Connect with us

تازه خبرونه

د امریکايي سرتېرو له وتو وروسته طالبان د حکومت نیولو هڅه کوي- حمدالله محب

Ariana News

خپور شوی

 په

(Last Updated On: January 15, 2021)

د افغانستان د ملي امنیت سلاکار حمدالله محب په ډاګه کړې؛ طالبان پر خبرو وخت ضایع کوي او پر زور واک ته د رسیدو نیت لري.

په دوحه کې د طالبانو او امریکا د هوکړې له مخې؛ تر راتلونکیو څلور میاشتو په افغانستان کې د نړیوالو سرتېرو شمېر صفر کیږي. د افغانستان د ملي امنیت شورا سلاکار ويلي، چې طالبان له افغانستان څخه د نړیوالو سرتېرو وتو ته شېبې شماري او غواړي پر وچ زور حکومت ونیسي.

د بي بي سي آزادې جرګې په پروګرام کې حمدالله محب ویلي، چې که د سولې خبرې ناکامې شي، دولت له طالبانو سره جګړې ته چمتو دی.

د ملي امنیت شورا سلاکار حمدالله محب په ډاګه کړې: تر دې دمه، چې مونږ ګورو طالبان پر خبرو وخت ضایع کوي او په دې فکر کې دي، چې د بهرنیو ځواکونو له وتلو وروسته به دوی ته د پر زور د حکومت نیولو موکه تر لاسه شي او دلته پرزور خپل حاکمیت جوړ کړي؛ خو دا عملي نده.

له بلې خوا له دوحې ترلاسه شوي راپورونه ښیي؛ د طالبانو د مرکچي پلوي غړي ټول دوحې ته رسیدلي او داسې ښکاري، چې په راتلونکې اوونۍ کې به د اجندا پر سر خبرې بیا پیل شي.

په پاکستان کې آزاد خبریال طاهر خان ویلي؛ د هغو ستنېدل په دې معنا دي، چې خپلمنځي خبرې روانې دي اوکومه دمه رامنځته شوې نده؛ خو ستونزې پاتې دي.

په دوحه کې دوه یم پړاو خبرې د اجندا پر ځانګړي کولو راټولې شوي او ویل کیږي، چې د دواړو خواوو تر منځ د نظر ډېر واټن دی.

پخوانی طالب چارواکی سیداکبر آغا په دې اند دی، چې: فکر کوم، چې طالبان پر اسلامي دولت خبرې غواړي او حکومت هم پر اوربند ټینګار کوي؛ دا به ل. څه ستونزمنه وي؛ ځکه د دواړو تر منځ واټن ډېر دی.   

څه باندې یوه اوونۍ مخکې په دوحه کې دوه یم پړاو خبرې د تخنیکي ډلو لخوا پیل شوې او تر دې دمه یې درې غونډې کړي؛ خو د اجنډا پر سر هوکړې ته ندي رسیدلي.

د افغانستان جمهوریت پلوي پلاوي طالبانو ته روښانه کړې، چې لومړی غواړي پر اوربند خبرې وکړي؛ خو تر اوسه طالبانو په رسمي توګه د خپل لومړیتوب خبره نده کړې.

طالبانو هم ویلي، چې په دوحه کې د دواړو خواوو غونډې؛ ځکه هره ورځ نه کیږي، چې اوس د تخنیکي ډلو لخوا خبرې روانې دي.

تازه خبرونه

طالبانو د امنیتي ځواکونو لسګونه بندیان خوشې کړل

Ariana News

خپور شوی

په

توسط

(Last Updated On: March 7, 2021)

 طالبانو ویلي؛ په کندهار ولایت کې یې د افغان حکومت ۵۳ امنیتي او دفاعي ځواکونه، چې په مخامخ جګړه کې نیول شوي وه؛ له بند خوشې کړي دي.

 طالب ویاند قاري یوسف احمدي پرون (جمعه د کب ۱۵) په یوه ټویټ کې د دغو بندیانو خوشې کیدل تائید کړي دي.

آریانا نیوز ته رسېدلی نوملړ ښیي، چې دغه امنیتي او دفاعي ځواکونه له تېرو څو میاشتو راپدیخوا په ارغنداب، سپین بولدک، معروف، ارغستان، پنجوايي، شاولي کوټ او میوند ولسوالیو کې نیول شوي دي.

له تېرکال راپدیخوا د کندهار په دې ولسوالیو کې د امنیتي ځواکونو او طالبانو تر منځ سختې نښتې شوي، چې په پایله کې یې زرګونه کورنۍ بېځایه شوي دي.

افغان حکومت تر دې دمه د امنیتي ځواکونو د خوشې کیدو په اړه څه ندي ویلي.

دغه راز امنیتي ځواکونو په دې وروستیو کې د عملیاتو په بهیر کې د هرات ولایت د ادرسکن ولسوالۍ د طالبانو له زندانه ۳۰ سرتېري او ملکي وګړي راخوشې کړي دي.

دغه بندیان له هغې وروسته خوشي شول، چې د دوحې د هوکړې له مخې طالبانو ۱۰۰۰ او حکومت له ۵۰۰۰ ډېر طالب بندیان خوشې کړي دي.

طالبانو په ځلونو د نورو بندیانو د خوشې کیدو غوښتنه کړې؛ خو افغان حکومت د طالبانو غوښتنه رد کړې او ویلي یې دي، چې د بندیانو له خوشې کیدو سره تاوتریخوالی ډېر شوی دی.

د ولسمشر لومړي مرستیال امرالله صالح تېره میاشت ویلي وه، چې د طالبانو خوشې کولو تاوتریخوالی ډېر کړی او طالبانو له القاعدې سره اړیکې هم پرې کړې ندي.

Continue Reading

تازه خبرونه

د ټاکنو له لارې د واک پر لېږد معامله نکیږي – اشرف غني

Ariana News

خپور شوی

په

توسط

(Last Updated On: March 6, 2021)

ولسمشر غني نن ( د کب ۱۶) د ملي شورا د اوولسمې دورې د پرانیستې په غونډه کې  ټینګار کړی، چې د سولې راوستو او واک د لېږد لپاره د کاغذ پر مخ طرحې کارنده ندي او د ټاکنو له لارې د واک لېږد یو اصل دی، چې معامله پرې نکیږي.

کابل ته له سفر وروسته زلمي خلیلزاد د نوي ټولګډونه حکومت د جوړېدو لپاره د سولې د انتقالي حکومت تر نامه لاندې د امریکا له طرحې خبر ورکړ.

ولسمشر غني د ملي شورا د اوولسمې دورې په پرانیست غونډه کې دې طرحې ته په غبرګون کې د واک لېږد یوانۍ لار د ټاکنو تر سره کېدل بولي او وایي، چې د افغانستان د سولې لپاره کاغذي طرحې کارنده نه دي او ناوړه پایلې به ولري.

ولسمشر غني ویلي؛ د واک د لېږد لپاره د نړیوالې ټولنې تر مدیریت لاندې د ټاکنو د نېټې او څرنګوالي تر سره کېدو ته چمتو دی.

ولسمشر اشرف غني وایي؛ د سولې لپاره هر  څوک کولی شي پر پاڼه یو څه ولیکي؛ خو زمونږ وثیقه اساسي قانون دی او بلې وثیقې ته اړتیا نلرو. په اساسي قانون کې د تعدیل لار پرانستې ده. طالبانو  ته دا پیغام لرم، چې هیڅ ګواښ به د افغانانو سر ټیټ نکړي او د ادیرې سوله نه غواړو. تاوتریخوالي ودروئ او له شعاره د عمل ډګر ته راودانګئ؛ ملت راخپل کړئ او د خلکو رایې تر لاسه کړئ.  

دغه راز ولسمشر غني له پاکستان هم غواړي، چې رښیتنې سولې ته غاړه کېدي او افغانستان د ځان لپاره د یوه خپلواک هېواد په توګه ومني.

اشرف غني څرګنده کړې: له پاکستان څخه غواړم، چې رښتینې سولې ته ورسیږو او د خپلواکو هېوادونو په توګه یو بل وزغمو او د مثبتې لارې پاکستان خپل سیاست بدل کړي؛ خپلواکه او سرلوړی افغانستان ومني.      

د ولسي جرګې مشر ویلي، چې طالبان باید تاوتریخوالی کم کړي او د سولې په خبرو کې نرمښت وښیي.

د ولسي جرګې مشر میررحمان رحماني وایي: ملي شورا له طالبانو غواړي، چې تاوتریخوالي راکم کړي؛ د سولې په خبرو کې نرمښت ښکاره کړي، له هغو غوښتنو تېر شي، چې پلي کېدونکې ندي او له پلمې پرته اوربند ته غاړه کېدي.        

دا خبرې په داسې حال کې راپورته کیږي، چې د دوحې د سولې خبرو تر اوسه پایله نده ورکړې او د دې خبرو پر بدیلو لارو کار روان دی.

Continue Reading

تازه خبرونه

د فراه د ګمرک په اورلګېدنه کې د تېلو ۴ زیرمې وسوزېدې

Ariana News

خپور شوی

په

توسط

(Last Updated On: March 6, 2021)

د فراه ولایت د شیخ ابونصر فراهي د ګمرک د ګاز او تېلو په زیرمو کې له اور لګیدنې د سوداګرو د نفتي توکو  څلور زیرمې له منځه تللي دي.

 د افغانستان  د خصوصي سکتور د خونو فډراسیون ويلي، چې اور د ایران هېواد په مرسته وژل شوی دی.

د افغانستان د خصوصي سکتور د خونو فډراسیون مرستیال ویلي؛ د ابونصر فراهي  ګمرک د نفتي او ګازي توکو په یوه زیرمه کې اورلګیدنې د نفتي توکو څلور  زیرمې په بشپړ ډول سوځولي او مالي زیان يي هم تر اوسه ندی معلوم.

د  خصوصي سکتور غړي د افغانستان د ماليې وزارت  مامورینو د فساد او د ظرفیت نه شتون دټولو ستونزو اصلي لامل بولي.

د افغانستان د خصوصي سکتور د خونو فډراسیون مرستیال خانجان الکوزي وایي: مونږ د ستونزو ټول لامل ګمرکونه بولو؛ هلته هیڅ ظرفیت نشته د فراه نننۍ اورلګېدنه هم د ایران هېواد په مرسته مهار شوې ده او  کنه د مالي او زیاني زیان د پراختیا شونتیا ډېره وه.

د افغانستان د ماليي وزارت هم په ابونصر فراهي ګمرک کې د اورلګیدنې رامنځته  ته کیدل مني؛ خو زیاتوي، چې د دوي مامورین يي دعواملو د پیدا کولو په هڅه کې دي.

د ماليي وزارت ویاند رفیع تابع وایي: مونږ هم د نننۍ اورلګیدنې له پېښې خبر شوي یو او زمونږ همکارن په همدې موضوع بوخت دي، چې د شوی مالي زیان معلوم کړي.

د فراه والي تاج محمد جاهد ویلي؛ چې ګمرک د پراخې اړرلګېدنې لپاره پوره وسایل نلري.

نوموړي ویلي، ګې د ګمرک درې کارګر ورک دي.

د خصوصي سکتور غړي په ګمرکونو کې د ظرفیتونو د لوړولو پر ځاي د مامورینو پر بډو اخیستو نیوکې کوي.

د ابونصر فراهي  له ګمرک مخکې د اسلام کلا او له هغه وړاندې په سپین بولدک کې هم  ورته اور لګیدنې شوي، چې له سل میلیون ډېر مالي زیان خصوصي سکتور ته اوښتی دی.   

Continue Reading

Trending

آریانا نیوز: ټول حقونه خوندي دي