Connect with us

نړۍ

د امریکا د کانګرس پر ودانۍ په برید کې دوه پولیسو ته مرګ و ژوبله اوښتې

خپور شوی

 په

(Last Updated On: وری ۱۴, ۱۴۰۰)

رویټرز په ډاګه کړې، پرون (د وري ۱۳) یو کس خپل موټر د امریکا د کانګرس د ودانۍ له دروازې سره وجنګاوه؛ یو پولیس افسر یې وژلی او یو بل ټپي دی.

پولیسو ويلي، چې دغه پېښه ترهګریز برید نه ښکاري.

د رویټرز د څرګندونو له مخې، برید کوونکی د پولیسو پّ ډزو کې وژل شوی دی.

د امریکا د کانګرس د پولیسو مشر یوګاناندا پیټمن ویلي، چې دې کس لومړی خپل موټر د پولیسو له خنډ سره وجنګاوه او بیا یې وغوښتل، چې پولیس پر چړو ووژني.

هغه وایي؛ زه په ډاګه کوم، چې په دې پېښه کې د پولیسو یو افسر له ټپي کېدو وروسته ساه ورکړې ده.

رویټرز د پولیسو د څرګندونو له مخې څرګنده کړې، چې په دې پیښه کې د ټپي شوي بل پولیس روغتیايي حالت د اندېښنې وړ ندی.

سپینې ماڼۍ ويلي؛ ولسمشر جوبایډن له پېښې حیران شوی او امر یې کړی، چې په سپنه ماڼې کې دې د امریکا رپی نیم ځوړند حالت ته راوستل شي.

بایډن د دغې رامنځته شوې پېښې د پلټنې امر هم کړی دی.

رویټرز زیاته کړې؛ د بریدګر کورنۍ ویلي، چې د هغه له روغتیایې ستونزو سره مخ و.

نړۍ

پوتین خپل کرونایي قرنطین د غرونو په شنو لمنو کې پر کب نیولو تېر کړ

خپور شوی

په

توسط

(Last Updated On: تله ۴, ۱۴۰۰)

رویټرز په ډاګه کړې؛ د روسیې ولسمشر ولادمیر پوتین دوه اوونۍ مخکې له یو شمېر خلکو سره له لیدنو وروسته ځان قرنطین کړی و.

هغه د ​​سایبریا په غرنیو شنو لمنو کې پر کب نیولو او ګرزېدو خپل وخت تېر کړی.

کرملین ماڼۍ د روسیې له دفاع وزیر سرګي شویګو سره د پوتین داسې ۲۰ انځورونه خپاره کړي، چې ښیي د قرنطین بشپړ وخت یې په سایبریا کې پر ګرزېدو او کب نیولو پای ته رسولی دی.

د یادونې ده، چې ۶۸ کلن ولادمیر پوتین د خپل هېواد د سپوتنیک نومو واکسینو دوه دوزه هم ترلاسه کړي دي.

Continue Reading

نړۍ

په آسترالیا کې ۶ درجې زلزلې د میلبورن ښار ولړزاوه

خپور شوی

په

توسط

(Last Updated On: وږی ۳۱, ۱۴۰۰)

د آسټرالیا اړوند سرچینو ویلي؛ د رښتر پر کچه ۶ درجې زلزلې د  میلبورن ښار لړزولې، چې ځاني زیان نلري.

دا یوه خورا ځواکمنه زلزله ده، چې په آسټرالیا کې رامنځته شوې ده.

دې زلزلې د آسټرالیا په دوه یم لوی ښار میلبورن کې ودانۍ زیانمنې کړي او په ګاونډ ایالتونو کې یې ټکانونه احساس شوي دي.

د راپورونو له مخې؛ د زلزلې مرکز د  ویکتوریا په ښارګوټي کې دی، چې د میلبورن شمال ختیځ لوري  څخه ۲۰۰ کیلومټره لرې پروت او ۱۰ کیلومټره ژوروالی لري.

د یادونې ده، چې ورپسې د رښتر په کچه ۴ درجې زلزله هم رامنځته شوې ده.

Continue Reading

نړۍ

په کاناډا کې د جاسټین ټروډو ګوند پارلماني ټاکنې وګټلې

خپور شوی

په

توسط

(Last Updated On: وږی ۳۰, ۱۴۰۰)

د کاناډا لومړي وزیر جاسټین ټروډو ټاکنې پر لږ توپیر وګټلې؛ خو په پارلمان کې د اکثریت څوکیو پر ترلاسه کولو بریالی نشو.

جاسټین ټروډو په تېرو څو میاشتو کې د کرونا ویروس پر وړاندې پر ناسمې مبارزې او اقتقادي ننګونو پر رامنځته کولو له کبله له پوره نیوکو سره مخ و.

ټروډو څو اوونۍ مخکې د له وخت مخکې ټاکنو غوښتنه وکړه، چې  که په پارلمان کې اکثریت رایې خپلې کړي؛ نو حکومت ته به “نوې څېره” وروبښي.

له بلې خوا د کاناډا محافظه کار ګوند، چې خورا هیله من و؛ په دوه یم ځای کې راغی.

د راپورونو له مخې؛ د کاناډا لومړي وزیر جاسټین ټروډو د هېواد یوې کوچنۍ غونډې ته هم وینا کړې ده.

د راپورونو له مخې، د کرونا ویروس د خپریدو او د رامینځته شويو محدودیتونو له کبله به خلک د ټروډو بریا ونه نمانځي.

د ټاکنو څارونکیو ویلي؛ په داسې حال کې ، چې کرونا ویروس مخ پر پراخېدو دی، خو نوموړي د ۵۰۰ میلیون ډالرو پر لګښت ټاکنې تر سره کړې، چې دا کار به یې ګرانښت زیانمن کړي.   

Continue Reading

Trending

آریانا نیوز: ټول حقونه خوندي دي