Connect with us

تازه خبرونه

د حج مراسم د کرونا له کبله د لږ شمېر حاجیانو په ګډون پیل شول

Ariana News

خپور شوی

 په

(Last Updated On: زمری ۹, ۱۳۹۹)

د چارشنبې پر ورځ له څو ورځو له تېریدو وروسته یوازې د سعودي عربستان حاجیانو ته د مکې مکرمې پر لوري په داسې حال کې د ورتګ اجازه ورکړ شوه، چې کوچنۍ ډلې شي، د مخ ماسک وکاروي، د خوړو او څښاک لپاره خپل لوښي ونه کاروي.

د روان کال په لومړیو کې سعودي چارواکو په ډاګه کړه، چې د کرونا ویروس د خوریدو له کبله به یوازې  ډېر لږ سعودي میشتې د حج په مراسمو کې ګډون وکړي.

هر کال به څه نا څه دوه میلیون حاجیانو د حج مرسم تر سره کول؛ خو سږکال به دا شمېر د ۱۰۰۰ او ۱۰۰۰۰ ترمنځ وي او د دې پرځای، چې د دعا لپاره اوږه په اوږه ودریږي؛ حاجیان اوس په ۲۰ کسیزو ډلو کې روانیږي، ټولنیز واټن او روغتیایي سپارښتنو ته به پوره غاړه ږدي.

که څه هم د سعودي حکومت سږکال د حاجیانو کره شمېر په ډاګه کړی ندی؛ خو د هغو کسانو لپاره، چې د چارشنبې پر ورځ رارسیدلي؛ د حج له پیل کیدو دمخه باید لازم تدابیر په پام کې ونیول شي.

د دوی ټولو کرونا کتل شوې، ورکړ شوي کلیک بانډونه یې له ګرځند سره نښلول کیږي، چې د دوی حرکتونه وڅارل شي او د مراسمو تر پیلیدو به د مکې مکرمې د هوټلونو په کوټو کې قرنطین وي.

د حاجي صاحبانو حج به د یکشنبې پر ورځ پای ته ورسیږي او بیا به دوی یوه اوونۍ بله په قرنطین کې تېروي.

له میاشتو راپدیخوا مکه مرمه بنده شوې او نړیوال رسنیو ته به اجازه ورنکړ شي، چې د روان کال د حج مراسم تر پوښښ لاندې راولي. پرځای به یې د سعودي حکومت د چهارشنبې پر ورځ له لوی جومات څخه مراسم په ژوندۍ بڼه خپرږي.

حاجیانو ته به اجازه نه وي، چې سږکال پر کعبه لاس کیدی او حجرالاسود ښکل کړي او همدا رنګه نورې سپارښتنې هم ورته په پام کې نیول شوي دي.

د سعودي روغتیا وزارت حاجي صاحبانو ته ډاډمن خوندي چاپېریال برابر کړی؛ خو د سعودي د تېرې میاشتې پرېکړې د نړۍ په میلیونونه مسلمانان ناهیلي کړل.

په هر حال د حکومت لپاره دا یوه سخته پرېکړه وه؛ خو دا هر څه له کرونا ویروس سره د مباترزې او د دې ناروغۍ د مخنیوي لپاره تر سره شوي دي.

سعودي عربستان تر دې دمه د پر کرونا ویروس د اخته کسانو ۲۵۰۰۰۰ مثبتې پېښې ثبت کړي، ۲۵۲۳ یې مړه شوي، چې ډېر شمېر یې د عربي خلیج په هیوادونو کې دي.

تازه خبرونه

په افغانستان کې د سولې لپاره د امریکا او پاکستان همکاري اړینه ده – ویلیم تاد

Ariana News

خپور شوی

په

توسط

(Last Updated On: تله ۳, ۱۳۹۹)

ویلیم تاد، چې د ډونالډ ټرمپ لخوا په اسلام آباد کې د امریکا د استازي په توګه نومول شوی؛ د چارشنبې پر ورځ یې د مشرانو جرګې د بهرنیو اړیکو جرګه ګۍ ( کمیتې) ته ویلي، چې د امریکا او پاکستان ترمنځ همکاري په افغانستان کې د سولې او ثبات لپاره اړینه ده.

تاد زیاته کړې؛ په افغانستان کې سوله د دواړو هېوادونو په ګټه ده او دغې موخې ته د رسیدو لپاره د امریکا او پاکستان همکاري ګټوره او اړینه ده.

هغه دا هم ویلي: نن ټول هېوادونه په افغانستان کې د تلپاتې سولې لپاره ګډې ګټې پېژني.

نو موړي څرګنده کړې، چې: اسلام آباد د داسې شرایطو په رامنځته کولو کې کليدي رول لوبولی، چې نن افغان او طالب مشرانو د سولې خبرو اترو تاریخي پیل ته لار اواره کړې؛ خو اوس پاکستان د سیاسي خبرو اترو هوکړې ته د رسیدو لپاره د هڅو په ملاتړ کې خورا اړین رول لوبولی او غواړي، چې ۴۰ کلن جنګ پای ته ورسیږي.

تاد زیاته کړې؛ دا د پاکستان لپاره یو فرصت دی، چې په سیمه کې نوی او غوره رول ولوبوي.

نوموړي په ډاګه کړې، چې: د سیمې د خوزښت له مخې که څه هم مونږ له هند سره خواکمنې اړیکې لرو؛  خو دا باید د پاکستان په بیه نه وي. زه باور لرم، چې تر سمو شرایطو لاندې به مونږ له دواړو هېوادونو سره پیاوړې اړیکې ولرو.

هغه ویلي، چې له دیلي او اسلام آباد سره د واشنګتن نږدې اړیکې به په سیمه کې د تاوتریخوالي له کمولو سره مرسته وکړي.

دی وایي؛ زمونږ هیله دا ده، چې دواړه هېوادونه به د کړکیچ کمولو لپاره ګامونه پورته کړي او لکه څنګه، چې ولسمشر [دونالد ترمپ] وړاندیز کړی؛ مونږ چمتو یو، چې د دواړو خواوو په غوښتنه د دواړو هېوادونو تر منځ خبرو اترو ته لار اواره او آسانتیاوې رامنځته کړو.

هغه دا هم ویلي؛ دوی به له پاکستان سره په ګډه کار وکړي، چې له خپلې خاورې څخه د ترهګرۍ په له منځه وړلو او په سیمه کې د امنیت په زیاتولو کې ګډې ګټې ته وده ورکړي.

Continue Reading

تازه خبرونه

په جنګ ځپلو سیمو کې د ښځو وضعیت مخ په خرابیدو دی- څېړنه

Ariana News

خپور شوی

په

توسط

(Last Updated On: تله ۳, ۱۳۹۹)

د نړیوالې ژغورنې جرګه ګۍ څېړنه ښیي، چې له تېرو ۲۵ کلونو راپدیخوا ښځو او نجونو د جنسیتي   مساواتو له مخې نړیوال پرمختګ ندی کړی.

د څېړنې له مخې؛ پر نړیوالو لاسته راوړنو سربیره، په جنګ ځپلیو سیمو کې ښوونځیو ته تګ، سواد زدکړې، د زیږون سندونو ته لاسرسی او دې ته ورته له نورو برخو هم ښځې او انجونې له خراب حالت سره مخ شوې دي.

دغه څېړنه په ۱۰ هېوادونو؛ افغانستان، کولمبیا، د کانګو جمهوریت، ایتوپیا، عراق، میانمار، نایجیریا، پاکستان، تایلیند، یوګاندا، کډوالې کورنۍ او بې ځایه شويو خلکو کې جنسیتي مساوات تر څېړنې لاندې نیول شوي دي.

د څېړنې موندنې ښیي، چې له ۱۹۹۵ زېږدیز کال راپدیخوا ۴۴ سلنه کډوالي لوړه شوې، چې تر ۲۰۱۹ پورې له ۲۶ میلیون ډېر راجستر شوي دي.

په ۱۰ څېړل شویو هېوادونو کې افغانستان ۲.۷ میلیونه بې ځایه شوي لري، چې د داخلي بې ځایه شویو خلکو په سلو کې ۳۵۰ ډېروالي ښیي.

په ځینو برخو کې، د میرمنو او نجونو لاسته راوړنې خورا هڅونکې وې او له تېرو ۲۵ کلونو راپدیخوا په نړۍ کې د میندو مړینه ۳۸ سلنه راکمه شوې ( په ۲۰۱۷ کال کې په ۱۰۰۰۰ ژوندیو زیږونونو کې ۲۱۱ مړینې) وې.

افغانستان، ایتوپیا او پاکستان د میندو په مړینه کې ۵۰ سلنه کموالی ښیي.

د څېړنې له مخې؛ که څه هم په نړۍ کې لومړنيو او ثانوي ښوونځیو ته تګ ۱۱ سلنه ډېر شوی، د افغانستان په څېر هېوادونه هیڅکله هم له نړیوالو معیارونو سره برابر ندي.

پداسې حال کې، چې د ۱۹۹۵ کال را پدیخوا د نارینه وو پر پرتله د میرمنو د سواد کچه لوړه شوې (په ترتیب سره ۱۸ سلنه د  ۸ په پرتله ) میانمار د وخت له تېریدو سره د ښځینه وو دسواد کچه کمه کړې او له پرمختګ سره سره عراق، یوګانډا، نایجیریا، پاکستان، ایتوپیا او افغانستان د نړۍ له احصائیو سره د پرتلنې وړ ندي.

دا په داسې حال کې ده، چې افغانستان د کورني تاوتریخوالي ۴۶، ایتوپیا ۴۰ او د کانګو جمهوریت ۳۷ په سلو کې لوړوالی ښیي.

Continue Reading

تازه خبرونه

ترمپ غواړي، چې د ټاکیزو پایلو پرېکړه ستره محکمه وکړي

Ariana News

خپور شوی

په

توسط

(Last Updated On: تله ۳, ۱۳۹۹)

که د امریکا ولسمشر دونالد ترمپ د روان کال د نومبر د درېیمې په ټاکنو کې له ماتې سره مخ شي؛ نو د واک سوله ییز لیږد ته به زړه ښه نکړي او د ټاکنیزو پایلو په اړه پرېکړه به ستره محکمه وکړي.

جمهوریت غوښتونکي ترمپ په سپینه مانۍ کې خبریالانو ته په دې اړه، چې آیا هغه په ​​سوله ییزه توګه واک سپارلو ته چمتو دی؛ ویلي: باید وګورو، چې څه پېښیږي.

رویترز څرګنده کړې، چې ترمپ په ځلونو له ثبوت پرته د راتلونکیو ټاکنو مشروعیت تر پوښتنې لاندې راوستی او ټینګار یې کړی، چې رای ورکول به د پوست منجر له لارې پایلې له درغلۍ او جعل سره مخ کړي.

هغه زیاته کړې، چې د رایو صندوقونه یو ناورین دی.

دیموکراتانو پوست رایې له کرونا ویروس څخه د خوندیتوب لپاره هڅولي دي.

د امریکا اردو له کلونو راپدیخوا پوست رایې کاروي.

دیموکرات جوبایدن خبریالانو ته ویلي، چې د ترمپ څرګندونې منطق نلري.

د نوموړي ټاکنیزې ډلې ویلي، چې د د ترمپ هر راز شیطانت چچمتو والی لري. د امریکا حکومت د دې وړتیا لري، چې سرغړوونکي له سپینې ماڼۍ وباسي.

دا په داسې حال کې ده، چې ترمپ د چهارشنبه پر ورځ په ډاګه کړې: ټاکنې به په ستره محکمه کې پای ته ورسیږي. مونږ ۹ قاضیان لرو، چې خورا مهم دي.

Continue Reading
Advertisement

Trending