Connect with us

سیمه ییز خبرونه

د امريكا د نظامي بودجې كمول به د افغانستان په ثبات ناوړه اغېزه وكړي

Ariana News

خپور شوی

 په

(Last Updated On: سلواغه ۷, ۱۳۹۱)

د امريكا د دفاع وزارت خبردارى وركوي د دغه هېواد د نظامي بودجې كمول به د افغانستان په جگړه منفي اغېزه وكړي.

د امريكا كانگرس په داسې حال كې د خپلې نظامي بودجې د لس فيصدو پر كمولو غور كوي، چې افغان پوځ د امريكا له مالي ملاتړه برخمن دى.

د امريكا د دفاع وزارت مرستيال اشتون كارتر وايي:

د نظامي بودجې كمول به د افغانستان پر روانه جگړه منفي اغېزې وكړي.

نوموړى زياتوي، د وسلو او نورو تجهيزاتو فعال ساتنې ته په كتو به د بودجې كمول په افغانستان كې جنگي قطعې هم كمزورې كړي.

د هغه په وينا كه په نظامي بودجه كې د كمي پرېكړه په مارچ مياشت كې عملي شي، نو دفاع وزارت به اړ شي، چې خپل زرگونه ملكي كار كوونكي ځواب او د نورو معاش كم كړي.

په كابل كې پوځي كار پوهان جاويد كوهستاني او مياگل خالد په دې باور دي، چې د امريكا د جگړې لپاره په بودجه كې د پنځوس ميليارده ډالرو كمېدل به د افغانستان په ثبات هم ناوړه اغېز وكړي.

دوى له افغان دولت څخه غوښتنه كوي، چې د  احتمالي بحران د مخنيوي لپاره سر له اوسه تېارى ونيسي.

افغان امنيتي چارواكي بيا د افغان پوځ د غښتلې كېدو په اړوند ډاډ څرگندوي او زياتوي، چې تر دوه زره څوارلسم كال پورې به افغان پوځ په يوازې سر د خپل هېواد د امنيت ټينگولو جوگه شي.

Continue Reading
Advertisement

تازه خبرونه

دفاع وزارت په کندوز کې د ملکي تلفاتو د ادعاوو څېړنه کوي

Ariana News

خپور شوی

په

توسط

(Last Updated On: وږی ۳۰, ۱۳۹۹)

د افغانستان د دفاع وزارت د شنبې پر ورځ ومنله، چې هوایي ځواکونو د کندوز ولایت په خان آباد ولسوالۍ کې د طالبانو یو مرکز بمبارد کړی او وایي، چې د ملکي تلفاتو په اړه به خپاره شوي راپورونه وڅېړل شي.

دفاع وزارت ویلي، چې هوایي بریدونه د افغان ځواکونو د فعالې  دفاع له عملیاتو سره سم ترسره شوي دي.

د دې وزارت د څرګندونو له مخېګ د قاري عبد الرزاق او مولوي عباس په نومونو د دوه قومندانانو په ګډون له ۳۰ ډېر طالبان وژل شوي دي. سربېره پر دې د فیضاني او قاري ابراهیم په نومونو دوه قومندانانو په ګډون اته نور ټپیان دي.

د دفاع وزارت په خبرپاڼه کې راغلي، چې په دې هوایي برید کې موترونه او د وسلو ستره زیرمه له منځه تللي دي.

لومړني راپورونه ښيي، چې په دې فعالو دفاعي عملیاتو کې هیڅ ملکي وګړي ته زیان ندی رسیدلی؛ خو د ملکي ځاني زیانونو په اړه یې د خپاره شویو راپورونو د څېړلو ډاډ ورکړی دی.

په ولسي جرګه کې د کندوز استازې فاطمه عزیز په اړوند سیمه کې له دوه بریدونو خبر ورکوي او وايي: لومړی برید د طالبانو پر اډه وشو، خو په دوه یم برید کې ملکي وګړیو ته مرګ و ژوبله؛ ځکه واوښته، چې په بمبارد شوي ځای کې راټول شوي وه.

طالبانو په یو تویت کې څرګنده کړې؛ هوایي برید پر ملکي سیمه رامنځته شوی، چې په کې له ۴۰ ډېرو ملکي وګړیو ته ځاني زیان اوښتی دی.

Continue Reading

تازه خبرونه

ولسمشر غني د پکتیا د ولایتي شورا پر مرستیال د وژونکي برید غندنه وکړه

Ariana News

خپور شوی

په

توسط

(Last Updated On: وږی ۲۹, ۱۳۹۹)

د ولسمشرۍ ماڼۍ د پکتیا د ولایتي شورا پر مرستیال ایوب غروال هغه وژونکی برید، چې نن سهار د دې ولایت په مرکز ګردېز ښار کې ترسره شوی؛ په کلکه غندلی دی.

د ارګ په اعلامیه کې راغلي: ولسمشر غني یو ځل بیا پر طالبانو د پراخ، بشري او تلپاتې اوربند غږ کړی ، چې نه یوازې د خلکو، بلکې د حکومت او نړیوالې ټولنې غوښتنه هم ده؛ ومني.

هغه دغه راز اړوندو چارواکو ته سپارښتنه کړې، چې د پېښې کلکه څېړنه وکړي؛ عاملین یې وپیژني او سزا ورکړي.

ولسمشر غني په بشپړ ټینګار دا ډاډ هم څرګند کړی، چې د تروریستانو او مجرمینو پر وړاندې به زمونږ د امنیتي او دفاعي ځواکونو مبارزه روانه وي.

د پکتیا ولایت چارواکو ویلي، چې د پکتیا د ولایتي شورا مرستیال ایوب غروال نن سهار شاوخوا ۵:۳۰ ګردېز پوهنتون ته روان و، چې په ښار کې تر برید لاندې راغی.

هغه په ​​پېښه کې سخت ټپي شو او وروسته په روغتون کې ومړ.

ویل کیږي، چې ایوب غروال هم  پر سیاسي څېرو او حکومتي چارواکو د هدفي بریدونو د لړ یوه برخه شو.

د روانې میاشتې په پیل کې مدني هڅانده فوزیه کوفي او د ولسمشر لومړی مرستیال امرالله صالح له ورته بریدونو روغ وتلي دي.

Continue Reading

تازه خبرونه

وسلوالو طالبانو په ننګرهار کې ۲۰ امنیتي ځواکونه وژلي

Ariana News

خپور شوی

په

توسط

(Last Updated On: وږی ۲۷, ۱۳۹۹)

د ننګرهار ولایت په  سویل کې وسلوالو طالبانو پر څو امنیتي پوستو بریدونه کړي او لږ تر لږه شل افغان ځواکونه یې وژلي دي.

د ننګرهار والي ویاند عطاء الله خوږیاڼي آریانا نیوز ته ویلي، چې تیره شپه یو شمېر طالب جنګیالیو د دې ولایت د خوږیاڼو، حصارک او شېرزاد ولسوالیو په اړوند سیمو کې پر امنیتي پوستو بریدونه کړي، چې د افغان ځواکونو له مقاومت سره مخ او شاتګ ته اړ شوي دي.

د نوموړي د څرګندونو له مخې؛ په دې نښتو کې لږ تر لږه د شل افغان ځواکونو په ګډون ۱۲ پولیس، درې سیمه ییز پولیس، پېنځه پاڅونوال وژل شوي او ۳۰  نور ټپیان دي.

هغه زیاته کړې، چې طالبانو ته هم په نښتو کې ځاني زیانونه اوښتي دي.

خوږیاڼي زیاته کړې په دې پېښه کې لږ تر لږه ۳۰ طالب جنګیالي وژل شوي او یو شمېر نور یې ټپیان دي.

طالبانو تر دې دمه په دې اړه څه ندي ویلي.

دا په داسې حال کې ده، ښکېلو خواوو له تېرو شپږ ورځو راپدیخوا د قطر په پلازمېنه دوحه کې د روانې جګړې د پای ته رسولو لپاره خپلمنځي سیاسي ناسته روانه ساتلې ده.

د حکومت او طالبانو دغې خپلمنځي سیاسي ناستې د سې شنبې پر ورځ، د کار پر اصولو او د نورو ناستو پر مهالوېش  د هوکړې لپاره خپله لومړۍ مخامخ ناسته ترسره کړه.

د حکومت د خبرو اترو د ډلې مشر معصوم ستانکزي لهه وسلوالو طالبانو وغوښتل، چې له تاوتریخوالي لاس واخلي او د راتلونکې؛ ځکه، چې د افغانستان د خلکو لومړیتوب د روانې جګړې درول دي.

Continue Reading
Advertisement

Trending