Connect with us

تازه خبرونه

د افغانستان په روانه جګړه کې افراطیت ته لمن وهل کیږي – لاوروف

خپور شوی

 په

(Last Updated On: کب ۲۸, ۱۳۹۹)

د روسیې د بهرنیو چارو وزیر سرګې لاوروف د روسیې، امریکا، چین، ایران او پاکستان د منځګړیتوب پر بنسټ په مسکو کې د افغانستان د سولې ناستې ته، چې حکومتي او طالب استازیو هم په کې ګډون کړی؛ د وینا پر مهال ویلي، چې د افغانستان  په روانه جګړه کې افراطیت ته لمن وهل کیږي.

د روسیې د بهرنیو چارو وزیر سیرګي لاوروف په مسکو کې د پنجشنبې د ورځې دغه اړین کنفرانس په رسمي بڼه پرانست، چې د سولې بهیر د ګړندي کولو لپاره په کې ښکېل لوري د حکومتي او طالب استازیو په ګډون راټول شوي دي.

لاوروف د غونډې د پرانیستې پرمهال څرګنده کړې؛ په افغانستان کې ناامني د داعش په ګډون افراطي ډلو ته د هڅو زمینه برابروي.

نوموړي څرګنده کړې؛ دا به سیمه وګواښي او ترهګري زیاته کړي.

هغه له امریکا او طالبانو وغوښتل، چې د دوحې تړون ژمنو ته، چې د تېر کال په فبرورۍ کې لاسلیک شوی ژمن پاتې شي.

لاوروف دا هم ویلي، چې د دوحې بهیر په افغانستان کې د سولې او پخلاینې لپاره مثبته پایله نده ورکړې؛ خو روسیه د مسکو په ناسته کې د پرمختګ تمه لري او مونږ ګورو، چې وضعیت ورځ تر بلې کړکېچن کیږي.

لاوروف زیاته کړې؛ روسیه په ځانګړي توګه د دې حقیقت په اړه اندښنه لري، چې په دوديزه توګه په افغانستان کې د هر پسرلي او دوبي په اوږدو کې شخړې ګړندۍ کیږي. مونږ ګورو، چې د جګړې دواړه خواوې د ملکي وګړیو ژوند په خطر کې اچوي.

په دې ناسته کې د افغانستان د سولې لپاره د امریکا ځانګړی استازی زلمی خلیلزاد هم شته، چې د پنجشنبې پر ورځ یې وویل، چې د دوحې خبرې اوسمهال یوې ډډې ته شوې دي.

د پاکستان، چین، ایران، ترکیې او قطر استازي هم پدې غونډه کې برخه لري.

دا په داسې حال کې ده، چې د افغانستان د ملي پخلاینې عالي شورا مشر عبدالله عبدالله د افغانستان د جمهوريت پلوي پلاوي د 12 کسيزې ډلې مشري کوي.

په دې ډله کې یوازې یوه میرمن حبیبه سرابي شامله ده.

د پنجشنبې پرماسپښین په یوه ټویټ کې د جمهوريت پلاوي پلاوي یوه استازي نادر نادري وویل، چې هغه تمه لري په میزونو کې د ښځو برابر شمېر باید نورم شي.

پداسې حال کې، چې د افغانستان په پلاوي کې یوه ښځه و ، خو طالبان د ښځینه استازیتوب څخه بې برخې ول.

د مسکو ناسته یوه له هغه دوه ناستو ده، چې د افغانستان د سولې لپاره پلان شوې او په راتلونکې اوونۍ کې به یې بله په ترکیه کې جوړه شي. دا دواړه ناستې د امریکا لخوا پر ښکېلو خواوو د نوي فشار یوه بڼه ده، چې دواړه جنګي اړخونه روان ۲۰ کلنه جګړه ودروي او سیاسي حل ومومي.

تازه خبرونه

د ا.ا.ا پلاوی د افغانستان په اړه د خبرو لپاره مسکو ته رسېدلی

خپور شوی

په

توسط

(Last Updated On: تله ۲۸, ۱۴۰۰)

د افغانستان د اسلامي امارت یو پلاوی د لومړي وزیر د مرستیال مولوي عبدالسلام حنفي پر مشرۍ مسکو ته رسېدلی، چې ټاکل شوې نن د افغانستان د راتلونکي په اړه په جوړېدونکې ټرویکا غونډه کې ګډون وکړي.

په کابل کې د روسیې سفارت ویلي، چې نن (چارشنبه د تلې ۲۸ / د اکتوبر ۲۰)  د افغانستان د حالاتو په اړه یوه لویه نړیواله غونډه جوړيږي.

د سرچینې خبرپاڼې زیاته کړې؛ په دې غونډه د کورني سیاست په ګډون له شخړو وروسته رامنځته شوي شرایط، چې د دغه هیواد بیارغونې لپاره اړین دي څېړل کیږي.

دا په داسې حال کې ده، چې دې غونډې ته د افغانستان ی د لومړي وزیر د مرستیال مولوي عبدالسلام حنفي په مشرۍ د بهرنیو چارو ، اقتصاد ، صنعت او سوداګرۍ وزیران او نور لوړپوړي چارواکي ورغلي دي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین، هند، ایران، د منځنۍ آسیا د حکومتونو او پاکستان په ګډون ۱۱ هېوادونه بلل شوي دي.

Continue Reading

تازه خبرونه

په کابل ښار کې پر امنیتي ځواکونو د لاسي بم برید وشو

خپور شوی

په

توسط

(Last Updated On: تله ۲۸, ۱۴۰۰)

د کورنیو چارو وزارت ویاند قاری سعید خوستي څرګنده کړې؛ د چارشنبې پر سهار د کابل ښار د درېيمې امنیتي حوزې اړوند په دهمزنګ سیمه کې د ژوبڼ له لورې پر امنیتي ځواکونو د لاسي بم برید شوی، چې دوه کسان يې ټپیان کړي دي.

قاري سعید زیاته کړې د پېښې د عاملينو پلټنه روانه ده.

عیني شاهدانو ویلي، چې په دې برید کې ۴ کسان ټپیان شوي دي.

دبرید پړه  تر دې دمه چا پرغاړه نده اخیستې.

Continue Reading

تازه خبرونه

په مسکو کې د روسیې، چین او پاکستان استازیو ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

Trending

آریانا نیوز: ټول حقونه خوندي دي