Connect with us

تازه خبرونه

د امریکا هوايي ځواکونو په هلمند کې پر طالبانو بریدونه کړي

Ariana News

خپور شوی

 په

(Last Updated On: May 6, 2021)

امریکایي ځواکونو له تېرو څو ورځو راپدیخوا د افغانستان په سویلي ولایت هلمند کې د طالبانو پر وړاندې یو لړ هوایي بریدونه ترسره کړي؛ ځکه، چې د افغان ځواکونو او طالبانو ترمنځ سخته جګړه روانه ده.

یوه امریکایي چارواکي د چارشنبی پر ورځ ناوخته امریکا غږ ته څرګنده کړې، چی امریکایي ځواکونه په افغانستان کې له ځنډ پرته د طالبانو پر ضد هوایي بریدونه کوي.

دغه هوايي بریدونه له افغان ځواکونو څخه د ملاتړ د پرلپسې پر بنسټ ترسره کیږي.

یوه امریکايي چاراکي، چې نوم یې ندي اخیستل شوی امریکا غږ ته ویلي، چې امریکايي ځواکونو پر طالبانو دا هوايي بریدونه له افغان پوځ څخه د ملاتړ پر موخه ترسره کړي دي.

هغه د عملیاتي امنیت اړتیا ته په نغوته کې د نورو جزئیاتو له شریکولو ډډه کړې ده.

د امریکا د دفاع وزارت ویاند جان کربي یوې ناستې ته څرګنده کړې، چې امریکايي سرتېري له افغانستان څخه د وتلو پر مهال کوښښ کوي، چې د جګړې په ډګر کې له افغان ځواکونو ملاتړ وکړي.

هغه ویلي، چې اوس هم په افغانستان کې امریکایي قومندانان د واک و ځواک لرونکي دي.

د امریکا دغه هوایي بریدونه د هلمند د پلازمېنې لښکرګاه شاوخوا پر افغان ځواکونو د طالبانو د بریدونو په ترڅ کې پیل شوي او له یوې اوونۍ راپدیخوا روان ساتل شوي دي.

د سې شنبې پر ورځ یو شمېر داسې راپورونه خپاره شول، چې ښیي د ښار پّ څنډو کې له زر ډېرې کورنۍ د روانې سختې جګړې له کبله له خپلو کورونو تښتیدلي دي.

د افغانستان بې پولې ډاکټرانو د سې شنبې د ورځې د یو لړ ټویټونو له مخې؛ د دوشنبې پر ورځ د لښکرګاه ښار په شاوخوا سیمو کې جګړې زور اخیستی او تاوتریخوالی هم د پام وړ ډېر شوی دی.

د هلمند ولایت د بست روغتون د بې پولې ډاکټرانو د پروژې د همغږۍ مشرې سارا الیهي ویلي: زمونږ طبي ډلو د می پر درېیمې او څلورمې د جګړې د ۵۳ ټپیانو درملنه کړې.

د هغې د څرګندونو له مخې، په بیړنۍ خونه او عملیاتي خونو کې د ایم ایس ایف ډلو د جګړې په ډګرونو کې له ټپي شویو ټپیانو درملنه کړې ده.

ناروغانو او کارمندانو مونږ ته ویلي، چې ښاري خدمتونو ته د لاسرسي ټولې لارې بندې دي. روغتون ته د ماشومانو او امیندوارو میرمنو راتګ هم په ټپه درېدلی دی.

یوه نرسې له خپلې کورنۍ سره له لومړۍ لیکې څخه په وتلو کې مرسته کړې او وایي: ډېرې ډزې وې؛ ګولۍ زمونږ کور ته راغلې. خلک ډارېدل، پې لوڅې، له حجاب پرته او بې هڅه یې منډې وهلې.

یوه سیمه ییز حکومتي چارواکي د چارشنبه پر ورځ آزادي راډیو ته ویلي، چې د امریکا هوایي بریدونو د طالبانو د پرمختګ د مخنیوي لپاره ااړین دي.

عتيق الله نومي يوه چارواکي ويلي: ډېر بد بمبارد و؛ ما په تېرو څو کلونو کې هیڅکله دا ډول بمبارد نه و لیدلې.

د افغانستان حکومتي ځواکونه د غزني او بغلان په ګډون د هېواد په نورو برخو کې هم له سخت مخالفت سره مخ دي.

د افغانستان ملي دفاع وزارت له دې مخکې ویلي وه، چې نړیوال پوځونه د جګړې له ډګره بهر شوي او افغان پوځ د بهرنیو سرتېرو له ملاتړ پرته عملیات کوي.

دا په داسې حال کې ده، چې امریکایي ځواکونو او ناټو د تېرې شنبې پر ورځ ( د می لومړۍ) په رسمي بڼه له افغانستان څخه د خپلو ځواکونو د ایستلو بهیر پیل کړ، چې د سپټمبر پر ۱۱ به بشپړ شي.

تازه خبرونه

نیول شوې سیمې به د طالبانو پر ډله ییزو ادیرو بدلې شي – امرالله صالح

Ariana News

خپور شوی

په

توسط

(Last Updated On: June 15, 2021)

د ولسمشر اشرف غني لومړي مرستیال امرالله صالح خبرداری ورکړی؛ هغه لارې، چې وسلوال طالبان پرې د ولسوالیو د نیولو لپاره راغلي؛ د دوی پر ډله ییزو ادیرو به بدلې شي.

امرالله صالح نن په خپله فیسبوک پاڼه کې لیکلي: یو شمېر هغه سیمې، چې نیول شوي نومول شوي؛ طالب په کې د یوې نرۍ کرښې پر جوړولو پرمختګ کړی دی.

“نوموړي څرګنده کړې؛ هغه کسان، چې له طالبانو سره جګړه پېژني؛ پوهیږي، چې دا نرۍ کرښې به د دغې وحشي او ناپوهې ډلې پر ډله ییزو قبرونو بدلې شي.

امرالله صالح ټینګار کړی؛ له خلکو سره د طالبانو په چلند کې هیڅ راز بدلون ندی راغلی، بلکې نور هم وحشي او ناپوه شوي دي.

هغه دا هم په ډاګه کړې، چې خلک باید د طالبانو پر پروپاګندونو ونه غولیږي.

امرالله صالح وایي: د طالبانو پروړاندې درېدل له انساني ارزښتونو او کرامته دفاع کول دي. طالب له اطاعت او غلامۍ پرته د دې هېواد خلکو ته بل پیغام نلري.

طالبانو تر دې دمه د امرالله صالح څرګندونو ته کوم غبرګون په ډاګه کړی ندی.

د ویلو ده، چې طالب جنګیالیو په تېره یوه میاشت کې لږ تر لږه ۳۰ ولسوالۍ تر څارنې لاندې راوستي دي او له تېرو څلیریشت ګړیو راپدیخوا یې د سرپل سید آباد، د هرات اوبه او د کندوز خان آباد ولسوالۍ نیولې دي.

Continue Reading

تازه خبرونه

ناټو د افغان ځواکونو روزنې لپاره په قطر کې د اډې جوړولو هڅې کوي

Ariana News

خپور شوی

په

توسط

(Last Updated On: June 14, 2021)

ناټو تړون د بهرنیو ځواکونو له وتلو وروسته په قطر کې د افغان ځواکونو د روزنې لپاره د یوې پوځي اډې د جوړولو هڅې پیل کړي دي.

ویل کیږي، چې د ځواکونو له وتلو وروسته به د ناټو دغه اقدام له افغان ځواکونو سره د دې تړون د ژمنو یوه برخه وي.

دغه تړون به له شاوخوا دوه لسیزو وروسته خپل ماموریت په را روان سپټمبر کې پای ته ورسوي.

د ناتو یوه چارواکي، چې د نوم  له ښودلو ډډه کړې؛ رویټرز ته د خبرو پر مهال ویلي: مونږ په قطر کې د افغان ځواکونو د لوړ پوړیو غړیو د روزنې لپاره د یوې اډې پر جوړولو خبرې کوو.

د ناټو د ماموریت بنسټیزه برخه د وسلوالو طالبانو پر وړاندې د افغان ځواکونو له روزنې او تجهیز پوره  ملاتړ دي.

سرچینې زیاته کړې: مونږ یوه طرحه وړاندیز کړې؛ خو په دې اړه پرېکړه د قطري چارواکو پورې اړه لري، چې په خپله خاوره کې ناټو ته د روزنتون ځای ورکوي او کنه.

په کابل کې میشت یوه ډیپلوماټ هم رویټرز ته ویلي، چې قطر ته د ۴ څخه تر ۶ میاشتو روزنې لپاره د افغان ځانګړيو ځواکونو د غړيو رالېږدول تر بحث لاندې دي.

ناټو، قطراو افغان حکومت تر دې دمه په رسمي بڼه د دې راپور په اړه څه ندي ویلي.

Continue Reading

تازه خبرونه

امریکا له وتلو وروسته په افغانستان کې د سفارت پر امنیتي طرحه کار روان ساتلی

Ariana News

خپور شوی

په

توسط

(Last Updated On: June 15, 2021)

د امریکا د مرکزي قومندانې (سینکام) قومندان ویلي، چې هغه په ​​کابل کې د امریکا سفارت لپاره امنیتي طرحه چمتو او دفاع وزیر ته وړاندې کړی ده.

د امریکا د مرکزي قومندانۍ(سینکام) قومندان جنرال کنت مکنزي ویلي: مونږ د لیږد په حالت کې یو؛ هغه اصلاح کوو. له بده مرغه روان وضعیت ته په پاملرنه زه نشم کولی د دې پلان په اړه نور څه له تاسې سره شریک کړم.

جنرال مکنزي زیاته کړې، چې القاعده او داعش غواړي امریکا او متحدین یې تر بریدونو لاندې راولي.

هغه پدې اړه څرګنده کړې؛ بې ساري ده!  دوی غواړي پر مونږ او متحدینو مو په خپلو ټاټوبو، اروپا او نورو ځایونو کې بریدونه وکړي… دا د دوی د میرمنو لخوا مستند شوي دي.

دغه امریکایي جنرال زیاته کړې: مونږ باور لرو، چې په افغانستان او سوریه کې پر دغو ډلو فشار د بریدونو مخه نیولې ده. د بېلګې په توګه مونږ او د سوریې دفاعي ځواکونه د فشارونو د ترسره کولو لپاره ګډ کار کوو، چې د دوی(داعش) د بریدونو مخنیوی وکړو: ځکه دوی اوس د ژوندي پاتې کیدو لپاره جګړه کوي.

د امریکا د مرکزي قومندانۍ دې قومندان ویلي، چې دی په افغانستان کې د ترهګرو ډلو د بیا راپورته کیدو په اړه اندېښنه لري.

هغه ویلي؛ په افغانستان کې هم دا شونې ده. هغه څه، چې ما انېښمنوي دا دي، چې په راتلونکي کې به پر دغو ډلو هیڅ فشار نه وي. دوی هم غواړي، چې ژوندي او قوي شي… او مونږ باید شکمن شو، چې دوی څه وایي، هغه کوي. دوی څو ځلې ویلي، چې دوی مونږ په خپل هېواد کې تر برید لاندې نیسي.

جنرال مکنزي ټینګار کړی، چې امریکا له افغانستان څخه وځي؛ خو یوازنی شی، چې باید وساتل شي په افغانستان کې د دغه هېواد سفارت او ډیپلوماټان دي.

هغه زیاته کړې؛ له افغانستان څخه د بهرنیو ځواکونو پر وتلو سربېره  امریکا به له افغان ځواکونو هم ملاتړ وکړي.

هغه وایي: مونږ اوس هم هڅه کوو، چې د دوی مالي ملاتړ وکړو او د افغان هوایي ځواک د ملاتړ لپاره پوره هڅې کوو.

ماکنزي ویلي؛ دوی به له لرې څخه افغان امنیتي ځواکونو ته مشورې ورکوي او له هغو ملاتړ به روان ساتي.

Continue Reading

Trending

آریانا نیوز: ټول حقونه خوندي دي