Connect with us

تازه خبرونه

د افغانستان ولسمشریزې ټاکنې له امریکا خوندي تر سره شوي – ټرمپ

خپور شوی

 په

(Last Updated On: مرغومی ۷, ۱۳۹۹)

د امریکا ولسمشر ډونالډ ټرمپ پرون (شنبه د مرغومي ۶) ادعا کړې، چې یو امریکايي عسکر ورته ویلي؛ د افغانستان ولسمشریزې  ټاکنې د امریکا د ولسمشرۍ له ټاکنو غوره او خوندي تر سره شوې دي.

ټرمپ په خپل ټویټ کې څرګنده کړې: یو ځوان امریکایي سرتېری، چې په افغانستان کې کار کوي ماته ویلي، چې د افغانستان ټاکنې د امریکا د ۲۰۲۰ له ولسمشریزو ټاکنو خورا خوندي او غوره وې.

هغه زیاته کړې: زمونږ (ټاکنې) د برېښنالیک له لارې په رای کارولو کې درغلۍ رامنځته شوي. دا ټاکنې د درېیمې نړۍ د ټاکنو په څېر دي. جعلی ولسمشر.

د امریکایي رسنیو د راپورونو له مخې، له ډونالډ ټرمپ څخه په دې اړه د شواهدو غوښتنه شوې، چې کوم امریکايي سرتېري دا څرګندونې کړي؛ خو سپینې ماڼۍ پدې اړه څه ندي ویلي.

د امریکا ولسمشر ډونالډ ټرمپ ويلي، چې د ولسمشرۍ په ټاکنو کې درغلي شوې او جوبایډن د درغل رایو پر بنسټ ګټونکی اعلان شوی دی.

تر دې دمه د امریکا قاضیانو د ټاکنو د درغلیو په اړه د ډونلډ ټرمپ ۶۰ شکایتونه رد کړي دي.

د ټرمپ له دغې ادعا وروسته امریکايي رسنیو د هغه پر څرګندونو تحلیلي راپورونه جوړوي.

د راپورونو له مخې؛ څلور میاشتې وروسته د افغانستان د ټاکنو پایلې اعلان شوې، چې د عبدالله عبدالله لخوا ونه منل شوې او څرګندوي، چې په ټاکنو کې درغلي شوې وې او دواړو نوماندانو په یوه ورځ لوړه وکړه.

تازه خبرونه

په کابل کې د نښلیدونکي ماین چاودنې څلور کسان ټپیان کړل

خپور شوی

په

توسط

(Last Updated On: ليندۍ ۱۱, ۱۴۰۰)

په کابل کې د ایمرجنسي روغتون چارواکي تائیدوي، چې نن سهار (پنجشنبه د لیندۍ ۱۱) د کابل ښار د څلورمې حوزې اړوند د سلیم کاروان په څلورلارې کې د مقناطیسي ماین په چاودنه کې څلور تنه ټپیان شوي دي.

د ایمرجنسي روغتون په یوه ټویټ کې څرګنده کړې، چې څلور ټپیان نن سهار د رامنځته شوې چاودنې له روغتون ته رالېږدول شوي دي.

د روغتون د څرګندونو له مخې؛ په ټپیانو کې یو ماشوم هم شته دی.

د ایمرجنسي روغتون د څرګندونو له مخې؛ پېښه د نښلېدونکي ماین له چاودنې رامنځته شوې ده.

د کورنيو چارو وزارت وياند سعيد خوستي ويلي؛ پېښه په ګلدان کې د ځای پر ځای شوي ماين له چاودنې رامنځته شوې ده.

هغه زیاته کړې، چې په چاودنه کې چاته مرګ و ژوبله نده اوښتې.

تر دې دمه هیچا د پېښې پړه پر غاړه نده اخيستې.

دوه ورځې مخکې هم په کابل کې د یوې چاودنې له کبله، چې د دارالامان په سړک کې د اسلامي امارت پر موټر رامنځته او د اسلامي امارت د سرتېرو په ګډون یې ۵ کسان ټپيان کړي وه.

Continue Reading

تازه خبرونه

ملګرو ملتونو ا.ا.ا ته په عمومي اسمبله کې د څوکۍ ورکولو پرېکړه وځنډوله

خپور شوی

په

توسط

(Last Updated On: ليندۍ ۱۱, ۱۴۰۰)

د ملګرو ملتونو یوې ځانګړې کمېټې پرېکړه کړې، چې د ملګرو ملتونو په عمومي غونډه کې د افغانستان څوکۍ دې د اوس لپاره د افغانستان اسلامي امارت نوي حکومت ته نه ورکول کېږي.

د اسلامي امارت لخوا ملګرو ملتونو ته ورپېژندل شوي سهیل شاهین څرګنده کړې؛ د ملګرو ملتونو یوې ځانګړې کمېټې تېره ورځ پرېکړه کړې، چې د ملګرو ملتونو عمومي اسمبلۍ کې دې د افغانستان څوکۍ د اوس لپاره د افغانستان نوي حکومت ته نه ورکول کېږي.

سهیل شاهین زیاته کړې: د م.م دا پرېکړه  پر اصولو او انصاف بنا نده؛ ځکه، چې له افغان ولس څخه یې مشروع حق اخیستی. مونږ هیله من یوو، چي دا حق د افغانستان د حکومت استازي ته وسپارل شي.

هغه زیاته کړې؛ له دې سره به د افغانستان د ولس ستونزې حل او نړیوال مثبت تعامل رامنځته شي.

د چارشنبې پر ورځ د ملګرو ملتونو یوې کمېټې په ملګرو ملتونو کې د افغانستان او میانمار استازیتوب وځنډاوه.

د افغانستان اسلامي امارت او د میانمار جنټا حکومت په روان کال کې له حکومتونو له سقوط وروسته خپل نوي استازي ملګرو ملتونو ته وروپېژندل؛ خو غړیتوب یې دا دی وځنډول شو.

په ملګرو ملتونو کې د اسلامي امارت او د میانمار جنټا منل به د نړیوالې پیژندنې پر لوري یو ګام وي، چې دواړه حکومتونه یې غوښتنه لري.

د ملګرو ملتونو د باورلیک ۹ کسیزې کمېټې، چې روسیه، چین او امریکا یې بنسټیز غړي دي؛ د ملګرو ملتونو په مرکزي دفتر کې غونډه وکړه، چې د ملګرو ملتونو د عمومي اسامبلې د نننۍ غونډې لپاره د ټولو ۱۹۳ غړیو باورلیکونه وڅېړي.

يو شمېر ډيپلوماتانو رويټرز ته ويلي، چې ښايي کمېټه د افغانستان او ميانمار د استازولۍ په اړه خپلې پرېکړې د دې تفاهم له مخې وځنډوي؛ ځکه، چې د دواړو هېوادونو اوسني سفيران پر دغو څوکيو پاتې کېږي.

په داسې حال کې، چې په ملګرو ملتونو کې د دې کمېټې مشرې د سویډن سفیرې انا کارین اینسټروم خبریالانو ته ویلي، چې پرېکړې ځنډول شوې؛ خو هغې پدې اړه، چې آیا د افغانستان لپاره د پخواني ولسمشر اشرف غني لخوا ټاکل شوی سفیر به د استازي په توګه پاتې وي؛ له څه ویلو ډډه وکړه.

Continue Reading

تازه خبرونه

د افغان او ایراني سرحدي ځواکونو تر منځ نښته ناسم پوهاوی و – اسلامي امارت

خپور شوی

په

توسط

(Last Updated On: ليندۍ ۱۱, ۱۴۰۰)

د افغانستان اسلامي امارت چارواکو ویلي؛ د هېواد په نیمروز ولایت کې د ایران او اسلامي امارت د سرحدي ځواکونو ترمنځ نښته د “سرحدي ناسم پوهاوي” له کبله رامنځته شوې وه.

د اسلامي امارت وياند ذبيح الله مجاهد څرګنده کړې، چې تېره ورځ (چارشنبه د لیندۍ ۱۰) د نيمروز ولايت د کنګ ولسوالۍ په سرحدي سيمه کې د افغان او ايراني امنيتي ځواکونو تر منځ نښته شوې، چې اوس د دواړو غاړیو درولې ده.

هغه زیاته کړې، د دغه ناسم پوهاوي د مخنیوي او څېړنې لپاره د اسلامي امارت مسوولینو ته لازمې لارښوونې شوې دي.

د اسلامي امارت چارواکو زیاته کړې، چې په جګړه کې دواړو لوریو ته ځاني زیان ندی اوښتی.

دا په داسې حال کې ده، چې د پنجشنبې پر ورځ د افغانستان د بهرنیو چارو وزارت د کنګ په ولسوالۍ کې د سرحدي جګړې په اړه ویلي وه، چې د سرحدي چارواکو پر هڅو نښته پای ته رسېدلې او د دا ډول پېښو د تکرار د مخنیوي لپاره به هڅې وشي.

Continue Reading

Trending

آریانا نیوز: ټول حقونه خوندي دي