Connect with us

تازه خبرونه

د افغان سوداگرو میرمنو د ستونزو د حل لپاره د بریتانیا له سفارت سره خبرې شوي

Ariana News

خپور شوی

 په

(Last Updated On: زمری ۱۶, ۱۳۹۴)

zanan

افغان صنعت کارې او سوداگرې میرمنې له حکومته غواړي، چې تولیداتو ته یې مناسب بازار پیدا او د سوداگریزو فعالیتونو په وړاندې یې شته ستونزې اوارې شي.

دوی وایي، تولیداتو ته یې مناسب بازار نشته او له نورو گڼو ستونزو سره هم مخامخ دي.

دغه میرمنې وایی، حکومت د ښځو د اقتصادي فعالیتونو د پراختیا لپاره هیڅ پروگرام نه لري.

د دوی په وینا؛ د افغان سوداگرو میرمنو د فعالیت لپاره امنیت له سختوننگونو څخه دی؛ خو حکومت باید د دغو ستونزو تر څنگ، چی کوم مسوولیتونه د دوي اړوند دي، تر سره کړي، چې تر اوسه نه دي تر سره شوي.

سوداگرو میرمنو په ډاگه کړه، چې له ستونزو سره سره بیا هم میرمنو تر یوه بریده کار کړی؛ خو دولت یې باید تشویق کړي، چې حکومت دا کار نه دی کړی.

د دوی په اند، د میرمنو د اقتصادی پرمختگ او پراختیا لپاره باید زیات کار وشي، چې ستونزې یې راکمې شي.

د سوداگرۍ او صنایعو وزارت د افغان سوداگرو او صنعت کارو میرمنو ستونزې مني؛ خو وایی، د افغان سوداگرو میرمنو د تشویق او د دوی د ستونزو د اواري له پاره می په کابل کي د بریتانیا له سفارت سره خبرې پیل کړي، چې د افغان سوداگرو میرمنو شته ستونزې حل شي.

په لویو ښارونو کې د ښځو د صنایعو او تولیداتو لپاره د مارکیتونو جوړول د افغان سوداگرو میرمنو له ټولیزه غوښتنه ده.

خبریال: اسلم حجاب.

Continue Reading
Advertisement

تازه خبرونه

په هند کې پر یوه ورځ د کرونا ویروس نږدې ۳۰۰۰۰ مثبتې پېښې ثبت شوي

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

په هند کې له تېرو څلیریشت ګړیو راپدیخوا د کرونا ویروس ۲۹۴۲۹ مشبتې پېښې ثبت شوي، چې دا د دې هېواد د ورځني شمېر ډېره لوړه برخه ده.

د هند روغتیا وزارت ویلي، چې له دې سره په دې هېواد کې پر کرونا ویروس د اخته کسانو شمېر ۹۳۵۰۰۰ ته رسیدلی دی.

د یاد وزارت د څرګندونو له مخې؛ په تېرو ۲۴ ګړیو کې پر کرونا اخته ۵۸۲ ناروغان مړه شوي دي.

دا په داسې حال کې ده، چې د چارشنبې پر ورځ د هند د تکنالوژۍ انستیتیوت د عامو او ټولو خلکو د کرونا ویروس د کتلو لپاره ارزانه کیتونه وړاندې کړل.

د انادولو خبري سرچینې د څرګندونو له مخې؛ دا نوی کیت OROSURE نومیږي، چې د اوسني هر کیت بیه ۶۰ دالره او د دې نوي هغه ۶ دالره یا ۵۰۰ هندي روپۍ ده.

د دغه بنسټ مدیر رام ګوپال راوو ویلي؛ د تکنالوژۍ دغه بېلګه باید په هند کې د بېلګو د کتنې بنه د شمېر او لګښت له اړخه واړوي؛ ځکه په ارزانه توګه تره میاشت دوه میلیونه بېلګې کتل کیدی شي.

راوو زیاته کړې؛ هیله من یم، چې د کتنو دا کیتونه د کرونا ویروس په ماتولو کې مرسته وکړي. دغه ۱.۳ میلیاردي وګړنیز هېواد دمګړۍ د څه نا څه یو میلیون پر کرونا اخته کسان لري، چې تر دې دمه یې ۲۴۳۰۹ ناروغان مړه شوي دي.

Continue Reading

تازه خبرونه

پر کرام الدین کریم د هر راز سپورتي هڅو بندیزونه ومنل شول

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د سپورت نړیوالې محکمې د افغانستان د فوتبال فدراسیون پر پخواني مشر کرام الدین کریم د ورزشي هڅو بندیزونه د تل لپاره تائید او ومنل.

د سویس محکمې د سې شنبې پر ورځ د کریم  په اړه دا سزا په ډاګه کړه.

د دې بنسټ په اعلامیه کې راغلي؛ محکمې د کریم استیناف غوښتنه رد کړه او د فیفا د اخلاقي کمیتې د همکارۍ خونې هغه پرېکړه، چې  تېر کال د جون پر ۸ نېټه نیول شوې وه، ومنله.

هغه مهال کریم د فیفا د اخلاقي قانون له ۲۳( د جسمي او روحي حیا خوندیتوب) او۲۵ ( له دندې له صلاحیتونو ناوړه ګټه اخیستل) مادو ښکاره سرغړونه کړې وه او هغه په تلپاتې بڼه له سپورتي هڅو بې برخې شو او د فوتبال په ملي او نړیوالو ډګرونو کې د هڅو واک ترې واخیستل شو. دغه راز نوموړی د یو میلیون دالرو پر ورکړه هم جریمه شوی دی.

د فیفا د اخلاقي کمیتې څېړنې هغه مهال پیل شوې، چې د افغانستان فوتبال ښځینه لوبغاړیو له هغه څخه جنسي زورزیاتي اندېښنې راپورته کړې

د سویس د محاکمې په بهیر کې د ښځینه فوتبال څو لوبغاړیو څرګنده کړه، چې د کریم لخوا پرې جنسي زور زیاتي تر سره شوی دی.

د محکمې د څرګندونو له مخې؛ دغو لوبغاړیو له خوندي ځایه د غږمزي پرلیکه د هویت پټولو پر موخه د غږ پر بدلون شهادت ورکړی دی.

د محکمې مدیره پلاوی ټینګار کړی، چې کریم بشر له حقونو سرغړونه کړې او د ښځینه لوبغاړیو روحي او جسمي حیا او عزت ته یې سپکاوی کړی دی. هغه نه یوازې دغه لوبغاړي له لوبو ویستې، بلکې ژوندانه ته یې هم زیان وررسولی دی.

فیفا د سویس له محکمې مننه کړې او په دې اړه یې ویلي، چې د فوتبال په ډګر کې نه یوازې هر راز جسمي او روحي ځورونه او زور زیاتې د منلو ندی، بلکې د زیانمنو زړورتیا هم د ستایلو ده.

Continue Reading

تازه خبرونه

حکومت او طالبان دې د بندیانو د خوشې کیدو ځنډ او خنډ لیرې کړي ـ ناتو

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

ناتو څرګنده کړې؛ د افغانستان حکومت او طالبان دې ژر تر سره د بندیانو د خوشې کیدو بهیر پیل او شته خنډونه دې لیرې کړي، چې خپلمنځي خبرې پیل شي.

په دې اړه د ناتو په اعلامیه کې راغلي؛ یوازې د افغانانو په مشرۍ او واک د سولې بهیر کولی شي، چې سیاسي حل رامنځته او دا د څو لسیزو روانې جګړې پای ته ورسوي. د افغانستان د خلکو سولې او امنیت ته همدا یوازنۍ لار ده.

دغه بنسټ ویلي، چې مونږ دغې موخې ته د یو ګټور چاپېریال د رامنځته کولو لپاره خپلې هڅې روانې ساتو .

په اعلامیه کې راغلي؛ مونږ له دواړو لوریو غواړو، چې د خبرو د پیل لپاره خنډونه لرې او خپلمنځۍ ناسته تر سره کړي.

د دغې اعلامیې له مخې؛ د طالبانو لخوا د تاوتریخوالي ډېریدل او پر ملي ، امنیتي او دفاعي ځواکونو د بریدونو روان ساتل د منلو ندي؛ ځکه بې ثباتي رامنځته کوي او د سولې په اړه باور له منځه وړي.

دغه بنسټ د ۲۰۱۸ کال د اختر او دغه راز د اورکم اوونۍ، چې د سولې هوکړه یې رامنځته کړه او د کابل ـ دواشنګتن ګډې اعلامیې ته په نغوته کې ویلي، چې ټولې ښکېلې خواوې باید د جګړې د درولو لپاره سیاسي وړتیا او اراده په ډاګه کړي.

د یادې اعلامیې له محې؛ دواړه خږواوې باید د بندیانو د خوشې کولو بهیر چتک او د ملګرو ملتونو د اوربند غوښتنه ومني.

دغه راز ویل شوي، چې د ناتو او پرېکنده ماموریت ځواکونو شتون مشروط شوی دی.

همدارنګه څرګندوي، چې مونږ به د طالبانو سره د هوکړې او له حکومت سره د ګډې اعلاميې له مخې د سولې خوندي کولو لپاره خپل پوځي شتون خوندي کړو.

مونږ له حکومت او طالبانو غواړو، چې د خبرو پیلولو او ترهګرو ته د پناه نه ورکولو ژمنې پلې شي.

دا په داسې حال کې ده، چې د نږدې ۶۰۰  طالب بندیانو او له درې سوه څخه د دېرو حکومتي بندیانو پر سره اوس هم ناندرې روانې دي.

امریکا او طالبانو د روان کال د فبرورۍ پر ۲۹ د سولې رامنځته کولو هوکړه لاسلیک کړه، چې د بهرنیو ځواکونو وتل، امنیتي ډاډ، د بندیانو خوشې کول، خپلمنځي خبرې او اوربند یې غوره برخې دي.

د یادونې ده، چې د دغې هوکړې له مخې طالبان ژمن شول، چې له حکومتي اړخ سره سیاسي حل رامنځته او جګړه پای ته ورسیږي.

Continue Reading

Trending