Connect with us

تازه خبرونه

د ترکمنستان د باندنیو چارو وزیر پر څو مهمو پروژو د خبرو لپاره کابل ته راغی

Ariana News

خپور شوی

 په

(Last Updated On: January 9, 2021)

د ترکمنستان د بهرنیو چارو وزیر رشید مرادوف نن (جمعه د مرغومي ۱۹) د یو شمېر پروژو د پلي کیدو په اړه د بحث او خبرو لپاره کابل ته رارسیدلی دی.

د بهرنیو چارو وزارت څرګنده کړې؛ رشید مرادوف به د خپل دوه ورځني سفر په بهیر کې له ولسمشر غني، د بهرنیو چارو وزیر حنیف اتمر او د ملي امنیت له سلاکار حمدالله محب سره د دواړو هېوادونو تر منځ د څو ګډو اقتصادي پروژو د پیل او پلي کېدو په اړه خبرې وکړي

د بهرنیو چارو وزارت زیاته کړې: دغه راز افغانستان ته د رشید مرادوف د سفر مهمه موخه د څو هوکړه لیکونو لاسلیک دی، چې د سیاسي مشورو په ګډون کرنیز قرنطین، امنیتي هوکړه لیک او د کابل او عشق آباد ترمینځ د ګاز او نفتو د مسلو په اړه د یو لړ هوکړه لیکونو لاسلیک دي.

دا په داسې حال کې ده، چې اوړمه ورځ د افغانستان د بهرنیو چارو وزیر حنیف اتمر له رشید مرادوف سره د دوه اړخیزو اړیکو په اړه د ټیلیفون پر لیکه بحث او خبرې کړې وې.

تازه خبرونه

ناڅرګندو وسلوالو په کابل کې مشهور عالم جومات ته د تګ پرمهال وژلی

Ariana News

خپور شوی

په

توسط

(Last Updated On: March 3, 2021)

کابل پولیسو منلې، چې د کندوز ولایت د علماوو شورا پخوانی مشر او د کابل دارالعلوم استاد فیض محمد فایض د چارشنبې پر سهار د کابل ښار د ۱۷ ناحیې په اړوند سیمه کې د ناڅرګندو وسلوالو پر ډزو وژل شوی دی.

پولیسو ویلي، چې په دې اړه پلټنې روانې دي.

د کابل د سرکوټل د اړوند سیمې د طلایي ښارګوټي یو شمېر اوسیدونکيو ویلي، چې فیض محمد فایض نن سهار د دوه ناڅرګندو وسلوالو لخوا پر ډزو هغه مهال وژل شوی، چې جومات ته روان و.

د کابل پولیسو ویاند فردوس فرامرز د دغې وژنې پخلی کړی؛ خو څرګندوي؛ د لومړني راپورونو له مخې دا یو “تروریستي عمل” نه بلکې د وژنې یوه پېښه ده.

له دې پېښې څه نا څه یوه میاشت مخکې یو بل مشهور افغان عالم محمد عاطف هم د دوه نورو کسانو سره په یوه چاودنه کې ووژل شو.

په کابل کې میشت د خیریه ګروپ یو مشهور عالم ، محمد عاطف هغه مهال ووژل شو کله چې د هغه په موټر کې ځای پر ځای شوي ماین وچاودید.

دغه روحاني شخصیت په کابل کې د یوه خیریه بنسټ مشري، چې دفتر ته پر لاره یې پر موټر بمي چاودنه رامنځته او ووژل شو.

تر اوسه چا د دې برید مسوولیت هم ندی منلی.

Continue Reading

تازه خبرونه

خلیلزاد په کابل کې د مارشال دوستم په ګډون له بېلابېلو سیاسيونو سره ولیدل

Ariana News

خپور شوی

په

توسط

(Last Updated On: March 3, 2021)

د امریکا د سولې استازي زلمي خلیلزاد کابل ته د سفر پر دوه یمه ورځ له مارشال عبدالرشید دوستم، عبدالرب رسول سیاف، ګلبدین حکمتیار، د جمعیت ګوند له ځینو غړیو او یو شمېر نورو سیاسي شخصیتونو سره وکتل.

په کابل کې ځینو سیاسي څېرو ويلي، چې د دې غونډو په بهیر کې خلیلزاد د افغانستان د سولې په اړه د امریکا د نوې ادارې دریځ روښانه کړ.

د افغانستان د جمعيت اسلامي ګوند د رهبرۍ شورا غړی ستار مراد وایي: خلیلزاد افغانستان او طالبانو ته د امریکا د نوې ادارې د دریځ اعلانولو لپاره کابل ته راغلی دی.

کابل او دوحه د افغانستان د راتلونکي په اړه د پرېکړې کولو دوه اصلي مرکزونه دي.

د امریکا د استازیو جرګې د بهرنیو چارو کمیټې مرستیال په ډاګه کړې؛ د افغانستان د سولې لپاره د امریکا ځانګړي استازي زلمي خلیلزاد د افغانستان په ګډون سیمې ته سفرونه پیل کړي، چې د امریکا او طالبانو ترمنځ د سولې راوستو په هوکړه لیک کې بدلون رامنځته کړي.

د دغه استازي د څرګندونو له مخې؛ د طالب بندیانو خوشې کول، د تاوتریخوالي کمول او د می له میاشتې وروسته د بهرنیو ځواکونو د ماموریت موده د خلیلزاد د روان سفر دنده ده.

د امریکا د ولسي جرګې د بهرنيو چارو کمېټې مرستيال مايک مکال څرګنده کړې: خلیلزاد په تړون کې تعدیل غواړي، چې په افغانستان کې د امریکا نظامي حضور ته له می وروسته هم اجازه ورکړشي او د ملکي وګړیو او افغان امنیتي ځواکونو پر وړاندې تاوتریخوالي کم کړي.

د متحده ایالاتو ځانګړي استازي د دوحې تړون د پایلو او د افغانانو ترمنځ خبرو اترو په اړه د افغان حکومتي چارواکو او طالبانو نظرونه هم د ټینګار وړ بولي.

ځینې ​​سیاستوالو ويلي، چې زلمي خلیلزاد حکومت او طالبانو ته د بایډن د نوې ادارې پرېکړې اعلانولو لپاره افغانستان او قطر ته ندی راغلی؛ خو هغه د افغانستان لپاره د د نويو پلانونو پیلونکی دی.

د افغانستان د اسلامي تحريک مشر سید اسحق ګیلاني ویلي؛ امریکا غواړي په افغانستان کې ټولګډونه اداره جوړه کړي او دا کار لرې ندی  او غواړي طالبان قانع کړي، چې خپل شتون په کې روان وساتي.

ټاکل شوې، چې زلمی خلیلزاد به له آلمان او کابل څخه پیل شوي سفر سیمې نورو هېوادونو ته هم روان وساتي.

Continue Reading

تازه خبرونه

په ننګرهار ولایت کې د یو خصوصي تلویزیون درې ښځینه کارمندانې وژل شوي

Ariana News

خپور شوی

په

توسط

(Last Updated On: March 3, 2021)

د سې شنبې پر ورځ (د کب ۱۲) ناوخته د ننګرهار ولایت د انعکاس ټلویزیون درې ښځینه کارمندانې په دوه وسلوالو بریدونو کې وژل شوې دي.

په لومړي برید کې ناڅرګندو وسلوالو د جلال آباد ښار په لومړۍ ناحیه کې د دې رسنۍ د دوبلې څانګې دوه کارمندانې سعدیه او شهناز وویشتل او دواړو په روغتون کې له ټپونو خپل خوږ ژوند له لاسه ورکړ.

دغه راز د جلال آباد ښار د څلورمې حوزې په اړوند سیمه کې د یادې څانګې یوه بله کارمنده مرسل حبیبي هم ووژل شوه.

همدارنګه د ننګرهار امنیه قومندان ويلي، چې د مرسل وژونکی نیول شوی او په اړه یې پلټنې روانې دي.

ولسمشرۍ او د رسنیو ملاتړیو بنسټونو د یادې رسنۍ د دغو درې کارمندانو وژنه کلکه غندلې ده.

طالبانو په برید کې خپل لاس لرل رد کړي دي.

شاوخوا درې میاشتې مخکې هم د انعکاس ټلویزیون کوربه خبریاله ملاله میوند په ورته یو برید کې وژل شوې وه.

Continue Reading

Trending

آریانا نیوز: ټول حقونه خوندي دي