Connect with us

سیمه ییز خبرونه

د بلخ په مولانه هوايي ډگر كې لومړنۍ بهرنۍ الوتنه تر سره شوه

خپور شوی

 په

(Last Updated On: لړم ۳۰, ۱۳۹۲)

د بلخ د مولانا هوايي ډگر ته د تركش هوايي شركت له خوا تر سره شوى الوت د بلخ والي بلخ او شمالي ولايتونو اقتصادي ودې ته گټور ونوماوه .

له دې ورسته به د بلخ د مولانا هوايي ډگر هم د بهرنيو الوتنو شاهد وي.

د بلخ والي عطا محمد نور، دولتي چارواكي او اوسيدونكي له هغه وخته، چې د مولانا هوايي ډگر بيا ورغول شوى د بهرنيو الوتنو په تمه ول، چې دادى د چهار شنبې په سهار(د لړم ۲۹) په دغه هوايي ډگر كې لومړى نړيواله الوتنه تر سره شوه .

د بلخ والي وايي، چې د بلخ د مولانا په هوايي ډگر كې د نړيوالو الوتنو تر سره كيدل نه يوازې د بلخ خلكو ته، بلكې ټولو شمالي ولايتونو ته گټور دي.

نوموړى همدا راز له ترانسپورت وزارت څخه غواړي، چې د دغه هوايي ډگر نوم، چې مولانا جلال الدين محمد  بلخي ايښودل شوى رسمي كړي.

دا په داسې حال كې ده، چې د بلخ چارواكو ياد هوايي ډگر ته د جلال الدين محمد  بلخي نوم وركړى؛ خو د ترانسپورټ وزارت پاملرنه ورته لږ ده .

په بلخ كې تركيې چارواكي بلخ  ته د تركش هوايي شركت د الوتنو پيل له افغانستان سره د لرغونو اړيكو د دوام په معنا بولي او په شمال كې اقتصادي ودې ته د زمينې پر برابرولو تينگار كوي.

په بلخ كې د تركيې سركنسل گونيش وايي:

نن له تركيې څخه بلخ ته الوتنې پيل شوې. دغه الوتنې به د افغانستان په شمال كې خلكو او سوداگرو ته د اقتصادي ودې په برخه كې گټورې وي .

د بلخ د مولانا جلال الدين محمد بلخي د هوايي ډگر بيا رغونې نهه پنځوس ميليون يورو لگښت درلود، چې د آلمان د فدرال دولت له خوا وركړ شوي دي .

Continue Reading
Advertisement

سیمه ییز خبرونه

د بیات بنیاد د ژمنیو مرستو لړۍ د لوګر سلګونه اړمنو کورنیو ته ورسېده

خپور شوی

په

توسط

(Last Updated On: مرغومی ۲۹, ۱۴۰۰)

د بیات بنیاد مسوولینو ويلي؛ د بیات بنیاد ژمنۍ مرستې، چې اوړه، غوړي او وریجې په کې دي، له سروې وروسته د لوګر ولایت پر اړمنو کورنیو ووېشل شوې.

په هېواد کې د سوړ ژمي له پیلیدو سره د خوراکي توکو بیې د پام وړ لوړې شوي، چې بېوزله کسان یې د اخیستو وس نلري.

د بیات بنیاد مرستیال حاجي محمد اسماعیل ویلي؛ په دغو مرستو کې اوړه، وریجې او غوړي شته، چې موخه یې د اړمنو کسانو لاسنیوی دی.

د نوموړي د څرګندونو له مخې؛ دوی هیله من دي، چې د هېواد په نورو ولایتونو کې هم اړو کسانو ته ژمنۍ مرستې ورسوي.

هغه کسان، چې له دې مرستې  برخمن شوي پر نورو خیریه موسسو هم غږ کوي، چې په دغو ستونزمنو شرایطو کې له اړو کسانو سره مرسته وکړي.

د اسلامي امارت د لوګر د امر باالمعروف او نهی عن المنکر ریاست عمومي مدیر نصیر احمد کریمي هم د بیات بنیاد له مرستو هرکلي وکړ او له نورو سوداګرو او مرستندویه موسسو غواړي، چې په دې سوړ او له ستونزو ډک ژمي کې د زیانمنو او اړو کورنیو لاسنیوی وکړي.

بیات بنیاد هر کال په ټول هېواد کې له اړمنو خلکو سره مرستې کوي او د مرستو لړۍ یې ټولو ولایتونو ته رسیږي. د دې ترڅنګ بیات بنیاد د هېواد په ولایتونو کې د څښاک د پاکو اوبو د جوماتونو د روغتیايي مرکزونو د ښوونځيو د جوړولو او د ژورو څاګانو د کیندلو په برخه کې هم کار کړی دی.

Continue Reading

تازه خبرونه

بیات بنیاد د پکتیکا ولایت له سلګونه اړمنو کورنیو سره د خوراکي توکو مرسته وکړه

خپور شوی

په

توسط

(Last Updated On: مرغومی ۲۳, ۱۴۰۰)

د پکتیکا ولایت بېوزله کورنۍ، چې له بد اقتصادي وضیعت سره مخ دي؛ د بیات بنیاد له ژمنیو مرستو برخمنې شوې.

د بیات بنیاد مسوولینو ويلي؛ د پکتیکا ولایت اړمنو کورنیو د اوړو، وریجو او غوړیو په ګډون د اړتیا وړ توکي تر لاسه کړل.

په سویل ختیځ زون کې د بیات بنیاد مسوول سلام شریفي څرګنده کړې؛ د بنياد بيات د ژمنيو مرستو په لړ کې مو دا ځل د پکتيکا ولايت بېوزلو کورنيو ته مرستې رواړې دي، چې سروې یې مخکې شوې وه. په دې مرستو کې ورېجې، اوړه او غوړي شامل دي، چې پر اړمنو خلکو وېشل کېږي.

د نوموړي د څرګندذونو له مخې؛ د مرستو موخه یې په هېواد کې د اړمنو کورنیو لاسنیوی دی، چې په یو شمېر نورو ولایتونو کې مو هم د غه لړۍ روانه ده.

هغو کسانو، چې د بیات بنیاد مرستې تر لاسه کړي؛ خوښ دي او وایي، چې په اوسنیو ستونزمنو شرایطو کې دغه بنسټ تل د بېوولو لاسنیوی کړی.

دوی له نورو مرستندویه بنسټونو هم غوښتي، چې ورته مرستې دې وسره وشي.

د پکتیکا اوسیدونکی حضرت محمد ویلي؛ له بيات بنياد ډېره مننه کوو، چې مونږ ته يې مرستې را کړې. دلته خلک ډېر غريبان دي او هيڅ وس نلري. دوی ته دې الله ج اجرونه ور کړي، چې خپلې مرستې یې تر موږ راورسولې.

د دې ولایت یو بل اوسیدونکي نور محمد نومي ویلي؛ له بیات بنياد بيات مننه کوو، چې مرستې يې راسره وکړې له نورو موسسو هم غواړو، چې دا ډول مرستې وکړي، چې د خلکو ستونزې پرې لږ څه حل شي.

سراج الدین نومي ویلي؛ ډېر خوشحاله يم، چې مرسته راسره شوې او مننه ترې کوو. مونږ په کور کې د خوراک څه نه لرل؛ الله پاک دې دوی خوشحاله لري.

په ورته وخت کې د پکتیکا ولایتي چارواکي بیا د بیات بنیاد لخوا له بېوزلو کورنیو سره له مرستې کولو مننه وکړه او وایي، چې خلک په ډېر بد وضیعت کې دي او نور خیریه بنسټونه دې هم له اړمنو خلکو سره ورته مرستې وکړي.

د پکتیکا مرستیال والي مولوي محب الله حماس وایي: له بنياد بيات ډېره مننه کوو، چې په اوسني وخت کې يې د پکتيکا ولايت اړمنو کورنيو ته مرستې را ورسولې؛ کور يې ودان. دوی له نورو خيريه موسسو هم غواړي، چې دې ولايت ته دې دا ډول مرستې راولېږدوي او پر اړمنو خلکو دې يې ووېشي.

د بیات بنیاد مسوولین وايي، چې پر پکتیکا سربېره یې په هرات، بلخ، ننګرهار، غزني، خوست، کندوز، کندهار او بامیانو ولایتونو کې هم پر اړمنو کورنیو مرستې وېشلي او دا لړۍ به پاتې ولایتونو ته هم ورسوي.

بیات بنیاد هر کال په ټول هېواد کې له اړمنو خلکو سره مرستې کوي، چې د مرستو دا لړۍ د هېواد ټولو ولایتونو ته رسېږي او د دې ترڅنګ په ولایتونو کې خلکو ته د څښاک د پاکو اوبو برابرولو، د جوماتونو، روغتیايي مراکزو او ښوونځیو جوړولو په برخه کې یی کار کړی دی.

Continue Reading

تازه خبرونه

د تخار له زندانه ۳۷ بېګناه بندیان خوشې شول

خپور شوی

په

توسط

(Last Updated On: مرغومی ۲۳, ۱۴۰۰)

د زندانونو د ستونزو د څېړلو قضايي کمیسيون د تخار ولايت له زندانه ٣٧ کسان، چې بېګناه پېژندل شوي؛ خوشې کړي دي.

د تخار د ښاري محکمې قاضي مولوي عبدالمنان ویلي؛ یو شمېر بې مدعي بندیان له ضمانت پرته او پاتې نور، چې حقوقي قضیې یې لرلې د ضمانت له مخې خوشې شوي دي.

په تخار کې د جنایي جرمونو پر وړاندې د مبارزې مدیر مولوي سیف الله څرګنده کړې، چې دغه کميسیون په هرو ۱۵ ورځو کې د بندیانو ستونزې څېړي او بې ګناه کسان خوشې کوي.

د تخار د زندانونو مشر قاري نقیب الله وايي، چې د تخار په زندان کې  د ۷ ښځو په ګډون ۸۴ بنديان ول، چې ۳۷ يې خوشې شول او یو شمېر نور، چې د جرم ساحه یې ولسوالۍ وې؛ ولسوالیو ته ولیږل شول.

له زندانه خوشي شوي کسان د زندان د ساتونکیو له ښه چلند څخه خوښ دي او وايي؛ نور به هڅه وکړي چې په ټولنه کې د ګټورو کسانو په توګه ژوند وکړي.

د زندان مسوولین د اسلامي امارت له غړیو څخه غواړي؛ له دې وروسته هغه کسان په زندان کې نه ساتي، چې د محکمې لخوا په جزا نه وي محکوم شوی او یا هم ښکاره جرم ونلري.

Continue Reading

Trending

Copyright © 2022 Ariana News. All rights reserved!