Connect with us

نړۍ

د امریکا د ولسمشریزو ټاکنو ګټونکی نن غوره کیږي

خپور شوی

 په

(Last Updated On: ليندۍ ۲۴, ۱۳۹۹)

د ۵۰ ایالتونو انتخاباتي استازي به نن (دوشنبه د لیندۍ ۲۴) د ډیموکراټ جو بایډن په ګټه انتخاباتي ناستې وکړي، چې د ډونالډ ټرمپ ماته وروستۍ شي.

د امریکا د تېرې ولسمشرۍ په ټاکنو کې د ډونالډ ټرمپ له ماتې وروسته د هر ایالت رایې وشمېرل شوې، چې د ډونالډ ټرمپ ادعاوو ته، چې په هېواد کې ډیموکراټیک پروسه له پوښتنې وژغوري.

امریکایانو تېره میاشت د خپلې خوښې ولسمشر ته رای ورکړه؛ خو هغه رایې، چې رسمي ارزښت لري؛ له “انتخاباتي کالج” یا حوزوي رایو له غونډې وروسته ترلاسه کیږي.

د متحده ایالاتو له اساسي قانون سره سم د انتخاباتي استازي د ولسمشر د انتخابولو واک لري.

د متحده ایالاتو ولسمشرۍ ته د رسېدو لپاره ۲۷۰ رایو ته اړتیا ده. تمه کیږي، چې د امریکا ولسمشر جو بایډن به د ډونالډ ټرمپ د ۲۳۲ رایو په مقابل کې ۳۰۶ ټاکنیزې رایې ترلاسه کړي.

نړۍ

د روسیې په یوه پوهنتون کې پر ډزو اته کسان وژل شوي

خپور شوی

په

توسط

(Last Updated On: وږی ۲۹, ۱۴۰۰)

روسي چارواکيو ويلي، چې نن سهار (دوشنبه د وږي ۲۹ د سپټمبر ۲۰) د روسیې د پرم ښار په یوه پوهنتون کې پر ډزو اته کسان وژل شوي او یو شمېر نور ټپیان دي.

د راپورونو له مخې، بریدګر د امنیتي ځواکونو لخوا نیول شوی دی.

تاس خبري آژانس د یوې سرچینې د څرګندونو له مخې څرګنده کړې، چې یوه ناپېژانده کس د پوهنتون ودانۍ ته له ننوتلو وروسته ډزې پیل کړې.

دغه راز رین ټلوېزیون د پېښې ویډیوي انځورونه خپاره کړي، چې ښيي خلک د دوه یم پوړ له کړکیو د پوهنتون انګړ ته رادانګي.

د پېښې علت او انګېزه تر اوسه نده روښانه شوې.

روسي چارواکو ویلي، چې د برید کوونکي په اړه څېړنې روانې دي.

رویټرز راپور ورکړی، چې بریدګر ۱۸ کلن دی او د دې پوهنتون زدکړیال هم دی.

د روسي رسنیو د راپورونو له مخې، برید کونکي له دې مخکې په ټولنیزو رسنیو کې خپل انځورونه له وسلې سره خپاره کړي دي.

له دې مخکې هم د روسیې په پوهنتونونو او ښوونځیو کې ډزې شوي، چې ډېری یې د اړوند بنسټونو زدکوونکي وه، چې وروستۍ پېښه یې د روان کال د غویی پر ۲۱ د روسیې د کازان ښار په یوه ښوونځي کې پر ډزې د اووه زدکوونکيو او یوه ښوونکي وژل کېدل دي.

Continue Reading

نړۍ

فرانسوي ځواکونو په آفریقا کې د داعشي ساحلي مشر وژلی

خپور شوی

په

توسط

(Last Updated On: وږی ۲۵, ۱۴۰۰)

د فرانسې ولسمشر ایمانویل مکرون پرون (چارشنبه د وږي ۲۴ / د سپټمبر ۱۵) وویل، چې فرانسوي ځواکونو په لویه صحرا کې د داعش ځایي مشر عدنان ابو ولید الصحراوي وژلی دی.

مکرون په خپل یوه ټویټ کې څرګنده کړې: دا په ساحل کې د ترهګرو ډلو پروړاندې یوه بله لویه لاسته راوړنه ده.

نوموړي د فرانسوي عملیاتو د ځای یایګي په اړه څه ندي ویلي.

د فرانسې د ولسمشر دفتر په ډاګه کړې، چې صحراوي د لویدیځې آفریقا په ساحلي سیمه کې د داعش تاریخي مشر و، چې په ۲۰۱۷ کال کې یې امریکایي ځواکونه د خپل برید موخه ګرزولي وه.

سرچینې زیاته کړې، چې په ۲۰۲۰ زېږدیز کال کې صحراوي د فرانسوي خیریه موسسې ۶ کارکوونکي او د دوی د نایجریایي موټر چلوونکي د وژلو امر کړی و.

د رویټرز د څرګندونو له مخې؛ فرانسې د روان کال په جولای میاشت کې ویلي وه، چې په آفریقا کې به د داعش پر ضد عملیات پیل کړي.

Continue Reading

نړۍ

شمالي کوریا د کروز توغندیو نوې بڼه وکاروله

خپور شوی

په

توسط

(Last Updated On: وږی ۲۲, ۱۴۰۰)

د شمالي کوریا دولتي ټلویزیون په ډاګه کړې، چې هېواد یې د لرې واټن ویشتونکي کروز توغندي نوې بڼه بریالۍ کارولې ده.

شمالي کوریا دا کارول شوی نوی توغندی یوه ستراتیژیکه بریا او مهمه وسله بولي.

د راپورونو له مخې؛ دغه توغندي د شمالي کوریا له خاورې او ځمکنیو اوبو څخه پر تېرېدو د ۱۵۰۰ کیلومټرو په واټن کې خپله موخه ویشتلې ده.

امریکا د دغو توغول شویو توغندیو په اړه غبرګون ښودلی او وایي، چې په اړه یې بحثونه روان دي.

دا په تېرو شپږ میاشتو کې د شمالي کوریا لومړنۍ توغول شوې آزموینه ده.

کروز هم بالسټیک توغندیو ته ورته د ځمکې له هوا نه وځي.

شمالي کوریا له ۲۰۱۷ کال راپدیخوا د بالسټیک او اټومي توغندیو آزموینه نده کړې.

دغه هېواد د خپلو اتومي او توغندیزو فعالیتونو له کبله له نړیوالو بندیزونو سره مخ شوی دی.

امریکا او شمالي کوریا د اټومي فعالیتونو په اړه بحث او خبرې کړي؛ خو تر دې دمه کومې پایلې ته رسېدلي ندي.

Continue Reading

Trending

آریانا نیوز: ټول حقونه خوندي دي