Connect with us

سوداگري

د اووه سوه میلیون ډالرو پر ارزښت جلغوزي قاچاق شوي

خپور شوی

 په

(Last Updated On: ليندۍ ۱۷, ۱۴۰۰)

د افغانستان د جلغوزیو د تولید پروسس کوونکیو د ټولنې غړيو ویلي؛ په روان کال کې له افغانستان څخه د اووه سوه میلیو ن ډالرو پر ارزښت جلغوزي قاچاق شوي دي.

د افغانستان د جلغوزیو د پروسس او تولید ټولنې غړي وایي، چې له افغان سوداګرو سره د حکومت او نړیوالو سوداګرو د همکاری د نشتون له کبله د جلغوزیو صادروونکي هغې موخې ته اوس هم ندې رسیدلې، چې باید یې صادرات تر سره کړي وای.

 د خصوصی سکتور غړي وایی، له هېواد قا چاق شوي جلغوزي د ګاوند هېوادونو په نامه نړیوالو مارکیټونو ته صادر شوي دي.

 دوی د افغانستان  له اسلامی امارت  غوښتنه کوي، چې د جلغوزیو صادراتو د پراختیا لپاره دې د قاچاق د مخنیوي تدابیر پراخ  کړي.

د افغانستان د جلغوزیو د پروسس فابریکو ټولنې مشر محبوب الله ګردیزي ویلي: زمونږ د هېواد نږ دې ۷۰۰ میلیون ډالرو پر ارزشت جلغوزی قاچاق شول او نور هېوادونه یې پخپل نامه صادروی. باید زمونږ تولیدات زمونږ پخپل نامه صادر شوی وای. مونږ ته دا زیان اړوی دا مو د هېواد اقتصاد ته تاوان دی.

د افغانستان د کرنې  او مالدارۍ  خونې مسوولین وایی،  چې  چین  ته  د جلغوزیو د صادراتو نږدې  یوه میاشت وشوه؛ خو تر اوسه  د دې صادراتو کچه نږدې زر ټنو ته رسیدلې او صادرونکي د صادراتو له ستونزې سره مخ دي.

د کرنې اومالداری خونې مرستیال میرویس حاجی زاده وایي: مونږ صادرات  کړي؛ خو کم دې. مونږ  کارګو نه لرو. تر اوسه مونږ زر ټنه جلغوزي صادر کړي؛ کرایې دې کمې کړي. امارت باید دې ستونزو ته لاسرسی ومومي.

د اقتصادی چارو کارپوهان له اسلامی امارت غوښتنه کوی، چې د جلغوزیو صادراتو لپاره باید آسانتیاوې زیاتې کړي، چې افغان سوداګر پخپله د افغانستان پر نامه د جلغوزیو صادرات وکړي.  

سوداگري

له هېواده د پسونو د وړیو قاچاق به د غالیو صنعت زیانمن کړي

خپور شوی

په

توسط

(Last Updated On: مرغومی ۲۵, ۱۴۰۰)

د افغانستان دغالیو تولیدوونکيو سرتاسري  ټولنې څرګنده کړې؛ له ماليې وزارت غوښتنه شوې، چې په ګمرکونو کې له هېواده د وړیو د قاچاق مخه ونیول شي.

د افغانستان  دغالیو تولیدوونکي وايي؛ د پسونو وړۍ، چې په غزني، زابل، فراه، کندهار او هلمند کې یې مالداران تولیدوي له افغانستان نه ګاونډ هېواد پاکستان او هند ته قاچاق کیږي او کورني تولیدونکي د اومو توکو له کمښت سره مخ دي.

دوی وايي، که د خپلو غالیو لپاره  د عراق او سعودي عربستان د وړیو له  تارونو کارواخیستل شي، چې هغه ورته څو برابره په لوړ قیمت تمامیږي.

د افغانستان د غالیو تولیدوونکی محمدنعیم ولي زاده وایي؛ زمونږ د هېواد د غالیو وړۍ پاکستان او هندوستان ته قاچاق کیږي؛ خو مونږ بیا د خپلو غالیو د اوبدلو لپاره له عراق او عربستان څخه د تار د راوړلو لپاره اړ کیږو.

د افغانستان د غالیو تولیدوونکیو  ټولنې مشر نور احمد نوري وایي: همدا اوس د یوه مټر مربع غالیو په تولید کې ۶۰۰ افغاني قیمت لوړ شوی؛ ځکه، چې مونږ خپله له نورو هېوادونو تار واردوو خپلې وړۍ مو نورو هېوادونو ته قاچاق کیږي.

د افغانستان د ماليي وزارت ويلي، چې ټولو ګمرکونو ته به خبر ورکړي، چې د وړیو په ګډون بهر ته د ټولو هغو توکو د صادراتو مخه ونیسي، چې په کورنیو تولیداتو کې کارول کیږي.

د ماليي وزارت ویاند احمد ولي حقمل وایي؛ د افغانستان اسلامي امارت به صنعت کارانو او صادروونکيو لپاره وخت ته اړتیا ده، چې دا بهیر به لږ وخت ونیسي او مونږه به دا ستونزه ژر حل کړو او قاچاق مخنیوی به هم وکړو.

د اقتصادي چارو کارپوهان وايي، که حکومت دغالیو سکتور ته جدي پاملرنه ونکړي؛ نو ښايي دا سکتور په هېواد کې له منځه ولاړ شي.

Continue Reading

سوداگري

د ازبکستان وارداتي برښنا بېرته عادي حالت ته راوګرزېده

خپور شوی

په

توسط

(Last Updated On: مرغومی ۲۳, ۱۴۰۰)

د افغانستان برښنا شرکت په ډاګه کړې، چې د ازبکستان د تېلي مرجان د برښنا فابریکې تخنیکي ستونزه اواره شوې او افغانستان ته د دغه هېواد د برښنا واردات بېرته عادي حالت ته راګرزېدلي دي.

دوه ورځې مخکې ازبکستان د تخنیکي ستونزې له کبله افغانستان ته د خپلې برښنا صادرات ۶۰ سلنه کم کړي وه.

یاد شرکت د پنجشنبې پر ورځ (د مرغومي ۲۳) په ډاګه کړه؛ د ازبکستان د وارداتي برښنا شاوخوا ۶۰ سلنه برخه، چې د مرجان د اورګاډي په سټیشن کې د تخنیکي ستونزو له کبله پرې شوې وه؛ بېرته عادي حالت ته راوګرزېده.

برښنا شرکت زیاته کړې؛ له نېکه مرغه، نن سهار شاوخوا نهه بجې د ازبکستان د برښنا واردات بېرته عادي حالت ته راوګرزېدل.

برښنا شرکت په ډاګه کړې؛ د افغانستان مشرتابه د برښنا شرکت له خپلو پیرودونکیو څخه مننه کوي، چې په تېرو څو ورځو کې یې له پرچاویو سره سره خپل زغم ښکاره صبر کړی دی.

د برښنا شرکت په خبرپاڼه کې راغلي، چې د لنډمهالې پرچاوۍ لامل د مشتریانو اضافي لګښت دی.

دغه شرکت پرون ویلي وه، چې ازبکستان له افغانستان سره له همغږۍ پرته د وارداتي برښنا۶۰ سلنه کمه  کړې ده.

د یادونې ده، چې د ازبکستان شاوخوا ۶۰ سلنې وارداتي برښنا د ۱۶ ولایتونو له برېښنا کمه کړې وه.

Continue Reading

سوداگري

د روان لمریز کال د وروستیو ۳ میاشتو ۵۳ اعشاریه ۹ میلیارډ افغانۍ بودجه تصویب شوه

خپور شوی

په

توسط

(Last Updated On: مرغومی ۲۳, ۱۴۰۰)

د افغانستان اسلامي امارت د ۱۴۰۰ لمریز هجري کال د وروستیو درې میاشتو لپاره ۵۳،۹ میلیارډ افغانۍ بېله بودیجه تصویب کړه.

د اسلامي امارت د ویاند مرستیال انعام الله سمنګاني ټویټ کړی، چې ۴۹ اعشاریه ۲  میلیارډ افغانۍ عادي بودجه او ۴ اعشاریه ۷ میلیارډ افغانۍ پراختیايي بودجه ځانګړې شوې ده.

دا په داسې حال کې ده، چې تېره ورځ اسلامي امارت د هېواد د مالي کال پیل له جدي میاشتې څخه د حمل میاشتې ته د بدلولو طرحه تصویب کړه.

د یادونې ده، چې اسلامي امارت تر اوسه د راتلونکي کال د بودجې جزئیات پوره په ډاګه کړي ندي.

Continue Reading

Trending

Copyright © 2022 Ariana News. All rights reserved!