Connect with us

تازه خبرونه

د افغانستان کنګل شوې پولي زیرمه د خلکو ده – مولوي متقي

خپور شوی

 په

(Last Updated On: ليندۍ ۱, ۱۴۰۰)

د اسلامي امارت د بهرنیو چارو وزارت چارسمبالي ويلي؛ د امریکا له لوري د مرکزي بانک کنګل شوې پیسې د افغانستان د خلکو دي او طالبانو ته نه رسیږي.

افغانستان اقتصادي ناورین ته دننه کېدو په حال کې دی، چې وتل یې ترې په امریکا کې د افغانستان د کنګل شوو پیسو له آزادېدو سره تړلي دي.

د افغانستان بانک د بانکي زیرمو کنګل کیدو د اسلامي امارت حکومتداري هم له اقتصادي ستونزو سره مخ کړې؛ خو  د اسلامي امارت د بهرنیو چارو وزارت وروستي لیک ته د افغانستان په چارو کې د امریکا ځانګړي استازي ویلي؛ د دوحې د خبرو پرمهال یې اسلامي امارت ته خبرداری ورکړی و، چې که د زور له لارې واک ترلاسه کړي د واشنګټن نابشري مرستې به ورباندې ودرول شي.

د هېواد د بهرنیو چارو وزارت چارسمبالی مولوي امیرخان متقي د دغو پیسو پر آزادېدو ټینګار کوي او وايي، چې د مرکزي بانک کنګل شوې پیسې د افغانستان په خلکو پورې اړه لري او طالبانو ته نه رسیږي.

 امیرخان متقي ټینګار کوي، چې په هېیواد کې د بشري او اقتصادي بحران د مخنیوي په موخه باید دغه پیسې آزادې شي.

نوموړی وایي: امریکایانو ته مو ویلي، چې اوس له یو بل سره پوځي مخالفت نلرو او په سنګر کې نه جنګیږو؛ د دوحې تړون له لاسلکیدو وروسته مونږ تاسې ته کومه ستونزه نده جوړه کړې، نو دغه پیسې مو په کوم دلیل کنګل کړي. هیڅ کوم دلیل نشته او دا هغه پیسې ندي، چې د طالبانو جیب ته به ورشي؛ دا د هېواد له اقتصاد او خلکو پورې اړه لري.

د امریکا له لوري د افغانستان کنګل شوې پیسې څه کم لس میلیارډ ډالر دي، چې د دغو پیسو د آزادېدو لپاره د امریکا د خوښې ټولګډونه حکومت جوړېدل، د لږکیو، ښځو او نجونو حقونو خوندیتوب او د افغانستان له خاورې د ترهګریزو ګواښونو پر له منځه وړلو پورې مشروطې دي.

داسې اټکل کیږي، چې امریکا به د نړیوالې ټولنې لخوا د افغانستان د نوي دولت تر رسمیت پېژندلو پورې دغه پیسې همداسې کنګل وساتي.

د اقتصادي چارو کارپوه سید مسعود وایي: په حقیقت کې دغه پیسې نه آزادیږي؛ ځکه، چې حقوقي او قانوني ستونزې لري او دا په دې معنا ده، چې د دغو پیسو حقوقي شخصت پخوانی دولت و، چې دغه پیسې یې امریکا او نړیوال بانک ته سپارلې وې او دغه پیسې د یوه حکومت په غوښتنه بېرته ورکول کیږي. دا، چې تر اوسه پورې دولت په رسمیت ندی پېژندل شوی او ملګرو ملتونو ته د دغو پیسو ورکړه ناممکنه ده.

د هېواد اوسیدونکي وايي، چې اقتصادي ستونزو نور پر دوی د ژوندانه کړۍ را تنګه کړې؛ نو دوی له امریکا او اسلامي امارت څخه غواړي، چې خلک د خپلو سیاستونو قرباني نکړي.

د کابل اوسیدونکی قیام نومی وایي: له دغه حکومت سره دې خبرې وکړي او یوې پایلې ته دې ورسیږي، چې دغه اقتصادي او بشري ناورین ته نور د پای ټکی کیښودل شي.

کابل ښاري محمد زبیر ویلي؛ مونږ له بهرنیو بنسټونو او اسلامي امارت څخه غواړو، چې د افغانستان د کنګل شویو پیسو پر آزادېدو کار وکړي او یوې هوکړې ته ورسیږي، چې خلک له اقتصادي ستونزو راووځي او سوداګر له ملي ډاډ برخمن شي.

تېره چارشنبه د ملګرو ملتونو د امنیت شورا په یوه ځانګړې ناسته کې د افغانستان د اقتصادي او بشري ناورین په اړه اندېښنه څرګنده کړه او د افغانستان په چارو کې د نوموړې ټولنې ځانګړي استازی د افغانستان له خلکو سره د بشري مرستو د ترسره کولو غوښتونکی شو؛ د چین او روسیې استازیو هم په دغه ناسته کې د امریکا له لوري د افغانستان د کنګل شویو پیسو پر آزادېدو ټینګار څرګند کړ.

تازه خبرونه

د عشر او زکات راټولولو طرحه وروستۍ شوې – ماليې وزارت

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان مالیې وزارت څرګنده کړې، چې د عشر او زکات راټولولو طرحه وروستۍ شوې او په راتلونکیو څو ورځو کې به د تصویب لپاره کابینې ته وسپارل شي.

د مالیې وزارت ويلي؛ د عشر او زکات راټولولو طرحه یې د حج او اوقافو او کرنې له وزارتونو سره په همغږۍ کې وروستۍ کړې او ټاکل شوې، چې د روانې اوونۍ په وروستیو کې یې کابینې ته د تصویب لپاره ولېږي.

د دغه وزارت ویاند څرګندوي، د طرحې له تصویب او د اسلامي امارت د امیر له لاسلیک او توشیح وروسته به د عشر او زکات د ټولولو لپاره ځانګړی بورډ جوړ شي.

د مالیې وزارت ویاند احمد ولي حقمل آریانا نیوز ته په ډاګه کړې، چې: د لومړي وزیر په رهبرۍ د کابینې په غونډه کې د دې طرحې له تصویب او د امیرالمومنین لخوا له توشیح وروسته به د عشر او زکات د راټولولو لپاره یو ځانګړی بورډ جوړ شي.

دغه راز نوموړي زیاته کړې، چې د عشر او زکات راټولول به شفاف او ډیجیټلي وي.

هغه وایي، چې د یو روڼ بهیر له لارې به په دیجیتلي بنه له هېوادوالو څخه عشر او زکات راټولیږي.

دیني عالم امان الله احمدي د حکومت له دې هڅې هرکلی کوي او وايي، چې د عشر او زکات راټولې شوې پیسې باید مستحقو کسانو ته ورسيږي.

له بلې خوا د اسلامي امارت دغه هڅه د کابل اوسیدونکی احمد ویس اکبري سایي او وایي: لومړی باید مالي وضعیت درک شي او خلکو ته کاري زمینه برابره شي، معاشونه ورکړ شي . بیا؛ نو ټول خلک په ورین تندي هر څه ته حاضر دی؛ خو اوسنی وضعیت ستونزمن دی.

د مالیې وزارت په داسې حال کې د عشر او زکات د راټولولو له طرحې خبرې کوي، چې له وروستیو پېښو وروسته ګڼ شمېر پانګوال له هېواده وتلي او په هېواد کې پاتې هېوادوال له سخت اقتصادي بحران سره مخ شوي دي.

Continue Reading

تازه خبرونه

امریکا د بندیزونو پر لګولو د خپلې ماتې غچ اخلي – چین

خپور شوی

په

توسط

(Last Updated On: مرغومی ۲۶, ۱۴۰۰)

د چین سفیر ویلي؛ امریکا باید د اقتصادي بندیزونو له لارې له افغانانو غچ وانخلي او ټولګډونه حکومت، بشري حقونه او د بیان آزادي دې د وسیلې په توګه نه کاروي.

د چین سفیر  ډاډ څرګند کړ، چې د افغانستان په کورنیو چارو کې به لاسوهنه ونکړي.

د چین سفیر په دې کتنه کې ویلي، چې امریکا باید د اقتصادي بندیزونو له لارې له افغانانو غچ وانه خلي او بشري حقونه، د ښځو حقونه او د بیان آزادي د فشار د وسیلې په توګه ونه کاروي.

د اسلامي امارت د ویاند مرستیال انعام الله سمنګاني ویلي؛ د چین سفیر په دې لیدنه کې ویلي، چې چین د افغان حکومت له لارې له افغانانو سره بشري مرستې کوي.

هغه وایي؛ افغانان حق لري، چې د خپلو دیني او فرهنګي ارزښتونو پر بنسټ یو نظام ولري.

د کورنیو چارو وزارت د ویاند مرستیال انجنیر عزام ویلي؛ د کورنیو چارو وزارت چارسمبالي په کابل کې د چین له سفیر سره د کتنې پر مهال له دې هېواده وغوښتل، چې اسلامي امارت پر رسمیت وپېژني.

د اسلامي امارت د کورنیو چارو وزارت چارسمبالي سراج الدین حقاني په کابل کې د چین له سفیر سره په لیدنه کې ویلي، چې اسلامي امارت د نړۍ او ګاونډ هېوادونو پر وړاندې خپلو ژمنو ته ژمن دی او د افغانستان خاوره به د هیڅ هېواد پر ضد ونه کارول شي.

ده د چین له سفیره غوښتي، چې د افغانستان له اسلامي امارت سره همکاري روانه وساتي او د افغانستان نوی حکومت پر رسمیت وپيژني.

د اسلامي امارت چارواکي د چین د سفیر له قوله وايي، چې هغه د شل کلنې تجربې له مخې له نړیوالو غوښتي؛ افغانانو ته اجازه ورکړي، چې د خپلې خوښې حکومت جوړ کړي او پدې هېواد بهرني افکار ونه تپل شي.

Continue Reading

تازه خبرونه

په تېرو ۲۰ کلونو کې ۵ میلیون کسان روږدی شوي – مولوي حنفي

خپور شوی

په

توسط

(Last Updated On: مرغومی ۲۶, ۱۴۰۰)

د افغانستان اسلامي امارت د لومړي وزیر اوه یم مرستیال مولوي عبدالسلام حنفي ويلي؛ د افغانستان د اشغال په بهیر کې لږ تر لږه پېنځه میلیون هېوادوال مو پر نشه يي توکو روږدې شوي.

نوموړي له هېوادوالو غوښتي، چې د وطن د آبادۍ لپاره باید خپلې مټې را ونغاړي؛ اقتصادي، ټولنیز، روغتیايي، ناورینونه پخپله مدیریت کړي.

همدارنګه ویل کیږي، چې  تر یوه بریده  به ستونزې وي؛ خو په نږ دې راتلونکي کې  به د هېواد ډېری ستونزي حل شي.

هغه زیاته کړې، چې پر نشه يي توکو د روږ دو کسانو د روغتیا او پالنې چاري د افغانستان اسلامي امارت په غاړه ا خیستی.

مولوي حنفي وایي، چې نړیوالو په جکړه کې ماتي  خوړلې او اوس غواړي، چې د افغانستان د اسلامي امارت پر ضد منفي تبلیغات تر سره کړي.

مولوي عبدالسلام حنفي څرګنده کړې، چې په تېر پېر او د اشغال په وخت کې د افغانستان د آبادۍ لپاره هیڅ کار ونشو؛ خو ځوانان مو روږدي او ټولنیزې ستونزې مو بیخي زیاتي دي.

د افغانستان  د اطلاعاتو او فرهنګ وزارت چارسمبالي ويلي، چې نړیوالو په ګرمه جګړه کې هېوادنۍ ماته وخوړه،  چې اوس يي پر افغانستان د بندیزونه لګولو تر څنګ منفي تبلیغات هم پیل کړي دي.

د اطلاعاتو او فرهنک وزارت چارسمبالي خیر الله خیر خوا ویلي؛ د نړۍ تجروبو ثابته کړې؛ هغه هېوادونه، چې له بندیزونو سره مخ شوي هغوی خپل هېوادونه جوړ کړي. مونږ به حتمي له اوسنیو ستونزو ځانونه وباسوو.

د اسلامي امارت مسوولینو دا ډاډ هم څرګند کړی: ټول هغه هېوادونه،  چې  له افغانستان سره بشري مرسته کوي ترې هرکلی کوو؛ خو د هیڅ هېواد مشروطي مرستي منلی نشو.

Continue Reading

Trending

Copyright © 2022 Ariana News. All rights reserved!