Connect with us

تازه خبرونه

د افغانستان کرکت بورد مني، چې له زمبابوی سره لوبه شونې نده

Ariana News

خپور شوی

 په

(Last Updated On: زمری ۱۹, ۱۳۹۹)

د افغانستان کرکت بورد د زمبابوی لخوا د تي ۲۰ سیالیو د لغو کولولو په اړه ویلي، چې د دغه هېواد پرېکړې ته درناوی لري.

ټاکل شوې وه، چې دا سیالي په روانه میاشت کې د دغه هېواد په کوربتوب تر سره شي؛ خو د کرونا ویروس د خوریدو او پر کرونا د اخته کسانو په شمېر کې د ډېروالي له کبله د زمبابوی حکومت اړ شو، چې دا سیالۍ لغو اعلام کړي.

د افغانستان کرکت بورد د شنبې پر شپه په داګه کړه: د افغانستان کرکت بورد پوهیږي، چې د دې سیالۍ ترسره کول امکان نلري؛ ځکه، چې کووید -۱۹ ناروغي اوس هم د ټولو روغتیایي خوندیتوب او امنیت ته  یولوی ګواښ دی.

د دغه بنست د څرګندونو له مخې؛ د افغانستان کرکت بورد تل د کووید -۱۹ ناروغۍ په اړه د روغتیا او خوندیتوب لارښوونې او سپارښتنې پلې کوي. د دغې ناروغۍ خوریدنې د ۲۰۲۰ زېږدیز کال ټولې کرکت سیالۍ اغېز منې کړې.

له همدې کبله د افغانستان کرکت بورد پدې برخه کې د زمبابوې پرېکړې ته درناوی کوي او وایي، چې له شرایطو سره سمه او عادلانه پرېکړه ده.

د هېواد کرکت بورد زیاته کړې: د افغانستان کرکت بورد او زیمبابوی کرکت یو له بل سره غوره اړیکې لري او په راتلونکي کې د دواړو هېوادونو د لوبیدو غږ به یوځل بیا واوریدل شي؛ ځکه، چې د کرونا له ګواښ سره پوره مبارزه روانه ساتل شوې ده.

زیمبابوې د شنبې پر ورځ په T20 کې له افغانستان سره سیالۍ؛ ځکه لغو کړې، چې دې هېواد د افغانستان کرکت لوبډلې ته د سفر اجازه نه ورکوله.

د زمبابوې کرکت فدراسیون مشر توینګوا موکوهلینا ویلي، چې د افغانستان – زمبابوی د لوبو لغوه کول د دې هېواد کرکت لوبډلې ته لوی زیان دی.

هغه زیاته کړې، چې دغه هېواد اوس هیله لري، چې په سوپر لیګ کې د لوبو لپاره په اکتوبر کې پاکستان ته سفر وکړي. په داسې لوبو کې به برخه واخلي، چې د نړیوال کرکت فدراسیون د ۲۰۲۳ نړیوال جام ته ځانګړې کړي دي.

 

 

تازه خبرونه

په کابل کې د دوه وهل شویو میرمنو په تړاو درې کسان لوی څارنوالۍ ته وروپېژندل شول

Ariana News

خپور شوی

په

توسط

(Last Updated On: تله ۱, ۱۳۹۹)

د کورنیو چارو وزارت د دوه پولیسو او یو امنیتي کارکوونکی، چې تېره اوونۍ یې د کابل ښار په یوه اړوند سړک کې دوه میرمنې وهلي او پولیسو د پېښې ننداره کوله؛ څارنوالۍ ته ورپېژندلي دي.

د کورنیو چارو وزارت په ډاګه کړې، چې د جرمونو د څېړلو عمومي ریاست د پېښې له څېړلو وروسته د امنیتي ځواکونو یو کارکوونکی، چې د پېښې اصلي مجرم دی او دوه بې پروا پولیس په ګوته کړي او د پوره څېړلو لپاره یې څارنوالۍ ته سپارلي دي.

تېره اوونۍ د امنیتي ځواکونو یو کارمند دوه مبرمنې د دوه پولیسو په مخ کې وهلي، چې انځوریزه ویدیو يې په ټولنیزو رسنیو کې خپاره شوې او د بشري حقونو د هڅاندو او خلکو له کلک غبرګون سره مخ شوی.

انځورونه دوه سرتېري او یو شمېر خلک ښیي، چې د پېښې ننداره کوي.

د یادونې ده، چې د حکومت او طالبانو تر منځ د سولې په روانو خپلمنځي خبرو کې د ښځو د بشري حقونو د ساتنې او پیاوړتیا په اړه اندېښنې راپورته شوي او د بشري حقونو ساتونکيو او د نړۍ مشرانو هم د تېرو ۱۹ کلونو د لاسته راوړنو پر خوندیتابه ټینګار څرګند کړی دی.

 

Continue Reading

تازه خبرونه

تیک تاک د خپلو کاروونکیو له ۱۰۰ میلیون ډېرې ویدیوګانې لرې کړې

Ariana News

خپور شوی

په

توسط

(Last Updated On: تله ۱, ۱۳۹۹)

د روان کال په لومړیو شپږ میاشتو کې تیک تاک شرکت د خپلو کاروونکیو له ۱۰۴ میلیون ډېرې ویدیو ګانې له قانونه د سرغړونې پر لامل لرې کړې دي.

د یاد شرکت د څرګندونو له مخې؛ په لرې شویو ویدیو ګانو ۳۷ میلیون یې د هندي  او ۱۰ میلیون نورې د اکریکایي اتباعو دي.

تیک تاک دا هم ویلي، چې دا شمېر په دې پروګرام کې د اپلود شویو ویډیوګانو د شمېر له سلنې لږ دی.

دغه شرکت په یوه راپور کې ویلي، چې د دې کلپونو ۹۶.۴ سلنه مخکې له دې،  چې کاروونکي یې راپور ورکړي لرې شوي او ۹۰.۳ سلنه یې هیڅ بیا کتل شوي ندي.

 د خدمتونو وړاندې کوونکي الګوریتمونو په اتوماتيک ډول دا کلپونو لرې کړي دي.

دغه شرکت په خپله اوبپاڼه کې لیکلي؛ د کرونا ویروس د خپریدو په پایله کې مونږ پر تکنالوژۍ ډېر تکیه کړې وه، چې د هند، برازیل او پاکستان په مارکیتونو کې ناوړه مینځپانګې پیدا او لرې کړو.

د تیک تاک مینځپانګې د څارلو میتودونه تل ګټور نه وي. د دې میاشتې په پیل کې شرکت هڅه وکړه، چې پر توپک د یو کس د ځانوژنې او ترهې اچونې د ویدیو د خپریدو مخه ونیسي.

Continue Reading

تازه خبرونه

د افغانستان حکومت د برښنا څلور بادي او لمریزې پروژې تصویب کړې

Ariana News

خپور شوی

په

توسط

(Last Updated On: تله ۱, ۱۳۹۹)

د افغانستان د اقتصاد عالی شورا په هرات، کابل او بلخ ولایتونو کې د برښنا څلور بادي او لمریزې پروژې تصویب کړې دي.

د مالیې وزارت د عامه خصوصي شرکتونو د پالیسۍ مشره لیمه خرم وايي، پر دغو پروژو ۱۶۰ میلیون دالر لګښت راځي.

نوموړې څرګنده کړې: په هرات کې یوه د بادي برښنا پروژه ده، چې ۲۵ میګاواته، بله هم د لمریزې برښنا پروژه ده، چې ۲۵ میګاواته وړتیا لري. دغه راز په مزارشریف کې د ۴۰ میګاواته لمریزې برښنا پروژه ده او دغه راز د کابل ولایت په نغلو کې د اوبو پر سر د شل میګاواته لمریزې برښنا تختې نصبېږي.

دا پروژې د دولت او خصوصي سکتور تر منځ د عامه – خصوصي مشارکت یوه برخه ده.

 دا په داسې حال کې ده، چې تېره میاشت د افغانستان د حکومت او اماراتي شرکت ترمنځ په افغانستان کې د ۳۰۰۰ میګاواته لمریزې بریښنا د تولید تړون لاسلیک شوی دی.

د افغانستان برښنا شرکت ويلي، چې په دې پروژه کې پانګونه او وخت او د لمریزېي برېښنا تولید ځای ته په پام سره توپیر لري. افغانستان دا مهال د کورونو روښانولو او اقتصادي څرخ خوځولو لپاره دوه زره میګاواټه برېښنا ته اړتیا لري

افغانستان دا مهال د کورونو روښانه کولو او اقتصادي پیاوړتیا ته ۲۰۰۰ میګا واته برښنا ته اړتیا لري، چې په دې برخو د ګاونډ هېوادونو څخه پر وارداتي برښنا خورا ډېر تکیه کوي.

Continue Reading
Advertisement

Trending