Connect with us

تازه خبرونه

د امریکا د استخباراتو مشر کابل ته سفر کړی – راپور

خپور شوی

 په

(Last Updated On: غویی ۴, ۱۴۰۰)

اسوشیټیډ پرس څرګنده کړې؛ د امریکا د استخباراتو ادارې (سي آی ای) مشر ویلیام برنز کابل ته سفر کړی، چې له ترهګرۍ سره د مبارزې په برخه کې د افغانستان د وړتیاوو په اړه بحث او خبرې وکړي.

تر دې دمه امریکايي چارواکو رسنیو ته په دې اړه څه ندي ویلي.

دغه راز د اردو یوه پخواني لوړپوړي چارواکي اسوشیټیډ پرس ته ویلي، چې له ترهګرۍ سره د مبارزې لپاره امریکا د افغان ځواکونه دوه ډلې روزلي، چې مسوولیت یې افغانستان ته سپارل شوی دی.

دوه افغان چارواکو یادې خبري سرچینې ته منلې، چې د امریکا د استخباراتو مشر تېره اوونۍ له کابل څخه لیدنه کړې او له افغان چارواکو سره یې له افغانستان څخه د امریکایي عسکرو د ایستلو د چمتووالي په اړه بحث او خبرې کړي دي.

سرچینې د دې په اړه، چې برنز له چا سره لیدلي؛ څه ندي ویلي.

برنز دا ډاډ هم ورکړی، چې امریکا به له ترهګرۍ سره مبارزه روانه ساتي.

داسې اندیښنې هم شته، چې طالبان به له افغانستان څخه د امریکايي ځواکونو له وتلو وروسته په لویه کچه بریدونه پیل کړي.

یوه پخواني لوړپوړي پوځي چارواکي اسوشیټیډ پریس ته ویلي، چې د بهرنیو ځواکونو له وتلو وروسته به له تروریزم سره د مبارزې وړتیاوې کمې شي.

هغه دا هم ویلي، چې د امریکا استخبارات افغان ځانګړي ځواکونه، چې د تروریزم ضد ډلو په نوم پېژندل کیږي روزلي دي.

د راپور پر بنسټ، دغه ډلې په کندهار، کونړ، پکتیا، کابل او خوست ولایتونو کې میشت دي.

دغه افغان چارواکي زیاته کړې؛ د دې ډلو مسوولیت به ورو ورو د افغانستان د ملي امنیت عمومي ریاست ته وسپارل شي. د کونړ او پکتیا واحدونه مخکې دې ریاست ته سپارل شوي دي.

دغه افغان واحدونه د ملکي وګړیو پر وژلو هم تورن دي؛ پر ۲۰۱۹ زېږدیز یې په ننګرهار کې د ځانګړیو عملیاتو پر مهال څلورو وروڼه وژلي دي.

سږکال دې واحدونو په خوست ولایت کې هم عملیات پیل کړي، چې په پایله کې یې ملکي تلفات اوښتي دي.

ملګرو ملتونو هم د دغو واحدونو د عملیاتو په اړه اندېښنه څرګنده کړې او ویلي یې دي، چې دوی د ملکي زیانونو په زیاتوالي کې ښېل دي.

د افغانستان د اردو دغه پوځي زیاته کړې، چې د امریکایي ځواکونو له شتون پرته به د افغانستان استخباراتي معلوماتو راټولونه زیانمنه شي او اوس هم د معلوماتو ډېره برخه د ترهګرو پر وړاندې د امریکایي ځواکونو لخوا راټولیږي.

همدارنګه په افغانستان کې یو لویدیځ ډیپلوماټ ویلي، چې د امریکا له شرط پرته وتل به ډېری پوښتنې راپورته کړي، چې باید ورته پام راواړول شي. د بېلګې په توګه، د ناتو د تجهیزاتو برخلیک به څه وي؟

په امریکا کې د استخباراتو یوه کارپوه ویلي، چې هېواد یې د نظارت لپاره ټکنالوژي کارولی شي او که اړین وي؛ نو پوځي مداخله به وکړي.

نوموړي دغه راز پر امریکا برید یوه تېروتنه بولي او وایي، چې هېواد یې پوره دفاعي وړتیا لري.

aking a very big mistake.”

تازه خبرونه

په قطر کې له چینایي چارواکو سره د اسلامي امارت د مشرانو لېدنې روانې دي

خپور شوی

په

توسط

(Last Updated On: لړم ۴, ۱۴۰۰)

ټاکل شوې، چې د طالبانو د بهرنیو چارو سرپرست وزیر امیر خان متقي د قطر په پلازمېنه دوحه کې د چین د بهرنیو چارو له وزیر وانګ يي سره پر دوه اړخیزو مسایلو خبرې وکړي.

د اسلامي امارت ویاند ذبیح الله مجاهد په یوه ټویټ کې څرګنده کړې، چې نن سې شنبه به د قطر هېواد په دوحه کې پر ځایي وخت اته نیمې بجې د افغانستان اسلامي امارت د بهرنيو چارو وزیر محترم مولوي اميرخان متقي په مشرۍ يو پلاوی د چين د بهرنيو چارو وزیر سره په یوه مهمه غونډه کې ګډون وکړي.

د نوموړي د څرګندونو له مخې؛ په دغه غونډه کې به د افغانستان او چين ترمنځ پر مهمو سياسي، ټولنیزو او نورو موضوعاتو بحث وشي.

دغه راز ویل کیږي، چې د چین د بهرنیو چارو وزیر وانګ يي تېره ورځ د قطر په پلازمېنه دوحه کې د اسلامي امارت د اقتصادي چارو له مرستیال ملا عبدالغني برادر پر مشرۍ له یوه پلاوي سره لیدلي دي.

د ذبیح الله مجاهد د څرګندونو له مخې، په دې کتنه کې پر اقتصادي او سیاسي وضعیت او د دواړو هېوادونو ترمنځ د سوداګریزو اړیکو پر پیاوړتیا تمرکز شوی دی.

د یادونې ده، چې په کابل کې د ایران سفیر آریانانیوز ته ویلي؛ د روانې اوونۍ د چارشنبې په ناسته کې به د اسلامي امارت د استازي له حضور پرته د ایران، پاکستان، ازبکستان، تاجکستان، ترکمنستان، روسیې او چین د بهرنیو چارو وزیرانو یوه ګډه ناسته د افغانستان د اقتصادي او امنیتي ستونزو او ټولمنلي حکومت په اړه جوړه شي.

Continue Reading

تازه خبرونه

امریکا له ا.ا.ا سره جګړه وبایلله؛ نو بیا یې خبرو ته مخه کړه ـ خلیلزاد

خپور شوی

په

توسط

(Last Updated On: لړم ۴, ۱۴۰۰)

د افغانستان د سولې لپاره د امریکا پخواني استازي زلمي خلیلزاد ويلي؛ امریکا د جګړې په ډګر کې د طالبانو پر وړاندې جګړه وبایلله؛ خو  د بدیل په توګه یې د سولې خبرې غوره کړې.

خلیلزاد وايي؛ امریکا غوښتل، چې د سولې د خبرو پایله بل ډول وي. نه هغه څه، چې د اګست پر ۱۵رامنځته شول.

خلیلزاد له سي بي اس سره په مرکه کې څرګنده کړې، چې که اشرف غني د ائتلافي حکومت د جوړولو لپاره سیاسي هوکړې ته غاړه ایښې وی؛ منځلاريو طالبانو (اسلامي امارت) به په حکومت کې مهم رول لوباوه.

 د خلیلزاد په وینا، امریکا په خپل ماموریت کې د القاعدې د ځپلو په برخه کې بریالۍ شوې، خو د ډیموکراسۍ او ډیموکراټیکو ارزښتونو په ټینګولو کې پاتې راغلې ده.

د زلمي خلیلزاد د څرګندونو له مخې؛ که یو ټولمنلی حکومت جوړ نشي او بشري حقونو ته درناوی نه وي، د افغانستان د بهرنیو اسعارو زیرمې به کنګل او اقتصاد به له سقوط سره مخ شي.

خلیلزاد زیاتوي؛ دا به د اقتصادي بحران لامل شي او په پای کې به په افغانستان کې نوې کورنۍ جګړه پیل شي.

دغه پخواني امریکايي ډیپلوماټ دا هم ويلي؛ پوښتنه دا ده، چې ( پخوانی) ولسمشر غني ولې وتښتېد؟! که غوښتل یې د سولې لپاره له واکه لرې شي؛ نو تصور وکړئ، چې که هغه دا کار یو کال یا شپږ میاشتې مخکې وړاندیز کړی وی؛ نو دواړو لوریو ته د منلو وړ کس به د حکومت په واک کې و، خو هغه داسې ونکړل.

د هغه په ​​وينا؛ د امريکا شل کلن حضور په افغانستان کې د ټولنيز بدلون لامل شو؛ د اوسني حکومت( د افغانستان اسلامي امارت) ساتل نه یوازې د سیمې او نړۍ پر ګټه دی، بلکې ملي یووالی هم پرې رامنځته کېدی شي.

Continue Reading

تازه خبرونه

د ایران سفارت د افغانستان په تړاو د تهران د جوړیدونکې ناستې اجنډا په ډاګه کړه

خپور شوی

په

توسط

(Last Updated On: لړم ۳, ۱۴۰۰)

په کابل کې د ایران سفیر آریانانیوز ته ویلي، چې د روانې اوونۍ د چارشنبې په ناسته کې به د ایران، پاکستان، ازبکستان، تاجکستان، ترکمنستان او چین د بهرنیو چارو وزیران د افغانستان د اقتصادي او امنیتي ستونزو او ټولمنلي حکومت په اړه خبرې وکړي.

په کابل کې د ایران سفیر بهادر امینیان  له آریانا نیوز سره په مرکه کې ندي ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

نوموړي زیاته کړې، چې د یادې ناستې ګډونوال به د افغانستان خلکوته د بشري مرستو د استولو او همداراز د اوږدمهاله او پراختیايي پروژو په اړه هم خبرې وکړي.

هغه وایي: تر یوه حده باید د افغانستان د خلکو لپاره د ژوندانه ښه شرایط برابر شي؛ نه یوازې د افغانستان له خلکو سره مرستې اړینې دي، بلکې اوږدمهاله او پراختیايي پروژې همه یو له هغو مسایلو دي، چې کولی شي د افغانستان د خلکو لپاره ښه شرایط برابر او په دې توګه خپله خپلواکي او آزادي وساتي.

نوموړي زیاته کړې؛ د تهران په ناسته کې د پاکستان، ازبکستان، تاجکستان او ترکمنستان د بهرنیو چارو وزیران ګډون کوي او د چین د بهرنیو چارو وزیر به په مجازي توګه په یاده ناسته کې ونډه ولري؛ خو تر اوسه په دغه ناسته کې د روسیې ګډون تائید شوی ندی.

ایران ندي ویلي، چې آیا اسلامي امارت یې هم یادې ناستې ته بللی کنه؛ خو د افغانستان اسلامي امارت ويلي، چې په یاده ناسته کې ګډون نکوي.

امینیان حرګندوي؛ په تېرو څو لسیزو کې د دغه هېواد حاکمانو د خپلواکۍ، عزت او امنیت په تړاو خپل لازم مسوولیتونه ندي پوره کړي. هیله من یم، چې د افغانستان اوسني چارواکي دغه مسوولیت درک او د خپلو خلکو ستونزې حل کړي.

که څه هم د پخواني حکومت چارواکو به تل پر ایران د افغانستان په کورنیو چارو کې د لاسوهنې تور پورې کاوه؛ خو اوس په کابل کې د ایران سفیر د پخواني حکومت پر چارواکو نیوکه کوي او له اسلامي امارته غواړي، چې د افغانستان د خلکو ستونزې حل او خپل مسوولیت په سمه توګه تر سره کړي.

Continue Reading

Trending

آریانا نیوز: ټول حقونه خوندي دي