Connect with us

تازه خبرونه

د افغانستان له لارې مرکزي آسیا ته د ایران سوداګریز دهلیزونو رامنځته شول

Ariana News

خپور شوی

 په

Reuters
(Last Updated On: September 1, 2020)

د افغانستان له لارې د ایران او منځنۍ آسیا د هېوادونو ترمنځ دوه مهم سوداګریز دهلیزونه رامنځته شوي او تمه ده، چې په سیمه کې د سوداګریزو هڅو ته د پام وړ وده ورکړ شي.

د ایران د ګمرکونو ویاند روح الله لطیفي ویلي، چې دغه دوه دهلیزونه د قرغزستان، تاجکستان، افغانستان او ایران KTAI او د ایران، افغانستان او ازبکستان دهلیزونه دي.

لطیفي دا هم ویلي، چې د دغو دهلیزونو د جوړولو موخه د ایران له پولو سوداګري پیاوړې کول دي.

د ایران د ګمرک ادارې زیاته کړې، چې په سویلي عباس بندر ښار کې د شهید راجايي له بندر څخه د مالونو ډکې دوه کښتۍ د ایران – افغانستان – ازبکستان دهلیز له لارې ازبکستان ته استول شوي دي.

د ایران د ګمرک د دفتر مشر مصطفی آیتي څرګنده کړې، چې د KTAI ځمکنۍ لار د جولای په وروستیو کې بریالۍ پرانستل شوه.

آیتي زیاته کړې؛ د TIR کنوانسیون د اصولو له مخې دا لار د مرکزي آسیا هېوادونو ته لنډه او د ټیټ لګښت لرونکې لار ده او د افغانستان له لارې د ترانزیت دهلېزونو پراختیا د نړیوالو بنسټونو او د ایران د حکومت لخوا حمایه کیږي.

هغه دا هم ویلي، چې ټولې خواوې د دې برخې پراختیا ورکولو ته ژمن دي.

نوموړي څرګنده کړې: د دغو دهلیزونو ازمایښتي پرانسته ښیي؛ افغانستان هوډ لري، چې په خپله خاوره کې ترانزیت ته وده او پراختیا ورکړي او د مرکزي آسیا هېوادونه له سویلي اوبو او چابهار سره ونښلوي.

تهران تایمز راپور ورکړي، چې د جولای پر ۲۶ ایران په لومړي ځل د شهید راجايي له بندره د مالونو دوه ټولګې بار د KTAI دهلېز له لارې قرغزستان ته واستول.

دغه دهلیز د آریکا IRICA لخوا د نړیوال ځمکني ترانسپورت ټولنې (IRU) او د اقتصادي همکاریو سازمان (ECO) په همکارۍ د TIR کنوانسیون لاندې جوړ شو.

تازه خبرونه

په کابل کې د دفاع وزارت د چارسمبالي پر کور موټر بم ۲۸ کسانو ته مرګ و ژوبله اړولې

Ariana News

خپور شوی

په

توسط

(Last Updated On: August 4, 2021)

کورنیو چارو وزارت د چارشنبې پر ورځ تائید کړه، چې تېره شپه اته بجې د کابل په شېرپور سیمه کې د دفاع وزارت د چارسمبالي بسم الله محمدي له کوره بهر له موټر بم بریده د یوې میرمنې په ګډون اته کسان وژل شوي او ۲۰ ډېر نور ټپیان دي.

د یاد وزارت د څرګندونو له مخې؛ له موټر بم برید سمدستي وروسته وسلوالو پر کور ډله ییز برید وکړ او له امنیتي ځواکونو سره یې پېنځه ګړۍ جګړه روانه وساتله.

په یاده څرګندونه کې راغلي: نښته تېره شپه د ځانګړیو ځواکونو او بریدګرو ترمنځ له پېنځه ګړیو نښتې وروسته پای ته ورسېده.

دغه وزارت ویلي، پېنځه بریدګر په پېښه کې ښکېل ول.

د سې شنبې پر شپه چارواکو وویل، چې د دفاع وزارت چارسمبالی بسم الله محمدي خوندي دی.

محمدي له برید څو ساعته وروسته یو ویډیويي پیغام خپور کړ او ویې ویل، چې هغه او کورنۍ یې په کابل کې د هغه پر استوګنځي له “ترهګریز برید” وروسته خوندي دي.

هغه ویلي، چې د هغه یو شمېر امنیتي ساتونکي ټپیان شوي دي.

په ورته وخت کې د ولسمشر لومړي مرستیال امرالله صالح د چارشنبې پر سهار له محمدي سره پخپل دفتر کې وکتل.

طالبانو د دفاع وزارت د چارسمبالي بسم الله محمدي پر کور د تېرې شپې د موټر بم برید مسولیت منلی او وایي، چې دا برید غچ اخیستونکی و او له برید وروسته یې ګڼ ځاني زیانونه هم رامنځته کړي دي.

دغه راز پولیسو ویلي، چې د سې شنبې د شپې پر چاودنې سربېره د چهارشنبې پر سهار شاوخوا ۸:۱۵ دقیقې د کابل د لسمې ناحیې په اړوند سیمه کې د ماین چاودنه شوې ده.

د پولیسو د څرګندونو له مخې په دې پېښه کې دوه تنه ټپیان شوي دي.

Continue Reading

تازه خبرونه

امنیت شورا په هرات کې د ملګرو ملتونو پر ودانۍ برید غندلی

Ariana News

خپور شوی

په

توسط

(Last Updated On: August 4, 2021)

د ملګرو ملتونو امنیت شورا غړیو د تېرې جمعې پر ورځ  د ( زمري اتمه ) په هرات ولایت کې د ملګرو ملتونو پر ودانۍ د برید پروخت د یو امنیتي کس پر وژل کېدو اندېښنه څرګنده کړې او پر ملکي وګړیو یې د برید کلکه غندنه کړې ده.

د م.م امنیت شورا په افغانستان کې د روانې جګړې له کبله په اغېزمنو سیمو کې د بشري حقونو د یو شمېر سرغړونو په اړه هم اندېښنه څرګنده کړې ده.

د ملګرو ملتونو امنیت شورا غړیو ټینګار کړی، چې ټولې خواوې باید په هر راز شرایطو کې د نړیوال بشردوستانه قانون تر چتر لاندې د ملکي وګړیو د خوندیتوب لپاره خپلو مسوولیتونو ته درناوی وکړي.

دوی ټینګار کړی، چې پر ملکي وګړیو، د ملګرو ملتونو پر کارمندانو او د ملګرو ملتونو پر ودانیو قصدي بریدونه جنګي جرم ګڼل کیدی شي او د جنګي جرمونو د عاملینو پر محاکمه کولو یې ټینګار کړی دی.

د ملګرو ملتونو امنیت شورا د افغانستان پر حکومت او طالبانو غږ کړی، چې د افغانانو په مشرۍ او واک د سولې په هراړخیز بهیر کې د پام وړ رول ولوبوي، چې وکولی شي د سیاسي جوړجاړي او اوربند پر لوري چټک پرمختګ وکړي.

د امنیت شورا غړیو ویلي، چې تلپاتې سوله یوازې د یوه پراخه او د افغانانو په مشرۍ د سولې بهیر له لارې ترلاسه کیدی شي، چې موخه یې تلپاتې هراړخیز اوربند او رښتینی سیاسي حل وی.

د ملګرو ملتونو امنیت شورا په افغانستان کې د روان تاوتریخوالي د سمدستي پای ته رسېدو غوښتنه وکړه.

دې ټولنې ويلي؛ پر افغان ملکي وګړیو قصدي بریدونه جنګي جرم ګڼل کېدی شي.

Continue Reading

تازه خبرونه

طالبان دې تاوتریخوالی بند او سیاسي هوکړې ته غاړه کېدي

Ariana News

خپور شوی

په

توسط

(Last Updated On: August 4, 2021)

د امریکا د بهرنیو چارو وزیر یو ځل بیا له ولسمشر اشرف غني سره په ټیلیفوني خبرو کې اعلان کړی، چې واشنګټن کابل ملاتړ ته ژمن دی او د تاوتریخوالي دوام، چې طالبان په کې ملکي وګړیو ته زیان رسوي؛ د منلو ندی.

ولسمشرۍ ماڼۍ ویلي، چې امریکا د افغان ځواکونو پر ملاتړ ټینګا کړی او ویلي یې دي، چې د سولې خبرې باید ګړندی شي او د سیاسي حل لارې روغه رامنځته شي او دا د شخړې د حل یوازنۍ لار ده.

د ولسشمر د ویاند مرستیاله فاطمه مورچل وایي: ولسمشر اشرف غني د امریکا له بهرنیو چارو وزیر سره ټیلیفوني خبرې کړي. امریکا له امنیتي ځواکونو تلپاتې ملاتړ څرګند کړې دی. په دې لیدنه کې د سولې پر چټک بهیر، د سیمې او ګاونډ هېوادونو پر سوله ییزو هڅو او د طالبانو لخوا مخ پر ډېرېدونکي تاوتریخوالي بحث او خبرې شوې دي.         

د امریکا د بهرنیو چارو وزارت ویلي، چې د سې شنبې پر ورځ د امریکا بهرنیو چارو وزیر انټوني بلینکن او د افغانستان د ولسمشر اشرف غني ترمنځ ټیلیفوني خبرې د دوحې پر ځنډیدلیو خبرو راڅرخېدلي او د اړتیا له مخې یې پر چټکو خبرو پیلولو هوکړه کړې ده.

د امریکا د بهرنیو چارو وزارت ویاند نډ پرایس په په ډاګه کړې؛ همدارنګه بلینکن او غني د طالبانو روان بریدونه او د ملکي وګړیو بې ځایه کیدل غندلي دي.

پرایس خبریالانو ته څرګنده کړې؛ که طالبان له خبرو ډډه وکړي ځانته به پاتې شي او لویه اندېښنه مو داده ، چې دا هېواد به د کورنۍ جګړې ښکار شي.

د امریکا د بهرنیو چارو وزارت ویاند ټینګار کوي، چې که طالبان له تاوتریخوالي لاس وانخلي، او د زور له لارې واک ته ورسي، نو دا شونې نده، چې نړیوال به یې پر رسمیت وپېژني.

دا په داسې حال کې ده، چې د دوحې په خبرو کې پرمختګ ندی شوی. که څه هم ټاکل شوې وه، چې د افغانستان جمهوریت پلوي پلاوي لوړپوړي غړي یو ځل بیا له طالبانو سره خبرو ته کیني؛ خو تر اوسه د خبرو بیا پیل لپاره نېټه نده ټاکل شوې.

Continue Reading

Trending

آریانا نیوز: ټول حقونه خوندي دي