Last Updated On: تله ۲۸, ۱۴۰۰)

د افغانستان د اسلامي امارت یو پلاوی د لومړي وزیر د مرستیال مولوي عبدالسلام حنفي پر مشرۍ مسکو ته رسېدلی، چې ټاکل شوې نن د افغانستان د راتلونکي په اړه په جوړېدونکې ټرویکا غونډه کې ګډون وکړي.

په کابل کې د روسیې سفارت ویلي، چې نن (چارشنبه د تلې ۲۸ / د اکتوبر ۲۰)  د افغانستان د حالاتو په اړه یوه لویه نړیواله غونډه جوړيږي.

د سرچینې خبرپاڼې زیاته کړې؛ په دې غونډه د کورني سیاست په ګډون له شخړو وروسته رامنځته شوي شرایط، چې د دغه هیواد بیارغونې لپاره اړین دي څېړل کیږي.

دا په داسې حال کې ده، چې دې غونډې ته د افغانستان ی د لومړي وزیر د مرستیال مولوي عبدالسلام حنفي په مشرۍ د بهرنیو چارو ، اقتصاد ، صنعت او سوداګرۍ وزیران او نور لوړپوړي چارواکي ورغلي دي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین، هند، ایران، د منځنۍ آسیا د حکومتونو او پاکستان په ګډون ۱۱ هېوادونه بلل شوي دي.

Continue Reading

تازه خبرونه

په کابل ښار کې پر امنیتي ځواکونو د لاسي بم برید وشو

خپور شوی

په

توسط

(Last Updated On: تله ۲۸, ۱۴۰۰)

د کورنیو چارو وزارت ویاند قاری سعید خوستي څرګنده کړې؛ د چارشنبې پر سهار د کابل ښار د درېيمې امنیتي حوزې اړوند په دهمزنګ سیمه کې د ژوبڼ له لورې پر امنیتي ځواکونو د لاسي بم برید شوی، چې دوه کسان يې ټپیان کړي دي.

قاري سعید زیاته کړې د پېښې د عاملينو پلټنه روانه ده.

عیني شاهدانو ویلي، چې په دې برید کې ۴ کسان ټپیان شوي دي.

دبرید پړه  تر دې دمه چا پرغاړه نده اخیستې.

Continue Reading

تازه خبرونه

په مسکو کې د روسیې، چین او پاکستان استازیو ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

Trending

آریانا نیوز: ټول حقونه خوندي دي