Connect with us

تازه خبرونه

د امریکا د ناکامې ډیموکراسې بېلګه په افغانستان کې ونه منل شوه – چین

خپور شوی

 په

(Last Updated On: ليندۍ ۷, ۱۴۰۰)

د چين د بهرنيو چارو وزارت وياند ژائو ليجيان د جمعې پر ورځ ويلي؛ د امريکا ډيموکراسي کومه غوره بېلګه نه، بلکې يو ناکام بهیر دی، چې پر نورو یې تپل له ناکامۍ او بې لارۍ پرته بله پایله نلري.

د رویټرز خبري سرچینې د راپور له مخې؛ د روسیې د ولسمشر رسنیز مرستیال دیمتري پیسکوف تېره اوونۍ ویلي؛ واشنګټن هڅه کوي د ډیموکراسۍ اصطلاح ځانته ځانګړې کړي او غواړي یوازې هغه ډیموکراسي ومني، چې امریکا پرې باور لري.

هغه زیاته کړې؛ واشنګټن د وېش نوې کرښې رامنځته کول غواړي، چې هېوادونه له خپل اند سره سم پر ښو او بدو ووېشي.

ژائو د امریکا په ځواب کې ویلي، چې په دې آسانۍ د وېش کرښې رامنځته کول؛ د ډیموکراسې له مسخه کولو پرته بل څه ندي.

ژائو ویلي، چې ډیمتري پیسکوف ښه خبره کوي؛ د “ډیموکراسۍ او استبداد”  کرښې جوړول به یوازې ایډیالوژیکي ټکر رامنځته کړي، چې په بشپړ ډول د ډیموکراسۍ مسخه او سپکاوی دی.

ژائو وایي؛ د امريکا ډيموکراسي د يوې بېلګې ښکارندویه نده، بلکې يوه ماته شوې بڼه ده. لکه څنګه، چې د پلازمېنې تاوتريخوالي وښودله؛ د امريکا د ډيموکراسۍ افسانه له منځه ولاړه.

ژائو په ډاګه کړې؛ د پیو څېړنیز مرکز وروستی راپور ښیې، چې د امریکا لوی اکثریت د خپل هېواد د سیاسي سیسټم په اړه ژوره ناهیلي څرګندوي. د امریکا نومول شوی “د ډیموکراسۍ څراغ” له اوږدې مودې راهیسې  له منځه تلی دی.

هغه ویلي، چې د امریکا د ډیموکراسۍ صادرولو هم سخته ماته لیدلې ده.

دغه راز ویل کیږي، چې د امریکا د ډیموکراسۍ صادرول هم یوه ناکامي ده. په افغانستان کې د امریکا ډیموکراسي کارنده نه وه او ناکامه شوه، چې له کبله یې د امریکایي ځواکونو وتل له ماتې سره مخ شول او له ۱۰۰۰۰۰ څخه د ډېرو افغانانو ژوند یې ترې واخیست.

ژائو زیاتوي؛ د عرب پسرلي نومې هڅې په میلیونونه خلک کډوال، بې کوره او درپر در کړل.

رویټرز راپور ورکړی، چې هغه دغه راز ویلي، چې د امریکایي ډیموکراسۍ تپل به یوازې نور خلک هم ترې وګرزوي او یا لار ترې ورکه کړي.

تازه خبرونه

په کابل کې له ۱۰۰۰ اړمنو کورنيو سره مرسته وشوه

خپور شوی

په

توسط

(Last Updated On: سلواغه ۷, ۱۴۰۰)

په کابل کې د چارشنبې پر ورځ  د سلواغې ۶  د کډوالو او راستنېدونکیو چارو وزارت لخوا  پر ۱۰۰۰ کورنیو خوراکي توکي او ګرمې جامې ووېشل شوې.

د کډوالو او راستنیدونکیو چارو وزارت د چارواکو د څرګندونو له مخې؛ په دغه مرسته کې اوړه، وريجې، بړستنې او ژمنۍ جامې شته، چې مخکې د چین او پاکستان د الخدمت موسسې لخوا تر سره شوي او په کابل د کډوالو چارو ریاست اړمنو کسانو ته ووېشلې.

د کډوالو او راستنیدونکیو چارو وزارت مرستیال محمد ارسلا خروټي د مرستو د وېش پر مهال ویلي: دا ځل مرستې د بېوزلو او بې ځایه شویو ښځو په موخه شوې دي.

هغه له ټولو مرسته کوونکیو هېوادونو او خیریه موسسو مننه وکړه او له هغوی یې وغوښتل، چې د افغانستان د خلکو لپاره نورې زیاتې مرستې وکړي.

د دغه وزارت د چارواکو د څرګندونو له مخې؛ هڅه کیږي، چې دغه مرستې په کابل او نورو ولایتونو کې پر اړمنو کسانو ووېشل شي.

د وزارت چارواکو له وکیلانو او سیمه ییزو مشرانو وغوښتل، چې له کډوالو او راستنېدونکیو چارو وزارت سره د اړو کورنیو په پېژندلو کې همکاري وکړي.

د کډوالو چارو وزارت چارسمبالي ويلي، چې د دې وزارت په بېلابېلو څانګو کې لسګونه زره نورې اړمنې کورنۍ د بشري مرستو د ترلاسه کولو په موخه په  تمه دي او دغه وزارت هڅه کوي، چې ټولو اړمنو کسانو ته مرستې ورسوي.

Continue Reading

تازه خبرونه

م.م له افغانستان سره د مرستې لپاره د انتقالي تعامل کړنلاره اعلان کړه

خپور شوی

په

توسط

(Last Updated On: سلواغه ۷, ۱۴۰۰)

د افغانستان په اړه د ملګرو ملتونو د امنیت شورا په غونډه کې د انتقالي تعامل کړنلاره وروستۍ او په ډاګه شوه.

په افغانستان کې اقتصادي او بشري ناورین ملګري ملتونه اړ ایستل، چې له افغانستان سره د بشري مرستو د تنظیم لپاره د انتقالي تعامل کړنلاره اعلان کړي.

د افغانستان لپاره د ملګرو ملتونو د سرمنشي د ځانګړي استازي مرستیال او د بشري مرستو همغږې کوونکی وايي، د افغانستان روان وضعیت ته په کتو به د ملګرو ملتونو دا ستراتیژي اړمنو افغانانو ته د بنسټیزو بشري مرستو برابرولو موکه برابره کړي.

افغانستان لپاره د ملګرو ملتونو د سرمنشي د ځانګړي استازي مرستیال رامز الاکبروف ویلي:  دا ستراتیژي به پر روغتیا او پوهنې سربېره د افغانانو لپاره د اړین ټولنیز جوړښت په برخه کې بنسټیزې او اوږدمهاله مرستې تضمین او همغږې کړي. په دغه چاره کې یوسلواته پنځوس ملګري په ګډه کار کوي، چې د روغتیايي خدمتونو او د ژوندانه نورو برخو کې خپلې مرستې وغزوي.

د ملګرو ملتونو سرمنشي د چارشنبې پر ورځ په نیوریارک کې د افغانستان په اړه د امنیت شورا غونډې ته د هغو قواعدو د ځنډولو غوښتنه کړې، چې افغانستان ته د اقتصاد او بشري مرستو په رسولو کې خنډ پېښوي.

د ملګرو ملتونو سرمنشي انټونيو ګوټرش وایي: مونږ باید هغه قواعد او شرطونه وځنډوو، چې د افغانستان پر اقتصاد سربېره یې د خلکو پر ژغورنې هم اغېزکړی او په کار ده، چې د اړتیا په دې سختو شرایطو پرې له سره غور وشي.

اسلامي امارت د ویاند مرستیال بلال کریمي د ملګرو ملتونو له دې دریځه پر هرکلي سربېره له افغانستان سره د بشري مرستو پر دوام د ټینګار تر څنګ ویلي، چې د افغانستان له بشري او اقتصادي ناورین سره باید سیاسي چلند ونشي.

په کابل کې د اسلامي امارت له بیا واکمنېدو شاوخوا شپږ میاشتې تېرېږي او هېوادوال له سخت اقتصادي ناورین سره مخ دې. له دې سره هممهاله نړیواله ټولنه او مرستندوی بنسټونه هم د هرې ورځې په تېرېدو پر احتمالي بشري کړکېچ د اندېښنې ترڅنګ، له افغانانو سره د بشري مرستو پر دوام ټینګار کوي.

Continue Reading

تازه خبرونه

په تار کې له ځوړند افغانستان سره مرسته وکړئ – م. م

خپور شوی

په

توسط

(Last Updated On: سلواغه ۷, ۱۴۰۰)

د ملګرو ملتونو سرمنشي انټوونیو ګوټریش د سلواغې پر ۶ د امنیت شورا غونډې ته څرګنده کړې، چې په تار کې ځوړند افغانستان د افغانانو لپاره پر کنګل شوي دوزخ بدل شوی او ورسره مرسته وکړئ.

د ملګرو ملتونو د سرمنشي د څرګندونو له مخې؛ د افغانستان اوسېدونکي د یخ او واورو په منګولو کې پاتې او له نیمايي ډېر وګړي یې له لوږې سره مخ دي.

انټونیو ګوټریش یو ځل بیا د هغو قوانینو د ځنډولو غوښتنه وکړه، چې په افغانستان کې مرستندویه عملیات  محدودوي؛ ځکه، چې په افغانستان کې ميليونونه افغانان له سختې لوږې سره مخ دي، ښوونه او روزنه او ټولنيز خدمتونه د سقوط په درشل کې دي او د نغدو پیسو نشتوالي د ملګرو ملتونو او مرستندويه ادارو د مرستو وړتياوې محدودوي.

نوموړي د امنیت شورا د ۱۵ غړیو د تېرې میاشتې د بندیزونو لرې کولو ته په نغوته کې ویلي؛ مونږ باید مالي موسسو او سوداګریزو ونډوالو ته قانوني ډاډ ورکړو، چې کولی شي له بندیزونو څخه پرته له سرغړونې او وېرې له مرستندویانو سره بشري کار وکړي. 

په امریکا او نورو بهرنیو هېوادونو کې له تېرو ۶ میاشتو راپدیخوا نه یوازې د افغانستان بانک شاوخوا ۹ اعشاریه ۵ میلیارډ ډالر زیرمه کنګل شوې، بلکې له دې هېواد سره پرمختیايي مرستې هم وځنډول شوې. دې مسلې پر سیاسي پرمختګونو سربېره پراخې بېوزلۍ ته هم لمن ووهله.

د تېر کال په ډسمبر کې تمویلوونکیو د افغانستان د بیارغونې له وجهي صندوق څخه د ۱.۵ میلیارډ ډالرو څخه د ۲۸۰ میلیون ډالرو له لېږد سره هوکړه وکړه. دغه پیسې د خواړو نړیوال پروګرام او یونیسف ته وسپارل شوې.

د ملګرو ملتونو سرمنشي وايي، له دې صندوقه پاتې پيسې هم بايد په سږني ژمي کې د افغانانو د ژوند ژغورلو لپاره آزادې شي.

ملګرو ملتونو د روانې میاشتې په پیل کې له افغانستان سره د ۴ اعشاریه ۴ میلیارده ډالرو بشري مرستو غوښتنه وکړه. دغه سازمان د چارشنبې پر ورځ اعلان وکړ، چې د روغتیا او تعلیم، بنسټیزو بېخبناوو، وړتیاوو او ټولنیز یووالي په ځانګړې توګه د ښځو او نجونو لپاره نورو ۳ اعشاریه ۶ میلیارډ ډالرو ته اړتیا ده.

Continue Reading

Trending

Copyright © 2022 Ariana News. All rights reserved!