Connect with us

لوبی

د افغانستان کرکټ بورډ راشد خان ته د دولتي نښان هیله من شو

خپور شوی

 په

(Last Updated On: مرغومی ۹, ۱۳۹۹)

د افغانستان کرکټ بورډ لوی مشر فرهان یوسفزي ویلي؛ د هېواد له ولسمشر اشرف غني څخه هیله من شوی، چې د کرکټ نړیوالې شورا له لوري ملي اتل راشدخان ته په شل اوریزو نړیوالو سیالیو کې د یوې لسیزې د غوره لوبغاړي د ویاړ ترلاسه کولو په پار عالي دولتي نښان ورکړي.

فرهان یوسفزي په دې اړه ویلي: کله، چې له د کرکټ ادارې ته د لوی مشر په توګه راغلم؛ نو راشدخان مې د ملي لوبډلې لوبډلمشر و، خو د مشورو او سپارښتنو په پایلو کې مو نوموړی د ملي لوبغاړي په توګه وساته.

یوسفزي زیاته کړې: د  دې کار یوازنۍ موخه دا وه، چې زمونږ دغه ستر ویاړ او ستوری د افغان ولس پر خوشحاله ساتلو راوڅرخي؛ ځکه په لوبډلمشرۍ کې یې خپله بې سارې وړتیا له لاسه ورکوله.

باید وویل شي چې راشدخان وړمه ورځ د کرکټ نړیوالې شورا د ځانګړې لوبډلې په نوملړ کې ځای خپل کړ او ورپسې یې پرون د یادې شورا د شل اوریزو سیالیو د وروستۍ لسیزې د غوره لوبغاړي ویاړ هم ترلاسه کړ.

د افغانستان کرکټ بورډ په پام کې لري، چې ډېر ژر به د ملي اتل دا ویاړنې او سترې لاسته راوړنې ونمانځي او راشد خان هم خپله وړتیا روانه وساتي.

د هېواد د کرکت د ډګر اتل او ملي ویاړ راشد خان پخپلو بریاوو خوشحالي په ډاګه کړې او وڅرګندوي، چې د آی سي سي د لسیزې د غوره لوبغاړي جایزه د ټول افغانستان ویاړ دی.

تازه خبرونه

د سنوکر په نړیوالو لوبو کې ملي لوبډله وځلیده

خپور شوی

په

توسط

(Last Updated On: وږی ۲۹, ۱۴۰۰)

د افغانستان سنوکر لوبډلې خپلې نړیوالې سیالۍ له بریاوو سره پیل کړې.

د دغې لوبو پر لومړۍ ورځ رییس خان سنزي خپله لومړۍ لوبه د اوکراین له استازي سره پیل او لوبه یې د ۵ پر ۴ وګټله.

سینزي په خپله دوه یمه سیالۍ کې هم پیاوړی ښکاره شو او پر ورته پایله یې عراقي سیال ته ماتې ورکړه او په دې توګه دوه دېرشم غوره پړاو ته یې ګام پورته کړ.

سنزی به په دې پړاو کې له بحریني لوبغاړي سره ولوبیږي.

د سنزي له غوره پایلو وروسته د هېواد بل ملي لوبغاړی صالح محمد محمدي سیالۍ ته ورودانګل او په خپله لومړۍ لوبه کې یې مصري لوبغاړي ته پېنځه پر صفر ماته ورکړه؛ خو په دوه یمه لوبه کې له بلجیمي لوبغاړي ۵ پر ۴ مات شو.

ټاکل شوې ده، چې محمدي په خپله درېیمه لوبه کې له فلسطیني لوبغاړي سره مخ شي.

د سنوکر اتلولۍ نړیوالې لوبې د نږدې ۳۰ هېوادونو ورزشکارانو د قطر د دوحې پر کوربتوب پیل کړي او د روانې میاشتې تر ۲۲ به روانې وي.

Continue Reading

لوبی

د ښځینه فوټبال ملي لوبډلې غړي له افغانستان څخه پاکستان ته ورسیدل

خپور شوی

په

توسط

(Last Updated On: وږی ۲۴, ۱۴۰۰)

د پاکستان چارواکو نن چارشنبه د وږي ۲۴ / د سپټمبر ۱۵ ډاډ څرګنده کړې، چې د افغانستان ښځینه فوټبال لوبډلې ​​غړي اسلام آباد ته رارسیدلي دي.

د افغانستان ښځینه فوټبال لوبډلې ​​غړي پرون د تورخم له دروازې اوښتي دي.

د پاکستان د استخباراتو وزیر فواد چودري په خپل ټویټر کې په ډاګه کړې: د افغانستان ښځینه فوټبال لوبډلې ​​غړيو ته، چې د تورخم له لارې پاکستان ته راغلي؛ ښه راغلاست وایو.

فواد چودري نور جزئیات ندي وړاندې کړي او دا لا روښانه نده، چې د لوبډلې څو غړي پاکستان ته تللي دي.

د افغانستان ښځینه فوټبال لوبډلې ​​پخوانۍ لوبډلمشره خالده پوپلزۍ په خپله فیسبوک پاڼه کې لیکي، چې د ښځینه لوبډلې غړي ښو ملګرو او بېلابېلو ټولنو پر مرسته او ملاتړ یوه خوندي هېواد ته لیږدول شوي دي.

هغې زیاته کړې، چې د هرات او مزار د دوه لوباړیو د کورنیو په ګډون له ۷۹ څخه ډېر کسان لیږدول شوي دي.

د ښځو فوټبال لوبډله ​​په وروستیو کلونو کې د افغانستان د فوټبال فډراسیون له خوا جوړه شوژ وه.

دا په داسې حال کې ده، چې تېره اوونۍ د اسلامي امارت یوه چارواکي د آسټرالیا سي بي ایس شبکې ته ویلي وه، چې فکر نه کوي میرمنې د کرکټ کولو اجازه ولري؛ ځکه، چې دا “اړینه نده” او د اسلام خلاف ده.

Continue Reading

تازه خبرونه

د افغانستان د سنوکر ملي لوبډلې د آسیا جام بریالی پیل کړ

خپور شوی

په

توسط

(Last Updated On: وږی ۲۳, ۱۴۰۰)

د سیالۍ پر لومړۍ ورځ  رییس خان سنزي پر ورته پایلو د بحرین او لبنان هېوادونو ملي لوبدلو ته صفر پر څلورو ماتې ورکړه.

د هېواد یو بل ملي لوبغاړي صالح محمد محمدي په خپله لومړۍ سیالۍ کې څلور پر یوه د سوریې له خنډ ورتېر شو.

د دغو سیالیو ۳۶ پړاو، د بشپړ بال او شپږ بال په دوه برخو کې له ۶۰ څخه د ډېرو هېوادونو د لوبغاړیو په شتوالي کې د دوحې پر کوربتوبترسره شو.

په دې سیالیو کې د افغانستان پر استازیتوب درې لوبغاړيو او یو پلاوي ګډون کړی دی.

Continue Reading

Trending

آریانا نیوز: ټول حقونه خوندي دي