Connect with us

کوید۱۹

د بالیوډ سینما ۱۳ستوري پر کرونا ویروس اخته شوي

Ariana News

خپور شوی

 په

(Last Updated On: April 5, 2021)

د هندي چارواکو له مخې؛ د هند د بالیوډ سینما لږ تر لږه ۱۳ ستوري د کرونا ویرس دوه یمې څپې وهلي او دمګړۍ په کورونو کې قرنطین شوي دي.

د هندي چارواکو د څرګندونو له مخې؛ په هندوستان کې د کرونا ویروس دوه یمه څپه مخ پر پراخېدو ده او د دې ویروس د مثبتې پېښې د ممبیي په ماهاراشترل په ښار کې تر ټولو لوړ کچې ته رسیدلي دي.

د یکشنبې پر ورځ د هند لومړي وزیر نریندرا مودي له مرکزي چارواکو وغوښتل، چې له ماهاراشټرا ښاره لیدنه وکړي او په دې ښار کې د مثبتو پېښو د ډېریدو علتونه وڅېړي.

سربېره پردې د مهاراشترا حکومت د یکشنبې پر ورځ نوي بندیزونه او د یوې اوونۍ قرنطین اعلان کړ.

ویل کیږي، چې د بالیووډ ستوري له ویروس څخه د خلاصون ځواک نلري او پر ویروس اخته کسان یې دا دي:

اکشي کمار

د بی بی سی د څرګندونو له مخې، نومیالی لوبغاړی اکشې کمار پر کرونا له اخته کېدو وروسته په روغتون کې بستر شوی دی.

نوموړي ویلي روغتیایي حالت یې ښه دی؛ خو د روغتیایي پاملرنو له مخې بستر شوی دی.

 پریکړه یې وکړه چې د “طبي مشورې سره سم د احتیاطي تدبیر” په توګه ومنل شي.د بالیوډ اداکار

ټاکل شوې وه، چې اکشي کمار د اپریل پر ۳۰ یو سینمایې  خپرونه چمتو کړي؛ خو دا نېټه بدله شي.

ګووندا

له اکشې کمار یوه ګړۍ وروسته د بالیوډ د بل لوبغاړي ګووندا پایلې هم مثبتې.

د هغه میرمن سنیتا اهوجا سیمه ییزو رسنیو ته ویلي، چې ۵۷ کلن لوبغاړي ځان ګوښه کړی او دا مهال تر قرنطین لاندې دی.

آلیا باټ

دغه لوبغاړې د اپریل پر ۲ ر کرونا اخته شوې او په خپل کور کې تر قرنطین لاندې ده.

هغې د خپل انسټاګرام په پوسټ کې په دې اړه ویلي؛ د کرونا ویروس پایله مې مثبته ده. ما سمدلاسه خپل ځان ګوښه کړاو تر کورني قرنطین لاندې به یم. زه د خپلو ډاکټرانو مشورې پلې کوم. ستاسو له مینې او ملاتړ مننه. مهرباني وکړئ خوندي اوسئ او پاملرنه وکړئ.

فاطمه ثنا شيخ

د مارچ پر ۲۹ ښځینه لوبغاړې فاطمې ثنا شیخ هم خپلو مینوالو ته خبر ورکړ، چې هغه پر کرونا اخته شوې او دا مهال یې ځان قرنطین کړی دی.

ویکرانټ میس

د بالیوډ لوبغاړي ویکرانټ میس څرګنده کړې، چې له کرونا ویروسه کړیږي او روغتیایي پاملرنې یې پلې کړې دي.

هغه له ټولو هغو کسانو، چې ورسره په اړیکه کې ول غوښتي، چې د وینې آزمون تر سره کړي.

پارِش راوال

 د هند د سینما تکړه لوبغاړي پارش راوال ویلي، چې د مارچ پر۲۷ پر کرونا ویروس اخته شوی؛ خو له خپل روغتیایي حالته ډاډمن دی او له هغو ملګرو ، چې ورسره په اړیکه کې پاتې دي د آزموینې غوښتنه کوي.

کارټیک آریان

کارټیک آریان د مارچ پر ۲۲ په ټولنیزو شبکو کې په ډاګه کړې، چې پر کرونا ویروس  اخته شوی او له خپلو مینه والو یې د دعا غوښتنه کړې ده.

عامر خان

عامر خان د بالیوډ یو بل لوبغاړی دی، چې د مارچ پر ۲۴ پر کرونا ویروس اخته شوی او په کور کې  قرنطین دی.

مانوج باجپای

مانوچ باجپای هم د مارچ په دوه یمه اوونۍ کې پر کرونا ویروس اخته شوی دی.

هغه ویلي؛ سره له دې، چې کمزوری شوی یم؛ خو روغتیایي حالت مې ورځ تر بلې مخ پر ښه کېدو دی.

سیندنت چټوروادی

دغه لوبغاړي ویلي، چې تېره میاشت یې آزموینه مثبته په ډاګه شوې او اوس په کورني قرنطین کې یم.

رنبر کپور

ویل کیږي، چې رنبر کپور، اشیش ویډیارټی او سانجی لیلا بهانسالی  هم تېره میاشت پر کرونا ویروس اخته شوي دي.

دا په داسې حال کې ده، چې له تېرو څلیریشت ګړیو راپدیخوا په هندوستان کې ۹۳۲۴۹ مثبتې پېښې ثبت شوي، چې له دې سره د کرونا ویروس ټولې پېښې ۱۲،۵ میلیون کسانو ته رسېدلي دي

تازه خبرونه

د پوهنتونونو حضوري درسونه تدریجي پیل کیږي

Ariana News

خپور شوی

په

توسط

(Last Updated On: July 24, 2021)

د عامې روغتیا، لوړو زدکړو پوهنې وزارت د ګډې کمېټې له پرېکړې سره سم د پوهنتون درسونه به په راتلونکیو دوه اوونیو کې تدریجي پیل شي.

د لوړو زدکړو وزارت ويلي، چې د ټولو زدکړیالانو او استادانو له واکسین وروسته به حضوري درسونه په هغو ولایتونو کې پیل شي، چې د کرونا کچه یې له ۳۵ سلنې کښته وي.

د لوړو زدکړو وزارت ویاند حامد عبیدي په دې اړه ویلي؛  د لوړو زدکړو په ټولو بنسټونو کې به درسونه په تدریج پیل کیږي. لومړي به د هغو ولایتونو تدریسي چارې په دوه اوونیو کې دننه پیل شي، چې د کرونا کچه یې ۳۵ سلنې ته راټیټه شوې وي.

دا په داسې حال کې ده، چې د کرونا د درېیمې څپې له خپرېدو وروسته د افغانستان ښوونیز بنسټونه د دوه میاشتو لپاره تړل شوي وه.

د پوهنې وزارت ويلي، چې د ګرمو سیمو د ښوونځیو کلنۍ آزموینې او د سړو سیمو څلورمیاشتنۍ  هغه به  د روانې زمري میاشتې پر شپږمه نېټه تر روغتیايي پاملرنې لاندې پیل شي.

نجیبه آرین ، د پوهنې وزارت ویاندې ویلي: “د آزموینې بهیر ممکن وخت ونیسي؛ ځکه، چې مونږآازموینې په څو شفټونو کې تر سره شي.

د عامې روغتیا وزارت ويلي، چې د اختر په ورځو کې د خلکو د تګ راتګ اغېزې به په یوه بله اوونۍ کې وپېژندل شي او اوس شمېر څه نا څه ښه دی.

د عامې روغتیا وزارت ویاند غلام دستګیر نظري ویلي: مونږ به له اختر وروسته یوه اوونۍ وګورو، چې د کرونا سلنه څومره توپیر لري.

د عامې روغتیا وزارت د معلوماتو له مخې، په تېرو څلیریشت ګړیو کې پر کرونا اخته  ۳۲ ناروغان مړه شوي.

Continue Reading

کوید۱۹

د ټوکیو المپیک لوبغاړیو په استوګنځي کې د کرونا مثبته پېښه ثبت شوې

Ariana News

خپور شوی

په

توسط

(Last Updated On: July 17, 2021)

رویټرز څرګنده کړې، چې د ټوکیو المپیک لوبغاړیو په استوګنځي کې یو کس پر کرونا ویروس اخته شوی دی.

د المپیک لوبو کوربنو رویټرز ته ویلي، چې په جاپان کې د توکو المپیک لوبغاړیو په استوګنځي کې د کرونا ویروس لومړۍ مثبت پېښه ثبت شوې ده.

د کرونا ویروس دې مثبتې پېښې د المپیک لوبغاړیو ترمنځ اندېښنې ډېرې کړې دي.

په راپور کې راغلي، پر کرونا ویروس د اخته کس د پېژندنې په اړه هیڅ معلومات وړاندې کړې ندي.

ټوکیو المپیک لوبې به د جولای پر ۲۳ پیل او د اګست تر ۸ روانې وي.

له دې مخکې په زرګونه جاپانيانو له حکومت غوښتي وه، چې د کرونا ویروس د خپریدو د مخنیوي لپاره د توکیو المپیک لغوه کړي.

ټاکل شوې وه د ټوکیو المپیک لوبې تېرکال تر سره شوې وای؛ خو د کرونا ویروس ناروغۍ له کبله د د سږکال د جولای تر ۲۳ وځنډول شوې.

Continue Reading

کوید۱۹

د کرونا جانسن امریکایي واکسین پلي کېدا د عصبي اختلال شونتیا هم لري

Ariana News

خپور شوی

په

توسط

(Last Updated On: July 13, 2021)

د رویټرز د څرګندونو له مخې؛ د امریکا د خواړو او درملو ادارې خبرداری ورکړی، چې د کرونا جانسن واکسین په اړه معلومات ښیي، چې د دغه واکسین له پلي کېدو وروسته په شپږ اوونیو کې دننه د عصبي اختلال د نادرې بڼې د رامنځته کیدو شونتیا هم لري.

دې ادارې په یوه لیک کې دې شرکت ته په ډاګه کړې، چې له واکسین وروسته د سنډروم د رامنځته کېدو شونتیا شته؛ خو ویل شوي، چې که واکسین اخیستونکي د ضعف، په تګ راتګ او یا د مخ په حرکتونو کې د ستونزې نښې ولري، باید په دې اړه د روغتیایي پاملرنې په لټه کې شي.

شاوخوا دولس اعشاریه اته میلیون خلکو په امریکا کې د جانسن اینډ جانسن واکسین یو ډوز ترلاسه کړی.

د رویټرز په راپور کې راغلي؛ د جانسن اینډ جانسن واکسین له پلي کېدو وروسته په ۹۵ کسانو کې د عصبي اختلال ناروغي رامنځته شوې، چې بسترولو ته اړتیا لري او له دغې ناروغۍ تر دې دمه یو کس مړ شوی دی.

بل لوري ته د جانسن اینډ جانسن شرکت د خواړو او درملو ادارې د خبرداري په غبرګون کې ویلي، چې پر یادو پېښو له تنظیموونکیو سره بحث خبرې کوي؛ خو وایي، چې د سنډروم د رامنځته کېدو پېښې په کوچنۍ کچه د ودې په حال کې دي

سنډروم یا  جي بي اس یو نادر عصبي حالت دی، چې د بدن د عصبي ریښو پر ژغورونکې برخې برید کوي. په زیاتره مواردو کې د باکتریا یا ویروس انتان تعقیبوي؛ خو روغتیا پوهان وایي، چې له یادې ناروغۍ څخه زیاتره خلک ښه کیږي.

باید وویل شي، چې په امریکا کې تر دې مهاله د جانسن اینډ جانسن شرکت ۱۲.۸ ملیونه دوزه واکسین پلي شوي د یو کس لپاره یو دوز بس وي.

دا په داسې حال کې ده، چې یوه اوونۍ مخکې افغانستان ته د دیاد واکسین نږدې یونیم میلیون دوزه امریکایي مرسته رارسېدلې ده، چې عامې روغتیا وزارت یې پلي کېدل پیل کړي دي.

Continue Reading

Trending

آریانا نیوز: ټول حقونه خوندي دي