Connect with us

تازه خبرونه

د افغانستان په ۲۵ ولایتونو کې روانې جګړې ځاني زیانونه رامنځته کړي

Ariana News

خپور شوی

 په

(Last Updated On: February 5, 2021)

ملي دفاع وزارت ویلي؛ له تېرو څلیریشت ګړیو راپدیخوا په پېنځه ویشت ولایتونو کې د امنیتي ځواکونو او طالبانو تر منځ سختې جګړې شوي، چې دواړو لوریو ته ځاني زیانونه اوښتي دي.

په کندوز، فاریاب، هلمند او بادغیس ولایتونو کې له دېرش ډېر امنیتي سرتېري وژل شوي او یو شمېر نور ټپيان دي.

د کندوز والي عبدالستار میرزکوال ویلي، چې د خان آباد ولسوالۍ د اختر تپې په سیمه کې طالبانو د ملي امنیت د ځواکونو او سیمه ییزو پاڅونوالو پر پوستو په برید کې ۱۶ سیمه ییز پاڅونوال وژل شوي او دوه نور ټپیان دي.

د فاریاب ولایتي شورا مرستیال صبغت الله سیلاب ویلي؛ په دې ولایت کې د ملي اردو یوولس سرتېري د شپږم کنډک د قومندان په ګډون وژل شوي دي.

د نوموړي د څرګندونو له مخې؛ دوی د خواجه سبز پوش ولسوالۍ په یوه جومات کې خلکو لیدل، چې پر  ډزو وژل شوي دي.

د بادغیس په مقر کې اووه پولیس له طالبانو سره په نښتو کې وژل شوي او دا سیمه د طالبانو لاسونو ته لوېدلې ده.

په هلمند، کندهار او زابل ولایتونو کې هم سختې جګړې شوي.

دا نښتې په داسې حال کې روانې دي، چې د دیني عالمانو نړیوالې ټولنې په یوه خبرپاڼه کې د افغانستان روان تاوتریخوالي غندلی او د بدو عواقبو په تړاو یې خبرداری ورکړی دی.

تازه خبرونه

طالبانو د بغلان ولایت بورکه ولسوالي ونیوله

Ariana News

خپور شوی

په

توسط

(Last Updated On: May 5, 2021)

د بغلان وړلایت سیمه ییزو چارواکو ویلي، چې امنیتي او دفاعي ځواکونه په تکتیکي بڼه له دې ولسوالۍ شاتګ کړی؛ خو خلکو پرې نیوکې کړ دي.

د بغلان د بورکې ولسوالي د چارشنبې پر سهار( د غویی ۱۵) د طالبانو تر بشپړې څارنې لاندې راغله. په دې ولایت کې پوځي او ملکي مسوولینو په یوه پوځي ناسته کې پرېکړه وکړه، چې له دې ولسوالۍ ووځي او لس بجې دا کار ترسره شو.

د بغلان د پولیسو ویاند احمد جاوید بشارت ویلي؛ حکومتي ځواکونو د نهرین ولسوالۍ تاوشخ غاښي ته شاتګ کړی دی.

د بغلان مرستیال والي ذبیح الله احساس ویلي؛ دا شاتګ تکتیکي دی او بېرته به دا ولسوالۍ ونیول شي.
د بغلان خلګ تاوتریخوالی او د ملکي او پوځي تلفاتو ډېروالی د اندېښنې وړ بولي د جګړې په ډګرونو کې د حکومت دغه تکتیک غندي.
طالبانو ویلي، چې بورکه ولسوالۍ یې له جګړې پرته نیولې ده.
Continue Reading

تازه خبرونه

هند او اروپايي ټولنه په افغانستان کې د بیړني اوربند غوښتونکي شول

Ariana News

خپور شوی

په

توسط

(Last Updated On: May 5, 2021)

اروپایي ټولنې او هند دواړو په افغانستان کې د سمدستي اوربند غوښتنه کړې او څرګندوي، چې د معنادارې سولې د رامنځته کولو لپاره له شرط  پرته د جګړې درول اړین دي.

په لندن کې د جي-۷ هېوادونو دغونډې په څنډه کې د اروپايي اتحادیې د بهرنیو چارو د وزیر جوزپ بوریل او د هند د بهرنیو چارو وزیر سوبراهمنیم جیشنکر په یوه ګډه اعلامیه کې ویلي، چې د سولې یو بریالی بهیر ښه باور، سیاسي حل، ډاډمنې ژمنې او د طالبانو ښکیلتیا ته اړتیا لري. دواړو لوریو د دې ډاډ په تکرارولو ټینګار وکړ، چې د افغانستان خاوره باید د ترهګرو ډلو لخوا د هند او اروپايي اتحادیې امنیت ته د ګواښ په توګه ونه کارول شي.

دواړو لوریو په کلکو ټکو کې د ټولو تروریستي هڅو غندنه کړې او د ترورېزم د تمویل، زیربناوو او د دوی د افراطي بڼو پر له منځه وړلو یې ټینګار وکړ او وایي، چې افغانستان به بیا هیڅکله د نړیوال تروریزم لپاره امن ځای نه وي.

د دواړو خواوو د ډیموکراسۍ، آزادۍ، د قانون حاکمیت او بشر حقونو ته د درناوی پر بنسټ د بین الافغاني او سیمه ییزو مسلو په اړه همکارۍ ته ژمنتیا څرګنده کړه او د افغانستان له سولې، امنیت، په ځان بسیاینې او هوساینې یې ملاتړ وکړ.

دوی د افغانستان د ملي حاکمیت او ځمکني بشپړتیا د درناوي او ساتنې غوښتنه کوي او د افغانانو پر مشرتابه او مالکیت د سولې بهیره روان ساتل غواړي.

هغو په دې اړه ویلي، چې په افغانستان کې هر ډول سیاسي جوړجاړی باید د ښځو، ځوانانو او لږه کیو په ګډون د ټولو افغانانو بشري حقونو او اساسي آزادیو ساتنه وکړي او دغه سیاسي حل باید اقتصادي، ټولنیزې، سیاسي او پرمختیايي لاسته راوړنو ته په نغوته کې باید ډیموکراټیک بنسټ ولري.

بوریل او جیشنکر ټینګار کړی، چې له افغانستان سره نړیوالې مرستې د سولې او جوړجاړی له پایلې سره تړلې دي.

دوی د افغانستان د ملي ځواکونو او ملکي وګړیو پروړاندې تاوتریخوالی او موخه ییزې وژنې د نه منلو وړ بولي او غندنه یې کوي.

د هندي او اروپایي استازیو په څرګندونو کې راغلي، چې په افغانستان کې امنیت په سیمه ییزه کچه د سیمې له امنیت سره تړلی دی.

دوی د افغانستان له ګاونډ هېوادونو او سیمه ییزو شریکانو غوښتي، چې سولې او ثبات ته د رسېدو لپاره له افغانستان سره مرسته وکړي.

Continue Reading

تازه خبرونه

امریکا له افغانستان خپل یوشمېر پوځي تجهیزات ایستلي دي

Ariana News

خپور شوی

په

توسط

(Last Updated On: May 5, 2021)

امریکايي چارواکو ویلي، چې د امریکا له پوځي تجهیزاتو څخه ډکې ۶۰ الوتکې له افغانستان څخه وتلي او د راتلونکې سې شنبې پر ورځ به ۱۳۰۰ نور اړوند تجهیزات ویجاړ شي.

د امریکا مرکزي قومندانۍ په ډاګه کړې: له افغانستان څخه به د امریکایي ځواکونو او تجهیزاتو ایستلو هڅې تر راتلونکې سې شنبې پورې له دوه څخه تر شپږ سلنې بشپړې شي.

دې ورځپاڼې د امریکایي چارواکو د څرګندونو له مخې په ډاګه کړې؛ باروړونکې جیټ الوتکې (سي – ۱۷) چې کولی شي ۱۷۹۰۰ پونډه توکي ولېږدوي، له افغانستان څخه پر لېږدولو اخته دي.

د امریکا مرکزي قومندانۍ زیاته کړې، چې د ځواکونو او تجهیزاتو د ایستلو په اړه امنیتي معلومات امنیتي شرایطو ته په کتو اټکلي وړاندې کیږي.

دې قومندانۍ منلې، چې په هلمند ولایت کې یوه پوځي اډه افغان ځواکونو ته سپارل شوې ده.

راپور دا هم په ډاګه کړې، چې امریکا به یو شمېر پوځي تجهیزات افغان ځواکونو ته وسپاري او ځینې به یې د پوځي عملیاتو لپاره نورو هېوادونو ته واستوي.

په امریکا کې یوې پوځي ورځپاڼې خبر ورکړی، چې له افغانستان څخه د امریکايي ځواکونو د وتلو بهیر د امریکا د ولسمشر جوبایډن پر سپارښتنه پیل شوي او د سپټمبر تر ۱۱ به بشپړ شي.

Continue Reading

Trending

آریانا نیوز: ټول حقونه خوندي دي