Connect with us

تازه خبرونه

د افغانستان په شمال کې طالب وسلوالو ته مرګ و ژوبله اوښتې

خپور شوی

 په

(Last Updated On: غبرګولى ۹, ۱۴۰۰)

د ۲۰۹ شاهین قول اردو چارواکو د یکشنبې پر ورځ څرګنده کړې، چې د افغانستان هوایي ځواکونو د بلخ ولایت په چهار بولک ولسوالۍ کې د طالبانو یو پټنځای بمبارد کړی او د طالبانو د شمال زون د استخباراتو د مشر مولوي قدرت په ګډون یې ۱۱ نور جنګیالي وژلي دي.

سربېره پردې د قول اردو د څرګندونو له مخې؛ په دې ولسوالۍ کې د طالب قومندان مولوي روحاني په ګډون او درې نور مشران طالبان ټپیان شوي دي.

سرچینې دا هم ویلي، چې په دې برید کې د وسلوالو طالبانو وسلې، مهمات، وسایط او شپږ موټرسایکلونه هم ویجاړ شوي دي.

همدارنګه ویل کیږي، چې اووه نور طالبان په شولګرې ولسوالۍ کې تر برید لاندې راغلي دي.

دغه راز د فاریاب پولیسو ويلي، چې د شنبې پر ورځ د خواجه سبزپوش ولسوالۍ په اړوند سیمه کې د طالبانو پر وړاندې یو لړ هوایي او ځمکنیو بریدونه تر سره شوي؛ اووه وسلوال طالبان وژل شوي او د سرې قطعې د فدایي نومی قومندان ملامتین په ګډون شپږ نورټپیان دي.

طالبانو تر دې دمه پدې اړه څه ندي ویلي.

تازه خبرونه

په بادغیس ولایت کې زلزلې ۳۰ کسانو ته مرګ و ژوبله اړولې

خپور شوی

په

توسط

(Last Updated On: مرغومی ۲۸, ۱۴۰۰)

سیمه ییزو چارواکو څرګنده کړې، چې د دوشنبې پر ورځ د افغانستان په لويدیځ بادغیس ولایت کې زلزلې  ۲۶ کسان مړه کړي، ۴ ژوبل او سلګونه کورونه ویجاړ شوي دي.

رویټرز د سیمه ییزو چارواکو لخوا د خپاره شويو انځورونو له مخې څرګنده کړې، چې د ریښتر پر کچه ۵ اعشاریه ۶ درجې زلزلې له ترکمنستان سره پر ګډه پوله پروت بادغیس ولایت ولړزاوه، چې او له خښتو جوړ شوي سلګونه کورونه یې ویجاړ کړل.

د بادغیس ولایتي ادارې د اطلاعاتو او فرهنګ مشر باز محمد سروري  زیاته کړې: له بده مرغه زمونږ لومړني راپورونه ښيي، چې د پېنځه ښځو او څلور ماشومانو په ګډون ۲۶ کسان مړه شوي او څلور نور ټپیان دي.

نوموړي د اسلامي امارت ځواکونو ته په نغوته کې څرګنده کړې: مجاهدین یو شمېر زیانمنو سیمو ته رسېدلي؛ خو بادغیس یو غرنی ولایت دی ښايي د تلفاتو شمېر له دې هم لوړ شي.

هغه زیاته کړې، چې اوس هم په سیمه کې سخت باران روان دی.

د رویټرز د راپور له مخې؛ د افغانستان د بېړنیو چارو وزارت د بېړنیو عملیاتو مرکز مشر ملا جانان ساقي د وژل شویو کسانو شمېر تائید کړی او ویلي یې دي، چې له ۷۰۰ ډېر کورونه زیانمن شوي دي.

د بادغیس په مرکز کې د مرکزي روغتون د نرسنګ مشر ثناء الله ثابت وایي؛ دوی ته د زلزلې پېنځه ټپیان ورلېږدول شوي، چې د ډېرو یې هډوکي مات شوي دي.

د اروپایي سرچینو د څرګندونو له مخې، یاده زلزله ۳۰ کیلومټره ( ۱۸ اعشاریه ۶۴ میله) ژوروالی لري.

Continue Reading

تازه خبرونه

د افغانستان پولې ته نږدې د نشه یي توکو د قاچاق د مخنیوي لپاره پوځ روزل کیږي

خپور شوی

په

توسط

(Last Updated On: مرغومی ۲۷, ۱۴۰۰)

د ګډ امنیتي تړون ټولنې سر منشي څرګنده کړې؛ په افغانستان کې له وروستیو پېښو وروسته پولې ته نږدې د نشه یي توکو له قاچاق سره د مبارزې پوځي هڅې پیلیږي.

یادې ټولنې په ډاګه کړې، چې دې ټولنې له افغانستان سره پر پوله د نشه يي توکو د قاچاق او د ترهګرۍ ضد مبارزې لپاره درې پړاوه عملیات پیل کړي دي.

د دغه تړون سر منشي ويلي؛ له نشه يي توکو سره د مبارزې په اړه له افغانستان سره پولې ته نږدې د اړینو کړنو اړتیا ده، چې په راتلونکې غونډه کې به د دغې ټولنې د مشرانو له پرېکړې وروسته پلې شي.

د ګډ امنیتي تړون ټولنې سر منشي استانیسلا زاس ویلي؛ د نشه یي توکو له قاچاق سره مبارزه د ګډ امنیتي تړون ټولنې له مهمو دندو څخه ده. مونږ په افغانستان کې له وروستیو پېښو وروسته د مخدره توکو د قاچاق پر وړاندې مبارزه اړینه بولو. د سیمې وضعیت ته په کتو په دې اړه د پلانونو پلي کول د دې ټولنې مسوولیت دی، چې د تاجکستان د پلازمېنې دوشنبې پر کوربتوب به په سرمشریزه کې د رامنځته شویو  پرېکړو له مخې پلي شي.

اسلامي امارت وايي؛ په افغانستان کې د نشه يي توکو د کاروبار د مخنيوي لپاره اغېزمن ګامونه پورته شوي او اسلامي امارت به په دې برخه کې بشپړ مسووليت پر غاړه ولري.

د اسلامي امارت ویاند ذبیح الله مجاهد ویلي؛ یو د مخدره توکو قاچاق دی، چې دا کار بند دی. مونږ په دې اړه ډاډمن ګامونه پورته کړي او پلان لرو، چې له افغانستان څخه د مخدره توکو سوداګري ناشونې ده او حکومت به یې پر وړاندې له وسې سره سمې هڅې کوي.    

د بزګرانو لپاره د بدیل نشتوالی او په افغانستان کې د کوکنارو د کښت احتمالي زیاتوالی هغه مسایل دي، چې د کارپوهانو په وینا؛ دې کار د سیمې هېوادونه له افغانستان څخه د نشه یي توکو د قاچاق په اړه اندېښمن کړي دي.

د یادونې ده، چې د روسیې پر مشرۍ د ګډ امنیتي تړون ټولنې دوه یمه پرېکړه له افغانستان سره په پولو کې د نشه يي توکو د قاچاق او له ترهګرۍ سره د مبارزې د درې پړاوونو عملي کول دي.

Continue Reading

تازه خبرونه

د پاکستان د ملي امنیت سلاکار کابل ته په دوه ورځني سفر راځي

خپور شوی

په

توسط

(Last Updated On: مرغومی ۲۷, ۱۴۰۰)

د پاکستان د ملي امنیت سلاکار معید یوسف به سبا سې شنبه د مرغومي ۲۸ د یوه لوړ پوړي حکومتي پلاوي پر مشرۍ کابل ته دوه ورځني سفر وکړي او پر دوه اړخیزو اړیکو به راوڅرخي.

د پاکستان ډان ورځپاڼې خبر ورکړی، چې معید یوسف د یوه حکومتي پلاوي پر مشري کوي کابل ته ځي او له اړوند سکتوري وزارتونو سره د همغږۍ له مخې به افغانستان ته د پاکستان بشري او اقتصادي مرستې په داسې طریقه ورسوي، چې د ملګرو ملتونو او نړیوالو بندیزونو او ننګونو اړتیاوو ته په پاملرنه د افغان لندمهالي حکومت له چارواکو سره مرسته وکړي.

چارواکو ویلي، چې د دې سفر موخه د افغانستان بشري، اقتصادي او پرمختیايي اړتیاوې معلومول دي.

ډان نیوز څرګنده کړې، چې پاکستان له افغانستان سره د روغتیا، لوړو زدکړو، بشري مرستو او  سوداګرۍ په برخو کې د اړیکو پر پیاوتیا خبرې کوي.

د افغانستان اسلامي امارت تر اوسه د یاد پلاوي سفر تائید کړی ندی.

Continue Reading

Trending

Copyright © 2022 Ariana News. All rights reserved!