تازه خبرونه
د تاوتریخوالي له ډېرېدو سره به ډېر خلک بې ځایه شي – ملګري ملتونه

د کډوالو په چارو کې د ملګرو ملتونو عالي کمېشنري څرګندوي، چې د تاوتریخوالي له ډېرېدو سره به د خلکو بې ځایه کېدل هم ډېر شي.
د دې ادارې مسوولینو ویلي، چې دوی په افغانستان کې او ترې بهر د کډوالو او بې ځایه شویو د ستونزو لپاره چمتووالی نیسي.
د کډوالو چارو وزارت د معلوماتو له مخې؛ په تېرو شپږ میاشتوو کې شاوخوا اتلس زره کسان له جګړو بې ځایه شوي دي.
په افغانستان کې تاوتریخوالي زرګونه کورنۍ بې ځایه کړي.
د کډوالو په چارو کې د ملګرو ملتونو عالي کمېشنري څرګندوي، چې د بهرنیو ځواکونو له وتو وروسته جګړې ډېرې شوې او د خلکو بې ځایه کېدل هم ډېر شوي؛ ځکه، نو دوی دې حالت ته چمتووالی نیسي.
د دې ادارې چارسمبالي ویلي؛ په بغلان کې د ماین پاکۍ پر موسسې برید د اندېښنې وړ او لس کارکوونکي یې وژل شوی دي.
د کډوالو په چارو کې د ملګرو ملتونو د عالي کمېشنري چارسمبالی فیلیپو ګراندي ویلي: د تاوتریخوالي د ډېرېدو لیدونکي یو، چې ښایي نور هم ډېر شي او د نړیوالو ځواکونو له وتلو سره به حالات نور هم خراب او د اندېښنې وړ شي؛ نو، ځکه مونږ به د هېواد په داخل کې د ډېرې بې ځایه کېدنې لیدونکي وو.
د ملګرو ملتونو د مرستو مشر مارک لوکاک وایي: اتلس اعشاریه څلور میلیون کسان، چې د ټولو وګړیو نږدې نیمایي کیږي، بشردوستانه مرستو ته اړتیا ولري.
تر څو کلونو مخکې د نړیوالو ډېر پام افغانستان ته و. اوس دا خبره نه شته او دا یوه ننګونه ده، چې کولی شي د افغانستان اړتیاوو ته د لاسرسی او ترې د ملاتړ جلبولو له ستونزو سره مخ شي.
د ملګرو ملتونو د معلوماتو له مخې، دا مهال په ټوله نړۍ کې شاوخوا دوه نیم میلیون پناه غوښتوونکي ثبت شوي او څلور نیم میلیون په هېواد کې بې ځایه شوي.
د کډوالو وزارت مطبوعاتي سلاکار عبدالباسط انصاري ویلي، چې په تېرو شپږ میاشتو کې شاوخوا اتلس زره کورنۍ د جګړوله کبله بې ځایه شوي دي.
دا اندېښنې په داسې حال کې بیانیږي، چې د ناټو مشرانو د دوشنبې پر ورځ له کابل سره د پوځي ماموریت پر پای ته رسېدو او مالي ملاتړ خبره وکړه. په دې همکاریو کې مالي ملاتړ، د افغان ځواکونو روزنه په بهر کې، غیر پوځي حضور او د مهمو زیربناوو ساتنه مهم موارد دي.
تازه خبرونه
د هند په کوربتوب د ترهګرۍ په اړه د شانګهای ټولنې غونډه جوړه شوه

په هند کې د افغانستان په اړه د شانګهای همکارۍ ټولنې د غړیو هېوادونو سرمشریزه نه یوازې پر سیاسي، اقتصادي او بشري وضعیت را څرخي، بلکې پر ترهګرۍ او نورو سیمه ییزو مسلو هم بحث کوي.
په دې غونډه کې د لومړي ځل لپاره د پاکستان یوه درې کسیز پلاوي هم ګډون کړی؛ د روسیې، چین، ازبکستان، تاجکستان، قزاقستان، قرغزستان، ترکمنستان او ایران لوړ پوړي چارواکې یې نور ګډونوال دي.
د دې څلور ورځنۍ غونډې ګډونوال به د سیمه ییز جوړښت په چوکاټ کې د ترهګرۍ پر ضد اقداماتو او د افغانستان پر امنیتي وضعیت خبرې وکړي.
د پراخ او ټولګډونه حکومت جوړېدل او د ښځو د حقونو ترڅنګ د بشري ناورین او د افغانستان په ثبات، سوکالۍ، پرمختګ او امنیت کې د سیمې د هېوادونو ونډه نور هغه موضوعات دي، چې د دې غونډې غړي به پرې بحث او خبرې وکړي.
د اسلامي امارت ویاند بلال کریمي ويلي؛ له هرې هغې غونډې هرکلی کیږي، چې د افغانستان په ګټه وي.
د تېر کال په نومبر میاشت کې هم نوي ډیلي د افغانستان په اړه د سیمه ییز امنیت د خبرو اترو کوربه و، چې د ایران، قزاقستان، قرغزستان، روسیې، تاجکستان، ترکمنستان او ازبکستان د ملي امنیت سلاکاران یې ګډونوال ول.
تازه خبرونه
د نجونو پاتې ښوونځي به ډېر ژر له نوي میکانیزم سره پرانیستل شي

د اسلامي امارت ویاند ډاډ څرګند کړی، چې د نجونو پاتې ښوونځي به هم ډېر ژر له یوه نوي میکانیزم سره پیل شي.
د اسلامي امارت ویاند ذبیح الله مجاهد د نجونو د منځنیو ښوونځیو او عالي لیسو د درسونو د پیل زېری وړاندې کړ او ټینګار کوي، چې د نجونو ښوونځي به ډېر ژر د یوه نوي میکانیزم پر مرسته بېرته پرانیستل شي.
د پوهنې وزارت پخوانيو چارواکو ويلي، اسلامي امارت عملاً د ښوونځیو د تړلو پر وړاندې د خلکو زغم ویني او نړیواله ټولنه هم د نجونو د ښوونځیو پر بیا پرانستلو ټینګار کوي؛ ځکه، نو دا ستونزه باید ژر تر ژره حل شي.
د پوهنې وزارت پخواني مرستیال صدیق پتمن ویلي؛ طالبان( اسلامي امارت ) بریالی کیږي، چې په یوه ورځ کې ښځو ته د حجاب طرحه وړاندې کړي؛ خو په ۹ میاشتو کې نشي کولی د ښوونځیو د پرانستلو طرحه وړاندې کړي. خلک او نړیواله ټولنه دا موضوع هیرولی نشي.
د کابل اوسیدونکی سراج الدین ویلي، چې اسلامي امارت د هغو میلیونونو نجونو د تمې شېبې اوږدې کړي، چې ښوونځیو ته له تګه بې برخې شوې دي.
کارپوهان پدې باور دي، چې د نجونو د ښوونځیو پرانیستل کولی شي له اسلامي امارت سره د نړۍ د تعامل لاره اواره کړي.
تازه خبرونه
ازبکستان به د افغانستان په اړه د نړیوال کنفرانس کوربه وي

د ازبکستان د بهرنیو چارو لنډمهالي وزیر ولادیمیر نوروف څرګنده کړې، چې تاشکند به د روان زېږدیز کال د جولای په پای کې د افغانستان په اړه د یوې لوړې کچې نړیوال کنفرانس کوربه وي.
ولادیمیر نوروف زیاته کړې، چې دا نړیوال کنفرانس به د سیمې د امنیت، سیاسي ثبات او ټولنیز-اقتصادي پرمختګ راوڅرخیږي.
نوموړي ویلي؛ له بده مرغه مونږ د دې هېواد( افغانستان) وضعیت ته د نړیوالې ټولنې د پام کمښت وینو؛ وضعیت ستونزمن دی، اقتصادي بحران او ستونزمن بشري وضعیت د سیمې امنیت او ثبات اوس هم ننګوي.
تاشکند ټایمز راپور ورکړی، چې نوروف احساس کړی، چې نړیواله ټولنه باید د افغانستان د اوسني او راتلونکي مسوولیت په غاړه واخلي او په دغه هېواد کې د ستونزو د حل لپاره مرستې روانې وساتي.
د دغه راز نړیوال کنفرانس په اړه تر دې دمه اسلامي امارت څه ندي ویلي؛ خو د اسلامي امارت ویاند ذبیح الله مجاهد تېره ورځ ټویت کړی، چې د افغانانو کورني مسایل پر افغانانو پورې اړه لري او که څوک د افغانستان له سیاسي جوړښت سره تړلیو مسایلو په اړه ملاحظه لري؛ باید له افغانستان سره ګډه همکاري او د سوداګریزو اړیکو د پراخولو لپاره هڅې وکړي.
-
نړۍ 5 ورځې مخکې
د اوکراین په جګړه کې له ۲۶۰۰۰ ډېر روسي پوځیان وژل شوي
-
تازه خبرونه 3 ورځې مخکې
د اسلامي امارت نړیوال مشروعیت له کورني مشروعیت او رضایت پرته ناشونی دی
-
سوداگري 3 ورځې مخکې
اسلامي امارت د ۱۴۰۱ مالي کال خپلواکه بودجه تصویب کړه
-
کوید۱۹ 3 ورځې مخکې
د نیوزیلینډ لومړۍ وزیره پر کرونا ویروس اخته شوه
-
نړۍ 2 ورځې مخکې
په نیویارک ایالت کې یوه وسلوال ۱۳ کسانو ته مرګ او ژوبله اړولې
-
تازه خبرونه 5 ورځې مخکې
د پخواني افغان حکومت چورلکې اسلامي امارت ته نه ورکوو
-
تازه خبرونه 5 ورځې مخکې
په افغانستان کې ترهګريزۍ سر راپورته کړی – انتونیو ګوترش
-
تازه خبرونه 2 ورځې مخکې
د افغانستان کورني مسایل د افغانانو خپل کار دی – ذبیح الله مجاهد