Connect with us

سوداگري

د حیرتان او آقیني بندرونو ته د تېلو او ګازو واردات پیل شول

خپور شوی

 په

(Last Updated On: وږی ۲۲, ۱۴۰۰)

د بلخ د سوداګرۍ او پانګونې خونې مسوولینو ويلي، چې د حیرتان او آقیني بندرونو ته د تېلو او ګازو واردات پیل شول.

که څه هم د حیرتانو او آقینې بندرونو ته د لومړنیو سونګ توکو واردات بیرته پیل شول؛ خو بیې اوس هم لوړې دي او ټکسي چلوونکي سلطان محمد ويلي، چې ټوله ورځ ګرزي؛ خو د تېلو لګښت هم نشي ګټلی.

د بلخ اوسیدونکي وايي، چې په دې ولایت کې د سونګ توکو بیې اوس هم لوړې دي؛ یو کیلو اوبلن ګاز پر ۷۰ او یو لیټر پټرول ۶۱ افغانۍ دي.

د بلخ د سوداګرۍ او پانګونې خونې د اړیکو مسوول حسن انصاري وايي، چې د حیرتانو او آقینې بندرونو له لارې د لومړنیو سونګ توکو واردات پیل شوي؛ خو بانکي محدودیتونو له کبله سوداګر پخپل وخت  د پېر لپاره پیسې لېږدولی نشي.

د افغانستان په شمال کې درې سوداګریز بندرونه، شېرخان، حیرتان او آقینه شته، چې د افغانستان اویا په سلو کې سونګ توکي د همدې بندرونو له لارې افغانستان ته واردیږي؛ خو په افغانستان کې وروستیو بدلونونو او بانکي محدودویتونو واردات له ستونزو سره مخ کړي دي.

سوداگري

خلک د ژمي په درشل کې د لرګیو د بیو اوچتېدا اندېښمن کړي

خپور شوی

په

توسط

(Last Updated On: تله ۲۹, ۱۴۰۰)

د هېواد یو شمېر هغه وګړي، چې له اقتصادي ستونزو ځپلي؛ د سږني ژمي په درشل کې د لرګیو برابرولو سخت اندېښمن کړي دي.

خلک بیا د ژمي په درشل کې دي؛ خو دا ځل ښایي تر ډېر فشار لاندې وي؛ ځکه، چې له وړاندې یې اقتصاد اغېزمن شوی دی.

دوی وایي؛ سوند توکي او نور لومړني اړین توکي شته، خو بیې یې ډېرې اوچتې دي.

 دوی له اسلامي امارته غواړي، چې په ښارونو کې د سوند توکو، خواړو او نورو اړینو لومړنیو توکو بیې کنترول کړي.

د کابل اوسېدونکی صدیق الله ، د لرګیو پېرولو ته راغلی وایي؛ په داسې حال کې، چې اقتصاد یې ډېر کمزوری شوی، بیو ته په کتو نشي کولی په ژمي کې لرګي وپېري.

هغه زیاته کړې؛ مونږ راغلي یو، چې لرګي وپېرو؛ خو تر دې حده بیې لوړې شوي، چې د پېر وس یې نلرم.

اوس په کابل کې یو خروار لرګي له اته څخه تر لس زره افغانیو پلورل کیږي.

د لرګیو تر څنګ د خواړو لومړنيو توکو او نورو اړینو موادو بیې هم د پام وړ پورته شوي، چې خلک یې د پېرلو وس نلري.

له دې وړاندې هم خلکو ډېرې اقتصادي ستونزې درلودې؛ خو دا ستونزې وروسته له هغې بیخې ډېرې شوې، چې تېر حکومت له منځه ولاړ او اسلامي امارت پر هېواد واکمن او امریکا هم د افغانستان شاوخوا نهه میلیارډ ډالر پانګه کنګل کړه.

Continue Reading

سوداگري

په افغانستان کې اقتصادي بېوزلي مخ پر پراخېدو ده – د پیسو نړیوال صندوق

خپور شوی

په

توسط

(Last Updated On: تله ۲۷, ۱۴۰۰)

په افغانستان کې د اقتصادي کړکېچ په اړه د رامنځته دشویو اندېښنو سره جوخت د پیسو نړیوال صندوق په افغانستان کې له اقتصادي بېوزلۍ خبرداری ورکړی او څرګندوي، چې واک ته د اسلامي امارت له رسېدو مخکې هم خلکو ډېرې اقتصادي ستونزې درلودې.

د پیسو نړیوال صندوق د منځني ختیځ او مرکزي آسیا د څانګې مدیر جهاد آزور ویلي؛ د طالبانو لاسونو ته د واک له لوېدو مخکې هم افغانستان له اقتصادي ګواښونو سره مخ و.

نوموړی له نړیوالې ټولنې غواړي، چې د افغانستان له خلکو بشردوستانه ملاتړ وکړي او وایي: هغوی مخکې هم له قتصادي شوک سره مخ ول؛ وچکالي، کرونا ویروس او اقتصادي بندیزونه پرې ور اضافه شوي؛ نو، ځکه اټکل کوو او له دې فشاره وېره لرو.

په دې رپوټ کې ویل شوي چې افغانستان سره غیر بشردوستانه مرستې په یو ډول درول شوي، بهرنۍ پانګې عمدتا کنګل شوي او د افغانستان بانکونه واک ته د طالبانو له را ستنېدو سره د پیسو کمي له امله فلج شوي.

نوموړي زیاته کړې؛ دا جټکې کولی شي تر دېرش سلنه تولید کم کړي او واردات هم محدود شي؛ د افغانۍ ارزښت را ولویږي او د تورم او پړسوب چټکتیا رامنځته شي. له همدې کبله د ژوند کچه ټیټه شوې، میلیونونه کسان بېوزلي ګواښي او کولی شي انساني ناورین را منځته کړي.

دغه راز خلک وایي د هرې ورځې پر تېرېدو په بازارونو کې خوراکي توکي ګرانیږي او ډېرو خلکو دندې له لاسه ورکړي دي.

د کابل اوسېدونکی صمد علي وایي؛ خلک هم په دې ورځو کې د دندو له لاسه ورکولو له خطرسره مخ دي. په داسې حال کې، چې د خوراکي توکو بیې هم د لوړېدو په حال کې دي.

نوموړی زیاتوي؛ سهار مو ماښام شي، خو مونږ ۵ دوډۍ کورته وړلی نشو.

د اسلامي امارت مسوولین وایي، چې هڅه کوي اقتصادي کړکېچ ته د پای ټکی کېدي او له نړۍ سره په تعامل کې د افغانستان کنګل شوې پیسې آزادې کړي.

Continue Reading

سوداگري

سیمې او نړۍ ته د افغانستان د سوداګریزو توکو لومړۍ ټولګه ولېږل شوه

خپور شوی

په

توسط

(Last Updated On: تله ۲۶, ۱۴۰۰)

د ماليي وزارت د کابل ګمرک ریاست مسوولینو ويلي، چې د اسلامي امارت له واکمن کیدو راوروسته دا لومړی ځل دی، چې یوه صادراتي ټولګه له ټرانزیتي لارې د سېمې او نړي مارکیټونو صادریږي.

د سوداګرۍ وزارت د څرګندونو له مخې؛ د ا.ا له بیا واکمنېدو وروسته نن په لومړي ځل د افغانستان د وچې او تازه میوې په ګډون پیاز، پټاټې، زعفران او هېوادنۍ لاسي صنایع د منځنۍ آسیا له لارې آسترالیا هالنډ او هند ته ولېږدول شوې.

د ماليي وزارت مسوولینو ويلي؛ هڅه کوي له سیمي او ګانډ هېوادونو سره خپلې اقتصادي اړیکي پراخې کړي او له هېواده د کرنیزو صادراتي توکو یوه ټولګه د آسټرالیا، هالند او هند هېوادونو ته واستوي.

د کابل ګمرک مشر مولوي عبدالله هلال وایي؛ مونږ غواړو، چې د هېواد د صادراتو بهیر مو پراخ او د سیمي او نړۍ مارکیټونو ته د تېر په څېر صادر او ورورسیږي. مونږ له خپل خصوصي سکتور سره همکاريو او هره برخه کې، چې د دوې مرستې ته اړتیاوي مونږ ورته چمتو یو.  

د خصوصي سکتور غړي هم د دغه صادارتي  بهیر له پیلېدو خوښي ځرکندوي او زیاتوي؛ د تېر پر پرتله د هېواد په اداري چارو کې د خصوصي سکتور لپاره خورا ډېر فرصتونه رامنځته شوي، خپل کارونه پراخ کړي. په نننۍ ټولګه کې په سلګونه ټنه توکې دې، چې ډېر يې  پیاز، پټاټې او انځر دي.

د خصوصي سکتور غړی امرالدین ستانکزی وایي: مونږ غواړو پر سلګونه ټنه توکي د منځنۍ آسیا له لارې هندوستان، آسټرالیا او هالینډ ته واستوو او د صادراتو کچه له یو میلیون ډالرو پورته کړو.

د اقتصادي چارو کارپوهانو ويلي؛ که افغانستان اسلامي امارت له خصوصي سکتور سره د صاداراتو په برخه کې همکاري وکړي، نو هېواد به له اقتصادي بحران څخه ډېر ژر راووځي.

دا په داسې حال کې وه، چې په افغانستان کې د چین سفیر وانګ یو د بهرنیو چارو وزارت له چارسمبالي مولوي امیرخان متقي سره لیدلي، چې په نږدې راتلونکي کې به د افغانستان د جلغوزیو او نورو اړوند توکو  صادرات بیا پیل شي.

Continue Reading

Trending

آریانا نیوز: ټول حقونه خوندي دي