Connect with us

سیمه ییز خبرونه

د بيات بنياد د ژمنيو مرستو لړۍ د پنجشېرولايت رخې ولسوالۍ ته ورسيده

Avatar

خپور شوی

 په

(Last Updated On: مرغومی ۱۸, ۱۳۹۱)

د پنجشېر ولايت رخې ولسوالۍ اړو كورنيو ته د بيات بنياد ژمنۍ مرستې، چې غذايي مواد او جامې په كې دي؛ د دې بنياد د مرستيال او د ټاكنو د خپلواك كميسيون د رييس له خوا ووېشل شوې.

د بيات بنياد په دې مرستو كې خوراكي توكي، كمپلې، گرمې جامې او بوټان شامل دي.

د بيات بنياد مرستيال حاجي محمد اسماعيل پر اړو خلكو د مرستو د وېش پرمهال څرگنده كړه، چې له دې مرستو مو موخه د ټولنې له زيان منونكيو، ښځو او ماشومانو سره مرسته ده .

هغه په ټول هېواد كې له اړو خلكو سره په وخت مرسته د بيات بنياد كاري لومړيتوب وباله .

د ټاكنو خپلواك كميسيون رييس فضل احمد معنوي، چې د دغو مرستو د وېش پرمهال د خپلې سيمې له خلكو سره حاضر و وايي:

تر ټولو غوره كسان هغه دي، چې نورو ته يې گټه ورسيږي.

مرسته شوي كسان له دوى سره په وخت مرسته ستايي او له ملي سوداگرو او دولتي چارواكو غواړي ، چې د ژمي په موسم كې له دوى سره مرسته وكړي.

بيات بنياد په داسې حال كې ولايتونو ته خپلې ژمنۍ مرستې استوي، چې خلك د ژمي په پيل كې له ډېرو ستونزوسره مخ دي.

په پام كې ده دا مرستې د ژمي تر وروستيو ورځو ټولو هغو ولايتونو ته ورسول شي، چې په ژمي كې د طبيعي پېښو له كبله  زيانمنونكي دي.

Continue Reading
Advertisement

تازه خبرونه

افغانستان کې پر کرونا رنځ اخته کسانو شمېر ۱۱۱۷۳ ته رسیدلی دی

Avatar

خپور شوی

په

توسط

(Last Updated On: غبرګولى ۵, ۱۳۹۹)

د روغتیا وزارت د څرګندونو له مخې؛ له تېرو څلیریشت ګړیو راپدیخوا د کرونا ویروس ۵۹۱ مثبتې پېښط ثبت شوي، چې کابل اوس هم د ۳۹۰ تازه مثبتو پېښو په لرلو د نوملړ په سر کې دی او له دې سره په ټول هېواد کې پر دې ناروغۍ د اخته کسانو شمېر ۱۱۱۷۳ ته رسیدلی دی.

د روغتیا وزارت مرستیال ویاند توحید شوکومند زیاته کړې، چې په تېرو څلیریشت ګړیو کې ۱۰۹۵ شکمنې پېښې کتل شوي، چې ۵۹۱ یې مثبتې وې. کابل د ۳۹۰ پېښو په لرلو سره د نوملړ په سر کې راغلی دی.

له کابل وروسته په ترتیب د هرات ۶۲ ، د بلخ ۳۶، د بادغیس ۲۱، د ننګرهار ۱۸، د کونړ۱۴، د تخار ۱۴، د جوزجان ۱۱، د وردګ ۷، د پکتیا ۵ ، د بغلان ۵، د خوست ۳، دپنجشیر ۲، د غور ۲ او د بامیان یوه نوې مثبتې پېښې دي.

له اختر راپدیخوا په کابل کې پر تګ راتګ بندیزونه سخت شوي. که څه هم دیني عالمان پر بندیز لګولو ټینګار کوي؛ خو له پولیسو غواړي، چې د ناروغانو او اړو کسانو سره مناسب چلند وکړي.

پر کورونا ویروس د اخته کسانو په شمېر کې د ډېروالي په اړه اندېښنې راپورته شوي؛ خو د عامې روغتیا وزارت په افغان جاپان روغتون کې د بستر له نشتوالي خبر ورکړی دي.

د روغتیا وزارت په وینا ، په کابل کې به د کرونا ویروس درې نور روغتونونه هم پرانیستل شي.

د یادونې وړ ده چې د کووید-۱۹ ناروغۍ د لازیاتو خپریدو د مخنیوي لپاره په کابل ښار کې د اختر په ورځو کې د لیدو پر مهال محدودیتونه جدي نیول شوي دي.

له بلې خوا، که څه هم دیني عالمان د بندیزونو لګولو ټینګار کوي، دوی په پولیسو غږ کوي چې ناروغ او نور یې جدي اړتیا زغمي.

په کورونا ویروس اخته کسانو کې د زیاتوالي په اړه اندیښنې راپورته شوي ، پداسې حال کې چې د عامې روغتیا وزارت د افغان-جاپان روغتون کې د وړتیا نشتون راپور ورکړی. د دې وزارت په وینا، د کروناویروس درې نور روغتونونه به په کابل کې پرانستل شي.

Continue Reading

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Avatar

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading

تازه خبرونه

په پروان ولایت کې بیا د وارداتي برښنا ستن ویجاړه شوې

Avatar

خپور شوی

په

توسط

(Last Updated On: غبرګولى ۲, ۱۳۹۹)

د پروان ولایت په مرکز چاریکار ښار کې د وارداتي برښنا یوه ستنه د ناڅرګندو کسانو لخوا د چاودیدونکیو توکو پر چاودنه ویجاړه شوې ده.

د پروان والي ویاند وحید شهکار ویلي، چې نن د سهار شاوخوا ۴ بجې ناڅرګندو وسلوالو د چاريکار ښار د لومړۍ امنیتي حوزې په اړوند سیمه کې د وارداتي برښنا ستن د چاودیدونکیو توکو پر چاودنه ویجاړه شوې ده.

هغه زیاته کړې، چې پېښه له ماین چاودنې رامنځته شوې او پولیسو یې په تړاو دوه کسان نیولي دي.

د اړوند معلوماتو له مخې؛ یاده ستنه بشپړه ویجاړه شوې نده او د بیارغونې کار یې پیل شوی دی.

د بېخبنایي سرچینو لکه برښنا، پلونو، سړکونو او نورو عامه تاسیسات د ویجاړولو لړۍ له پخوا څخه راروانه ساتل شوې ده.

په دې وروستیو میاشتو کې د وارداتي برښنا ستنې او مزي د ناڅرګندو کسانو لخوا پر نښه شوي، چې میلیونونه افغانۍ زیانونه یې  خلکو او حکومت ته اړولي دي.

سربیره پردې د انرژۍ او برښنا پر تخنیکي کارمندانو هم چاودنې شوي، چې تازه هغه یې د برښنا شرکت پر تجارتي مرستیال چاودنه ده، چې د دې شرکت ۸ کارمندان یې ټپیان کړل.

Continue Reading

Trending