Connect with us

تازه خبرونه

د افغانستان کرکټ ملي لوبډله نړیوال جام ته هیله منه ده – نبي

خپور شوی

 په

(Last Updated On: کب ۳۰, ۱۳۹۹)

د کرکټ ملي لوبدلي غړي محمد نبي ویلي؛ د زمبابوې پر وړاندې د شل اوریزو سیالیو ګټل د دغو لوبو په نړیوال جام کې د پرمختګ غوره فرصت دی.

نبي کریکبز ته په وینا کې ویلي: هره لړۍ د افغانستان لپاره مهمه ده او د دې سیریزې ګټل مونږ ته ډېر اړین ول. زه فکر کوم، چې دا هم د نړیوال جام لپاره ښه چمتووالی دی.

نبي زیاته کړې؛ مونږ ځوانانو ته فرصتونه ورکړي او د دوی د پرمختګ په تمه یو. هیله لرو، چې مونږ به په نړیوال جام کې ښه یو ځواکن اړخ ولرو.

نبي دا هم ویلي، چې په ابوظبي کې لوبی کول به د دوی د توپوهنې په وده کې مرسته وکړي؛ خو په دې شرط، چې نوې اړتیاې په پام کې ونیول شي.

هغه زیاته کړې؛ ډېری وخت ویکټ د توپ وهنې لپاره مناسب نه وي؛ مونږ د لوبې په ډګر کې د بېلابېلو توپیرونو هڅه کوو او په دې توګه بېلابېلې هڅې مو د پام وړ وي.

نوموړي دا هم ویلي، چې د کرکټ د هرې هڅې له ترسره کولو او په اړه یې له ځوانانو سره له خبرو او د هغو پوښتنو ته له ځواب ویلو هم خوند اخلم.  

د ابو ظبي سن شاین شل اوریزې لوبلړۍ په دوه یمه لوبه کې زمبابوې ته د ۴۵ منډو په توپیر ماتې ورکړه او دغه لوبلړۍ یې دوه د صفر په وړاندې پخپل نوم کړه.

د ابو ظبي سن شاین شل اوریزې لوبلړۍ په دوه یمه لوبه کې افغانستان پرون د کریم جنت او عثمان غني د غوره توپ وهنې تر څنګ د محمد نبي د هر اړخیزې لوبې پر مټ زمبابوې ته د ۴۵ منډو په توپیر ماتې ورکړه او دغه لوبلړۍ یې دوه د صفر په وړاندې پخپل نوم کړه.

د دغې لوبلړۍ دوه یمه لوبه، چې د اماراتو په شیخ زاید کرکټ لوبغالي کې ترسره شوې افغانستان د توپ وهنې پرېکړه وکړه،؛ کریم جنت ۵۳، عثمان غني ۴۹ او د محمد نبي چټکې ۴۰ منډې د یادولو وړ دي؛ ځکه، چې په ټاکلیو ۲۰ آورونو کې د پېنځه ویکټو په غورځېدو ۱۹۳ منډې جوړې کړې او زمبابوې ته یې د ۱۹۴ منډو موخه وټاکه.

د زمبابوې لوبډلې د لوبې په دوه یمه نیمایي کې توپ وهنه پیل کړه او د ټولو ویکټو په غورزېدو سره یې ۱۴۸ منډې ترسره کړې او لوبه یې د ۴۵ منډو په توپیر افغانستان ته و بایلله.

د زمبابوې لپاره په توپ وهنه کې د راین برل ۴۰، ټریپانو ۲۴ او مسکنډا ۲۲ منډې د یادولو وړ دي.

د افغانستان لپاره بیا په توپ اچونه کې راشد خان درې، نوین الحق او محمد نبي هر یو دوه، دوه، حمزه هوتک، فرید ملک او کریم جنت هر یو یوه، یوه ویکټ تر لاسه کړې ده.

په دې لوبه کې محمد نبي د غوره او هر اړخیزې لوبې پر مټ د لوبې غوره لوبغاړی و پېژندل شو.

د یادونې ده، چې د ابو ظبي سن شاین شل اوریزې لوبلړۍ درېیمه او وروستۍ لوبه به نن ورځ د مارچ میاشتې پر شلمه نېټه په همدې لوبغالي کې ترسره شي.

تازه خبرونه

 پاکستان د بهرنیو چارو وزیر د یوه لوړ پوړي پلاوي په مشرۍ کابل ته راغلی

خپور شوی

په

توسط

(Last Updated On: تله ۲۹, ۱۴۰۰)

د پاکستان د بهرنیو چارو وزیر شاه محمود قریشي نن (پنجشنبه د تلې ۲۹) له افغان چارواکو سره د خبرو لپاره د یوه لوړ پوړي دولتي پلاوي په مشرۍ کابل ته راورسید.

د پاکستان د بهرنیو چارو وزارت په څرګندونه کې راغلي، چې قریشي به د افغانستان د بهرنیو چارو وزارت له چارسمبالي وزیر امیر خان متقي او نورو افغان چارواکو سره وویني.

د یادې سرچینې په خبرپاڼه کې راغلي، چې د ناستې پر مهال به پر دوه اړخیزو اړیکو سربېره د بېلابېلو برخو د همکاریو پر پراختیا خبرې وشي.

دغه راز څرګنده شوې: د بهرنیو چارو وزیر به له دې رامنځته فرصت څخه په سیمه کې د سولې او ثبات په اړوند مسلو کې د پاکستان د اندونو د شریکولو لپاره ګټه پورته کوي. پاکستان، د یوه ورور ګاونډ په توګه تل د افغانستان تر څنګ ولاړ دی.

د پاکستان د بهرنیو چارو وزارت زیاته کړې، چې د کرونا ویروس تر پروتوکول لاندې د دواړو هېوادونو ترمنځ سوداګرۍ او ټرانزیټ لپاره لارې خلاصې دي.

دغه وزارت وايي، چې د افغانانو او سوداګریزو چارو د تګ او راتګ لپاره ترتیبات نیول شوي دي.

پاکستان څرګنده کړې: په وروستیو میاشتو کې پاکستان د خواړو او درملو بشري او نورې مرستې کړې دي.

دغه راز ویل شوي، چې د بهرنیو چارو د وزیر سفر د ورور افغانستان له خلکو څخه د پاکستان د ثابت سیاست او ملاتړ ښکارندوي، دوه اړخیزې سوداګرۍ او اقتصادي اړیکو پیاوړي کولو او د خلکو ترمنځ نږدې اړیکو آسانولو لپاره تر سره کیږي.

خپاره شوي انځورونه ښيي، چې د افغانستان د بهرنیو چارو وزارت چارسمبالی د قریشي پر مشرۍ راغلي پلاوي ته ښه راغلاست وایي او دغه راز له پاکستان څخه په راغلي پلاوي کې د استخباراتو پخوانی مشر جنرال فیض حمید هم لیدل کیږي.

Continue Reading

تازه خبرونه

د مسکو ناستې ګډونوالو له افغانستان سره خپلې ژمنې بیا تایید کړې

خپور شوی

په

توسط

(Last Updated On: تله ۲۹, ۱۴۰۰)

د افغانستان په اړه د مسکو مشورتي غونډې ګډونوالو د پنجشنبې پر ورځ په یوه اعلامیه کې په ډاګه کړې، چې دوی د افغانستان حاکمیت، خپلواکۍ او ځمکنۍ بشپړتیا ته پوره درناوی لري او له دې هېواد سره پر ډېرو نورو عملي همکاریو ټینګار کوي.

د روسیې، چین، پاکستان، ایران، هند، قزاقستان، قرغزستان، تاجکستان، ترکمنستان او ازبکستان د ځانګړیو استازیو لخوا په یوه ګډه اعلامیه کې ویل شوي، چې ټولو خواوو له افغانستان سره د یوه سوله ییز، نه وېشل کېدونکي، خپلواک او له اقتصادي پلوه مخ پر ودې حکومت په توګه ټینګار ټینګار څرګند کړ او غواړي، چې دا هېواد باید له ترهګرۍ او مخدره توکو پاک او د بشري حقونو درناوي ته په کې زمینه برابره شي.

دا غونډه د چارشنبې پر ورځ  د تلي پر ۲۸ په مسکو کې جوړه شوه د افغانستان د اسلامي امارت د لومړي وزیر د مرستیال عبدالسلام حنفي او ورسره د مل پلاوي په ګډون د ۱۰ نورو هېوادونو استازیو ونډه لرله.

په خبرپاڼه کې راغلي، چې په روان نوي څپرکي کې له افغانستان سره عملي همکارۍ ته اړتیا ده.

د غونډې ګډون کوونکیو هېوادونو د اسلامي امارت له مشرانو وغوښتل، چې د حکومت ښه کولو لپاره نور ګامونه هم پورته او یو رښتینی ټولمنلی حکومت رامنځته کړي، چې په هېواد کې د ټولو سترو قومي-سیاسي ځواکونو ګټې په مناسبه بڼه وځلوي.

په اعلامیه کې راغلي: دا کار به په افغانستان کې د ملي پخلاینې د بشپړیدو لپاره یو بنسټیز شرط وي.

د مسکو د غونډې ګډونوالو د افغانستان له اسلامي امارته غوښتي، چې معتدل، سالم داخلي او بهرني سیاستونه پلي او د ګاونډ هېوادونو پر وړاندې دوستانه پالیسي غوره کړي، د تلپاتې سولې، امنیت، خوندیتوب او اوږدمهاله سوکالۍ ګډ اهداف ترلاسه کړي او د قومي ډلو، ښځو او ماشومانو حقونو ته درناوی وکړي.

دغه راز څرګنده شوې، چې په افغانستان کې د ترهګرو سازمانونو د فعالیتونو په اړه د رامنځته شویو  اندېښنو د مخنیوي لپاره باید په افغانستان کې د امنیت او ثبات د ودې لپاره لیوالتیا او ژمنې یو ځل بیا ډاډمنې شي.

په اعلامیه کې راغلي: د غونډې برخوال خوښ دي، چې د افغانستان د سرپرست حکومت لخوا نورو هېوادونو ته د ګواښ نه پېښودو ډاډ رامنځته شوی دی.

په افغانستان کې له تېر حکومته پاتې اقتصادي او بشري ناورین اوسني حکومت ته اداري ستونزې رامنځته کړي، چې نړیواله ټولنه باید له افغان ولس سره بیړنیو بشري او اقتصادي مرستو ته زمینه برابره او هراړخیزې عملي هڅې ګړندۍ کړي.

Continue Reading

تازه خبرونه

په هرات کې يو ډاکټر د انسان تښتوونکیو له منګولو آزاد شو

خپور شوی

په

توسط

(Last Updated On: تله ۲۹, ۱۴۰۰)

د افغانستان اسلامي امارت وايي، چې په هرات ولایت کې استخباراتي ادارو یو ډاکټر د تښتوونکیو له منګولو آزاد کړی دی.

د هرات والي عبدالقیوم روحاني ویلي، چې دغه ډاکټر شرف الدینه یوه اوونۍ مخکې د هرات له ښاره تښتول شوی و او د دغه ولایت په ګوزره ولسوالۍ کې د سړي تښتوونکیو له خوا ساتل کېده.

د نوموړي د څرګندونو له مخې؛ د دې پېښې په تړاو څلور کسان نيول شوي، چې تر پلټنو لاندې دي.

د هرات والي ټینګار کوي، چې د اسلامي امارت ځواکونه د دغه راز پېښو د له منځه وړلو لپاره کار کوي.

Continue Reading

Trending

آریانا نیوز: ټول حقونه خوندي دي