Connect with us

پرمختګ او بشپړتیا

د (ترزا مور) نړیواله جایزه د ټولنیز عدالت لپاره بیات بنیاد ته ډالۍ شوه

Ariana News

خپور شوی

 په

(Last Updated On: ليندۍ ۲۶, ۱۳۹۶)

هارموني موسسې د (ترزا مور) نړیواله جایزه په یو لړ درنو مراسمو کې د ټولنیز عدالت لپاره بیات بنیاد ته ډالۍ کړې ده.

بیات بنیاد په ډاګه کړې، چې دغه نړیواله جایزه په یو لړ درنو مراسمو کې د روان ۲۰۱۷ کال د دسمبر پر ۱۴ نېټه، چې د ۱۳۹۶ ل کال د لیندۍ له ۲۳ سره برابره ده په خیریه او بشري مرستو کې مخکښ سازمان بیات بنیاد ته ډالۍ شوې ده.

په خبرپاڼه کې راغلي، چې د بیات بنیاد بنسټوال او د بیات ګروپ لوی مشر داکتر احسان الله بیات او د بیات بنیاد اجرائیه رییسه میرمن فاطمه بیات دغه جایزه د مهاتماګاندي له نمسي ښاغلي توشار ګاندي، د هارموني موسسې له رییس ښاغلي داکترابراهیم ماتای او د لامبارد په آی سي آی سي کې د بشري منابعو د مسوول ښاغلې جیري جوسي لخوا تر لاسه کړې ده.

د ترزا مور دغه نړیواله جایزه د بیات بنیاد لخوا د خوراکي توکو او جامو، روعتیایي څارنې، ښوونې او روزنې، سپورت، د څښاک پاکو اوبو او افغانانو ته د ژوندانه د نورو ټولنیزو ارزښتمنو اړتیاوو په برابرولو کې، چې انسان ورته اړ دي، داکتر احسان الله بیات ته ډالۍ شوې ده.

د خبرپاڼې په یوه برخه کې راغلي، چې دغه راز په ۲۰۱۷ کال کې د ټولنیز عدالت لپاره د ترزا مور نړیواله جایزه د هندوستان فلم جوړوونکې او بشردوستې سندرغاړې او هنرمندې میرمن پریانکا چوپره او جاپانی مهندس ښاغلی شیګیرو بان ته، چې د کډوالو د اړتیاوو لپاره یې بشردوستانه طرحې وړاندې کړي هم په برخه شوې ده.

د دغو درنو مراسمو په بهیر کې ښاغلي بیات څرګنده کړې، چې ترزا مور د بېوزلو د ژوندانه د ښه کولو لپاره خپلې هڅې سپېڅلی کار ګڼلی او د ټولنیز عدالت لپاره یې دغه نړیواله جایزه  د زړه له کومي په پوره درنښت منم.

ښاغلي بیات زیاته کړې، چې په ۲۰۰۶ کال کې ما او میرمن مې فاطمه بیات د بیات بنیاد کار په ټینګ عزم او په دې هیله پیل کړ، چې افغانانو ته روغتیایي خدمات، ښوونه او روزنه، د څښاک پاکې روغتیایي اوبه او لومړنۍ اړتیاوې وړاندې کړو.

داکتر بیات په بشپړ ټینګار څرګنده کړې؛ ویاړم، چې نن په افغانستان کې د بیات بنیاد په ملاتړ د  ۳۰۰ پروژو په ګډون مو ۱۳ روغتونونه جوړ کړي، چې په کې دوه میلیون میندې او ماشومان تر څارنې لاندې دي. له خپل کاره به افغانانو ته له خدمته ګټه اخلو او هڅه کوو، چې د ترزا مور له پوهاوي، چې نړیوالو ته وړاندې شوی؛ ګټه پورته کړو. هغه مهال ترزا مور ویلي وه، چې غوره کړنه هغه ده، چې مونږ یې یو او بل ته تر سره کړو.

ښاغلي بیات د خپلو نورو خیریه هڅو ترڅنګ په ۲۰۰۲ کال کې د افغان بیسیم  مخابراتي شبکه پرانسته، چې په افغانستان کې د انترنیت او بیسیم د خدماتو لومړنی وړاندې کوونکی هم ده او بیا یې د آریانا او آریانا نیوز رادیو تلویزیونونه پرانستل، چې اوس په ګډه د bmc په نوم خدمات وړاندې کوي.

ویل کیږي، چې په دې درنو مراسمو کې د افغانستان د ولسمشر د دوه یم مرستیال محمد سرور دانش په ګډون، د ملګرو ملتونو د کډوالۍ په چارو کې مسوول یاسوکو شیمیز او د مهاتما ګاندي نمسي ښاغلي توشار ګاندي هم ګډون کړی و.

ژباړه: قتیل زوی

Continue Reading
Advertisement

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Ariana News

خپور شوی

په

توسط

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Ariana News

خپور شوی

په

توسط

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

پرمختګ او بشپړتیا

د آریانا افغان هوايي شرکت دوران ته ۶ نورې الوتکې هم ورزیاتیږي

Ariana News

خپور شوی

په

توسط

(Last Updated On: سلواغه ۱۶, ۱۳۹۸)

د آریانا افغان هوايي شرکت ویلي، د فعالیتونو د معیاري کولو لپاره به په نږدې را تلونکي کی ۶ نورې الوتکې هم د خپلو هڅو دوران ته ورزیاتې کړو.

د آریانا افغان هوايي شرکت مسوولینو زیاته کړې؛ دمګړۍ په دې هوايي  شرکت کې څلور الوتکي هڅې لري، چې په نږ دې راتلونکي کې به  شپږ نورې  مسافر وړونکې نوي الوتکي هم  ورزیاتې شي.

د اریانا افغان هوايي شرکت رییس عالم شاه ابراهیمي څرګنده کړې، چې له دې شپږ الوتکو څخه څلور به د افغان حکومت له خوا پېریدل کیږي او دوه هغه الوتکې، چې د چین هېواد لخوا افغان ولسمشر ته ډالۍ شوې وې؛ هغه به هم د باختر هوايي شرکت او آریانا هوايي شرکت تر چتر لاندې خپلې هڅې پیل کړي.

د اقتصادي چارو کار پوهان وايي، د آریانا افغان هوايي شرکت په تېر کې ډېرې لوړې ژورې لیدلي او له نوې رهبرۍ  هم هیله څرګندوي، چې باید دا ملي تصدي له مالي ستونزو وژغوري او له نړیوالو معیارونو یې برخمنه کړي.

د اقتصادي چارو کارپوه سلیم توپان وایي؛ مونږ له نوې رهبرې هیله لرو، چې دا ملي تصدي ته له شته ستونزونه راوباسې. مونږ منو، چې اوس تر یوه بریده ستونزو ته لاسرس روان دی؛ خو باید باید چاري نوري هم پراخې شي.

د آریانا افغان هوايي شرکت مسوولین وايي، ډېر ژر به دا شرکت له نړیوالو معیارونو او ریفورم برخمن شي او د یوې بهرنۍ کمپنۍ له خوا به په دې ملي تصدۍ کې کارونه پیل شي.

دوی دا ډاډ هم څرګند کړی، چې له مالي پلوه د دې شرکت پخوانۍ  ستونزې حل شوي او اوس د ځان بسیایني پر لور ډاډمن ګامونه پورته کوي.

خبریال: اسلم حجاب

Continue Reading

Trending