Connect with us

تازه خبرونه

د افغانستان د سولې خبرو له پیلېدا وروسته ملکي ځاني زیانونه ډېر شوي – یوناما

Ariana News

خپور شوی

 په

(Last Updated On: February 23, 2021)

د ملګرو ملتونو مرستندویه پلاوي (یوناما) د سې شنبې پر ورځ( د کب ۵) په خپل خپاره شوي راپور کې ویلي؛ د حکومت او طالبانو د سولې خبرو له پیل وروسته په افغانستان کې د ملکي وګړیو په مرګ و ژوبله کې زیاتوالی راغلی دی.

د افغانستان لپاره د ملګرو ملتونو د سرمنشي ځانګړې استازې دیبرا لاینز څرګنده کړې:  ۲۰۲۰ کال کیدی شو په افغانستان کې د سولې کال وای؛ خو پرځای یې په زرګونه ملکي افغانان د جګړې له کبله ووژل شول.

نوموړې له ښکېلو خواوو غوښتي، چې د ملکي وګړيو د خوندیتوب لپاره خپلې هڅې پراخه کړي.

هغې زیاته کړې؛ زه له ټولو هغو اړخونو، چې په جګړه کې ښکېل پاتې دي د ځاني زیانونو د مخنیوي لپاره د بېړنیو هڅو غوښتنه کوم، چې ان  یوه ورځ هم ضایع نکړي .

د یوناما د دغه راپور پر بنسټ په یوه کال کې له جګړو څه باندې ۳۰۰۰ ملکي وګړي وژل شوي او په دې توګه افغانستان په نړۍ کې د ملکیانو لپاره یو مرګونې ځایپه ګوته شوی دی.

په دې راپور کې راغلي؛ په افغانستان کې پر ۲۰۲۰ کال ۳۰۳۵ ملکي ګړي وژل شوي او ۵۷۸۵ نور ټپیان دي.

د یوناما راپور که څه هم د ۲۰۱۹ کال په پرتله په ۲۰۲۰ کال کې  ۱۵ په سلو کې کموالی ښيي؛ خو د دسولې خبرو پایلې ته پر نه رسېدو هم اندېښنه شيي.

د دغه راپور پر بنسټ په ۲۰۲۰ کال کې ۱۲۳۵ کسان، چې د ټولو ځاني زیانونو  ۴۵ سلنه ښيي، چې په موخه ییزو وژنو کې مرګ و ژوبله وراوښتې ده.

دا راپور ښیي، چې په تېرو اووه کلونو کې دا لومړی ځل دی، چې د ځاني زیانونو شمېر له لس زره  څخه لږ دی.  

دغه راز په ۲۰۲۰ کال کې د افغانستان ۴۳ سلنه ښځې او ماشومان له ځاني زیان سره مخ شوي دي.

یوناما په خپل راپور کې د ۶۲ سلنې ځاني زیان پړه پر وسلوالو او حکومت ضد عناصرو وراچولې، چې طالبان د ۴۵ سلنې مسوول پېژندل شوي او داعش او نورو ډلو ته د ۸ سلنې ګوته نیول شوې ده.

دا شمېر ښيي، چې د طالبانو په ځاني زیان اړولو کې ۱۹سلنه کموالی راغلی او د داعش او نورو ډلو په ځاني زیان اړولو کې  ۴۵ سلنه لږوالی راغلی دی.  

حکومت پلوي ځواکونه هم د ۲۴ سلنې ځاني زیان اړولو مسوول پېژندل شوي دي.

د دغه راپور له مخې؛ ملي اردو د ۲۲ سلنې ځاني زیان مسوولیت لري.

طالبانو په یوه خبرپاڼه کې دا راپور نیمګړی او سلیقوي بولي او وایي، چې په دې راپور کې بهرني ځواکونه، چې ځاني زیانونه یې اړولي پاک سپېڅلي ښودل شوي او د یوې سلنې نسبت ورته شوی دی.  

تازه خبرونه

د کندهار اتیا سلنه خلک د جګړو له کبله بېکاره شوي

Ariana News

خپور شوی

په

توسط

(Last Updated On: February 27, 2021)

د کندهار د کار او ټولنيزو چارو رياست مسوولینو ویلي، په دې ولایت کې د جګړو له وېرې خلک له خپلو سیمو بېځايه شوي، چې ورسره د خلکو د بېکارۍ کچه ۸۰  سلنه لوړه شوې ده.

د کندهار په ۷ ولسواليو کې له شاوخوا  څلورمياشتو راپدیخوا سختې جګړې رواني دي، چې له کبله یې څه نا څه شل زره کورنۍ له خپلو سيمو بېځايه شوي او د کندهار ښار ترڅنګ د دغه ولایت نسبتآ امن سيمو ته تللي دي.

بېکاره شوي کسان هم وایي، چې د خپلو کورنيو د لومړنیو اړتیاوو تر لاسه کول ورته ستونزمن شوي دي.

محمد داود او رضاخان د کندهار په معروف او ډنډ ولسوالیو کې د خپلو کورونو پرې ښودلو ته اړ شوي او ټوله ورځ د کندهار ښار کې د کار موندلو په تمه تېروي.

مسوولين وایي؛ هڅه کوي د نړيوالو بشري بنسټونو پر مرسته او همکارۍ د تازه بېکاره شویو او بېځايه شويو کورنیو سره مرستي ترسره کړي.

د کندهار د کار او ټولنيزو چارو مشر حبیب الله جیلاني وایي، د روانو جګړو له کبله د کندهار ۸۰ سلنه اوسېدونکي وزګار شوي، چې له ګڼو ستونزو سره مخ دي.

د کندهار ولایتي مسوولين په دې ولایت کې د روانو جګړو په اړه له خبرو کولو ډډه کوي؛ خو د هېواد د ملي امنیت شورا سلاکار حمدالله محب کندهار ته په خپل وروستي سفر کې ډاډ ورکړی و، چې د کندهار امنیت ته د دولت پام دی او د جګړو له کبله به له زيانمنو شویو کورنیو او خلکو سره د مرستي لپاره هم امکانات چمتو کړي.

Continue Reading

تازه خبرونه

نړیوالې ټولنې د افغانستان خلک له سولې بې برخې کړي – اشرف غني

Ariana News

خپور شوی

په

توسط

(Last Updated On: February 27, 2021)

ولسمشر اشرف غني د سرتېري ملي ورځ په نمانځغونډه کې د سرتېرو د ستاینې تر څنګ ویلي، چې د افغانستان خلک سوله غواړي؛ خو څلوېښت کاله کیږي، چې نړیوالې ټولنې د افغانستان خلک ترې بې برخې کړي دي.

ولسمشر اشرف غني  وایي: ۴۰ کاله کیږي، چې نړیوالې ټولنې یو ستر ملت؛ له ژوندیو خلکو، روښانه تاریخ او تمدن سره د سولې له بنسټیز حقه بې برخې ساتلی دی. دا د منلو نده؛ مونږ له درناوي ډکه داسې سوله غواړو، چې د خلکو او امنیتي ځواکونو د ارادې له مخې رامنځته شي. دا سوله راروانه ده. ولې په دې خاوره کې وینې بهیږي؟ آیا زمونږ وینه سره نده؟!            

ولسمشر غني زیاتوي، چې د افغان امنیتي او دفاعي ځواکونو تجهیز یې د کار لومړیتوب دی او په خبره یې له امنیتي ځواکونو پرته به دولت شتون ونلري.

د ولسمشر په خبره طالبان د اسلام په نوم د واک غوښتنه کوي.

هغه زیاتوي: د افغانستان خلکو دولت او ولسمشر غوره کړی او راتلونکی ولسمشر هم د افغانستان خلک ټاکي، چې بیا د خلکو پر اراده بدلیږي او د وخت پر پای یې هم خلک پوهیږي. 

دغه راز د ملي دفاع وزارت چارسمبالي( سرپرست) ویلي، چې افغان ځواکونه له ستونزو څخه ډک کال تېروي.

د ملي دفاع وزارت چارسمبالي شاه محمود میاخېل وایي، چې روان کال د طالبانو د بندیانو د آزادولو او افغان ځواکونو ته د مسوولیتونو د سپارلو پر دلیل امنیتي ځواکونو ته ستونزمن کال و.

هغه وایي: آوازې دي، چې خلک وایي؛ پسرلی به څنګه شي. مونږ ستونزې زغملي، ډېر پسرلي راغلي او تېر شوي دي؛ خلک او امنیتي ځواکونه مو له بحرانه وتلي دي. مونږ ولسمشر او خلکو ته ډاډ ورکوو، چې اندېښنه دې نکوي.   

د یوه وژل شوي امنیتي مامور مور حمیده، چې زوی یې د خپل بدن غړي له وسلوالو مخالفانو سره په جګړه کې له لاسه ورکړي  وایي، چې زه خپله د هېواد لپاره سرښندنې ته چمتو یم. که فزیکي ځواک مې درلود له هېواده به مې خان خار کړی و.

د ملي اردو افسر  شاه زمان وایي: په هېواد ژغورنه کې مې پښه له لاسه ورکړې او په لاسونو کې مې هم سیخونه تېر شوي دي؛ خو زه مایوسه نه یم، بلکې ویاړم . که ۵۰ سلنه ځواک ولرم، بیا به هم سنګر ته ورودانګم.       

ولسمشر غني ژمنه کوي، چې په ۱۴۰۰ لمریز هجري کال کې به د وژل شویو سرتېرو کورنیو ته د استوګنې د زرګونه کورونو د جوړولو بهیر پیل شي.

Continue Reading

تازه خبرونه

مارشال دوستم له ۲۰ میاشتني ځنډ وروسته کابل ته راستون شو

Ariana News

خپور شوی

په

توسط

(Last Updated On: February 27, 2021)

د افغانستان د ولسمشر پخوانی مرستیال مارشال عبدالرشید دوستم نن شنبه( د کب ۹ ) له څه نا څه ۲۰ میاشتو وروسته بیا کابل ته راستون شو.

د حامد کرزي په نړیوال هوایي ډګر کې له نوموړي د ملي پخلاینې عالي شورا مشر عبدالله عبدالله، د ولسمشر امنیتي او سیاسي سلاکار محمد محقق او نورو ښاغلیو تود هرکلی وکړ.

کابل ته له رارسیدو سره سم نوموړي په یوه ګډه خبري ناسته کې یو ځل بیا د نظام پر ملاتړ ټینګار وکړ او طالبانو ته یې خبرداری ورکړ، چې که د سولې خبرې بې پایلې پاتې شي؛ دا ډله به له منځه یوسي.

د افغانستان د ملي جنبش ګوند مشر مارشال عبدالرشید دوستم وسلوالو طالبانو ته په نغوته کې ویلي؛ که پر پوستو بریدونه کوئ، که پر قول اردو ګانو او که دوستم وژنئ د مورشیدې مو شه؛ خو له ګناه خلکو سره څه کار لرئ، دا یو ناځوانه کار دی او هیڅ مسلمان هم دا کار نکوي. که ما وهئ ووهئ او که ولسمشر او امنیت شورا اجازه راکړي؛ زه مو وهم.             

دغه راز دوستم د سولې په بهیر کې د سیاسي اجماع پر اړتیا ټینګار وکړڅرګندوي، چې: زه د بېلابېلو دریځونو او مختلفو هېوادونو ته د سفرونو مخالف يم؛ ځکه مونږ له تېرو بدې تجربې لرو. مونږ سوله غواړو؛ خو مونږ د یوه دولت په توګه باید له لاسه وتلې ولسوالۍ، کلي اونانډې بېرته ونیسو؛ مونږ کومه وسلواله ډله نه یو. پاملرنه په کار ده او که نه جغرافیه به له لاسه ورکړو.

مارشال عبدالرشید دوستم زیاته کړې: مونږ په یوه حساس تاریخي موقعیت کې یو او سیتسي اجماع مو اړینه ده. ولسمشر باید سیاسیون راټول او دا موخه تر لاسه کړي؛ ډېره لږ بې پروایي به مو تاریخ ته ملامته کړي.

مارشال دوستم وایي: د هېواد امنیتي او دفاعي ځواکونو ته د سرتېري د ملي ورځ  مو مبارکه وړاندې کړه او وایي؛ زړورو سرتېرو خپل مورال او روحیه لوړه وساتئ. تاسې دښمن مات کړی. یوه ورځ زه هم تاسې ته ورته یو سرتېری وم او اوس دا دی مارشال یم.

که څه هم د دوحې له بیا پیل شویو خبرو د ګوتو پر شمېر ورځې تېریږي؛ د ملي پخلاینې عالي شورا مشر عبدالله عبدالله د دغې ناستې ګډونوالو ته وویل، چې په دې وروستیو ورځو کې اړیکې ډېرې شوي، د خبرو بل پړاو هم روان دی؛ خو خپلو غوښتنو ته رسېدلي نه یو، ځکه تاوتریخوالي او چاودنو ډېروالی پیدا کړی دی.    

د ولسمشر ستر سیاسي او امنیتي سلاسلاکار او د وحدت اسلامي ګوند مشر محمد محقق هم روانې خبرې پیچلې بولي او څرګندوي: د دوحې خبرو د وضعیت د پېچلي کیدو پر لامل سمه پایله نده ورکړې، د امریکا نوې ادارې هم د هوکړې په اړه د بیاکتنې خبرې کوي، چې دا هر څه بې اغېزې ندي.

مارشال دوستم په وروستیو ولسمشریزو ټاکنو کې د عبدالله عبدالله ملاتړی و او له ولسمشر سره د سیاسي هوکړې له مخې نوموړي ته د مارشالي رتبه هم ورکړشوه. د دغې سیاسي هوکړې له مخې، مارشال دوستم باید د امنیت شورا د ناستو غړیتوب ولري او ورته د ولسمشر د مرستیال په څېر دفتر ورکړشي.

Continue Reading

Trending

آریانا نیوز: ټول حقونه خوندي دي