Connect with us

سوداگري

د افغانستان د کنګل شویو پیسو لېږل به یوه اوونۍ وروسته پیل شي

خپور شوی

 په

(Last Updated On: ليندۍ ۱۳, ۱۴۰۰)
نړیوال بانک تېره ورځ رویټرز ته څرګنده کړې؛ د افغانستان د بیارغونې صندوق تمویل کوونکیو ویلي؛ د ډسمبر تر ۱۰ پورې به د بشري مرستو رسولو ادارو ته د دغه هېواد د بندو اړوند پیسو د لېږد په اړه پرېکړه وشي.

که څه هم د نړیوال بانک ویاندې په دې اړه نور څه ندي ویلي؛ خو څرګندوي، چې د نړیوال بانک بورډ روانه اوونۍ د افغانستان د بیارغونې له صندوق څخه د خواړو نړیوال پروګرام او یونیسف ته د ۲۸۰ میلیونه ډالرو له لېږد ملاتړ کړی. دا د هغو یو نیم میلیارډ ډالرو یوه برخه ده، چې د اګست په میاشت کې د افغانستان اسلامي امارت له بیا واکمنېدو وروسته کنګل شوې وې.

د امریکا د خزانې وزارت پدې اړه کومه تبصره نده کړې.

د تېر حکومت له نسکورېدو سره امریکا ۲۰ کلنه جګړې پای ته ورسوله، خپل سرتېري، ملکي وګړي او افغان همکاران یې ووېستل او ډیپلوماټیکې اړیکې یې ودرولې؛ خو د افغانستان بهرنۍ شتمنۍ یې کنګل او د نړیوالو موسسو نغدي مرستې وځنډېدې. دې وضعیت د خلکو اقتصاد تر سیوري لاندې راوست او اوس افغانان له سختو اقتصادي ستونزو سره مخ دي.

سوداگري

د آسیا پراختیایي بانک افغانانو ته ۴۰۵ میلیون ډالر بشري مرسته تصویب کړه

خپور شوی

په

توسط

(Last Updated On: سلواغه ۶, ۱۴۰۰)

د آسیا پراختیايي بانک (ای ډي بي) د سې شنبې پر ورځ ویلي، چې د خوراکي توکو د خوندیتوب، د افغانانو لپاره د اړینو روغتیایي او ښوونیزو خدمتونو د ترسره کولو لپاره یې ۴۰۵ میلیون ډالر مرسته تصویب کړې ده.

د آسیا پراختیایي بانک لخوا په خپره شوې خبرپاڼه کې راغلي، چې د افغانستان د خلکو د ملاتړ لپاره د اړینو خدمتونو د وړاندې کولو پروژو تر سرلیک لاندې به د آسیا پراختیايي بانک په افغانستان کې د ملګرو ملتونو څلور ادارې تمویل کړي.

د ملګرو ملتونو د اټکلونو له مخې ۲۲.۸ میلیون وګړي د خوراکي توکو د نه خوندیتوب له خطر سره مخ دي.

دا مرستې به له ۸۰۰۰۰۰ څخه ډېرو خلکو ته د بېړنيو خوراکي توکو چمتو کولو او شاوخوا ۳۹۰۰۰۰ کورنیو ته کرنیز توکي، سرې، یا د کوچني فارم تجهیزات چمتو کړي. نږدې ۱۶۸۰۰۰ خلکو ته به د کار په بدل کې خوراکي توکي او نغدې پیسې ورکړ شي.

سربېره پردې ۲۰۰ میلیون ډالر به د لومړنيو روغتیایي پاملرنې او د روغتونونو اړینو خدماتو پر ساتلو ولګول شي، نږدې ۵ اعشاریه ۳ میلیون خلک به تر پوښښ لاندې ونیول شي او د ۲ اعشاریه ۳ میلیون کسانو لپاره به د کرونا واکسین واحد خوراک برابر او ځانګړي شي.

دغه راز د نورو نوښتونو په ګډون به د نجونو او هلکانو د تدریسي ټولګیو جوړولو ته پاملرنه وشي او د ملګرو ملتونو پراختیایي پروګرام ( یو ان ډي پي) به د دغو پروژو له پلي کولو څارنه وکړي. دغه راز به په افغانستان کې سترې اقتصادي او ټولنیزې ارزونې ترسره او د آسیا پراختیایي بانک د مرستو اغېزې وارزول شي.

Continue Reading

سوداگري

چین په کابل کې د سوداګرۍ د ودې لپاره نندارتونونه جوړوي

خپور شوی

په

توسط

(Last Updated On: سلواغه ۵, ۱۴۰۰)

د چین ګلوبل ټایمز د راپور له مخې؛ په کابل کې چینايي سوداګرو ویلي، چې دوی به په راتلونکي کې د دوه اړخیزو سوداګریزو اړیکو د ودې او پراختیا لپاره د نندارتونونو کوربه وي.

راپور په ډاګه کړې، چې چینایي سوداګر به د اپریل له میاشتې د کابل په چاینا ټاون کې د چین او افغانستان د سوداګریزو توکو د ټکنالوژۍ د لومړني او دغه راز د چین- افغانستان د دوه یم سوداګریز نندارتون کوربتوب ترسره کړي.

په کابل کې د چاینا ټاون یوې سرچینې ګلوبل ټایمز ته څرګنده کړې، چې د دواړو نندارتونونو د جوړولو لپاره چمتووالی نیول شوی او د افغان حکومت چارواکو او چینايي سوداګرو په ګډون مهمو اشخاصو ته بلنلیکونه هم استول شوې دي.

د چاينا ټاون د عمومي مدير مرستيال لي شیجينګ د يکشنبې پر ورځ ګلوبل ټايمز ته په ډاګه کړې: د نندارتون دا بڼه بې سارې ده؛ ځکه، چې پخوا کوم چينايي شرکت دا کار ندی کړی.

نوموړي زیاته کړې: مونږ د افغانستان د حکومت بېلابېلو څانګو ته بلنلیکونه لېږلي او دا ډاډ څرګند شوی، چې له بلنې سره سم به په غونډه کې ګډون وکړي… تمه ده، چې ډېر ګډونوال به ولري.

د نندارتون جوړوونکیو ویلي؛ دوی هیله من دي، چې په دې توګه د چین او افغان ونډوالو او سوداګرو ترمنځ د مستقیمو اړیکو لپاره یو پل جوړ او د سوداګریزو توکو نندارې ته زمینه برابره کړي.

د یادونې ده، چې د افغانستان شاوخوا ۹۵ سلنه سوداګریز توکي راواردېږي او چینايي توکي د ټولو وارداتو ۶۰-۷۰ سلنه جوړوي.

Continue Reading

سوداگري

هند او پاکستان افغانستان ته د واګه له لارې د غنمو پر لېږد هوکړه وکړه

خپور شوی

په

توسط

(Last Updated On: سلواغه ۴, ۱۴۰۰)

ټایمز اف انډیا ورځپاڼې څرګنده کړې، چې هند او پاکستان افغانستان ته د واګه بندر له لارې د ۵۰ زره ټنو غنمو پر لېږدولو هوکړه کړې ده.

ټایمزاف انډیا پخپل یوه تازه رپوټ کې  ویلي، هند څه باندې دوه میاشتې مخکې له افغانستان سره د ۵۰ زره ټنو غنمو مرسته کړې وه؛ خو پاکستان اجاره نه ورکوله، چې دغه غنم افغانستان ته د پاکستان له لارې ولېږدول شي.

د دغه خبر له مخې؛ اوس د هند او پاکستاني لوري ترمنځ د پاکستان له لاري د دې غنمو پر لېږد هوکړه شوي.

د ورځپاڼې د راپور له مخې؛ د دغو مرسته شویو غنمو د لېږد بهیر به د راتلونکې میلادي میاشتې په دوه یمه اوونۍ کې افغانستان ته پیل شي.

د افغانستان د خصوصي سکتور غړيو ويلي، چې افغانستان ته د دې غنمو رارسېدل د روان بشري ناورین په مدیریت کې مهم دي.

د افغانستان د صنایعو او کانونو خونې مسوولین د پاکستان له لارې افغانستان ته د ۵۰ زره ټنو غنمو له لیږد هرکلۍ کوي او څرګندوي، چې دا مرستي د افغانستان په روان اقتصادي او بشري  بحران کې ژوند بښونکی ارزښت لري.

د صنایعو او کانونو خونې غړی عبدالنصیر رښتیا وایي؛ د دغو غنمو له رالېږدېدو سره به د افغانستان روان اقتصادي بحران حخ نا څه تر څارنې لاندې راشي او پروسس یې هم کورنیو کارخونو ته کاري زمینه برابروي.  

که څه هم پاکستان په لومړیو کې اعلان کړی و، چې هند ته د دې غنمو د لېږد اجازه ورکوي؛ خو د دوو میاشتو پر تېرېدو اوس هم دغه زمینه برابره شوې نده.

د یادونې وړ ده، چې د اسلامي امارت د بهرنیو چارو سرپرست وزیر مولوي امیر خان متقي پاکستان ته د خپل وروستي سفر پرمهال د دې هېواد له چارواکو غوښتي وه، چې د هند مرسته شویو غنمو ته د لېږد اجازه ورکړي.

Continue Reading

Trending

Copyright © 2022 Ariana News. All rights reserved!