Connect with us

سوداگري

د افغانستان د ګمرکونو میلیونونه ډالر بې ځایه کېدل د پام وړ دي

Ariana News

خپور شوی

 په

(Last Updated On: May 21, 2021)

په افغانستان کې د فساد پر وړاندې د مبارزې ضد کمیسیون د مالیې وزارت د چارسمبالي دا خبرې، چې  هره ورځ د ګمرکونو شاوخوا اته میلیون ډالر بې ځایه ځي، ناورین زېږوونکې ګڼي او پدې اړه یې د څېړنو ډاډ څرګند کړی دی.  

د اداري فساد پر وړاندې د مبارزې کمیسیون د رسنیو مسوول سالم صفري ویلي، چې دا فساد به د ستر مالي غلا د دوسیې په څېر تر څېړنو لاندې ونیول شي.

سالم صفري وایي: دا کمیسیون په دې برخه کې څېړنې کوي او په دې اړه له اړوند وزارته بشپړ معلومات تر لاسه کوي.

د ولسي جرګې غړي د حکومت مشرتابه په ځانګړي توګه مالیې وزارت په ګمرکونو کې د فساد اصلي عامل بولي او وایي، چې د مالیې وزارت دې د اعتراف او شکایت پر ځای د فساد مخه ونیسي.

د مالیې وزارت چارسمبالی خالد پاینده د ولسي جرګې د غړیو د پوښتنو او غوښتنو په ځواب کې ویلي، چې هره ورځ د هېواد له ګمرکونو له راټولو شویو اووه ـ اته میلیون ډالرو څخه هیڅ شی حکومت ته نه سپارل کیږي او ځانګړیو جیبونو ته ځي.            

دا، چې د دې ستر فساد تر شا څوک دي؛ د ولسي جرګې اداري پلاوي یې په اړه ویلي، چې د مالیې  وزارت د چارسمبالي خبرو دوی ته قناعت ندی ورکړی.

د ولسي جرګې د دارالانشا مشر حجت الله خردمند وایي: مالې وزارت دې د فساد په اړه د څرګندونو پر ځای له فساد سره مبارزه وکړي او د مفسدینو نوملړ دې په ډاګه کړي.          

د کابل ښار اوسیدونکي له آریانا نیوز سره په خبرو کې وایي، چې د مالیې وزارت مسوولین په ځانګړي توګه د سر سړی یې په فساد کې ښکېل دی او د خپل بام واورې د نورو پر بام اچوي.

دوی دغه راز څرګندوي، چې د مسوولینو په ټاکنو او غوراوي کې د مالیې وزارت او چارو اداره بنسټیز رول لري.

په هېواد کې له دې مخکې ولسمشر اشرف غني کورنیو چارو وزارت د فساد زړه ګڼلی و؛ خو اوس لیدل کیږي، چې مالیې وزارت د فساد پر زړه بدل شوی دی.

سوداگري

افغانستان له ترکمنستان سره د مرمر ډبرو د صادراتو تړون لاسلیک کړ

Ariana News

خپور شوی

په

توسط

(Last Updated On: June 6, 2021)

د افغانستان بهرنیو چارو وزیر محمد حنیف اتمر او د ترکمنستان د بهرنیو چارو وزیر رشید میردوف نن په هرات ولایت کې هغه هېواد ته د افغانستان د مرمرو د صادرولو په اړه بحث خبرې کړې دي.

د بهرنيو چارو وزارت په خپره شوې خبرپاڼه کې راغلي، چې افغان پلاوي خپل ترکمن سيال ته په افغانستان کې د ۲۰۰ بېلیون ډالرو پر ارزښت د بېلا بېلو طبيعي سرچينو او نادره تيږو په اړه هر اړخيز معلومات وړاندې کړل.

افغان پلاوي ویلي، چې د افغانستان د مرمرو صادرات به د کابل او عشق آباد تر منځ د سوداګرۍ پر پیاوړتیا او پراختیا د پام وړ اغېز ولري.

د ترکمنستان پلاوي هم په خپل هېواد کې د ودانیزو پروژو او نويو ښارونو د جوړولو په اړه د معلوماتو وړاندې کولو ترڅنګ د افغانستان د مرمرو لپاره د ترکمنستان پر اړتیاوو خبرې وکړې او د افغانستان د مرمرو پېرودلو ته یېبښپړ چمتووالی په ډاګه کړ.

د یادونې ده، چې دواړو لوریو ترکمنستان ته د افغانستان د مرمرو صادراتو په اړه یو تړون هم لاسلیک کړی دی.

Continue Reading

سوداگري

د ایران او افغانستان د اوسپنیزې کرښې د نړیوالې هوکړې مسوده تصویب شوه

Ariana News

خپور شوی

په

توسط

(Last Updated On: May 31, 2021)

د ایران پارلمان غړیو د ایران او افغانستان ترمنځ د نړیوالې اوسپنیزې کرښې د اړیکو د هوکړه لیک مسوده تصویب کړه.

نن (دوشنبه د غبرګولي ۱۰) د ایران پارلمان د علني ناستې په بهیر کې ودانیز کمیسیون د نړیوالې اوسپنیزې کرښې د اړیکو په اړه د ایران او افغانستان ترمنځ د هوکړه لیک مسوده وڅېړله او په پای کې ومنل شوه.

د ایران او افغانستان د حکومتونو ترمنځ  دغه هوکړه لیک یوه پیلیزه او ۱۲ مادې لري، چې یو او بل ته د اسنادو د ورکړې اجازه هم ورکوي.

د دغې هوکړې د لومړۍ مادې پر بنسټ دواړه لوري کولی شي د مسافرینو او توکو نړیوال لېږد ترسره کړي. دغه راز دواړه خواوو د مسافرینو او توکو د اړوند خدماتو د منلو او چمتو کولو هوکړه هم وکړه.

د ایران د اسلامي مشورتي شورا د ودانیز کمیسیون ویاند سید البرز حسیني ویلي، چې دغه تړون به د هېوادونو د اقتصادي هڅو پر پراختیا مثبت اغېز ولري.

هغه زیاته کړې، چې د دې تړون بله موخه داده، چې د بېخبنایي پروژو په پلي کولو کې د خصوصي سکتور وړتیاوو د کارولو لپاره د بحث او خبرو زمینه برابره شي.

Continue Reading

تازه خبرونه

چین له ډبرو سکرو څخه د برښنا د تولید لپاره پانګونه کوي

Ariana News

خپور شوی

په

توسط

(Last Updated On: May 30, 2021)

د چینايي پانګوالو یوې ډلې د شنبې پر ورځ له ولسمشر محمد اشرف غني سره په هېواد کې له ډبرو سکرو څخه د برښنا د تولید پر شونتیاوو خبرې وکړې.

ولسمشرۍ څرګنده کړې، چې ولسمشراشرف غني له کورنیو او بهرنیو پانګوالو څخه د حکومت د ملاتړ په لړ کې نن ماسپښین د چینایي پانګوالو له یوې ډلې سره، چې له ډبرو سکرو څخه د برښنا انرژۍ د تولید په برخه کې پانګونې ته لیواله دي؛ وکتل.

د ولسمشرۍ ماڼۍ د څرګندونو له مخې؛ دغه ډله په پام کې لري، چې د انرژۍ تولیدونکې پروژې لپاره میلیونونه ډالره پانګونه تر سره کړي.

په دې کتنه کې د یادې ډلې مسوولینو ویلي؛ غواړي د کابو ۴۰۰ میلیون ډالرو پر پانګونې د ډبرو سکرو له کارونې ۳۰۰ میګاواټه برښنا تولید کړي.

په خبرپاڼه کې راغلي: په دې ناسته کې ولسمشر غني د طبیعي سرچینو ظرفیتونه او همدارنګه په افغانستان کې د انرژۍ پر سکتور د پانګونې فرصتونه وړاندې کړل.

په خبرپاڼه کې یادونه شوې، چې غني د افغانستان د پانګونې آسانتیا څانګې ته لارښوونه کړې، چې د افغانستان له برښنا شرکت سره په همغږي کې دې ډلې ته د پانګونې فرصتونه آسانه او پایلې یې ولسمشرۍ ته وړاندې کړي.

په افغانستان کې انرژي دمګړۍ له اوبو چمتو کیږي؛ ګازي، بادي او لمریزه برښنا یې نورې سرچینې ګڼل کیږي.

د افغانستان برښنا شرکت د څرګندونو له مخې، د افغانستان نږدې ۳۵ سلنه وګړي برښنا ته لاسرسی لري.

اوسمهال  افغانستان له اوبو، ګاز او لمریزو سرچینو څه نا څه ۶۰۰ میګاواټه برښنا تولیدوي.

د یادونې ده، چې له ۶۷۰ میګاواټ ډېره برښنا له ګاونډ ایران، ازبکستان، تاجکستان او ترکمنستان څخه واردیږي. دا په داسې حال کې ده، چې افغانستان لږ تر لږه ۴۵۰۰ میګاواټه برښنا ته اړتیا لري.

Continue Reading

Trending

آریانا نیوز: ټول حقونه خوندي دي