Connect with us

تازه خبرونه

د افغانستان په لویدیځ کې به هم د افغانیو ترویج پلی شي- د افغانستان بانک

Ariana News

خپور شوی

 په

(Last Updated On: غبرګولى ۷, ۱۳۹۹)

د افغانستان بانک څرګنده کړې، چې له ختیځو ولایتونو وروسته به د افغانیو ترویج د هېواد په لویدیځو ولایتونو کې هم د ایراني تومن پرځای د افغانۍ د ترویج کمپاین پراخ او پلی شي.

د افغانستان بانک ویاند شریف الله شګیوال ویلي، چې د سیمې د هېوادونو په پرتله افغانۍ د بهرنیو اسعارو پر وړاندې خپل ارزښت ساتلی دی.

نوموړی زیاتوي؛ له تېر میلادي کال راپدیخوا د افغانستان بانک توانیدلی، چې په ننګرهار، لغمان، کونړ، پکتیا، پکتیکا، خوست، هلمند او کندهار ولایتونو کې د افغانۍ د ترویج  کمپاین بریالی پلی کړي.

هغه ویلي؛ د دغې مبارزې لړۍ په لویدیځو ولایتونو کې هم  پيلوي، چې ایراني تومن هم له کورنیو مارکیتونو څخه وباسي.

دی وایي، دمګړۍ د هېواد په دا خل کې له ۲۸۰ میلیارد افغانیو څخه زیاتې افغانۍ په دوران کې دي.

د اقتصادي چارو کارپوه تاج محمد تلاش د افغانستان بانک د پولي سیاست پر پلې کولو نیوکه لري او وایي؛ د افغانستان بانک کار اوس هم د افغانیو د ترویج  لپاره هومره بریالی ندی؛ خو د هېواد په سرحدي ولایتونو کې د افغانۍ د ترویج وروستۍ هڅې د ستاینې دي او دا لړۍ همهاله باید لویدیځو ولایتونو ته هم پراخه شوې وای.

د چارو پوهان په ډاګه کړې؛ په هېواد کې د افغانۍ د ترویج په اړه باید له امنیتې ځواکونو نیولې ان تر عام ولس پورې ټول ونډه واخلي او ټول مسوولیت لري، چې خلک پخپله ورځنۍ راکړه ورکړه کې له افغانیو کار واخلي.

دوی پر د افغانستان بانک هم نیوکه کوي، چې د افغانستان بانک اوس هم د عامه پوهاوي په برخه کې لازم اقدامات ندي کړي.

تازه خبرونه

ستر جنرال دوستم د افغانستان درېیم مارشال شو

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

ولسمشر اشرف غني په یوه فرمان کې د ولسمشر پخواني مرستیال سترجنرال عبدالرشید دوستم ته د مارشالۍ رتبه وړاندې کړې ده.

د ولسمشر د پخواني مرستیال ستر جنرال عبدالرشید دوستم ویاند بشیر احمد ته ینج آریانا نیوز ته منلې، چې د ولسمشرۍ دغه فرمان د روان کال د غبرګولي پر ۲۱ د ولسمشر اشرف غني او د ملي پخلاینې د عالی شورا د مشر عبدالله عبدالله د سیاسي هوکړې له مخې صادر شوی دی.

د مارشالۍ رتبه په اردو کې ترټولو لوړ مقام دی.

د دغې سیاسي هوکړې له مخې؛ دوستم د دولت د عالی شورا او امنیت شورا له غړیتوبه هم برخمن کیږي.

د ولسمشر په فرمان کې راغلي: د اساسي قانون د ۶۴ مادې د ۱۹ فقرې له مخې د مارشالۍ رتبه د هېواد دې سیاسي شخصیت ته د ده د خدمتونو په ویاړ، چې په سیاسي بندون او هېوادني ثبات کې یې تر سره کړی؛ وړاندې کیږي.

دوستم د افغانستان په تاریخ کې له شاه ولي خان او محمد قسیم فهیم وروسته د هېواد درېیم مارشال دی، چې د مارشالۍ ویاړ یې ترلاسه کړی دی.

Continue Reading

تازه خبرونه

د جمعیت اسلامي د رهبري شورا ۴۷ غړیو رباني له مشرتابه ګوښه کړ

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د جمعیت اسلامي د رهبري شورا ۴۷ غړیو صلاح الدین رباني د دې ګوند له مشرتابه ګوښه او د کانګرې تر جوړیدو پورې یې د جمعیت د لنډمهالي مشر په توګه عنایت الله شاداب ټاکلی دی.

داسې ښکاري، چې حزب جمعیت دوه ټوټې شوی؛ د دې ګوند د مشرتابه شورا اووه څلوېښت غړیو د صلاح الدین رباني خلاف رایه و کاروله او هغه يې له مشرتابه لیرې کړ. په دوی کې عطا محمد نور، یونس قانوني، بسم الله محمدي، حفیظ منصور، اسماعیل خان او ستار مراد استازیتوب لري.

د مشرتابه له ۶۲ غړیو ۴۷ یې عنایت الله شاداب، چې د دې ګوند له بنسټګرو دی؛ د مشرتابه شورا لنډمهالی مشر ونوماوه، چې له کلونو وروسته د ګوند د عمومي اسامبلې لپاره لومړني ګامونه واخلي.

د حزب جمعیت د مشرتابه شورا ځینو غړيو ویلي؛ صلاح الدین رباني خپلسري کوله او لیدلوری یې د حکومت په وړاندې د اپوزیسیون جوړول ول. په داسې حال کې، چې جمعیت اوس په قدرت کې دی او له حکومت ملاتړ کوي.

 د حزب جمعیت مرستیال احمد ضیا مسعود ویلي؛ صلاح الدین رباني اوس هم د ګوند مشر دی او انشعابي څېرې نشي کولی د ګوند په اړه کورنۍ پرېکړه وکړي.

هغه حکومت تورنوي، چې د دې ګوند د مشرتابه شورا له ځينو غړیو سره يې له لنډو خبرو وروسته د حزب جمعیت اسلامي افغانستان د پاشلو زمینه برابره کړله.

صلاح الدین رباني نه غوښتل په مشارکتي حکومت کې شریک وي؛ خو د مشرتابه شورا ۴۷ غړیو ځان په حکومت کې د عبدالله له پتې شریک ګاڼه او دوی وايي، چې د سولې په بهیر کې به د عبدالله تر څنګ د پام وړ رول ولوبوي.

د مشرتابه شورا یوې سترې برخې صلاح الدین رباني پخپل ځای پرېښی، ښاغلي رباني دوه اوونۍ مخکې د حزب جمعیت اسلامي ځيني غړي پر معاملو تورن کړي وه.

د افغانستان زیاتره ګوندونه په دا تېرو دوه لسیزو کې بې نظمه او څو ټوټې او له داخله وراسته او شړېدلي دي او ندې توانیدلي، چې په سیاسي معادلو کې د یوه واحد ارګان په توګه عمل وکړي. له همدې کبله انګیرنه دا ده، چې زیاتره ګوندونه د وروستیو دوه لسیزو په بدلونونو کې کمزوي ثابت شوي دي.

Continue Reading

تازه خبرونه

طالبان اوس هم د القاعده له څانګو سره همکار دي – پنتاګون

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د امریکا دفاع وزارت په یوه راپور کې، چې د افغانستان امنیت په تړاو کانګریس ته لیږل شوی؛ طالبان  د القاعده له هغې څانګې سره په همکارۍ تورنوي، چې د هند ټاپو وزمې لپاره کار کوي.

طالبان د پنتاګون په تازه راپور کې تورن شوي، چې د القاعده شبکې له هغې څانګې سره همکاري کوي، چې د هند ټاپووزمې پر ضد هڅې تر سره کوي.

د پنتاګون د تازه راپو له مخې؛ د القاعدې دا څانګه له ټیټ پوړیو طالبانو سره اړیکې پالي او موخه یې د افغان دولت کمزوري کول دي.

د پنتاګون په دې راپور په ډاګه شوې، چې القاعده پورې تړلې سیمه ییزې ډلې له طالبانو سره نږدې اړیکې ټینګوي او پر امریکایي او د نورو هېوادونو پر سرتېرو په بریدونو کې خپلې تلپاتې ګټې ویني.

پنتاگون دا هم ویلي؛ د سولې په بهیر کې شویو پرمختګونو ته په کتو د القاعدې او طالبانو نږدې اړیکې خطرناکې دي او ممکن دوام وکړي.

پنتاګون ښيي؛ روسیه له طالبانو او نورو ډلو سره فعالانه کار کوي، چې له افغانستان څخه د بهرنیو ځواکونو د وتلو بهیر چټک شي. دا هغه څه دي، چې د امریکا د بهرنیو چارو وزیر له خپل روسي سیال سره په اړیکه کې پرې خبرې کړي دي.

د امریکا د بهرنیو چارو وزیر مایک پمپیو څرګنده کړې؛ هغوی په افغانستان کې مات شول، موخه یې هلته د ترهګرۍ د خطر کمی دی،  ما مې له خپل روسي سیال سره پدې تړاو خبرې کړي دي. هغوی باید په دې موضوع کې ځان شریک نکړي.

د ولسمشر ویاند صدیق صدیقي ویلي؛ طالبان له امریکا سره په دوحه کې شوې هوکړې ته ژمن ندي او د افغانستان د امنیتي بنسټونو راپورونه ښیي، چې طالبان د القاعده شبکې په ګډون له څو ترهګرو ډلو سره همکاري کوي.

د پنتاګون د راپور له مخې؛ ایران له طالبانو سره د حساب وړ اړیکو له لارې غواړي له افغان دولت سره هم پیاوړې اړیکې تعقیب کړي.

Continue Reading

Trending