Connect with us

تازه خبرونه

د تېر کال پر پرتله اته سلنه صادرات ډېر شوي- چارواکي

Ariana News

خپور شوی

 په

(Last Updated On: غویی ۳۱, ۱۳۹۸)

د صنعت او سوداګرۍ وزارت وايي، د تېر کال پر پرتله د هېواد صادرات اته سلنه ډېر شوي او په  وارداتو کې مو کموالي راغلی دی.

د صنعت او سوداګرۍ  وزارت مسوولینو د سې شنبې پر ورځ( د غویی ۳۱) د صنعت د اوونۍ پر ویاړ د هېواد د صنعت او تولیداتو په اړه رسنیو ته معلومات وړاندې کړل.

د صنعت او سوداګرۍ وزارت مرستیال زیاتوي، چې په روان کال کې به د تولیداتو د پرا ختیا لپاره پر سل شرکتونو۳۰۰ جریبه ځمکه ووېشل شي  او په دغه ځمکه کې به ۱۳،۵ میلیارد افغانۍ پانګونه تر سره شي.

د صنعت او سوداګرۍ وزارت مرستیال ظهورالدین شېرزاد وایي: د سوداګرۍ او صنعت د قوانینو په برخه کې مو ژور اصلاحات پیل کړي او د تولیداتو د پراختیا پر بېخبنايي سیستم مو هم کار روان دی.

د سوداګرو میرمنو د خوني مسوولین  وايي، له افغان سوداګرو میرمنو سره تر یوه بریده حکومت همکارې کړې؛ په ځانګړي توګه هغو میرمنو، چې د وچو او تازه میوو په برخه کې پانګونه کړې ده.

د سوداګرو میرمنو د خونې رییسه منیژه وافق وایي، چې مونږ تر ډېر وخت پورې ستونزې د رلودې؛ خو اوس د حکومت لخوا له سوداګرو میرمنو سره همکاري زیاته شوې او د زیاتې همغږۍ غوښتونکي یې یو.

د صنایعو او کانونو خونې مسوولین وايي، چې د حکومت او خصوصي سکتور ترمنځ همغږي زیاته شوې؛ خو اوس هم د صنعتي پارکونو د امنیت نشتون، د بېخبنا خرابوالی او د برښنا نامنظم توب د ستونزو په تو ګه پخپل حال پاتې دي.

د صنایعو او کانونو خونې مرستیال شېرباز کمین زاده وایي، چې زمونږ د تولیداتو حالت ښه شوی او اوس په ۳۵ سکتورونو کې خود کفايي ته رسید لي یو. حکومت مو ښه پیرودونکی او خصوصي سکتور نور هم له پانګونې سره لیواله شوی دی.

ښاغلی کمین زاده زیاتوي؛ افغان حکومت د کورني تولید او صنایعو د پراخیتا هڅي ستايي؛ خو اوس هم د ګاونډ هېوادونو له دمپینګ سیاستونو سره مخ یو.

ویل کیږي، چې د صنعت او سوداګرۍ وزارت به دهېواد په پېنځه ویشت ولایتونو کې دوه دېرش زره جریبه ځمکه پر صنعتکارانو ووېشي.

خبریال: اسلم  حجاب

تازه خبرونه

ام ای تي جوړ کړی رباټ په ۳۰ دقیقو کې یو ګودام ضد عفوني کولی شي

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

د CNN د څرګندونو له مخې؛ د ماساچوست د ربات جوړونې انستیتوت یو داسې ربات جوړ کړی، چې کولی شي په ۳۰ دقیقو کې د ۴۰۰۰ فوت مربع ګودام ځمکه ضدعفوني او په راتلونکي کې د پلورنځیو او ښوونځیو د پاکولو لپاره وکارول شي.

د کمپیوټر ساینس او مصنوعي ځیرک لابراتوارونو څانګې د آوا رباتیکس(یو شرکت، چې له لیرې پر ریموت کنترول کار کوي) او د بوستون ستر غذایي بانک یو روبات جوړ کړی، چې کولی شي د یو وي سي UVC پر رڼا کار کوي؛ پر کوروناویرس ککړ ځایونه ضد عفونی او له کروبونو پاک کړي.

د سي این این د راپور له مخې ؛ د پروژې کار د اپریل په لومړیو کې پیل شوی و او یوه څیړونکي ویلي وه، چې د پروژې په جوړولو کې پرمختګ د کورونا ویروس له رامنځته کیدو او ورسره په غبرګون کې رامنځته شوی. دغه پایلې خورا هڅونکې وې او څېړونکيو ويلي؛ پر وړانګو د ضد عفوني کولو بهیر د نورو چاپېریالونو لکه پلورنځیو، فابریکو، ښونځیو او هوټلونو په پاکولو کې هم وکارول شي.

کوروناویرس د هوا له لارې خپریږي او د څو ورځو لپاره د پاتې کیدو وس لري.

یو په خپلواکه توګه کاریدونکی ربات کولی شي پراخ چاپېریال پاک او دا کار چټک تر سره کړي.

څېړونکیو ویلي، چې د UV-C رڼا ر بېلابېلو ه سطحو د باکتریا، مکروب او ویروس په وژلو کې ګټور دی. په هرصورت دا وړانګې انسانانو ته زیان رسوي. دا ربات په خپلواکه توګه له ارنې او تعامل پرته کار او هڅې تر سره کوي.

Continue Reading

تازه خبرونه

افغان حکومت سبا د څو سوه طالب بندیانو د خلاصون پرېکړه کوي

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

په حکومت کې یو شمېر سرچینو په ډاګه کړې؛ د پاتې څو سوه طالب بتدیانو د خلاضون پرېکړه د افغانانو د خپلمنځي خبرو د پیل لپاره کیږي.

په داسې حال کې، چې د افغانانو د خپلمنځي خبرو د پیل یو اصلي شرط د حکومت او طالبانو لخوا د ټولو بندیانو خلاصون یاد شوی؛ خو افغان حکومت له څه وخت راپدیخوا دا بهیر درولی دی.

سرچینې څرګندوي؛ افغان حکومت د شاوخوا ۱۰۰ طالب بندیانو له خلاصون سره، چې په خونړیو بریدونو او تنظیم شویو جرمونو کې لاس لري، مخالفت ښیي.

په کابل کې د امریکا سفیر روس ویلسون ویلي، که څه هم زیاتره طالب بندیان ښه خلک ندي؛ خو افغان حکومت په رښتیني توګه او د باور جوړولو لپاره د هغوی د خلاصولو پرېکړه کړې ده.

نوموړي زیاته کړې؛ هیله لرو، چې د ۵ زره طالب بندیانو او زر افغان بندیانو له خلاصون سره د افغانانو خپلمنځي خبرې پیل شي.

د سولې په چارو کې د دولت وزارت ویانده ناجیه انوري وایي؛ ټاکل شوې د څو سوه نورو طالب بندیانو په اړه هم پرېکړه وشي؛ خو زمونږ تمه داده، چې طالبان تاوتریخوالی کم او له حکومت سره خبرې وکړي.

د افغان حکومت د څرګندونو له مخې، تر اوسه نږدې څلور زره طالب بندیان آزاد شوي. دغه راز طالبانو هم ویلي، چې له اووه سوه ډېر حکومتي بندیان یې آزاد کړي دي.

طالبانو پخوانی غړي سید اکبر آغا ویلي، چې په دې اړه که هوکړه ونشي؛ طالبان به په خپلمنځي خبرو کې ګډون ونکړي.

تمه ده، چې د افغانانو خپلمنځي خبرې د همدې میاشتې په بهیر کې تر سره شي؛ خو د طالبانو لخوا د تاوتریخوالي زیاتوالي او د حکومت لخوا د ځینو طالب بندیانو نه خلاصون د دې خبرو اترو د پیل په وړاندې خنډ او ځنډ رامنځته کړي.

دا په داسې حال کې ده، چې امریکا له افغان حکومت او طالبانو څخه ژر تر زره د افغانانو د خپلمنځي خبرو په وړاندې د پرتو ننګونو پر له منځه وړلو ټینګار کړی دی.

Continue Reading

تازه خبرونه

د ارواښاد یوسف غضنفر مړی خاورو ته وسپارل شو

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

د اقتصاد او تجارت په برخه کې د ولسمشر ځانګړی استازی محمد یوسف غضنفر له کرونا ویروسه ومړ. 

ولسمشرۍ په ډاګه کړې؛ د ارواښاد غضنفر مړینه هېواد او نظام ته یوه ستره ضایعه ده او زیاته دوي، چې هغه هېواد ته د خدمت ډېرې کارنامې تر شاه پریښي.

د ارواښاد مړی د بلخ ولایت مزارشریف ښار ته ولیږدول شو او د یوشمېر حکومتي چارواکو په حضور د مبارکې روضي په انګړ کې خاورو ته وسپارل شو.

ارګ زیاته کړې؛ ارواښاد حلیم، خیرغوښتونکی او ملتپال شخصیت و او تل د افغانستان د ودې، پراختیا او پرمختګ په هڅه کې و.

د سوداګرۍ خونې هم د ارواښاد یوسف غضنفر هڅې او کارنامې د هېواد اقتصادي ودې او پراختیا ارزښتمنې بولي او ستاینه یې کوي.

ارواښاد غضنفر پر کرونا له اخته کیدو وروسته په ترکیه کې تر درملنې لاندې و او له مړینې وروسته یې مړی د جمعې پر ورځ افغانستان ته راولیږدول شو.

د ارواښاد د جنازې غایبانه لمونځ هم د ولسمشر غني په ګډون په ارګ کې ادا شو. په دې مراسمو کې ، چې ننه مازیګر تر سره شول؛ پر ولسمشر غني سربېره د ولسمشر لومړي مرستیال، یو شمېر وزیرانو، حکومتي مامورینو او د هېواد مشرانو برخه اخیستې وه.

ارواښاد محمد یوسف غضنفر د ترکیې د انقرې په یوه روغتون کې له کرونا ویروسه ساه ورکړې ده. روح یې یاد و ښاد اوسه!

Continue Reading

Trending