Connect with us

تازه خبرونه

د خپلمنځي خبرو لومړی پړاو به په قطر کې ترسره شي

خپور شوی

 په

(Last Updated On: غبرګولى ۲۵, ۱۳۹۹)

د افغانستان حکومت هوکړه کړې، چې د خپلمنځي خبرو لومړی پړاو دې په قطر کې ترسره شي.

افغانستان، امریکا او قطر د خپلمنځي خبرو د لومړي پړاو ترسره کولو لپاره په داسې حال کې چمتووالي په ډاګه کړې، چې د دغو خبرو د پیل نېټه نده روښانه؛ خو په حکومت  کې یو شمېر سرچینو ویلي، چې د خبرو د لومړي پړاو لپاره پر قطر د ټولو لوریو هوکړه شوې ده.

د ولسمشر د ویاند مرستیال دواخان مینه پال ویلي؛ قطر اوس هم د افغانستان د سولې په بهیر کې همکار دی او له قطر پرته نور هېوادونه هم شته، چې د سولې په بهیر کې یې همکاري کړې ده.

د نوموړي د څرګندونو له مخې، تراوسه د مذاکراتو د نورو پړاوونو په اړه هوکړه نده شوې.

د افغانستان لپاره د قطر د بهرنیو چارو وزارت استازي کابل ته په سفر کې د حکومت له مشرانو او طالب پلاوي سره په خبرو کې ویلي، چې په راتلونکیو ورځو کې به د دواړو لوریو له خوا ډېر بندیان آزاد شي او په روانه اوونۍ کې به دا بهیر بشپړ شي.

د افغانستان لپاره د قطر د بهرنیو چارو وزارت استازي مطلق القحطاني څرګنده کړې، چې په دې ورځو کې به ډېر بندیان خوشي شي. تمه لرو، چې په دې اوونۍ کې د بندیانو آزادول پای ته ورسیږي او بل پړاو ته ورسیږو، چې د افغانستان لپاره یو تاریخي پړاو دی. یعنې د خبرو میز ته د افغان لوریو کیناستل، چې د روان خونړي بحران لپاره یوه د حل لار ومومي.

 حکومت ویلي؛ د مذاکراتو لپاره ټول چمتو والی نیول شوی او حتا اجندا یې هم طالبانو ته وړاندیز شوې ده.

د ملي امنیت شورا ویاند جاوید فیصل ویلي؛ په خبرو کې د پرمختګ ستر خنډ طالبان دي، مونږ د خبرو اجندا جوړه کړې او طالبانو ته سپارل شوې، خو ځواب یې تر دې دمه تر لاسه شوی ندی.

تراوسه درې زره طالب بندیان د دولت له زندانونو او سلګونه دولتي سرتېري د طالبانو له بند خوشي شوي دي. د دواړو لوریو تخنیکی پلاوي په کابل کې د دوه زره نورو طالب بندیانو پر نوملړ کار کوي.

د ملي امنیت شورا ویلي د حکومت او طالبانو د تخنیکي پلاوي د کار له بشپړیدو سره به د بندیانو آزادول بیا پيل شي.

تمه ده، چې د طالبانو د دوه زره نورو بندیانو له خوشي کیدو سره د جون په میاشت کې مذاکرات پيل شي.

تازه خبرونه

د تښتیدلي ولسمشر اشرف غني له ۱۰۰ دېر دروغ وشمېرل شول

خپور شوی

په

توسط

(Last Updated On: تله ۲۵, ۱۴۰۰)

خلکو ویلي؛ له هېواده د جمهوریت تښتیدلي ولسمشر د خپلې واکمنۍ پر مهال له سل ډېر دروغ ویلي او له زر ډېرې داسې ژمنې یې افغان ملت ته وړاندې کړي، چې یوه یې هم پلې شوې نده.

افغانان وايي، چې اشرف غني د ولسواکۍ داسې یو ولسمشر و، چې له هېواده پر تېښتې سربېره یې ملت ته ګڼ دروغویلي او غولولی یې دی.

اشرف غني د کمال خان بند د پرانیستې په مراسمو کې ویلي وه، چې افغانستان به په پېنځه کلونو کې پاکستان او هند ته برښنا صادره کړي او په زغرده به  یې ویل، چې له هېواده نه تښتي؛ خو د خلکو د څرګندونو له مخې همدا یې ستر دروغ ول.

خلک وايي، چې اشرف غني له ملت سره سلګونه ژمنې وکړې، چې یوه یې هم عملي نکړه او ولسونه یې تېرېستي دي.

په دې رپوټ کې د اشرف غني د درغو ژمنې په لاندې ډول مستندې شوې دي:

– یو میلیون کاری فرصتونه رامنځته کول؛ خو پېنځه میلیون خلک بې کاره شول.

– د باغیس په سفر کې یې یو کال مخکې په ټولو ولسوالیو کې د یوـ یو مسلکي او تخنیکي ښوونځي جوړول.

– په شپږ میاشتو کې ټولو ښوونکیو ته د یوې نمرې ځمکې ورکول.

– په دوه کلونو کې د هېواد ټولو ولسوالیو ته د برښنا رسول.

– په پېنځه کلونو کې پاکستان او هند ته د برښنا صادرول.

– په هېواد کې د وینې تویېدنې مخه نیول.

– په دوه کلونو کې د  ۶۰۰۰ ښوونځيو جوړول.

– د ملت په دسترخوان کې د مثبت بدلون راوستل او …

د کابل اوسیدونکي محمد مسیح د نوموړي د دروغو په اړه ویلي؛ د اشرف غني ټولې خبرې دروغ وې. د افغانستان خلک یې وغولول. له ملت سره د ژمنو یوه یې هم پلې نکړه.

دغه راز د اشرف غني دې ورته لسګونه نورې له دروغو ډکې ژمنې، چې پلې شوې ندي.

ځينې افغانان وايي؛ اشرف غني د هېواد داسې یو کړتن ولسمشر و، چې له ښکرورو دروغو پرته یې بل څه خپل ولس او خلکو ته وړاندې نکړل. لکه:

که ایران ته یې په یوه ورځ کې د مرمرو قاچاق بند نه کړ، دی به د … زوی وي.

د ښوونکیو لپاره د ۱۵۰۰۰ بلاکونو جوړول.

بي بي ګل غلګنه نده.

د معافیت فرهنګ ختمول.

تر یوه کاله له خپله جیبه دولتي مامورینو ته معاش ورکول.

د کابل ښار یو بل اوسیدونکي روحید نومي ویلي: غني خلک وغولول او له سل دېر دروغ یې وویل او بریالۍ تېښته یې وکړه.

اشرف غني دا هم ویلي، چې په شپږ میاشتو کې به افغانستان پر دوه یمه ترکیه بدلوي او په کابل کې به مترو بس فعالوي.

دغه راز یې د کابل بانک د قضیې د حل کولو او د سلیقوي مقرریو د ختمولو ژمنې هم کړې وې، چې د واکمنۍ تر پایه یې عملي نکړې.

د سولې پر مهال ترې پلرني کور ته د تګ او علمي کار ژمنې هم ترې پاتې شوې.

ویل کیږي، چې نوموړي د دغو دروغو تر څنګ ډېرې نورې ژمنې هم د افغانستان خلکو ته وړاندې کړي، چې یوه یې هم د پلي کېدو له برکته برخمنه نشوه او په پای کې یې تېښته پر پاتې کېدو غوره وګنله.

Continue Reading

تازه خبرونه

آلمان له ترکیې سره د کاري اړیکو ساتلو ته ژمن دی

خپور شوی

په

توسط

(Last Updated On: تله ۲۵, ۱۴۰۰)

د آلمان لومړۍ وزیرې انګلا مرکل ترکیې ته د خپل سفر په بهیر کې د کډوالۍ او نورو مسلو په اړه د همکارۍ پر دوام ټینګار کړی دی.

میرکل ویلي؛ هېواد یې ژمن دی، چې له ترکیې سره کاري اړیکې خوندي کړي.

هغه وایي: د آلمان- ترکیې اړیکې به له ګټو او زیانونو سره سره دوام مومي. هرڅوک پوهیږي، چې زمونږ دواړو امنیت او خپلواکي سره تړلي دي.

هغې زیاته کړې: مونږ غواړو د انساني قاچاق مخه ونیسو. اروپايي ټولنه اړتیا لري، چې په دې برخه کې له ترکیې سره مرسته وکړي.

د جرمني لومړۍ وزیرې زیاته کړې، هېواد یې له ترکیې سره ګډې ګټې لري او راتلونکی حکومت به پدې اړه پرېکړه وکړي.

د ترکیې ولسمشر رجب طیب اردوغان ویلي، چې هېواد یې د مرکل د ښه نیت او له ترکیې سره د مثبتو اړیکو د ساتلو له هڅو درناوی کوي.

اردوغان زیاته کړې: مرکل په ډېرو مسلو کې له نوښت او مسوولیت څخه ډډه نده کړې.

د آلمان لومړۍ وزیره انګلا مرکل د روان کال تر پایه له دندې ګوښه کیږي؛ خو تر هغه وخته پورې به په واک کې پاتې وي، چې یو ائتلافي حکومت جوړ شوی نه وي.

Continue Reading

تازه خبرونه

افغان پلاوی د ازبکستان له سفره بریالی راستون شو

خپور شوی

په

توسط

(Last Updated On: تله ۲۵, ۱۴۰۰)

د افغانستان اسلامي امارت یو څو کسیز پلاوي د جمعې پر ورځ ازبکستان ته خپل یو ورځنی سفر د لومړي وزیر د دوه یم مرستیال مولوي عبدالسلام حنفي پر مشرۍ پای ته رسولی او د سوداګریزو اړیکو په ګډون یې د هغه هېواد له چارواکو سره پر یو شمېر مهمو مسایلو بحث او خبرې کړې دي.

د افغانستان د اسلامي امارت ویاند ذبیح الله مجاهد په خپل ټویټ کې په ډاګه کړې، چې د ازبکستان له چارواکو سره یې د سوداګرۍ د پراخولو، ټرانزیټي آسانتیاوو، روغتیایي او سرحدي همکاریو، د سرخان او پلخمري ترمنځ د ۵۰۰ کیلوواټه برښنا مزي او له مزار څخه کابل او بیا د پاکستان تر پېښوره د اوسپنیزې کرښې د غزولو په اړه هر اړخیزې خبرې کړي دي.

مجاهد زیاته کړې، چې د دواړو هېوادونو اړوند استازیو په راتلونکي ژمي کې افغانستان ته د اړتیا وړ لومړنیو سوند توکو د سوداګرۍ پر پراخولو هم بحث او خبرې کړې دي.

دغه راز د ازبکستان د بهرنیو چارو وزارت په ډاګه کړې، چې دواړه لوریو پر سرحدي امنیت، د سوداګریزو اړیکو پیاوړتیا، روغتیایي همکاریو، انرژۍ او ټرانزیټ بحث او خبرې کړې دي.

مجاهد څرګنده کړې؛ دغه راز ازبکستان او افغانستان ګډې کاري ډلې هم جوړې کړي، چې د اړوند پروژو په اړه د دوه اوونیو په اوږدو کې خپل عملي پلان هېوادنیو مشرانو ته وړاندې کړي، چې پروژې پیل او تر سره شي.

ازبکستان ته د اسلامي امارت د پلاوي له تګ مخکې د افغانستان د بهرنیو چارو وزارت د چارسمبالي امیرخان متقي په مشرۍ یو پلاوی ترکیې ته تللی و. په پام کې ده، چې درې ورځې وروسته د افغانستان اسلامي امارت یو پلاوی مسکو ته په درې اړخیزه غونډه کې د ګډون لپاره روسیې ته ولاړ شي.

Continue Reading

Trending

آریانا نیوز: ټول حقونه خوندي دي