Connect with us

تازه خبرونه

د حکومت مشران دې د سولې په اړه له پاکستان سره خبرې پیل کړي – خلیلزاد

خپور شوی

 په

(Last Updated On: غبرګولى ۱۸, ۱۴۰۰)

د افغانستان د سولې لپاره د امریکا ځانګړي استازي زلمي خلیلزاد له افغان حکومتي او سیاسي مشرانو غوښتي، چې سولې ته د رسېدو لپاره دې له پاکستانیو حکومتي مشرانو سره خبرې پیل کړي.

دغه راز خلیلزاد ویلي، چې د افغانستان د سترو ستونزو د حل لپاره دې لویه جرګه را وبلل شي.

یو شمېر افغان حکومتي سیاستوالو، چې له زلمي خلیلزاد سره لیدلي څرګندوي، چې خلیلزاد غواړي یو لوړپوړی حکومتي پلاوی پاکستان ته سفر وکړي او ستونزه هر اړخیزه حل کړي.

دغه راز اړوند سیاستوالو ويلي؛ زلمی خلیلزاد په دې سفر کې هڅه کوي، چې طالبان له افغان دولت سره خبرو ته قانع کړي.

د ملي پخلاینې عالي شوری سلاکار عبدالبصیر سالنګي ویلي: امریکا ناوخته پرېکړه کړې، چې طالبان پرېکنده خبرو ته قانع کړي. خلیلزاد ویلي، چې دوحې ته ځي او له طالب مشرانو سره د سولې په اړه پرېکنده خبرې وکړي.

له خلیلزاد سره په دې سفر کې امریکايي پلاوی هم مل دی.

دې پلاوي له پخواني ولسمشر حامدکرزي سره په لیدنه کې ویلي، چې د ژورو ستونزو د حل لپاره باید افغان حکومت له پاکستان سره خبرې پیل کړي.

دې پلاوي وړاندیز کړی، چې یو لوړپوړی افغان پلاوی دې پاکستان ته سفر وکړي.

د حزب ملت افغانستان منشي جعفر مهدوي وایي: خلیلزاد له پاکستان سره د سیاسي اجماع، لویي جرګې رابللو او افغان ستونزو پر حل ټینګار کړی دی.  

ځينې باخبرې سرچینې وايي، چې خلیلزاد د پخلاینې عالي شوری له غړیو سره په لیدنه کې د ځينو سیاستوالو له سختو پوښتونو سره مخ شو.

په پام کې ده، چې زلمی خلیلزاد له کابله دوحې ته ولاړ شي او د سولې مرکچې پلاوی خبرو ته وهڅوي. د امریکا د بهرنیو چارو وزارت ویلي، چې زلمی خلیلزاد او ورسره مل پاوی به دا ځل د سیمې د هېوادونو له مشرانو سره پر افغان سوله هر اړخیزې خبرې وکړي.

تازه خبرونه

ملا عبدالغني برادر د طالبانو خپلمنځي اختلافونه رد کړل

خپور شوی

په

توسط

(Last Updated On: وږی ۲۵, ۱۴۰۰)

 د اسلامي امارت د لومړي وزیر مرستیال ملا عبدالغني برادر په یوه ویډیوي پیغام کې د مشرانو تر منځ د اختلافونو په تړاو خپاره شوي راپورونه د مخالفانو تبلیغ بولي او په دې اړه یې ویلي، چې شفقت او ترحم مو ترمنځ یو اصل پاتې دی.

دغه راز ټایم مجلې د اسلامي امارت د لومړي وزیر مرستیال ملا عبدالغني برادر د ۲۰۲۱ کال یوه اغېزناکه څېره اعلان کړې ده.

د اسلامې امارت د حکومت جوړېدو پر سر د مشرتابه د اختلافونو په تړاو د راپورونو له خپرېدو وروسته اوس د لومړي وزیر لومړي مرستیال ملا عبدالغني برادر، چې دمګړۍ په کندهار کې دی؛ په یوه تازه ویډیویي پیغام کې دا د مشرانو تر منځ د اختلافاتو راپورونه په کلکه رد کړل.

د لومړي وزیر لومړی مرستیال ملا عبدالغني برادر ویلي: الحمدلله روغ رمټ یم. د رسنیو هغه راپور، چې د اختلافاتو په اړه خپور شوی حقیقت نلري. مونږ په خپل منځ کې له شفقت او ترحمه برخمن یو. ان په یوه کورنۍ کې به هم دغه راز شفقت او ترحم نه وي.

د اسلامي امارت دې چارواکي د قطر د بهرنیو چارو له وزیر سره په ناسته کې د خپل نه حضور په اړه ویلي، چې مخکې ترې خبر نه و.

ملا عبدالغني برادر زیاته کړې: د قطر د بهرنیو چارو د وزیر له سفره مخکنۍ خبرتیا نه وه که نه خپل سفر یې له شیخ عبدالرحمن آل ثاني سره د لیدنې لپاره ځنداوه.

دغه راز د اسلامي امارت یوه بل لوړپوړي غړي انس حقاني ویلي، چې د طالبانو د مشرتابه تر منځ د اختلافونو په اړه د مخالفانو تبلیغات د منلو وړ ندي.

انس حقاني ویلي، چې (مخالفان) هڅه کوي د خلکو اذهان مغشوش کړي؛ اندېښنه مکوئ او مونږ پر واک و ځواک د جنګ خلک نه یوو.         

دغه راز ټایم مجلې د اسلامي امارت د لومړي وزیر لومړی مرستیال ملا عبدالغني برادر د ۲۰۲۱ کال یو اغېزناک کس یاد کړی دی او اسلامي امارت هم ملا برادر خپل متفکر مغز بولي، چې په تېرو دوه کلونو کې یې له امریکایانو سره د سولې خبرې رهبري کړې.

ویل کیږي، چې ملا عبدالغني معتدل او د نرم خوی لرونکی شخصیت لري او په افغانستان کې د ټولمنلي حکومت د جوړېدو سر لاری هم منل شوی دی.

Continue Reading

تازه خبرونه

د ایران او افغانستان ترمنځ مسافروړونکې الوتنې بیا پیل شوې

خپور شوی

په

توسط

(Last Updated On: وږی ۲۵, ۱۴۰۰)

سرچینو ويلي، چې په افغانستان کې د پخواني افغان حکومت له سقوط او د اسلامي امارت له واکمنېدو وروسته کابل هوایي ډګر ته د ایران لومړۍ مسافر وړونکې الوتکه رسېدلې ده.

د دغو سرچینو د څرګندونو له مخې، د چارشنبې پر سهار(د وږي ۲۴) د کابل هوایي ډګر ته د ماهان هوایي شرکت ایرانۍ الوتکه ورسېده.

دغه راز زیاته شوې؛ دا لومړی ځل دی د اشرف غني د حکومت له سقوط وروسته یوه هوایي الوتکه له ایران څخه کابل ته رادننه کیږي او بریالۍ ناسته تر سره کوي.

سرچینو په ډاګه کړې؛ په دې الوتنه کې ۱۹ مسافر کابل ته لیږدول شوي او دا مسافر وړونکې الوتکه بېرته مشهد ته راستنه شوې ده.

دا په داسې حال کې ده، چې تېره اوونۍ د پاکستان نړیوال هوایي شرکت (پي آی ای) هم  کابل ته د الوتنو د بیا پیل اعلان کړی و.

Continue Reading

تازه خبرونه

د قومي تعصب او امریکایي ډیموکراسۍ د ساتنې پر پلمه هیڅوک د درېدو حق نلري – قطرت

خپور شوی

په

توسط

(Last Updated On: وږی ۲۵, ۱۴۰۰)

د اسلامي امارت لوی درستیز د چارشنبې پر ورځ / د وږي ۲۴ /  یوې ولسي ناستې ته ویلي؛ هیچا ته اجازه نشته، چې د ډیموکراسۍ، قومي تعصب او تېرو شل کلنو لاسته راوړنو د ملاتړ پر پلمه د اسلامي امارت پر ضد ودریږي او که هرڅوک داسې کوم ګام پورته کړي؛ وبه ځپل شي.

د هېواد لوی درستیز قاري فصیح الدین فطرت څرګنده کړې؛ افغانستان به په راتلوونکي کې داسې یو پیاوړی او منظم پوځ ولري، چې په خپلواکه توګه د هېواد له خاورې دفاع وکړي.

قاري فصیح الدین فطرت وایي، چې د پوځ پر جوړښت خبرې او مشورې روانې دي.

دی ټینګار کوي؛ د پوځ منسوبین باید داسې وروزل شي؛ چې وکړای شي له افغانستان دفاع وکړي.

نوموړي زیاته کړې: هغه کسان، چې د امنیت د ګډوډولو او کورنۍ جګړې د پیل په هڅه کې دي؛ وبه ځپل شي.

د ناستې برخوالو هم د افغانستان د خلکو پر یووالي ټینګار کړی دی.

د اسلامي امارت غړي قاري جمال الدین ویلي؛ خلک باید متحد شي او له نظامه ملاتړ وکړي، چې هېواد ودان کړو.

په بدخشان کې د اسلامي امارت مفتي عبدالقدیر غفوري ویلي؛ له اسلامي امارت څخه مو هیله داده، چې بریالیتوب لپاره د نفاق او بدبینئ مخه ونیسي.

د یادونې ده، چې افغانستان څه باندې درې نیم سوه زره وسلوال ځواکونه درلودل، چې د طالبانو لخوا د واک له نیول سره دړې وړې شول. اوس روښانه نده، چې آیا په نوي جوړېدونکي پوځ کې به له دوی کار واخیستل شي او که نه؟!

Continue Reading

Trending

آریانا نیوز: ټول حقونه خوندي دي