Connect with us

تازه خبرونه

د ایران سرحدي ځواکونو افغان کډوال د هریرود سیند ته غورزولي – ادعاوې

خپور شوی

 په

(Last Updated On: غویی ۱۴, ۱۳۹۹)

د هرات د ګلران ولسوالۍ یو شمېر اوسیدونکیو ادعا کړې، چې د ایران سرحدي ځواکونو شاوخوا ۵۰ افغان کارګر، چې غوښتل یې په ناقانونه توګه ایران ته واوړي؛ نیولي او بیا یې د هریرود سیند ته غورزولي دي.

دوی په ډاګه کړې، چې سیند ته په غورزول شویو کسانو کې ۱۲ کسان دوی ژغولي، اووه نور مړه شوي او پاتې تري تم دي.

د هرات د عامې روغتیا ریاست چارواکي وايي، پېنځه مړي روغتون ته لیږدول شوي او ښکاري، چې هغوی په اوبو کې ډوب ‌او مړه شوي دي.

د سیمې د خلکو د څرګندونو له مخې؛ دا مړي د خپلوانو له لوري روغتون ته انتقال شوي دي.

د افغانستان د بهرنیو چارو وزارت په دې اړه د “بېړنیو پلټنو” لارښوونه کړې ده.

د افغانستان د بهرنیو چارو وزارت وايي، د ایران د سرحد په اوږدو کې د یو شمېر افغانانو د وژلو په اړه خپرو شویو راپورونو اندېښمن کړي او وايي،‌ چې د پېښې پلټنه به کوي.

وزارت د شنبې پر ورځ د می ۲ او د غويي۱۳ په یوه اعلامیه کې ویلي، چې سرپرست وزیر محمد حنیف اتمر یوه څېړنیزه ډله ګمارلې، چې پلټنې وکړي.

ویل کیږي، چې دا پېښه د پولې په دهن ذوالفقار سیمه کې رامنځته شوې؛ خو په هرات کې د ایران قونسلګرۍ دا خبر ردوي او وايي،‌ چې هلته داسې کومه پېښه نده شوې.

د ایران قونسلګرۍ په اعلامیه کې راغلي، چې په دې اړه یې افغان حکومت هم خبر کړی دی؛ خو د هرات ولایت چارواکي وايي،‌ چې په دې اړه یې پلټنې پیل کړي او جزئیات به یې وروسته په ډاګه شي.

تازه خبرونه

په جلال آباد ښار کې ۴ چاودنو ۲۱ کسانو ته مرګ و ژوبله اړولې

خپور شوی

په

توسط

(Last Updated On: وږی ۲۷, ۱۴۰۰)

د ننګرهار ولایت د جلال آباد ښار په بېلابېلو سیمو کې څلور پرله پسې چاودنو دوه کسان وژلي او ۱۹ نور ټپیان دي.

د ننګرهار عامه روغتون ويلي، له دغو پېښو څخه ۲ مړي او ۱۹ ټپيان وروړل شوي، چې د ځېنو روغتیایي حالت د اندېښنې وړ دی.

د دغو پېښو عيني شاهدانو ويلي؛ دغه چاودنې د جلال اباد ښار د پنځمې حوزې په مربوطاتو کې شوي او په قربانیانو کې ښځې او ماشومان هم شامل دي.

د دې پېښې لامل او انګیزه اوس هم روښانه نده او هیچا هم د دغو چاودنو مسوولیت پر غاړه ندی اخیستی.

دا په داسې حال کې ده، چې نن سهار د کابل ښار د ۱۳ ناحیې د ۴۰ مټره سړک د عرفاني ښارګوټي په اړوند سیمه کې هم ماین چاودنه شوې ده.

Continue Reading

تازه خبرونه

قطري الوتکې له کابل هوایي ډګره یو شمېر بهرني وګړي ایستلي

خپور شوی

په

توسط

(Last Updated On: وږی ۲۷, ۱۴۰۰)

د افغانستان لپاره د امریکا ځانګړي استازي زلمي خلیلزاد په خپل ټویټ کې په ډاګه کړې، چې پرون په یوه قطري الوتکه کې د کابل له هوایي ډګره یو شمېر امریکایي او اروپایي ملکي وګړي وتلي دي.

خلیلزاد له دې پرمختګه هرکلی کړی او ویلي یې دي، چې د جو بایډن د حکم له مخې، د امریکایانو د وتلو لپاره هیڅ مهالوېش نشته؛ خو که وغواړي، چې کورونو ته ستانه شي. مونږ ژمن یو، چې دوی راوباسو.

تېره میاشت د امریکایي ځواکونو له وتلو وروسته دا درېیمه کرایه شوې الوتنه ده، چې له افغانستان څخه ملکي وګړي قطر ته لېږدوي.

یوه قطري چارواکي رویټرز ته ویلي، چې د جمعې پر ورځ په الوتکه کې نږدې ۱۷۰ امریکایي او اروپایي وګړي سپاره ول.

په دې الوتکه کې د بلجیم، انګلستان، کروشیا، جرمني، هالینډ، ایټالیا او امریکا وګړي لېږدول شوي دي.

د یادونې ده، چې قطر د لویدیځ او اسلامي امارت تر منځ د لېږد د بهیر منځګړی غوره شوی دی.

Continue Reading

تازه خبرونه

سیمه ییز هېوادونه له اسلامي امارت سره د امریکا د اړیکو غوښتونکي شول

خپور شوی

په

توسط

(Last Updated On: وږی ۲۷, ۱۴۰۰)

روسیې، چین، پاکستان، ایران او د سیمې نورو هېوادونو پرون (جمعه د وږي ۲۶ / د سپټمبر ۱۷ ) د شانګهای هېوادونو د ناستې په څنډه کې له امریکا وغوښتل، چې له افغانستان اسلامي امارت سره د تعامل او معاملې لار خپله کړي.

دغو هېوادونو پر امریکا غږ کړی، چې له افغانستان سره خپلې مرستې روانې وساتي.

دغه راز دغو هېوادونو له اسلامي امارت هم غوښتي، چې یو ټولمنلی پراخ حکومت جوړ کړي.

د شانګهای د همکارۍ سازمان په دې غونډه کې د افغانستان برخلیک یوه توده موضوع وه.

د رویټرز د څرګندونو له مخې، دغو هېوادونو ویلي، چې دا د لویدیځ او په ځانګړي توګه د امریکا مسوولیت دی، چې په افغانستان کې د رامنځته کېدونکې بشري ناورین مخه ونیسي.

د روسیې ولسمشر په دې ناسته کې وړاندیز کړی، چې له طالبانو سره باید د تماس ‌ډله جوړه شي.

د هغه په باور دا اقدام کولی شي، چې طالبان د ژمنو پلي کولو ته غاړه کېدي.

د روسیې ولسمشر ولادمیر پوتین ویلي: له جګړې وروسته د افغانستان د بیارغونې ډېری لګښتونه باید د امریکا او ناټو هېوادونو لخوا ورکړ شي؛ ځکه دوی په افغانستان کې د اوږدمهاله شتون د پایلو مسوولیت پر غاړه لري.

پوتین له امریکا وغوښتل، چې د افغانستان بانک پانګه آزاده کړي؛ ځکه له دې پرته به د اسلامي امارت مشران د مخدره توکو او وسلو سوداګري پیل کړي.

د چین ولسمشر شي جین پینګ د امریکا له نوم اخیستو پرته ویلي، چې ځینې ځانګړي هېوادونه باید د افغانستان د راتلونکي مسوولیت پر غاړه واخلي؛ ځکه، چې مسوولیت لري.

د پاکستان لومړي وزیر که څه هم خبرداری ورکړی، چې په اوسنیو شرایطو کې د افغانستان یوازې پرېښودل به ناوړه پایلې د سیمې هېوادونو ته ولري؛ خو طالبان غواړي، چې د پراخ بنسټ حکومت د جوړېدو لپاره پخپلو ژمنو عمل وکړي.

د پاکستان لومړي وزیر عمران خان ویلي، چې په افغانستان کې باید بشري او اقتصادي کړکېچ لومړی له منځه یوړل شي.

نوموړي زیاته کړې، چې پخواني افغان حکومت پر بهرنیو مرستو تکیه کوله او د دا ناکامي به د اقتصادي سقوط لامل شي.

د پاکستان لومړي وزیر ویلي، چې اسلامي امارت باید یو داسې هر اړخیز سیاسي جوړښت رامنځته کړي، چې په کې ټول توکمونه برخه واخلي او د نورو هېوادونو پروړاندې د افغان خاورې د کارولو مخه ونیسي.

په داسې حال کې، چې تاجکستان په افغانستان کې د یوه پراخ بنسټ حکومت جوړېدل غواړي او د خلکو له خوښې پرته د سیاسي نظام تپل د نه منلو وړ اټکل له ځان سره لري.

Continue Reading

Trending

آریانا نیوز: ټول حقونه خوندي دي