Connect with us

تازه خبرونه

د افغانستان ښځو او نجونو ته د عدالت خوندیتوب بریالی نه و – ملګري ملتونه

Ariana News

خپور شوی

 په

(Last Updated On: December 7, 2020)

په افغانستان کې د ملګرو ملتونو مرستندویه پلاوي [یوناما] او د ملګرو ملتونو د بشري حقونو عالي کمیشنرۍ موندنې ښیي، چې د هېواد عدلي جوړښت د ښځو پر وړاندې د تاو تریخوالي په جرمونو کې د افغان میرمنو او نجونو لپاره د عدالت په برابرولو کې پاتې راغلی دی.

دغه راپور، چې د میرمنو او نجونو پر وړاندې د تاوتریخوالي په جرمونو کې د عدالت د لټون تر سرلیک لاندې  د ۲۰۱۸ کال له دسمبره تر د ۲۰۲۰ کال تر فبرورۍ چمتو شوی او د ښځو او نجونو پروړاندې د تاوتریخوالي په قضیو کې قربانيانو ته د قضایي او عدلي بنسټونو پر ځواب او ډاډ راڅرخي.

په دې راپورکې راغلي، چې د ښځو او نجونو پروړاندې د تاوتریخوالي په وړاندې د قضایي جوړښت غبرګون مخ پر ښه کېدو دی؛ خو پرمختګ یې محدود دی.

د راپور موندنې ښیي، چې له راپور شويو جرمونو یوازې نیمایي لومړنیو محکمو ته رسېدلي او د ثبت شویو قضیو شاوخوا ۴۰ سلنه مجرمین محکوم شوي دي.

د افغانستان لپاره د ملګرو ملتونو د سرمنشي ځانګړي استازی دیبرا الینز ویلي؛ ښکاره حقیقت دا دی، چې یو زیات شمېر ښځې او نجونې تراوسه ندي توانیدلي، چې ور سره د مخ شوي تاوتریخوالي په اړه له عدالت سره مخ شي؛ ځکه بښنه له مجازاتو ډېره ده.

د راپور د څرګندونې له مخې؛ په هغه قضیو کې، چې د یوناما لخوا مستندې شوي، په هرو پېنځه ښځو کې یوې میرمنې پرېکړه کړې، چې خپله قضیه د محکمو له لارې ونه څاري یا خو هلته شکایت نکوي یا خپل شکایت بېرته اخلي.

د راپور د څرګندونو له مخې؛ د میرمنو پروړاندې د تاوتریخوالي جرمونو په څارنه کې د حکومتي چارواکو ناکامي، په ځانګړي توګه د ماشومانو ودونه، چې امکان نلري قربانیان یې پخپله قضایي بنسټ ته ورشي او د ځان په اړه د عدالت غوښتنه وکړي، یاد بنسټ اندېښمن کړی دی.

په راپور کې راغلي، چې ډېري میرمنې د تاوتریخوالي له کبله ځان سوځونې یا ځانوژنې ته مخه کوي. دا کار ښیي؛ د تاو تریخوالي قربانیان احساس کوي، چې قضا سیستم د دوی د ژغورنې لپاره عملي لار وړاندې کولی نشي.

د یوناما د بشري حقونو د برخې مسووله او د ملګرو ملتونو د بشري حقونو عالي کمیشنرۍ  استازې فیونا فریزر ویلي؛ په ځلونو قضایي سیستم د دې پر ځای، چې د قربانیانو په استازیتوب کار وکړي، بیا قرباني شوي دي. دا بهیر باید ودرول شي. باید جدي هڅې وشي، چې ښځې او نجونې عدالت ته لاسرسی ومومي او دا ډاډ تر لاسه کړي، چې قضایي سیستم  یې ورسره ښه چلند کوي؛ عزت او کرامت ته یې درناوی لري.

یوناما دا وړاندیزهم کړی، چې د ښځو پر وړاندې د تاوتریخوالي د مخنیوي قانون په چوکات کې د ټولو جرمونو د څیړنې او څارنې لپاره دې د چارواکو د واک پراخولو لپاره په قانون کې تعدیل رامنځته شي.

تازه خبرونه

آلمان په افغانستان کې د پوځي ماموریت غزولو په لټه کې دی

Ariana News

خپور شوی

په

توسط

(Last Updated On: February 24, 2021)

رویټرز په ډاګه کړې؛ د سې شنبې پر ورځ د آلمان دفاع وزیرې آنګرټ کرامپ کارنباوئر څرګنده کړې، چې د چارشنبې پر ورځ به د آلمان کابینه تر ۲۰۲۲ کاله پورې په افغانستان کې د آلمان د پوځي ماموریت د تمدید لپاره شین څراغ ولګوي.

د جرمني په پارلمان کې د ۱۳۰۰ سرتېرو عملیاتو واک د مارچ په پای کې پای ته رسیږي.

دا په داسې حال کې ده، چې د ۲۰۲۰ زېږدیز کال د فبرورۍ پر ۲۹ امریکا او طالبانو یو داسې تړون لاسلیک کړی، چې د د روان کال تر می میاشتې باید ټول بهرني سرتېري له افغانستان ووځي؛ خو د امریکا نوي حکومت د جوبایډن تر مشرتابه لاندې پر دغه تړون بیاکتنه غواړي.

د آلمان دفاع وزیرې کرامپ کارنباويرئر خبرداری ورکړ، چې د ناټو سرتېرو له وخت مخکې وتل به د افغان حکومت او طالبانو ترمنځ د سولې خبرې له خطر سره مخ کړي.

رویټرز ته هغې ویلي؛ د ناټو سرتېري غواړي په افغانستان کې پاتې شي، نو د طالبانو تاوتریخوالي دې چمتووالی ونیسي.

دا څرګندونې؛ ځکه راپورته شوي، چې د ناټو عمومي منشي ینس سټولټنبرګ تېره اونۍ د دې ټولنې د دفاع وزیرانو له ناستې وروسته وویل؛ ناټو به هغه وخت له افغانستان څخه ووځي، چې امنیتي شرایط ورته برابر شي.

ناټو دمګړۍ په افغانستان کې لږ تر لږه ۱۰۰۰۰سرتېري لري، چې ډېر یې امریکایي دي.

د رویټرز د څرګندونو له مخې؛ د ناټو له ۳۰ غړیو یو هم په عام ډول څه نه وایي، چې امنیتي شرایط د وتلو لپاره سم دي ؛ خو که امریکا وغواړي ډېري متحدین شاید د اوږدې مودې لپاره خپل ملاتړ وغزوي.

Continue Reading

تازه خبرونه

د دوحې د هوکړې د بیا کتنې په اړه له افغان چاواکو سره اړیکې لرو- امریکا

Ariana News

خپور شوی

په

توسط

(Last Updated On: February 24, 2021)

د پنټاګون د رسنیو مسوول د چارشنبې پر شپه څرګنده کړې، چې دوی د امریکا او طالبانو ترمنځ د لاسلیک شوي تړون د بیاکتنې په اړه له افغان چارواکو سره خبرې روانې ساتلي دي.

د پنټاګون د رسنیو مسوول جان کربي ویلي، چې ټاکلې نېټې ته په پاملرنه پنټاګون او ټول ګډ احساس لري… خو مونږ غواړو دا کار ډاډمن او بریالی تر سره کړو او غواړو، چې په دې کې زمونږ، متحدینو او افغانانو امنیتي ګټې خوندي شي.

جان کربي په دې اړه، چې آیا د امریکا دفاع وزیر لویډ آسټین پدې اړه له ولسمشر اشرف غني سره مستقیمې خبرې کړي؛ وویل: زه نور څه نلرم، چې تاسې ته یې وړاندې کړم؛ خو زه به تاسې ته د هغه( لویډ آسټین) له مشورو، چې له متحدینو او همکارانو سره شوې څرګندونې ولرم.

جان کربې دغه راز ویليو چې د دوحې د هوکړې بیاکتنه یو طبیعي کار دی.

هغه په دې اړه ویلي؛ خلک باید باور ولري، چې مونږ دې ته پوره پاملرنه لرو. مونږ غواړو، چې له خپلو افغان همکارانو سره پر جزئیاتو ښه پوه شو.

دا څرګندونې د بهرنیو چارو وزیر انټوني بلینکن له هغو څرګندونو یوازې درې ورځې وروسته راپورته کیږي، چې امریکا په افغانستان کې د سیاسي جوړجاړي او هر اړخیز اوربند ملاتړ کوي.

د شنبې پر ورځ د ملي پخلاینې عالي شورا د مشر او د امریکا د بهرنیو چارو وزیر بلینکن تر منځ  ټیلیفوني خبرې شوي دي.

د امریکا بهرنیو چارو وزیر ویلي: امریکا د یو ښه او تلپاتي سیاسي جوړجاړي او دایمي  پرمختګه ملاتړ کوي.

عبدالله ویلي، چې په دې خبرو کې د افغانستان وضعیت او د افغانستان د سولې د بهیر پر ګړندي کولو خبرې شوې وې.

Continue Reading

تازه خبرونه

طالبانو په خپلو پوځي لیکو کې پر بهرنیو جنګیالیو بندیز لګولی

Ariana News

خپور شوی

په

توسط

(Last Updated On: February 24, 2021)

د طالبانو پوځي کمیسیون خپلو ټولو جنګیالیو ته سپارښتنه کړې، چې په خپلو پوځي لیکو کې د بهرنیو جنګیالیو د تګ او راتګ او د هغو له ساتلو ډډه وکړي.

د طالبانو په اعلامیه کې، چې آریانا نیوز ته رارسېدلې راغلي؛ هیڅوک نشي کولی، چې بهرني جنګیالي په خپلو لیکو کې پټ وساتي او یا پناه ورکړي.

د طالبانو د پوځي کمیسیون د څرګندونو له مخې؛ که هر چا دا کار وکړ او ولایتي مسوولین ترې خبر شول؛ نو له دندې به لرې، ګروپ او ډلګی به یې لغو او د وروستۍ جزا لپاره به پوځي کمیسیون ته وروپېژندل شي.

دا څرګندونې له هغې وروسته راپورته شوې، چې د سې شنبه پر ورځ د افغانستان پوځي چارواکو ادعا وکړه، چې د کندهار د ارغنداب ولسوالۍ په پوځي ډګرونو کې له دولتي ځواکونو سره د طالبانو تر څنګ القاعده، پاکستاني او چیچنیايي وسلوال هم جنګیږي.

پوځي چارواکو ویلي وه: هغه نښې نښاني، چې د دې ولایت د ارغنداب ولسوالۍ په څلور میاشتنۍ جګړه کې په لاس ورغلي؛ ښيي، چې له طالبانو سره د القاعده تر څنګ پاکستاني او چیچنايي وسلوالو هم په جګړه کې عملي برخه اخیستې ده.

دغه راز د دفاع وزارت د څرګندونو له مخې؛ د روانې اوونۍ د یکشنبې پر شپه د دې ولایت په ارغستان ولسوالۍ کې د عملیاتو پرمهال د ۴ پاکستانیو اتباعو په ګډون لس طالب جنګیالي وژل شوي دي.

طالب ویاند ذبیح الله مجاهد دا راپور رد کړی او څرګندوي، چې د دوی تر څنګ په پوځي ډګرونو کې هیڅ پاکستاني اتباع جګړه نکوي.

د امریکا او طالبانو د تړون له مخې؛ طالبان اړ دي، چې له القاعده او داعش ته د ورته ډلو سره خپلې اړیکي پای ته ورسوي.

Continue Reading

Trending

آریانا نیوز: ټول حقونه خوندي دي