Connect with us

تازه خبرونه

د افغانستان ښځو د نړۍ د ښځو مشرانو ته سرخلاصی لیک استولی

Ariana News

خپور شوی

 په

(Last Updated On: زمری ۱۸, ۱۳۹۹)

د افغانستان د ښځو شبکې د نړۍ د ښځو له مشرانو غوښتي، چې د دوی تر خوا ودریږي او په افغانستان کې د ښځو له حقونو ساتنه وکړي.

د افغان ښځو شبکې په یو سر خلاصي لیک کې د نړۍ د ښځو مشرانو ته ویلي، چې: مونږ دا لیک؛ ځکه لیکو، چې اندېښمن یو.

دوی په دې لیک کې دا هم ویلي؛ تر دې دمه دا خبرې ننداریزې وې او هغه چا کړي، چې له ځواک و واکه برخمن شوي او هغه څوک غږیږي، چې هېواد وال یې راته وژلي دي.

دې میرمنو څرګنده کړې؛ وېره لري، چې د دوی حقونه او آزادي به له خطر سره مخ شي. لکه څرنګه، چې د خبرو مشري روانه ده؛ نو د ښځو آزادیو او حقونو ته نه درناوی ترې پوره په ډاګه کیږي.

په دې لیک کې راغلي: مونږ وېره لرو، چې زمونږ لاسته راوړنې به له خطر سره مخ شي او یوازې به له دې ځواکمنو کسانو سره په لنډمهاله حل لپاره زړې، زیانمنې او له منځه ولاړې شو. مونږ په دې بهیر کې د ښکېلو کسانو د فشارونو په اړه اندېښمنې یو.

دې ساده شیانو ته په پاملرنه، چې په ټوله نړۍ کې میرمنې ورته ډېره پاملرنه نکوي؛ مونږ په تېرو ۱۹ کلونو کې پر ډېرو هڅو سربېره یا ترې بې برخې یو او یا مو له لاسه وځي.

د عایداتو حق لرل او خپلو کورنیو ته یې چمتو کول دي. هره ورځ کوچني شیان لکه له غچ او وېرې پرته د کور پریښودل، په پارک کې ګرځیدل او په عامه توګه له یو ملګري سره خندا کول؛ مو حق دی.

دوی په لیک کې په ډاګه کړي؛ دا بنسټیز اړخونه دي، چې مونږ یې د بیا له لاسه ورکولو په اړه اندېښمنې یو. مونږ نشو کولی هغه څه له لاسه ورکړو، چې مونږ ستاسې په مرسته ترلاسه کړي دي.

د ښځو شبکې څرګنده کړې: مونږ پوهیږي، چې په افغانستان کې د میرمنو د برابرۍ او مساواتو د لاسته راوړلو لپاره اوس هم اوږده لار په مخ کې لرو؛ خو مونږ  شاتګ زغملی نشو. مونږ به د خپلو د خپلو ماشومانو له حقونو څخه دفاع  روانه ساتو.

د نړۍ په کچه د میرمنو مشرانو ته په دې لیک کې راغلي، چې ښځې د دغو مشرانو ملاتړ ته اړتیا لري. په ځانګړي توګه هغه څوک، چې دریځ یې د افغانستان پر راتلونکې اغېزمن دی.

په لیک کې راغلي: مونږ هیله لرو، چې تاسې د افغانستان لپاره د پرېکړو په کولو کې زمونږ د مساواتو او برابر انسان په توګه زمونږ ارادې ته درناوی وکړئ.

په لیک کې زیاته شوې: مونږ هیله من یو، چې تاسې به یوه عادلانه، ټولګدونه او تلپاتې سوله وڅرئئ. لکه څرنګه یې، چې مونږ غوښتونکي یو. مونږ په دې هیله یو، چې تاسې به له زمونږ سره د ښځو د حقونو او په افغانستان کې د تلپاتې سولې لپاره ودریږئ.

د ښځو شبکې غړیو دا هم ویلي: مونږ باوري یو، چې د میرمنو په توګه تاسې د تلپاتې سولې او د ټولو لپاره د مساوي او برابرو حقونو په اړه زمونږ په غوښتنه کې زموږ سره واوسئ.

تازه خبرونه

په کابل کې د دوه وهل شویو میرمنو په تړاو درې کسان لوی څارنوالۍ ته وروپېژندل شول

Ariana News

خپور شوی

په

توسط

(Last Updated On: تله ۱, ۱۳۹۹)

د کورنیو چارو وزارت د دوه پولیسو او یو امنیتي کارکوونکی، چې تېره اوونۍ یې د کابل ښار په یوه اړوند سړک کې دوه میرمنې وهلي او پولیسو د پېښې ننداره کوله؛ څارنوالۍ ته ورپېژندلي دي.

د کورنیو چارو وزارت په ډاګه کړې، چې د جرمونو د څېړلو عمومي ریاست د پېښې له څېړلو وروسته د امنیتي ځواکونو یو کارکوونکی، چې د پېښې اصلي مجرم دی او دوه بې پروا پولیس په ګوته کړي او د پوره څېړلو لپاره یې څارنوالۍ ته سپارلي دي.

تېره اوونۍ د امنیتي ځواکونو یو کارمند دوه مبرمنې د دوه پولیسو په مخ کې وهلي، چې انځوریزه ویدیو يې په ټولنیزو رسنیو کې خپاره شوې او د بشري حقونو د هڅاندو او خلکو له کلک غبرګون سره مخ شوی.

انځورونه دوه سرتېري او یو شمېر خلک ښیي، چې د پېښې ننداره کوي.

د یادونې ده، چې د حکومت او طالبانو تر منځ د سولې په روانو خپلمنځي خبرو کې د ښځو د بشري حقونو د ساتنې او پیاوړتیا په اړه اندېښنې راپورته شوي او د بشري حقونو ساتونکيو او د نړۍ مشرانو هم د تېرو ۱۹ کلونو د لاسته راوړنو پر خوندیتابه ټینګار څرګند کړی دی.

 

Continue Reading

تازه خبرونه

د افغانستان حکومت د برښنا څلور بادي او لمریزې پروژې تصویب کړې

Ariana News

خپور شوی

په

توسط

(Last Updated On: تله ۱, ۱۳۹۹)

د افغانستان د اقتصاد عالی شورا په هرات، کابل او بلخ ولایتونو کې د برښنا څلور بادي او لمریزې پروژې تصویب کړې دي.

د مالیې وزارت د عامه خصوصي شرکتونو د پالیسۍ مشره لیمه خرم وايي، پر دغو پروژو ۱۶۰ میلیون دالر لګښت راځي.

نوموړې څرګنده کړې: په هرات کې یوه د بادي برښنا پروژه ده، چې ۲۵ میګاواته، بله هم د لمریزې برښنا پروژه ده، چې ۲۵ میګاواته وړتیا لري. دغه راز په مزارشریف کې د ۴۰ میګاواته لمریزې برښنا پروژه ده او دغه راز د کابل ولایت په نغلو کې د اوبو پر سر د شل میګاواته لمریزې برښنا تختې نصبېږي.

دا پروژې د دولت او خصوصي سکتور تر منځ د عامه – خصوصي مشارکت یوه برخه ده.

 دا په داسې حال کې ده، چې تېره میاشت د افغانستان د حکومت او اماراتي شرکت ترمنځ په افغانستان کې د ۳۰۰۰ میګاواته لمریزې بریښنا د تولید تړون لاسلیک شوی دی.

د افغانستان برښنا شرکت ويلي، چې په دې پروژه کې پانګونه او وخت او د لمریزېي برېښنا تولید ځای ته په پام سره توپیر لري. افغانستان دا مهال د کورونو روښانولو او اقتصادي څرخ خوځولو لپاره دوه زره میګاواټه برېښنا ته اړتیا لري

افغانستان دا مهال د کورونو روښانه کولو او اقتصادي پیاوړتیا ته ۲۰۰۰ میګا واته برښنا ته اړتیا لري، چې په دې برخو د ګاونډ هېوادونو څخه پر وارداتي برښنا خورا ډېر تکیه کوي.

Continue Reading

تازه خبرونه

ولسمشر غني له ملګرو ملتونو څخه د سولې لپاره د اوربند غوښتنه وکړه

Ariana News

خپور شوی

په

توسط

(Last Updated On: تله ۱, ۱۳۹۹)

ولسمشر اشرف غني له نړیوالې ټولنې یو ځل بیا وغوښتل، چې د افغانستان له خلکو سره د تېرو نولس کلونو د لاسته راوړنو د ساتنې لپاره همکار شي.

د افغانستان ولسمشر اشرف غني تېره شپه د وديو له لارې د  ملګرو ملتونو د  جوړېدو د پېنځه اویایمې کلیزې په مناسبت ویلي، افغانستان په یوه وخت کې له څو کړکېچونو سره مخامخ دی؛ خو بیړنی اوربند کولی شي، د سولې په بهیر کې پرمختګ ته لار اواره کړي.

نوموړی د دې سازمان رول د پراخ بنسټې ټولنې په خاطر مهم ګڼي.

هغه زیاته کړې؛ که څه هم مونږ په افغانستان کې په یوه وخت د کړکېچ له څو عاملینو سره مخامخ شوي یو، خو اوربند مونږ ته یو روښان او بیړنی لومړیتوب دی. له هر څه ډېر د تاوتریخوالي ژر پای ته رسېدل مونږ ته اړین دی او دا د پرمختګ زمینه برابروي.

په همدې حال کې د ایران د بهرنیو چارو وزیر جواد ظریف ویلي، هېواد یې د افغانستان د سولې روان بهیر ته بدبین دی او په همدې خاطر یې په کې ګډون ندی کړی.

هغه ټینګار کړي، چې په افغانستان کې د امریکا په مشرۍ د سولې بهیر له جدي ننګونو سره مخامخ دی.

جواد ظزیف ویلي، چې د سولې خبرې باید پراخ بنسټه وي.

نوموړي ویلي: زه فکر کوم د امریکا لپاره وروستۍ موخه له افغانستان څخه وتل وي؛ خولازمه نه وه، چې دا ټول هر څه یې پر افغانستان او سیمې تپلي وای. مونږ د دغه کار د بهیر په تړاو ډېر بدبین یو، چې امریکا یې مشري وکړه. مونږ په همدې خاطر په دې بهیر کې ګډون ونه کړ؛ خو مونږ د ټولو افغانانو له خپلمنځي خبرو ملاتړ کوو. مونږ پدې اند یو، چې د افغانستان د خلکو ټولې دیموکراتیکې لاسته راوړنې د ټولو ګوندونو او طالبانو په شتون کې وساتل شي.

بلخوا د امریکا د ولسمشر دونالد ترمپ د ملي امنیت پخواني مشر یو ځل بیل د خپلمنځی خبرو د ماتې، د طالبانو د اسلامي امارت له واکمنۍ او د امریکا پر ضد د ګواښونو له رامنځته کیدو خبرداری ورکړی دی.

د امریکا د ملي امنیت  پخوانی سلاکار مک ماستر وایي: له طالبانو سره واک څه ډول ښکاري؟ آیا داسې ښکاري… د نجونو هر ښوونځی له خاورو سره یو کیږي؟ یا دا، چې داسې ښکاري؛ د فوتبال په لوبغالي کې به د هرې شنبې پر ورځ ډله ییز اعدامونه کیږي؟ مونږ دا نظر لرو، چې طالبان کولی شي له سولې سره یوځای شي. په داسې حال کې، چې هغوی هوډ من دي په افغانستان کې اسلامي امارت جوړ کړي او ترې د ترهګرۍ د پراختیا لپاره د یوې اډې په توګه کار واخلي.

د یادونې ده، چې د سولې خبرو د پایلو د نه معلومېدو په صورت کې له افغانستان څخه په شپږ میاشتو کې د امریکایي ځواکونو وتل اندېښموونکې ښکاري.

Continue Reading
Advertisement

Trending