Connect with us

تازه خبرونه

د بلخ پخوانی والي د ولایت مقام ته تلی او خپل کار یې پیل کړ

خپور شوی

 په

(Last Updated On: مرغومی ۹, ۱۳۹۶)

یو شمېرسرچینو آریانا نیوز ته ویلي، چې ښاغلی عطامحمد نور د ولایت مقام ته تلی او خپل کار یې پیل کړی او غواړي د بلخ والي په توګه حپل کار روان وساتي.

د بلخ پخواني والي عطامحمد نور د شنبې پر ورځ(د مرغومي ۹)  په ډېر ویاړ یوې خبري ناستې ته، چې په کې د نور ملاتړي او د جمعیت یو شمېرغړیو برخه اخیستې وه؛ په ډاګه کړه، چې  له تفاهم پرته ما څوک له دندې ګوښه کولی نشي او نه زه د چا پر لاسلیک والي پاتې شوی یم.

زه د خپلو متحدینو په ملاتړ والي وم او والي به یم؛ زما ګوښه کول یوه مفته خبره ده. زه رسمي والي یم او په بلخ کې زما ټول صلاحیتونه پخپل ځای دي. که تفاهم ته راسره څوک ورسیدل بیا؛ نو بسم الله هر څوک ، چې راځي را دې شي؛ خو په دې شرط، چې د بلخ ارزښتونه هم ورسره خوندي شي.

نوموړي له حکومت سره د خپلو ناندرو د پیلولو علت ته نغوته کړې اوڅرګندوي؛ په کابل او د هېواد په نورو سیمو کې چاودنو او ناامنیو اړ کړم، چې پر کشفي، امنیتي او دفاعي ارګانونو نیوکې وکړم؛ همدا نیوکې زما او ارګ د اختلاف لومړنی لامل دی.

بله خبره، چې نور پرې خپل ټینګار وړاند کړ هغه په حکومت کې د جمعیت د حق غوښتنه ده.

ښاغلی نور وایي، داکتر عبدالله عبدالله په ملي وحدت حکومت کې د جمعیت استازی و؛ خو په کې ناکام شوی او دا مونږ نشو منلی، چې حکومت به له جمعیت سره شويو ژمنو ته وفادار پاتې شي او کړې  ژمنې دې پلې کړي.

د بلخ پخواني والي دا هم په ډاګه کړې، چې زه له حکومت سره د ولایت پر سر ستونزه نلرم؛ ما د جمعیت او خپلو نورو متحدینو د حق غوښتنه راپورته کړې ده.

((نور)) په دې اړه زیاتوي، لوی کندهار ته زمونږ سفر عادي نه و؛ ټول سرداران د یوې سترې غونډې پرېکړې ته په تمه ول؛ خو حکومت د دې سترې ناستې د جوړیدو مخه ونیوله.

د عطامحمد نور په وینا؛ دا ائتلاف د جګړې ائتلاف نه و، بلکې د وړو قومونو د غړیتوب او د هېوادنیو ستونزو د حل یوه پراخه ناسته وه.

هغه د غونډې ګډونوالو ته د جمعیت د رهبرۍ او په ټاکنو کې د جمعیت د ونډې په اړه څرګنده کړه، چې که زه وم جمعیت ته به د مشرتابه له مشورې سره سم لوری ورکړم؛ خو عبدالله او غني غواړي د دغې برنامې او په ټاکنو کې د برخې اخیستنې په اړه ماته خنډونه رامنځته کړي.

هغه په بلخ کې له داعش سره مبارزه خپل حق وګاڼه او په ډاګه یې کړه؛ زه څنګه ومنم، چې داعش راشي او د بلخ پېغلې خپلو سرتېرو ته په نکاح کړي، کونډې مو خپلې کړي او بچي مو دوه ټوټې کړي.

ده په بشپړ ډاډ د بلخ خلکو او چارواکو ته د ملاتړ ډاډ وکړ، چې نور دې په بلخ کې په بشپړ ډاډ چارې تر سره کوي او له هغو کسانو یې مننه وکړه، چې پرته له وېرې ورسره ودریدل.

دغه راز یې له هغو رسنیو هم مننه وکړه، چې د ده غږ یې بیا راپورته کړ.

د بلخ پخوانی والي وايي، ما خپل مرستیال ته یو لړ صلاحیتونه ورکړي؛ ورځنی کار به کوي او زه به له دې وروسته نه یوازې پخپل لاسلیک چارې تر سره کوم، بلکې له خلکو سره به د سترو هوکړو لپاره کار هم کوم او د ملي وحدت حکومت تر وروستۍ ورځې به والي پاتې یم.

د سیمه ییزو ارګانونو خپلواکې ادارې په ډاګه کړې، چې د عطامحمد نور د استعفا په اړه د حکومت پرېکړه بدله شوې نه ده او ډېر ژر به نوی والي د بلخ خلکو ته وروپېژندل شي.

حکومت د ښاغلي نور څرګندیدنه د ولایت په کاري مقام کې د هغه شخصي پرېکړه بولي.  

د یادونې وړ ده، چې د عطامحمد نور استعفا دوه اوونې وړندې د ولسمشر غني له لوري منظور شوې؛ خو جمعیت د نور استعفا نه ده منلې.

قتیل زوی

تازه خبرونه

افغانستان اوس خطر ندی که ( ا.ا ) پخپلو ژمنو ودریږي، امریکا به یې پر رسمیت وپېژني

خپور شوی

په

توسط

(Last Updated On: تله ۵, ۱۴۰۰)

د افغانستان په چارو کې د امریکا پخواني استازي له آریانا نیوز سره په خبرو کې څرګنده کړې؛ افغانستان اوس د امریکا لپاره خطر ندی او که پخپلو ژمنو ودریږي؛ امریکا به یې پررسمیت وپېژني.

د امریکا پخواني ځانګړي استازي په افغانستان کې موخو ته د امریکا د رسېدو په اړه ویلي، چې هېواد یې خپلو ډېرو موخو ته رسېدلې په ځانګړي توګه یوه یې د القاعده ځپل دي. 

هغه وایي: که څه هم القاعده پوره له منځه نده تلې او اوس هم په یوشمېر هېوادونو کې هڅې تر سره کوي؛ خو افغانستان دمګړۍ د امریکا لپاره ګواښ ندی؛ ځکه اسامه بن لادن ووژل شو، ډېر شمېر غړي یې بندیان او یا وژل شوي دي.

دغه راز وایي، چې افغانستان دمګړۍ د امریکا لپاره ګواښ ندی او د شویو ژمنو د پلي کېدو په صورت کې امریکا چمتو ده، چې طالبان (د افغانستان اسلامي امارت) پر رسمیت وپېژني.  

زلمي خلیلزاد دا هم ویلي، چې کابل ته د اسلامي امارت د ځواکونو له ننوتو مخکې هوکړه شوې وه، چې د اسلامي امارت ځواکونه به تر دوه اوونیو کابل ته نه دننه کیږي؛ د حامد کرزي او ډاکټر عبدالله عبدالله په ګډون به یو لوړپوړی پلاوی قطر ته ځي او د ټولمنلي حکومت پر جوړښت به د ا.ا له غړیو سره هوکړه وکړي.

هغه په دې اړه ټینګار کړی، چې له افغانستان څخه د اشرف غني ناڅاپي تېښتې نه یوازې په نظام کې تشه رامنځته کړه، بلکې په سوله ییزه توګه یې د واک لیږد چارې هم ګډوډې کړې او طالبان کابل ته دننه شول.

نوموړی وایي: نړۍ اوس په تمه ده، چې طالبان ( اسلامي امارت) خپلې کړې ژمنې پلې کوي او که نه او که یې عملي او پلې کړي؛ نو د نړۍ او طالبانو( اسلامي امارت ) ترمنځ عادي اړیکې هم خوندي کیږي.

دغه راز خلیلزاد د افغانستان د جمهوریت او امارت تر منځ د سولې خپلمنځي خبرو د ماتې په اړه ویلي، چې پخوانی ولسمشر اشرف غني د نوي حکومت له جوړېدو سره مخالف و او غوښتل یې طالبان ( اسلامي امارت) د ده د حکومت یوه برخه شي.

د یادونې ده، چې هغه خپلو هڅو او ماموریت ته په نغوته کې د امریکایي ځواکونو د وتلو، خپلمنځي خبرو، اوربند او سولې د خوندي کېدو په اړه ویلي؛ د افغانستان خلک به د ده په اړه قضاوت وکړي؛ ځکه پدې اړه یې د سیمې او نړۍ د همغږۍ لپاره هڅې او منډې کړي، چې جګړه ودریږي او ستونزې له سیاسي لارې حل شي.

دا ځای پوره مرکې ته  کېکاږئ   .

Continue Reading

تازه خبرونه

تاجکستان د افغانستان په کورنیو چارو کې لاسوهنه کوي- د ا.ا.ا

خپور شوی

په

توسط

(Last Updated On: تله ۵, ۱۴۰۰)

د افغانستان اسلامي امارت د لومړي وزیر مرستیال ملا عبدالغني برادر د یکشنبې پر ورځ په یوه مرکه کې ویلي، چې تاجکستان د افغانستان په کورنیو چارو کې لاسوهنه کوي.

ملا برادر له الجزیرې تلویزیوني چینل سره په یوه مرکه کې څرګنده کړې: تاجکستان زمونږ په چارو کې لاسوهنه کوي؛ خو د هر عمل لپاره عکس العمل هم شته.

یوه ورځ مخکې  د اسلامي امارت ویاند او د اطلاعاتو او فرهنګ وزارت مرستیال ذبیح الله مجاهد په خپل ټویټ کې څرګنده کړې وه، چې د ا.ا.ا په زرګونه جنګیالي د افغانستان تخار ولایت ته لیږلي، چې له تاجکستان سره ګډه پوله لري.

د مجاهد د څرګندونو له مخې؛ دا کار له امنیتي ګواښونو سره د مبارزې یوه اړتیا ده.

د روانې میاشتې په پیل کې د تاجکستان ولسمشر امام علي رحمان د شانګهای هېوادونو د همکارۍ ټولنې او د ډله ییز امنیت تړون ټولنې په ګډه غونډه کې، چې خبرې یې په افغانستان کې پر وروستیو پرمختګونو راڅرخېدلې؛ د ترهګرو ډلو د احتمالي پراختیا د مخنیوي لپاره د افغانستان پر شاوخوا د “امنیتي کمربند” جوړولو وړاندیز کړی و.

Continue Reading

تازه خبرونه

هېوادونه باید د افغانستان له بې ثباتۍ څخه د ځان په ګټه کار وانخلي – هند

خپور شوی

په

توسط

(Last Updated On: تله ۵, ۱۴۰۰)

د هندې لومړي وزیر نریندرا مودي د ملګرو ملتونو په عمومي غونډه کې ویلي؛ نړۍ باید ډاډ تر لاسه کړي؛ ځکه، چې اوس هم ځينې هېوادونه له ترهګرۍ څخه د وسیلې په توګه کار اخلي.

د ملګرو ملتونو په عمومي غونډه کې د افغانستان پر مسایلو د نړۍ مشرانو د خبرو په لړ کې د هند لومړي وزیر نریندرا مودي ویلي، چې د افغانستان له بې ثباتۍ څخه باید هیڅ هېواد د ځان په ګټه کار وانخلي.

د هند لومړی وزیر نریندرا مودي: دا ډېره اړینه ده، چې نړۍ د افغانستان له خاورې د ترهګرۍ د پراختیا او ترهګریزو بریدونو څخه د کار له نه اخیستنې څخه ډاډ تر لاسه کړي.

مودي په افغانستان کې د روان وضعیت په اړه ویلي؛ ښځې، ماشومان او لږکي بېړنیو مرستو ته اړتیا لري او نړۍ دنده لري، چې هغوی ته مرستې ورسوي.

نوموړي زیاته کړې؛ افغانان، ښځې ماشومان او لږکي بېړنیو مرستو ته اړ دي. مونږ باید خپله دنده پر ځای کړو او له هغوی سره مرسته وکړو.

دغه راز روسیې ویلي، چې تر اوسه هیڅ هېواد د طالبانو د رسمیت پېژندلو په اړه غور ندی کړی.

د ملګرو ملتونو عمومي غونډې ته د روسیې د بهرنیو چارو وزیر سرګي لاوروف په ډاګه کړې، چې نړۍ باید د افغانستان نازک شرایط درک کړي او له دې هېواد سره بشردوستانه مرستې سیاسي نکړي.

نوموړي زیاته کړې؛ په افغانستان، سوریه، لیبیا، یمن او نورو سیمو کې ښکېل بهرنیان باید د دې هېوادونو تمدن او فرهنګ ته په کتو چلند غوره کړي. د بشري مرستو سیاسي کولو پر ځای باید د یوه غښتلي ګډون او مرستو لپاره لاس ورکړو.

دا په داسې حال کې ده، چې د البانیا ولسمشر د ملګرو ملتونو عمومي غونډې ته په خبرو کې ویلي؛ افغانان باید په اوسنیو شرایطو کې یوازې پرینښودل شي او د تېرو شل کلونو لاسته راوړنې باید وساتل شي.

Continue Reading

Trending

آریانا نیوز: ټول حقونه خوندي دي